Video
Telephone
23880317
Opening Hours
Today
05:00 - 00:00
Mon - Sun
05:00 - 00:00
Above information is for reference only. Please check details with the restaurant.
「港式海鮮盛宴之夜 🦞🍤🏖️🇭🇰」📍新利群大排檔 @ 屯門✨椒鹽瀨尿蝦（8/10）- 超好味 🤤 蝦既鮮甜！加上陣陣蒜香 & 辣椒既提鮮 ！ 真係最佳配搭！只可惜一人只能食一隻 🥲 （師傅連殼都炸得好脆 ！ 食埋！）✨豉油皇中蝦（7/10）- 豉油皇係好食既，其實點整都冇得輸 😆 不過可以略有層次更好，略偏咸 所以食八隻都頂哂磅✨芝士龍蝦伊麵（6/10）- 中規中矩，芝士汁稍為多左粉，有點糊狀😥 龍蝦過左少少火喉 ✨油鹽水浸大蜆（3/10）- 帶不出鮮甜味✨蒜蓉粉絲蒸蘇格蘭扇貝（8/10）- 蘇格蘭扇貝元完勝‼️特別厚肉！一啖食晒 ！ 爽 ！✨薑蔥胡椒鮑魚煲（7/10）- 薑蔥味幾好，懶人食法 殼都唔洗自己拆 🤭 正 ！✨豉椒炒蟶子 拼 米粉底（7/10）- 其實係炒得幾好食幾香，加煎米粉底係絕對推介 👍🏻！ 不過有幾下咬到沙 扣少少分 - 個人認為 整體食物質素偏重手，係食大排檔風味，不過有酒水坐陣 都當係中和番 😂🍻-人均消費：$410 (海鮮料 & 加工) 抵食程度 - 海鮮餐黎講算正常 3/5美味程度 - 不過不失 3.5/5衛生整潔 - 大排檔黎講算係咁 3/5服務態度 - 正常 3/5-
continue reading
冬菇亭 之前食得好開心 最近去食味道完全變晒～可能係轉咗手啲味道完全唔同晒 個燒肉個皮唔趣～之後叫佢換一碟，點知係凍嘅N完全冇晒心情N其他餸就好鹹好鹹好鹹～我下次都唔會再嚟食，
continue reading
一人下午茶食乜好?新利群下午茶燒鴨米、加杯凍奶茶$45，超值。燒鴨唔會太肥又有鴨味，份量都唔細，大家不妨去試吓。尤其是今日星期日，周圍人山人海，等位有些困難，新利群座位多，雖然好多街坊幫襯，但係要等到位亦都唔難。
continue reading
近日返工攰到核爆，收工已經九點幾，返到屯門好多餐廳收左之際，好彩都仲有新利群可以同班Friend 飲下夜茶-攰到一個點發吾到牌，所以都係親故出去車仔點菜同拎點心-糯米雞好好食，好大隻，熱辣辣好香，值得一點，入面有火肺，雞肉，都叫幾多餡-金錢肚好干淨，都好濃味，吾錯-牛肉球好大粒，好實淨，吾會鬆泡泡咁，加埋一大碟喼汁，好夠味-蝦餃好大隻，都叫做皮薄餡靚，當然同吾到酒樓比，但係食得過-棉花雞超大隻，入面雞好滑、吾會蒸到老晒，good -燒賣就一般般了，但係對得起價錢嘅——圍起4個人每人40蚊，已經好吾話得了，right ?
continue reading
疫情仲係徘徊喺3000宗，好多餐廳都收好早，好彩仲有新利群開到好晏。佢到九點就有得飲夜茶，所以就叫左好多點心:香菇雞包仔 $20有啲似菜肉包，只不過係多咗啲菇味。傳統糯米雞 $29裡面有火腿、雞翼、鵪鶉蛋、肉碎，裏面有咁多料，可想而知個糯米雞有幾咁大，成個糯米雞亦好香荷葉味。黑椒金錢肚 $22有啲好爽口，有啲太腍，黑椒味唔重。四寶滑雞扎 $24雞肉好滑，魚肚好爽，索晒啲汁，豬肚亦好爽彈。蟹皇滑燒賣 $22本身粒燒賣已經好彈牙，加埋入面嘅蝦仔，彈上加彈。新利群蝦餃皇 $29餃皮有啲厚，不過啲蝦係爽口彈牙嘅。老實講，咁嘅時勢，夜晚有個地方食下點心，已經算唔錯。
continue reading