新味道 (Closed)

我知道茶餐廳的水準，服務不應有什麼可言的地方，但這間將軍澳宝盈花園新味道真的會令和尚也發火 幾次外賣自取次次都食物或餐具唔齊，餸又比錯唔止一次，有次見入面冇客就堂食叫完等了成半個鐘後要問佢先知賣完，算，轉其它食物，唔夠2分鐘又有待應來叫埋單，我張枱乜都未嚟，大佬我有比錢，唔係入來乞呀，論價錢你唔平，論好食你唔得，論服務你唔掂

我係附近做野 咁見間茶記都幾光鮮 就去試下叫左個咖哩雜扒飯 咁雜扒有咩呢? 有兩三舊大薯仔 有牛扒 豬扒 雞扒 同火腿個咖哩味好似葡汁 不過有少少辣辣地 不過不失 入得口 但唔會引起我食慾薯仔唔夠淋 牛扒un到飛起 我用全力 咬! 撕! 扯! 拉! 重複左幾次都未咬得甩一啖肉然後 我用刀鋸鋸鋸 鋸左一片食指指甲大小既肉入口  非常un 我好驚食完消化唔到 就唔再食(塊牛扒七成完好無缺)豬扒 都係好un 冇肉既質感 (即肉絲既口感) 食落去一舊野 仲以為食緊紅肉雞扒 同樣冇肉既質感 理應雞扒食起上黎 應該用口一扯 D肉絲就分開 但佢冇都係好un 好老 火腿 成個雜扒入面既肉類 最保持到質素 最新鮮 就係佢 同我食開既一樣味道 塊火腿一D都冇令我失望!!

蕃茄吞拿魚豬仔包週未中午都吃了下路過來到這間餐廳要了一份試試豬仔包質素較略, 不是鬆脆包更不是熱辣辣的罐頭吞拿魚有沙律醬甜甜的午餐: 星洲炒米有蝦仁, 蛋絲, 火腿, 芽菜, 九菜等配料米粉炒得不算太油沒有怎麼特別的炒粉午餐: 奶茶還可以的奶茶服務: 差豬仔包不要牛油, 點餐時己跟女侍應說了, 她也有回應送來的卻有牛油, 我再告訴她不要牛油, 她說已"走了" 然後我問廚房, 他們說是牛油, ...這樣, 只好跟他說不要牛油...這個女侍應的服務態度有欠認真

記憶中是第三次來這兒吃早餐﹗凡與友人到將軍澳釣魚，由於這兒最近買魚餌的商店，故早餐便在這兒求個方便﹗店子不少，最愛點這羅宋湯螺絲粉，湯頭夠濃，螺絲粉亦灼得煙韌﹗配上炒蛋及熱啡，醒神﹗$25算是合理的價錢了﹗

其實宦唔係一次半次架啦因為係樓下, 所以有時真係諗唔到食咩就諗住是旦醫下肚但點知去咁多次受足咁多次氣, 依家寧願行遠D, 都唔再入去我一入到去, 唔會有人理, 企係度十分鍾, 佢望住我都唔會帶位。然後叫野食, 錯晒。拎去換, 無左回事.....一等, 就要問左3個阿姐先至拎得返某部份阿姐仲長期黑口黑面咁, 真係覺得入去完全係受氣。無培訓過的職員都無咁差, 我去其他茶餐廳D人都好熱情招呼係呢間唔知點解D服務咁差D牛排好鬼細塊...

昨晚(AUG.25)２１：１５ＰＭ，　我和ＨＯＮＥＹ各自要了一碗牛肚米（ＨＫ＄１８。００）及牛腩河（ＨＫ＄１８。００），　於２１：２５ＰＭ開始食物分批端來；　那時大概２１：３０ＰＭ　我們開始進食，　２１：４０　－　２１：４５ＰＭ　我夾了２回米粉及各人嘗了１塊牛肚，我們並同時發覺牛肚的味道不對勁，並叫侍應（橙色制服，高瘦身材）幫忙處理，我們向他反映牛肚的味道變壞了，　並要求更換一碗牛腩米，　豈料，　他順著廚房的意思把那碗有問題的牛肚米加了一碗冰冷的正牛腩端回給我，　我登時呆了，　並詢問那侍應這安排是什麼意思，　他便回答說廚房師傳毛覺得我已吃了大半碗才告知牛肚有問題，　即是代表米粉沒有問題，所以只需把有問題的牛肚棄掉，　再以補回的淨牛腩伴吃便成；　我登時氣瘋了，在我提出退錢的要求下，　才肯補回一碗淨米粉給我！　這間是我３Ｘ年內唯一遇上的＂爛＂＂爛＂＂爛＂茶餐廳！幸好此事發生在我這待普通市民身上，　如果換了是隱形食評家的話，　今天這不公平對待經驗，再把這可恥的笑話宣揚出去, 恐怕它很快便關門大吉....希望此店的老闆可以正視此事件，應盡早整治那些害群之馬的員工，　以免被他們拖垮了貴店的正常運

今日去朋友屋企，打打下麻雀唸住叫外賣啦！本身都唔係叫新味道，點知同區你另一間茶餐廳無得外送，咁唯有打去新味道試下啦！點知…一試難忘，以後都不會再幫襯，係一定不會。可能今日星期日，佢地好忙，電話響了好耐都無人聽，等到有人聽，有個阿姐第一句就粗粗魯魯又大聲咁講，你等一等，咁我就等…一等就等左幾分鐘，跟住同我落單就勁不耐煩，不斷吹我落單，我都知佢忙咁我都喇喇聲講我要咩食物，我講完佢又勁不耐煩再問我要咩，因為我落單時我聽到佢做緊其它野，唉…心想，阿姐你想點呀？我落完單我仲想問她要多對筷子，我都未講佢就Cut左我線。總之…佢既態度真的不要得，新味道須然是一間茶餐廳，但…是否都要檢討下你們的服務態度呢？

今日訓到好晏夜晚11點幾去左呢道食老豆話食咖哩唔係太肚餓咪同佢一齊食lo點知黎到好香牙好大煲牙一煲我諗可以食到3個人 食落唔係好辛+真係唔係太差33蚊咁大煲 仲要唔係難食仲要好平去邊度搵牙一定會黎過^^另外 佢仲有好多speial price既餐令你有多d choice

喜愛吃中式麵食，但將軍澳站的選擇不多，看見新味道有雲吞，曾經試過兩次麵食。雲吞米雲吞大大粒，印象中有四大粒。米粉較粗，但整體味道不俗，可以再試。豬手米豬手很多，但很淋，肉較散，味道一般。食客不少，有夜市。不失為消夜好選擇。