新德記漁村海鮮酒家 (Closed)

今日假期，到西貢遊，去到這間海鮮酒家，叫了個四人餐，有條倉魚，他蒸不熟，芝士依麵龍蝦，啲龍蝦又係唔熟，蒜蓉蒸偏貝，薑葱炒蟹，蒜蓉炒生菜，這間海鮮店，不用再來這間店消費啊

假日嘅西貢真係人山人海, 而西貢海鮮酒家都特別多, 想要揀啱一間冇伏又老實嘅都唔係一件易事。沿海旁一路向入行, 行下行下…嚟到一間比較細少少嘅海鮮酒家—新德記。接近晚上8時,每家酒家都坐滿客人,新德記亦不會例外。店員熱情地安排我們坐在露天嘅地方, 翻左翻餐牌, 最後揀左一個二人海鮮套餐$168/位加一。快﹑靚﹑正, 唔使多諗~茶芥小食有花生及酸菜, 套餐前茶有沙姜雞..腳^^”芝士龍蝦燴伊麵 – 龍蝦係波士頓, 原隻切開有四件, 肉質新鮮彈牙。伊麵麵質過熟…冇彈牙口感, 芝士汁則過咸,有待改善。原隻鮑魚 – 用蒸的方法, 姜汁蔥豉油味, 鮑魚頗新鮮, 食起上來都幾爽口, 肉質實淨，唔會有腥口感覺。姜蔥蒸䱽魚 – 原條上檯, 魚肉係新鮮嘅, 肉質都幾結實, 熟度啱啱好。蒜蓉炒白菜仔 – 簡簡單單一碟炒菜, 好味!飯後仲有生果送。全餐飯基本上都好滿意, 員工都好好客熱情, $168/位加一, $200一個人, 咁樣嘅價錢, 咁樣嘅食物質素, 下次會嚟西貢會再嚟新德記。下次要約多幾個朋友, 可以叫多幾款餸, 特別想試個鹽焗奄仔蟹, 見餐牌好似好好味!

今日同b去左西貢食海鮮...因為比印象中貴左..所以就行下睇下邊間平啦行到8點左右...最後揀左間算平..睇食評好似唔差嘅新德記...點知..門口寫168一位...坐低先見係200一位...都算平...係門口個男人啲態度勁差...悔氣到震咁問幾位再叫左去第二邊啲地舖仔度坐低...坐近門口又熱到喊...問佢有冇開冷氣又話有...之後條喉滴水...同人講之後佢竟然叫我坐開啲啦好冇？咩人黎架..搵毛巾抺一抺都好丫...人地有扇貝..同我地講賣晒....叫2人餐就睇死人？最終用400蚊食左 芝士龍蝦伊麵 蒸鮑魚 蒸倉魚 炒菜 仲有個粟米羹 個伊麵係幾好食嘅...條魚勁*鞋*...鮑魚唔好食...碟菜勁咸..食唔晒...一律咸到震！茶水飲左兩壼有多...食完仲有盤橙你食...係抵食...但唔好食囉係自己衰...貪平

復活長假,入左西貢食海鮮!一早book左間牌面特別兼靚裝修的新德記,等左5分鐘,有位靚姐帶位,勁好服務問我地四個中女食咩,我地剩係講左幾款海鮮,靚姐就專業介紹左個菜式!                                               1. 一黎就象拔蚌刺身! 入口新鮮爽口,有少少天然海鹽咸味,不用點wasabi 豉油已經帶出鮮味!!!2／清酒煮日本巨型北寄貝! 超大隻！咁大個女第一次食咁大隻貝款類!!仲大隻隻匙羹! 入口軟滑,但又有咬口!!!勁驚喜!!!3/無敵大碟龍蝦伊面! 真係啖淡肉但彈牙!!之前試食d酒家,勁少肉兼咸,一d 鮮味都無!昵個唔止老實兼大大舊,新鮮,可口! 伊面滲左龍蝦個汁,超正!忍唔住食左4大碗!!仲搭左招牌鳫爪,我平日不食的!但真係太好味啦!!!!食唒才記得影相!!!超滿足！其間侍應一見我地食哂茶,就幫我地湛！個日超多客人,可以做到咁慨服務!超欣賞！

睇人食評睇得多, 好想學人寫下自己食過既美食... 廢話少講, 入正題先一行9大1細, 好耐冇食海鮮, 但又吾想一頸血, 所以多數都會去呢間. 細細地冇甘出名, 感覺街坊小小我地選左人頭餐$168一位, 另加一茶介, 即$200一人... order 時又係顯示我師奶本色既時侯, 我地有個10歲小朋友, 我同侍應講叫人頭餐, 但要吾計小朋友, 當然每人一隻既鮑魚得9隻啦! 講下個餐食咩先;1. 栗米魚肚羹, 但侍應幫我轉海鮮湯 (個人都應為海鮮湯好味d, 好鮮甜) 2. 清蒸鮑魚 或 元貝 (我地揀左鮑魚, 呢個就一般啦, 自己街市買新鮮d)3. 椒鹽瀨尿蝦 或 薑蔥炒蟹 (強烈推介 瀨尿蝦, 因為係手掌甘大隻, 超新鮮, 好好味)4. 芝士龍蝦 或 大蝦 (當然揀龍蝦啦 新鮮)5. 清蒸海上鮮 (兩條大倉魚, 正常好味)6. 炒蜆 (一般啦, 因為係沙白蜆, 炒好似冇甘好食)7. 椒鹽鮮尤 (不錯)8. 油鹽水雞腳 (不錯)9. 上湯時菜 (no good 我揀菜心, 但太淋了)10. 豉油皇炒面 (口多另加 不過不失)另叫好多枝汽水, 3枝 啤酒... 埋單 $2113. 滿足

兩個老野, 星期六西貢閑逛, 尋找往日足跡.  原想在巷仔食個咖哩虾, 坐低一睇餐牌, 立即離座 ! 百物騰貴, 物價飛漲, 唔好話人貴, 只係自己食唔起. 行下;行下, 見到喱間, 外觀尚見整潔, 未試過, 問下有無位? 經理型物體話冷氣位無, 露天位就有, 費事再搵, 坐低睇餐牌, 只有2, 4, 6, 8, 10 人套餐, 老妻想食蟹, 問價, 奄仔每隻二佰五. 心想, 又入左謀人寺, 唉 ! 既來之, 則安之, 一於 2 人餐算數.唔使 15 分鐘, 上菜, 驚喜開始, 1) 粟米羹, 6 個人都夠食, 粟米夠多(當然係忌廉粟米), 有旦花, 燙咀, 好 !2) 芝士大虾伊麵底, 8 隻虾都有 3 寸長, 身捲埋, 無甩頭, 唔係雪櫃底貨, 好 !!3) 清蒸鮑魚, 淋 , 滑, 唔老, OK !4) 清蒸海上鮮, 黃立倉, 突眼, 有 12,3 両, OK !5) 炒白菜仔, 6 個人都夠食.6) 有橙味嘅橙一個, OK !埋單 2 人餐加一支啤酒, $421.00, 在西貢區晚飯, 價錢合理, 當然不能跟上千蚊大瀨尿虾,海斑比, 但全部食落唔腥, 彈牙, 可見用料並非雪櫃底

如果不是老朋友的兄弟代為訂位的話，我一定不會入這一間 dirty,  smelly, no service & expensive 的 海鮮酒家，免得浪費我在香港的時間。兩個人食的份量应该是小的，侍应生怕食物賣不出，小菜及海鲜汤都大大碟，但味道又不好。講明魚只得1個人食，1斤以下就可以了，上枱畤来了條成2斤重，价钱任佢講，蟶孑2只。又瘦又無味！一碟叫油盬水花甲，全無味道，一食就知白灼后倒入海鲜湯上谍。環境非常之差，杯筷，枱布，椅子都非常殘旧。衞生也不合格。完全感受不到应有的服務，只在埋単時才有人招呼你！所以我只會给新德记赚我一次的錢，無第二次了，我也會叫想约我食飯的朋友不要在这里吃！如果在今時今日呢一D食市想生存下去，除非是食物非常出息，或是价钱平宜，呢間兩樣都無，唯有靠見客就鋸。一次过都唔緊要，最重要就係埋单收錢。

唔知點解去親西貢都總是好想食海鮮的, 唔食唔安樂, 而近期的至愛是新德記.之前都試過响艇仔和街市買海鮮比酒家整, 不過有時遊船河回來時間太遲唔容許就要响酒家訂埋海鮮, 其實兩者價錢不差太遠, 只是有時會想享受埋選購和講價的滋味.  鹽焗奄仔 - 在這裡是我的至愛, 這味菜在家整會好麻煩, 所以出街食係不二之選, 記住一定要預早一小時叫起, 因煮需時一小時; 雖然新德記煮得好食, 但整個菜的成敗是取決於隻蟹嘅質數, 及多膏與否. 這天大蟹要$250一隻, 每人只食半隻.  久違了的金黃色又軟綿綿嘅蟹膏啊!  蟹膏嘅甘香加埋鹽焗嘅咸令鮮味出...哂嚟, 好好味呀!  仲正過大閘蟹, 而黃油蟹又太膩, 我覺得奄仔蟹膏份量剛剛好.我地唔想食咁貴, 呢個價錢, 呢個水準, 我好滿足架喇!  椒鹽鮮魷 - 都算是這裡的名菜之一, 每件嘅粉漿都很薄, 金黃色的脆脆的外層望上去令人食指大動, 灑在上面的炸蒜香香的, 魷魚好鮮嫩, 而且又爽又滑, 椒鹽味剛剛好又不太咸.  白灼海蝦 - 係最能夠食到完味嘅整法, 海蝦夠新鮮, 又彈牙, 食得到蝦嘅甜味; 沾上辣椒豉油吃就更能帶出蝦嘅鮮味  鹽焗花

如果不是老細請食飯，住西貢的我也從未到過這酒樓但去完今次，如果不是別人請，我也不會再來，食品、衛生和環境各方面都做得不好，去這間不如去隔離碼頭邊個D先講食物，蝦細隻無得講，但魚都蒸得太耐，幸好我最愛的龍蝦伊麫是正常的，最好吃的是茄汁豬扒食物差已算，餐具又舊，大部分都缺口，聽過用熱水沖這些缺口會釋出致癌物質，使我吃得憂心忡忡外面裝潢不錯，十分易認，但內裏環境十分不美觀，可能因為太殘舊，是時候大執了

今晚一家人去西貢食海鮮，訂位時店員話八點後既枱，最好訂定海鮮，因為驚太夜無貨，所以今次由我發板，ORDER 定好野俾屋企人食，等大家一陣慢慢歎...阿爸喜歡吃魚，呢條斑好新鮮，而且蒸的時間恰到好處，父親大人話好鮮甜 ，阿爸果然識食!家姐就喜愛食蟹，香口多膏，上碟時已聞到濃烈的鹹香，很野味! 唔知食左會唔會打橫行呢 我就喜歡食油鹽水大蜆，清清地，又無沙，加上些冬菜，帶出陣陣的貝類海鮮的清甜，d 湯都好好飲哦   當然仲有人見人愛，車見車載既清蒸鮑魚啦，煙韌彈牙，與淡淡的果皮味融合為一  百吃不厭既蒜蓉蒸大蝦，大蝦加蒜蓉，也蒸得剛好， 轉眼又吃完。 雖然呢間餐廳無裝璜既裝修，但勝在食物夠新鮮，價錢又相宜呢!

當日想行入西貢吃粥.行了一圈也不見粥店,當時已經下午二點,太肚餓,眼前見到呢間食店.就坐低.首先服務輸了.店員語氣差,過了午飯時間,眼前盡是空枱,也冷冷一句要塔枱,只是客人不願,沒有強迫.效率差.叫落單.扮聽唔到.最終叫另一位店員落單.而環境.地理位置較差.沒有海看.旁邊是停車場.方便駕駛人仕,而店內環境較窄午市客飯大約6種左右.全是34元.茶錢一元.價錢合理.鹽焗雞飯:首先說飯是凍的.而且有一股怪味.至於雞看賣相.也看到擺放混亂,有些不見了雞皮.肉質帶韌,雞味更全無.連汁也淡.十分差.不知此店海鮮會否好些.不過我也沒有興趣光顧.

有事去西貢一行,午餐當然唔會點大魚大肉,但入到海鮮酒家個心諗,佢啲海鮮會唔會都見得吓人呢?即管攞個午餐quota唻試試,結果證明又奶一次嘢.個心想食河粉,又見到有所謂既班腩,諗住啱晒啦,滿足到我.送到嚟,大家睇到張相,油水充足.好老實,油水足就緊係師傅好炒啦,都有少少見怪不怪.至於啲魚,張相唔係太可以表達到佢實際既情況,但叫佢做魚乾都不為過. 一舊魚只係有中間少少嗰部份可以食得,圍邊嗰啲係硬到完全唔可以入口.啲河粉又油.炸得冇技巧加上個完全唔得batter,只能講一句又做了羊牯.

整日天氣不穩之下展開一幕(西貢入黑大冒險之旅), 前往途中還傾盆大雨, 落車就天朗氣清.朋友推介下响一個不為人知地點3樓, 要8點前落單(街市收檔時間)因為晏左過時,就等店長推介點左豉椒炒聖子一人一隻夠晒彈牙椒鹽賴尿蝦, 椒鹽鲜魷肉質厚好好味, 焗蠔大隻得黎又香口, 蒜蓉粉絲蒸元貝size好有份量仲唔靭tim, 勁有滿足感. 不過不失的豉油皇炒麵

老闆請吃飯, 一班同事去西貢食海鮮, 一行八人就來了新德記! 聽聞這間煮海鮮較好味喎! 結果亦都不負所望,大家都食得很開心!聖子大隻又爽口, 非常新鮮, 一人只有一隻, 真正物以罕為貴。蝦身入晒蒜蓉味, 開邊好易食, 蝦肉蒸得剛剛好, 食完一隻又一隻, 好味停不了!用剪刀剪開啖啖肉，每人分到兩隻左右，用椒鹽炸十分好味，蝦殼脆口到都食埋。鮑魚好惹味，蒸比炸更保留它的鮮味，一上檯大家立即夾一隻據為己有。龍蝦都幾大隻，好肉又彈牙，伊面份量都算多，每人至少可以食到兩碗，芝土味亦很濃，是我的最愛！酒味很濃烈，有點蓋過蠔的鮮味，不過味道是很好，配洋蔥絲吃很正！最後送上一大碗魚菜湯，是用魚頭魚尾再加菜芯煮的，非常甜美超好飲！賣單盛惠 $2,800，多謝我們的老闆了！

小學同學介紹, 之前食過好正, 所以今晚相約一行五人來食海鮮餐, 以前我食過全記, 但宜家冇以前咁好食, 仲要好貴, 同學之前已打來問有乜靚海鮮, 根據他們推介我地叫了:白灼海蝦 (嘩...好新鮮, 隻隻爽口, 食得出生蜢海蝦)椒鹽鮮魷 (好好味, 炒得好有火喉)鹽焗海螺 (隻隻一樣size, 螺肉好爽口, 冇沙)蒜蓉蒸扇貝 (正, 又係好好味, 粉絲入晒鮮味, 時間蒸得剛剛好, 食咗一隻, 唔夠喉, 好彩同學已經預咗每人兩隻)清蒸海班 (蒸得剛剛好, d 肉好滑, 最後, 其中一個同學, 清晒成條魚, 食得乾乾淨淨)椒鹽癩尿蝦 (嘩...好食到, 唔夠喉, 好大隻, 啖啖肉)豉椒聖子(good, good, very nice, 好多肉, 夠火喉, 好新鮮)楊州炒飯 (都ok, 唔錯)佢地仲附送了:飯後果 - 橙湯水 - 紅豆沙掛住食, 後尾都唔記得影相吖...食咗$23xx已計埋加一, 全餐都係海鮮, 除了飯外, 正, 服務都唔錯, 不斷幫我地換碟, 下次要再來食過