新昌發正宗潮州粉麵

Open Now

Now Closed

放左工想簡簡單單食D 野就早D 番屋企休息下，點知入到黎見到有泡飯就叫番碗啦。牛腩泡飯黎到，就已經聞到一陣香味，牛腩份量都幾多，湯底幾濃夠哂味，牛腩夠哂淋又唔會乾真真，食哂飯同牛腩再飲下個湯底，飽哂。呢間舖最唔好係只收cash，有D 唔方便

去開香港仔，搵到間牛腩麵，有人話是最好食但，試左一般啦牛腩太冧，無晒口感，但個湯是濃嘅，原竟都係腩汁，比較唔欣賞嘅是，師傅搭左幾嚿柴皮嘅牛，是太柴皮兼燶咗嘅，配試肥到爛左嘅腩，真係肥腩搭件柴皮腩。👎最失望嘅係佢嘅魚斤頭。非常普通之下嘅水準，同佳寶嘅差唔多。你好彩嘅下次試下是米肥腩搭柴皮腩比人。有啲那過。係個菜，大大碗，比較抵食，但V仔係想食牛腩，唔係菜。麗好碗魚旦河就算把啦，連片頭都唔好食，魚旦就唔好提。完完完

這家小店以前放工宵夜，常到。個人很喜歡這裡的服務，十分親切。姐姐有時會有過分熱情的招徠，當正你是知己，這是鴨巴甸的流行風格、獨特文化。很久沒到…網說這裡有本區最'正'的牛腩，平常吃雲吞麵的我，今天倒也想試試。這條街上的小店，幾家賣粉麵的店，裝修格局都差不多，很易攪錯。我小心打量過招牌，才放心入內。店子超熱超多人，點了個牛腩河（＄32）和凍奶茶（+＄8），不一會便送到。牛腩河是個超級碗，河粉很多，足份量，而且淥得恰當 ，沒有過熟時糊了的感覺；也不生。牛腩約有10大件，很軟熟，稍肥，因此湯底難免較油，味道超好。不愧為鴨巴甸第一牛腩河，起碼我是這樣想。當然如果女士怕肥膩，則當別論。打從謝記結業後，對香港仔區的粉麵，都是觀感麻麻，都在賣麵粉造的魚蛋、魚片和魚甚麼…遺憾我哪一地碎了的玻璃心。幾時再來？改天。

夜晚十二點幾一點鐘好肚餓就行咗去香港仔睇下有冇燒嘢食啦點知乜嘢都收曬閂曬門 畀我搵到一間做宵夜做到咁夜嘅餐廳都係超級感恩朋友嗌咗個牛腩撈粗我就嗌咗個牛腩飯佢牛腩嘅份量超級多佢個牛腩都問得幾林記入味我覺得撈飯好好食我朋友就話覺得撈飯好奇怪都係鍾意撈麵多啲唔知係咪因為太肚餓嘅關係我覺得 呢個牛腩飯真係超爆好食又平又抵 然後辣椒油油係自己自製的員工友好熱情 好有人情味對比起一般港式茶餐廳真係好唔同唔錯唔錯😁😁😁😁😁😁

入香港仔想食香港仔魚丸，但看到介绍新昌發牛腩的介绍，也想—試！叫了碗牛腩鳯城水餃麺，先説麺，弹牙有麺味，比想像好，有意外驚喜！牛腩没有傳説好味，也不过不失，！反但鳯城水餃值得—試好大粒，好好味， 餡料十足！—定要試！看到—位伙記在旁包水餃，粒粒也—样大！利害 ，相信有幾十年功力， 包得很仔細！食物可以，只是服务—般，应该是做街坊生意为主，招呼很隨便！一点笑容也沒有！衛生當然也—舨！ 但價錢也不平宜， 但整體來說值得一試！

呢間粉麵舖幾乎係我每日宵夜必食嘅首選呢個湯底非常之特別 個湯底濃度啱啱好就算外賣返去食 都一樣咁好食只係有時會忘記你嘅特別要求例如多葱， 但基本上 整體都非常之滿意雖然有時服务會差咗啲，可能你想嗌嘢食佢哋都忙到踢曬腳但係都可以體諒嘅， 好講番嗰份先個河粉先！！都爽口彈牙就算畀湯浸咗陣都唔會話好快就冧曬，同埋食落去五係好薄嗰種，我個人嘅比較鍾意食厚生少少，牛腩都好入味， 不過我比較鍾意以前個種牛腩而家裝修後嘅牛腩多咗塊根即刻冇咁好食 但尚可接受，仲有佢個辣椒酱，都係好正

黃竹坑番工附近冇咩好食，所以行去香港仔嗰邊覓食，同事話呢間吾錯所以就去左試。叫左午餐嘅清湯腩飯，餸同飯好大兜，清湯腩湯底好香濃，牛味好突出，牛腩好冧，吾會”鞋”，好好送飯，值得推介！

今次係香港仔中心食午餐，是但搵一間粉麵食，入到去同事推介牛腩飯，就一齊叫左來試試。原本諗住食牛腩飯應該唔會好飽，但點知來到個份量非常的多，只係四十蚊有咁嘅量確係抵食，而且佢仲係包飲品。牛腩連湯上，而每一舊都少少肥，入口脂肪立即溶化，滿口牛香。下次有機會都會再返來。

新昌發相信係我自己食粉麵嘅頭三甲！不得不提係佢嘅牛腩，收你牛腩嘅價錢，但俾牛坑腩咁嘅質素你食，真係不得了。以前最鍾意拼牛腸一齊食，但而家佢好似唔賣牛腸了，可惜。佢嘅南乳豬手又係香到震，但應該都落咗d味精，食完會口渴。之前舊舖真係好殘舊下，又逼，而家搬咗去隔離舖，舒服好多！服務方面，豪邁嘅侍應姐姐們都好好，態度良好，有d仲會撩你吹下水，好有人情味。其實麵舖黎講，佢都算係多選擇架啦，仲要佢嘅質素，簡直係抵食。

香港仔食肆嘅價錢越嚟越貴，想食一間平靚正嘅粉面除咗南記之外，就得呢一間粉麵店，這就是新昌發潮州粉麵，價錢又27蚊起， 叫咗碗魚蛋麵，都幾多人食 ，等咗大概五分鐘，一大碗魚蛋麵就送上我的枱上面 ，魚蛋麵嘅餸除咗有魚蛋，白魚蛋之外，仲有魚片，另外仲有三角魚片頭，份量一點都不少，27蚊性價比非常之高，魚蛋香滑有份量，口感彈牙，另外面條 合格有餘，有蛋香又掛湯，最重要就是湯沒有味精，再落啲辣椒油提一提味，味道生色不少，難怪咁多人食，一來價錢實惠 ，二來質素有番咁上下

奶油包鍾意食牛腩而朋友就話香港仔既新昌發牛腩唔錯奶油包就決定去試試奶油包叫左碗牛腩米上台見到份量唔算少但牛腩好似太肥奶油包食落覺得如果可以再瘦D牛腩再煮耐D入味D感覺會好D而家既感覺係牛腩唔夠入味不過個湯底都夠咸加埋D米粉就唔會顯得太淡口朋友話份量呢家野係好睇你運氣既有時係勁多但間中係好少女仔食都唔夠...而奶油包今次既份量唔少睇嚟我幾好運

嗰日夜晚肚有啲我咪去屋企附近搵嘢食囉，夜麻麻香港仔都係得東勝道附近仲未閂門，咪去嗰頭搵嘢食囉。夜麻麻又唔想食到太飽，唔叫咗個四寶米囉，個麵係魚麵嚟㗎，個湯都清清地幾好呀。如果下次夜晚又想搵嘢食嘅可以去試吓。

依家好多人都中意去搵新餐廳食野，不過我就除左食新餐廳新菜式之外，都會成日去唔同的舊式餐廳食野，雖然食物未必話係咁精緻，但味道方面的確係有種舊味道係無可取代。成日黎呢間新昌發食牛腩，唔好睇佢門面比較簡陋就覺得佢無料到，其實好多野都係舊時味道。今日都係照舊黎一個牛腩飯，呢個牛腩一睇就係比較家常菜感覺，個汁清甜之中帶有牛肉香味，雖然面頭有層油係有少少唔健康，不過間中食一次無所謂啦。牛腩煮得非常入味，而且軟身好易咬，撈埋白飯食就一流。最開心係個牛腩入面有跟菜，生菜吸左個牛腩汁精華非常好味，一定要食哂！

A long time ago, Aberdeen was famous for fish balls. Perhaps due to being a fishing community? Whatever the case, this is now no more. But for some reason, I wanted to go with the tradition of eating fish ball noodles while in Abderdeen.Boyfriend and I found one place. It was busy with a number of elderly people. A typical old style noodle shop, the menu is Chinese only.I ordered this: fish balls and fish meat wrapped dumplings noodles ($38). The fish balls were pretty good with a nice fish meat

中午飯，無所事事地來到了香港仔尋食。原先目的，是去尋一尋艇仔粉的芳蹤，不過，他不會在大白天出現，行了海旁一會就決定走回香港仔市中心內找地方食野。在香港仔的街頭，又沒有什麼飲食目標，怎算呢? 相信大家都知道，香港仔食什麼最出名吧，而我相信大家一定不會猜錯，這就是魚蛋粉。於是我就隨機找了一家，找來這《新昌發》，食碗麵走人。食麵，不知為何，總覺得配上一支玻璃樽裝的可口可樂才是正確，亦不知為何，總覺得玻璃樽裝的可口可樂比罐裝的可口可樂，可口得多。我，算是很少吃魚蛋粉麵，但既然來到了香港仔，來到了區內的魚蛋粉專門店，感覺上，魚蛋，是必食的，於是，我就來了一碗，地道的魚蛋麵。總愛雙併的我，是魚蛋加墨魚丸。魚蛋算是精彩的，彈力夠而且十分之香口，而墨魚丸，就只有一個香字，入口的口感，滿足不到我。感覺還可以的魚蛋麵，驚喜，是沒有的，但就是不差。