新明記肥牛豬骨煲

Open Now

Now Closed

很久沒有吃新明記，記憶之中佢啲牛肉係非常之好食，但係琴日去真的令人失望，「鞋」到根本咬唔到，我老公直情要吐番出嚟，一塊都唔食！我仲懶醒以為好食，兩個人去叫咗碟大牛肉😵😵😵我唔想咁浪費唯有自己食咗三分之一🙄🙄🙄好一餐唔好又一餐啦⋯⋯以後都唔會再中伏！不過又咁講佢個麻辣火鍋係幾好食，有麻又有辣，唔似得有啲麻辣火鍋淨係一味得個咸和麻，完全唔辣！但係食火鍋啲牛肉唔得既話，個麻辣湯識飛都冇用啦！😓😓😓

天氣咁凍，本身諗住落廟街食煲仔飯，搜尋之下見到這間打邊爐好似不錯，就來試一試，地鐵一出都要行兩三條街先到，不是在旺街，我哋都搵左一陣先去到由於冇定位，去到好多人，不過證明我哋應該冇揀錯，七點去都等左半個鐘先有位去到先立即叫個雞煲，味道比較濃郁和牛，超靚，一睇就知唔使多講本地手切肥牛，好新鮮，相比和牛之下就爭啲，不過牛味當然比較重新鮮雞腸，呢個真係一流，第一新鮮不是周圍都有，第二好味嘅就係一定要大有肥膏珊瑚旁貴妃旁，都係一樣咁新鮮這間的食材的確幾好，最緊要係新鮮，他們重要很多海鮮選擇下次可以再試

牛肉已經大不如前, 其他的也沒以前的新鮮. 豬骨湯底行貨. 無味道.叫左碟皇帝菜,得10條到,真係唔夠食囉. D野唔大碟.勝在可以雙併.價錢好像又加了價.原本諗住就腳,以前飯過好好味,所以就再訂位, 但真的失望,所以本人亦唔打算再去.如以往有試過, 就不用再試. 如食就唔好抱咁大希望. 

佐敦邊爐選擇多！呢間位置隔洩左啲，所以冇book都可以walk in!黎過兩三次，食物都keep 到水準！其實個手切牛真係唔錯，不過略貴，太快食完冇影相😂其他食物都中上水平！

幾個月前都黎食過一次，覺得唔差，所以前晚本人和男友加一個朋友一行3人再去打邊邊！ 食物都唔錯，無乜大問題，我地叫左主打嘅豬骨煲湯底，兩碟肥牛，仲有其他都係平常打邊爐會食嘅普通餸菜！而出問題嘅嗰碟就應該係生醃螄奄。食嘅時候係無問題嘅，但係昨日本人個肚開始覺得唔舒服。我仲以為係我自己腸胃敏感，屙左三次都無理佢。直至到今日，一起身就嘔，冇辦法食嘢，一食就嘔，仲開始發冷！ 下午男友來電話佢今日無返工，因為又屙又嘔到手軟腳軟，我都覺得好奇怪，再打俾隨行一齊食飯嘅朋友，佢已經去咗醫院急症室。。。之後我嘔左兩次有脱水跡象，亦都去埋急症室！ 今日大家全日都覺得好辛苦，醫生話我食咗啲唔乾淨嘅嘢，而我哋三個人就只係一齊食過呢一餐。。。係邊度出問題？！ 我都唔需要多講啦⋯⋯ 一張枱得三個人齊齊出事！！！你地係唔係需要檢討一下處理食物嘅質素呢？！ 生醃螄奄好講究衛生！ 處理得唔好真係會害死人架！ 良心啲好無？！

呢間火鍋舖雖然唔係第一次去，但點解仲會再比機會再去呢？因爲之前去過覺得食物質素不錯，又不會太早收，所以今晚因爲朋友放工夜，所以至打算去呢間火鍋。可惜所有野都唔係好掂！一來食物差了，二來服務更差!!!首先覺得手切肥牛韌、已經無乜肥膏、又無牛肉味，總知勁唔好食！蔬菜呢就較新鮮，總算可以。水餃就無以前咁好食，入邊總是有種怪味。結論：本人及朋友意見---唔會再去

昨晚難得幾個好姐妹有空聚會，打下邊爐傾下心事，有個姐妹有喜了！大家也很開心!叫了很多食品，手切牛，雞子，廣島蠔，魚雲，粟米，牛骨髓，菜……等等大家喜歡的食物，湯底係菜乾豬肺湯!湯底煲滾之後大家即刻試飲奶白色的湯底，感覺味淡，都係冬瓜田雞窩湯底好好多，但感覺火鍋紙上的價錢唔同咗同碟頭細咗，以前嘅牛骨髓係好長一條，依家切成小段，份量係以前嘅半碟咁!以前我同閨蜜最愛食田雞，今次唔敢叫，因為依家變成時價……😰😰😰，以前係$40幾一碟㗎嘛！其他用料都沒太大分別，都係感覺碟頭細咗!手切牛仍然係主打好味!飲咗成打啤酒埋單每人$270，價錢差唔多啦！

好早前食過新明記火鍋, 貪佢食物OK, 價錢又合理, 所以近日專登帶埋幾個朋友再去食, 最出名的豬骨煲,湯底令人失望, 豬骨無以前咁入味, D 湯又油, 失晒水準, 唔知係換左材料定烹調方法, 食唔返以前果種味了。

e幾年都係食雞煲，食到好嫌了，心血來潮突然好想食豬骨煲，第一時間想起新明記，以前時常去，手切牛肉保持水準嫰滑無渣有牛味，墨魚刺身新鮮爽脆，係D水餃我本人就真係唔識欣賞，個煲好足料好多豬骨，以前有樽黑椒任你落，而且就冇左，整體上仍然係好

我一年四季都烚下烚下！對牛肉有要求我最鐘意食牛瓜邊位！所以都會定時返嚟新明記！因為佢地嘅牛邊位肥瘦適中、起片切雙飛最穩定有牛味有保証！ 雞子5係雪藏火雞子係農場新鮮雞子好好食！墨魚刺身算0K啦！新鮮劏不過分量較少！同埋個麻辣湯底一啲都5麻5辣！削咗少少！侍應又5夠人無乜招呼！不過牛肉好食補番數啦！

打邊爐我比較喜歡地踎一點的格局，通常呢d先有料到。之前食過紅磡的老坑，唔好計料，單係番茄蟹湯底已經鮮味十足。今次就試試同樣有口碑兼比較相宜的新明記。呢度位置偏僻，鋪面唔大，連路邊都要開幾張枱應付客流。店內的枱擺得好密，人多自然嘈，要有點心理準備。新明記最出名係豬骨煲，自然叫個番茄薯仔豬骨湯底（大$108）試下，上枱煲滾之後即試一啖，好清，清到有少少淡。之後加湯都只係加滾水，所以食到後期有點似用水灼的感覺，頗失望。調味料方面比較單調，就係得辣椒同生蒜蓉（每位$6，花生一份$10），想要蔥的話要畀錢。招牌鍋料係本地手切鮮肥牛（大$238），約有廿幾塊，顏色偏深，油花亦唔多。輕輕淥過之後，入口比一般肥牛有咬口（部分有些少韌添），不過咬多兩啖就feel到肉香。牛爽肉（$68）係橫隔膜附近的軟骨，油脂較多，唔知係咪淥耐左，韌到咬唔開（唔只我一個係咁），雖然食到一點油香，但都係奉勸大家唔好點了。鮮帶子（$65）係原粒上，一碟有5粒，爽滑得來幾鮮甜，唔錯。自製雜餃（$55）分別係魚皮餃、韭菜餃、西洋菜餃、水餃，全部都係人手包，隻隻飽滿。由於人多，我只搶到兩款。西洋菜餃據聞頗得食客歡心，菜係幾多，不過

近日公司重組架構，各部門的人終於能歸隊坐在一起，可是在大家搬位子時發生了很多爭執，本來想獨善其身的我亦慘被拖下水；自問平日的容忍力也相當不錯，不過那行政部小姐總是在挑剔這挑剔那，語氣還要非常無禮，真的把我氣炸氣瘋了！我覺得你可以禮貌地提出意見或建議，然後一起商量，而不是覺得自己高高在上硬要人家跟隨你的一套，更讓我傻眼的是她居然講講下自己發脾氣走了，這是理性成熟的表現嗎？是日明明想準時下班、高高興興的和男友吃頓飯，但不識趣的同事非得要在放工前騷擾你不可，讓王子久候了真不好意思。本想隨王子的意願前往大鍋口吃個暢快，可是未夠七時上去已要等到兩個多小時，不想太晚回家的我倆在Openrice隨便搜尋一間火鍋店嚐嚐好了。由佐敦地鐵站走過來大概十分鐘，門口就像一貫沒裝潢的大排檔式火鍋店一樣平實；雖是閒日但大部份時間亦坐無虛席，若前往的話還是撥個電話訂座較穩陣。蕃茄薯仔豬骨鍋(小) $88得知這兒出名吃的是豬骨鍋，就簡單地的點個蕃茄薯仔作配料的來嚐嚐。撈一撈湯底，見有豬骨、雞腳三數件，約一至兩個蕃茄和吃到最尾還有剩的薯仔；味道清清的不太濃烈，該是沒多放味精，多熬它一會比較出味好吃。小食 $10/ 醬油

來過這不下十次了因為父親大人喜歡這的手切牛肉，每次晚市都很多人。火煱店食材用料新鮮度很重要，由於人流多食料自然去得快多數會比較新鮮。鴛鴦湯底:$58小吃： 比一般魚片頭較薄片即炸金黃但比較油膩，炸魚皮則一般份量多但不夠脆。大部份食物都新鮮，色澤鮮艷。醉蝦選用大蝦帶酒香很出色。油脂分佈紋理清晰牛肉有一定質素保證，鮮牛味很濃郁也不會因為灼過時變得太韌。

打邊爐都係鐘意去依種舊鋪，因為新物新鮮，取價公道，感覺所比既公都係去曬食物果到。新明記，裝修不算太光鮮，幸好冷氣尚算夠強。湯底選了，蕃茄豬骨，材料新鮮。火鍋料叫左蠔、脆肉鯇、手切牛、雞腸、牛脷。蠔夠新鮮脆肉鯇鮮雞腸夠肥牛脷爽特別要一讚既係雞腸同手切牛，雞腸爽，夠肥夠味正～而手切牛脂肪分佈平均，好食。

火鍋潮流近年無論春夏秋冬都一值保持著...分別只是冬天放在室外夏天盡可能在室內，任飲任食和碟碟散叫吧...新明記係佐敦都算出名既火鍋店...雖然地點不太就腳...但係內街卻多了一份寧靜同方便泊車。可能晚市頭2輪已過...已經唔算太多人...而且有D食物已經沽清...好彩都仲有好多野食...點了蕃茄薯仔豬骨鍋(細) 材料非常多感覺見食...韭菜餃呢度係手包的...都幾有水準...大小均勻而且菜同肉比例都成正比...蘿蔔同津白估唔到過左冬天都咁甜出名手切牛唔似出面似到一大片而係一細細片方便滾熟 肉味好濃而且冇渣.. 而牛利托相對大片...黑柏葉就非常爽口...幾樣都唔錯...四寶丸雖細粒但好彈牙新鮮 新鮮程度同生蠔蟶子 墨魚鮮蝦滑一樣最後連魚皮 肉眼筋都算唔錯只係肉眼筋份量太少而且雪得太硬身服務都算唔錯...可能人少...收野快而且叫走多幾轉都冇黑面...可惜店內好多人食煙...坐得太近好辛苦....