新東記魚蛋粉

Open Now

Now Closed

呢間魚蛋粉已經喺荃灣開咗超過20年以上基本上食嘅粉麵都係一啲好standard嘅粉面，但係佢標榜有魚麵同埋其他自己手打嘅魚蛋，主打嘅分面係魚蛋粉32蚊有六舊大大嚿肥瘦適中嘅牛腩一落去勁香 勁滑一啲都冇起筋嘅感覺呢個係佢哋而家嘅潮州四寶入面所有嘅丸 都係佢哋自己打口感彈牙非常之鮮甜有墨丸魚蛋豬肉丸魚皮餃 同埋紫菜仲有好多其他嘅粉麵可以揀 呢度嘅主打喺牛腩同埋丸，所以你見佢除咗面之外都仲有飯香港 呢啲似家經營嘅小店舖 買少見少得閒多啲嚟支持下

禮拜二晚睇咗東張西望介紹一間一個唔食牛,但煮牛雜好好食嘅麵家,上網search吓,見到係荃瀛,於是同老公食,尋日走咗去新村街呢間https://www.openrice.com/zh/hongkong/r-%E6%96%B0%E6%9D%B1%E8%A8%98%E9%AD%9A%E8%9B%8B%E7%B2%89-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r23297,但原來冇咗嘅,咁今日 (10-3-2019 Sun)就嚟呢間啦,希望唔會冇咗.我哋去到見到仍在,於是入去喇,1:45pm,竟然係坐滿人,不過好彩啱啱有人走,咁就有位.睇完menu,有好多選擇,但點解只得早餐餐牌,冇午市同晚市?算啦,都心裡有數,午市會比早餐貴,最後我哋要:1. $35.00嘅墨丸牛根丸魚麵呢個好快嚟到,睇到墨丸牛根丸各有3粒,墨丸味道唔算好濃,係爽口;牛根丸好似冇乜根,味道同樣唔係好濃;而魚麵呢?一梳梳咁好得意,不過口感係正常嘅嚡;而湯底好清甜.2. $10.00嘅熱奶茶口感滑茶味同樣唔濃,不過都

新東記是荃灣的老字號麵店，主打魚蛋、魚片頭、牛腩、牛肚、雲吞傳統粉麵，這類麵店早已買少見少，尤其是在荃灣區呢。今天我們路經此地，豈能不登門一試呢?客人多是意料之事，老字號往往就是樣，灣仔、中環相類似的情形，也經常出現。我們每人都點了兩餸麵，一碗是牛腩、牛肚麵，另一碗是每碗四十元正，比較起價格八十元或以上的日式拉麵，我寧願吃這裡的傳統廣東麵了。牛腩、牛肚麵湯底有腩汁，又附上冬菜和蔥粒，飲起來特別好味。牛腩味道濃，炆得好腍滑，入口即刻化開，比起日式叉燒何止勝了一籌。牛肚爽口，又有咬口。幼麵爽口又有彈性。水餃內裡有原隻鮮蝦，貨真價實。

新東記魚蛋粉係元朗都有d名氣同地道，筆者成日都會黎食。呢度賣點當然係魚蛋，魚蛋魚味夠，又獨特，其他地方食唔到，再飲啖湯底，相得益彰。河粉米味唔重，湯底容易入味，再加d魚露，成碗野只此一家，真係難忘。成碗份量剛飽，食過番尋味，非常正！用餐日期:2/1/2019是餐費用:$32味道:9/10環境:7/10性價比:8/10

Originally came here to try the fish balls as the restaurants claim they make it themselves. The fish balls were quite good, but nothing special. The highlight for me was the beef briskets. Just the right balance of lean and and fatty, and it was so tender and delicious! Would come again just for the brisket. The broth was also quite flavorful which tied everything together really well. Overall a quality bowl of noodles.

鍾意食彈牙魚蛋，如果喺手打的，自然期望更加高。呢日的蛋河，食第一粒魚蛋，一咬就爛開，喺一種全新的魚蛋口感，比七仔小食檔的魚蛋更加腍，魚味亦唔明顯。以為頭一粒喺咁，食埋其餘的魚蛋都出現同一情況，相信呢個係舖頭的手打魚蛋味道，只係唔啱自己口味。反而魚片啱食啲，至少比魚蛋有彈性。河粉由配角變主角，夠滑，粗幼度剛剛好，冇煑到變碎上；湯底，味精唔太重手；豆漿係少甜，非常好。有好有唔好的一餐。

耐唔時都會口痕痕，想試下 地道嘅魚蛋粉，呢間位於荃灣 新東記 好老字號，細細個就已經幫襯，今日收工又唔算太肚餓，經過舖頭就畀佢吸引入去了！價錢沒有太大分別，點左腐乳通菜、魚蛋、魚片河加杯凍奶茶都係$52，難怪裏面經常都人山人海！最重要嘅係食物保持到水準，潮州魚蛋十分爽口，很有魚肉味，魚片頭雖然薄薄地，但係潮州魚味十分香，河粉比起一般嘅潮州魚蛋粉面舖多一點，食一碗都夠飽！腐乳通菜腐乳醬汁加上通菜，味道很香， 而且通菜都洗得十分乾淨！估唔到杯凍奶茶都有茶餐廳嘅水準！

我之前都講過，本身都幾鍾意食牛，今日中午來到荃灣區食牛腩、牛肚麵。這間是老字號，在荃灣區正宗老麵店佢都算數一數二了。自家製魚蛋、炸魚皮是招牌嘢，但我每次來都必食佢哋嘅牛腩和牛肚。無來兩三個月，原來加咗價，以前食雙拼麵只是$35，家下加到$40，唔怪之得平時呢個時間應該會好多人，家下只得兩檯人。我哋叫咗一碗牛腩魚蛋麵和一碗牛肚墨太麵，餸可以撈亂食。牛腩魚蛋麵牛肚墨丸麵蔥花和冬菜係必加的，可以增可湯底香味。魚蛋真材實料無花假，係自家手打，爽口彈牙，魚味夠。墨丸同樣彈牙，無得輸。牛肚質感獨特，又腍又爽。牛腩好出色，有少少肥，所以香，腩肉夠腍，正!麵是傳統蛋麵，好好食。

行過門口見佢擺喺喥嘅魚片，色澤唔錯好吸引！坐低要碗淨魚蛋$30，好多地方賣緊廿零蚊，跟炸魚皮$8，抵食！正價$15，腐乳通菜$10，抵！份量足夠！汽水$8，估係因為近荃新天地，舖租貴啲，賣貴少少！魚蛋最弊就係有骨！碎骨！口感極差！雖然炸魚皮同油菜又抵食又正！當埋你啲墨魚丸都好正嘞！但魚蛋係招牌嚟啵？點解會噉差？魚蛋有骨…係証明師父懶！過兩三次機已唔會食落有骨！只有懶同冇誠意先至會搞到啲魚蛋有骨！金玉其外！敗絮其中！外形點吸引，但食落唔掂！睇個舖嘅環境氣紛都唔會有任何改善！好在高質魚蛋粉，週圍都有！冇有怕！

本人係比較喜歡食粉麵呀！咁果日下午茶時間有d肚餓，又見到佢話手打魚蛋，咁就入去試下啦！一坐低我就叫左碗魚蛋粗啦，而上菜時間都好快!咁就拿拿林食啦，個麵煮得差少少時間，重有d生，但係個魚蛋就幾好食，彈牙得黎就好有魚味，個魚片我覺得就同出面食果d無咩太大嘅分別，口感都唔算彈牙，但係就絕對可以接受，再加埋個湯就重正，如果食得辣嘅話就落少少辣油啦，始終潮州粉麵同辣椒油都係絕配，。整體黎講，除左個麵生左少少，其他野都無問題，好味。

魚蛋粉，喜歡它有種由細吃到大的味道。好吃的魚蛋不常有，明白很多店為求方便及減省成本，會用味精湯底與「麵粉」魚蛋，感覺與回憶愈走愈遠。那些用心經營的店子算是碩果僅存，更要好好珍惜。 荃灣聚集不少臥虎藏龍小店，這間專吃魚蛋粉的「新東記」，堅持自設工場自製魚蛋肉丸，出品自然與一般外邊的不同。 「雙併牛腩魚蛋粉」$35 先叫一碗魚蛋拼牛腩粉。我一向愛吃牛腩中最好吃的崩沙腩，部份很少，一般都留給熟客，舖面阿姐極友善，真的有幫我望一望，令我得償所願，小店的人情味出曬嚟。牛腩亦不負所望，筋膜相連夠，肥瘦剛好。 碗中的魚蛋絕對是重點，用門鱔起肉自家打，真材實料，能吃出魚味，而且爽彈，並非平時一般食到的「麵粉」偽 · 魚丸可比。 「普寧豆醬豬肉丸」$30 豬肉丸內沒有餡，也沒有爆漿，卻從結實的丸中，吃出豬肉味道，像是 100% 豬肉漿打成。 除了有豉油及醋，調味架上亦有魚露選擇： 魚露可是「潮洲三寶」之一，用途幾近生抽般百搭，做菜能提鮮，吃粥能吊味，用來點豬肉丸吃，感覺也一流。 「牛腩貢丸撈麵」$40 Encore 得牛腩，自然是好味，貢丸也是重點。我向來少食貢丸，一般的又肥又難食；這裡貢

放左工同同事求其食啲野先返去，同事話去食魚蛋粉，都好吖，好耐無食過。唔上開飯都唔知呢間魚蛋粉舖有張咁耐，第一篇食評係2008年，嘩，犀利！魚蛋河（$30）同事真係叫左魚蛋粉，一碗入面有魚蛋同魚片，潮式個種白魚蛋，爽口彈牙幾正喎。牛腩米（$30）自己叫左牛腩米，炆得好淋，一咬就碎不會痴牙，最正係有蔥同冬菜，少少鹹同米粉一齊食啱哂，湯底很清淡，食完無口渴。腐乳通菜（$10），再叫左碟郊外油菜一齊食，可選蠔油菜心或腐乳通菜，我地揀左後者，腐乳淡橙色的，鹹鹹地少少辣好正，通菜嫩口無渣，唔錯唔錯。簡簡單單又一餐，食飽飽返去了。

今晚又自己一支公食飯，咁當然又係求其搵啲嘢食平平哋就算啦。咁就去咗大壩街間新東記食麵。新東記係非常舊式嘅麵檔，裝修當然係欠奉今晚叫咗我最鍾意食嘅牛腩雲吞河。佢嘅牛腩 唔似出面其他麵檔咁用滷水燜過。佢嘅牛腩應該係用湯慢慢熬嘅類似清湯腩嘅做法，所以食落唔會好鹹。另外佢嘅湯底係用幾種魚熬出嚟嘅，咁我當然唔知佢用咩魚啦。但係食得出係幾乎冇落味精嘅，所以食完佢嘅麵係唔會口渴。同出面其他麵檔食完口渴到死係完全兩回事。另外佢哋嘅魚蛋係自己用鮮魚打出嚟，所以好爽口因為我之前食過。如果鍾意食魚蛋魚片嘅朋友一定要嚟呢度試一試。

四點零路過填肚，附近有不少咖啡廳，我還是鍾情魚旦粉。首先環境和一般魚旦粉一樣，圓枱配四五張圓櫈。本來十分標準，可惜，店內蒼蠅較多，只用膠紙捕捉，證明無效。先要扣分。點了豬肉丸牛腩河，賣相不俗，份量亦足夠。雙拼加五蚊多三粒丸，沒有理由叫單拼。湯的顏色較啡，和一般大地魚湯有所不同。不過小弟就食不出是什麼材料，失禮失禮。主角牛腩較肥位置油份充足，入口滑溜。但大部仈份都較瘦，咬落比較靱，不是我杯茶。但各花入各眼，總有喜歡瘦腩既朋友。短短十五分鐘快餐，最令我難忘既係細心既店員。不好甜既我，加了杯凍檸茶「走甜」。我帶著耳機，一路喝一路吃，店員走了過來說了兩句，其實我聽到的都是譚仔式中文，沒有明白過來，繼續聽歌吃麵。轉個頭，姨姨拿著盛有東西的茶杯來。「走甜多了冰，融掉後茶味不夠，你自己再加茶底啦。」說罷姨姨掉頭就走開。多麼細心的姨姨啊麻甩佬一個，吃什麼，什麼環境，對我都不太重要。作為一個憤世嫉俗，把扶持保護小店視為責任的廢青，完完全全感受到小店的人情味。無錯，味道係一般，環境係一般，但單單係這一種人情味，已經令我窩心了半天。請不要期望小店要給你多送半杯茶。有一次我口喝，要求另一小店再添茶底。他沒有收

2/8陪老婆返外家例牌喺荃灣揾食要喺大壩街附近買車大少嘅狗糧便去新東記粉麵啦,而家好吃粉麵店買少見少了~價錢算合理見煲內牛雜不錯咁就整碗牛肚河食啦~牛肚夠淋身味道不錯,河粉係正宗湯河挺滑溜(最怕食著炒河扮湯河)湯亦算合格~老婆冇胃口叫咗碗淨雲吞食激死人雲吞內竟加有芝麻不覺好吃咗返而好"un"口味道再好也不好吃呢!!熱奶茶返而有驚喜茶味濃香如果再幼滑D就更加好飲老婆大人更係飲可口可樂因為樽裝嘛!!