新泉外賣專門店

Open Now

Now Closed

第一次幫福襯，真係多謝佢令我大開眼界。啱啱俾完錢，就望到佢將成大個老X籠放正喺嗰爐頭上面。真係想即刻轉頭走。但好惜俾咗錢啦。真係絕對冇下次，做食物館做連最基本嘅衛生都冇。政府嘅衛生一監管到底喺咪轉咗同印度及北韓學習。唔死都冇用。一

茶底好清新輕柔，毫不苦澀，亦不厚淳，喝來毫不沉重，反而突出檸檬的酸味! 好獨特的味道，我頗喜歡!雞脾香氣撲鼻，深深吸了數下，充份吸收香氣。一咬下，外表炸得「卜卜脆」，還有一絲香料的味道，好香口!雞皮就是炸雞脾的精華!雞肉並非白灼肉般淡而無味，而隱約有香滲入其中。雞肉是全熟，並不老，仍然是嫩肉，火力及時間掌推握十分好!

Hand-made漢堡包漢堡扒其實是一塊肉餅，表面煎得香焦，裏頭則是一粒粒刴成的肉粒，而不是肉粉一塊。除了肉餅經煎過，麪包底部亦點有煎過，好香口! 每咬一口，兩片出汁的蕃茄片和經調製的甜味沙律醬皆會混和肉餅和麪包，帶來新鮮的蕃薯味和清新的沙律醬味，味道絕不單調。(如果更多沙律醬更好!)雖然不會如坊間的安格斯牛堡肉味澎湃，但焦香可口，份量十足，吃一個已飽了。來一杯凍檸茶便十分滿足!

以前常常經過這家店，今天第一次光顧。雜扒飯套餐盛惠$51 港式羅宋湯湯料不是紅菜頭，而是紅蘿蔔、洋蔥及椰菜，充滿港式的味道。三分之一都是湯料，又吃又喝，十分滿足。湯除了有蕃茄味道(茄膏)和辣味，還是一絲絲的肉香。難道是錯覺?怎料湯中有一小塊肉，哈哈!洋蔥汁雜扒飯洋蔥汁是啡色，不是橙色的茄汁洋蔥汁!洋蔥煮溶後，變成啡色汁，而洋蔥味道亦好濃!雜扒飯有雞肉腸、火腿、牛扒和豬扒，名符其實的雜扒!煎過的雞肉腸好香口!薄切牛扒薄切牛扒沒有夾雜根腱，肉質好腍，再加上煎過的表面，一口一小塊，好好享受。煎豬扒奶茶奶茶在拌勻前，深淺分明，淺啡中有深啡的虎紋，漂亮得很!茶味和奶味足夠，偏甜。混合起來，味道挺獨特。

紅白磚牆熱狗店vs edan ，我㨂咗熱狗😂 （闔家辣場景）坐得係街邊食飯，如果要求一流的服務，咁你真係錯愛啦，舊區小店只有老街坊的親切，剛剛好的招呼，自在得嚟足夠快食完一碟頹飯… 「呀妹，第一次嚟呀？ 緊係食炸比啦！」黑椒炸髀唔該「送多碗湯比你」五分鐘唔駛，兩碟飯送到嚟，碟邊仲有滴汁，平實而不做造。 炸髀皮脆而多汁，調味剛好，如果你覺得我講雞有雞味係廢話，恭喜你，你好幸福，未食過只有鬆肉粉味嘅雞😂 黑椒汁夠辣但唔會太咸，如果再多啲汁就完美了螢光汁雜扒飯嘅重點不在於條腸有幾juicy，塊扒會唔會入口即溶，而係啲汁夠唔夠「螢光」，陣味夠唔夠old school… 放落口就好似去返十年前一路食住運動會盒飯一路叫緊加油咁。以前嘅頹飯隨住社會進步變得稀有，有時想懷免下過去都要靠運食到一半老闆娘離遠好保守哋問「岩唔岩食呀？」我笑而不語一嚟掛住食唔想講嘢，二嚟欣賞佢有溝通之餘唔會過分熱情臨走前老闆娘又話「你連骨都食埋呀？」食髀唔食軟骨不如食雞扒😂相信，我嘅行動已經比咗答案大家

由細到大除咗下午茶之外都好少食炸髀🙊同事話依間嘅生炸雞髀飯係世界級好食，被佢稱為大角咀外賣名物😂😂今日行過一於試吓！今日叫咗：1️⃣雞髀飯（茄汁）+凍檸茶 $42隻炸髀成個盒咁大，啲皮炸到脆卜卜，咬落去d汁爆出嚟！ 個茄汁完全係懷舊餐廳甜甜地杰杰地果隻茄汁，好啱送飯😆依間真係要encore！

話說想搵茄汁飯🍛，搵左好耐以前嘅味道🥫🥫🥫🥫🥫結果機緣巧合下得知個茄汁叫「螢光汁」😂所以踏上尋找「螢光汁」飯之路🥫🍛叫咗個腸仔太陽蛋飯配茄汁🥫係果個味啊！！！檸檬茶好味羅宋湯好足料啲菜差唔多有成半碗咁濟另外仲叫咗個漢堡包🍔老闆娘話佢哋嘅漢堡係自己手打所以同出邊食嘅好唔同（P.S. 老闆娘幾Nice）仲有叫咗佢個招牌生炸雞髀🍗個雞髀即叫即炸非常脆呢間可以encore 茄汁🥫茄汁🥫茄汁🥫（很重要，所以講三次）

我覺得生炸雞脾真係好好味，同場食左個星洲炒米，色香味俱全，羅宋湯好好味？下次返學經過一定會再次幫襯。真心推薦比其他人去試一下，記住係生炸雞髀。good good good。

馳名生炸雞髀🍗$22八十年代裝修嘅港式快餐店😎成日經過，但真係一次都無入過去🤣今次就走咗入去望下😆但望住牆上個餐牌🙃由於太多字，感覺有啲亂🤔然後老闆娘問我係唔係想食下午茶☕️我話係，佢指住另一堆字🧐跟著同我講，呢度就係，不過入面無炸髀喎🤭炸髀要單獨叫，或者叫飯餐先有😂我問佢，你咁講即係最出名就係炸髀啦😏佢指住個訪問，然後問我，你話呢🙄炸髀即叫即有，的確好多人食緊😎皮夠香夠脆，但肉就乾咗少少😉整體算OK嘅，經過可以試吓嘅😌新泉外賣專門店 (大角咀)大角咀必發道7號地下

可以食返兒時味道，真係有錢都買唔到，人情味濃，個集扒飯配埋個蕃茄汁仲要多汁再飲埋個原始味道羅宋湯，真係超級大滿足，正呀。 今時今日想搵返呢一種味道嘅茄汁都唔知邊度有喇😋😋😋😋😋

朋友推介的哩間炸雞脾既隱世茶餐廳，勁鍾意食茶餐廳同雞髀嘅我又點可以唔試下先，一行入去老闆娘見勁好笑，問我點解要諗咁耐，我話你呢度太多選擇呀，有選擇困難症，抬頭一望，古老既吊風扇，特別的味道🥳新泉快餐這明出名生炸雞脾，要左豉油汁飯，呢度既生炸雞真係無得輸😚😚不枉我為左佢特登過黎呀，外層炸得好香脆，但又唔好油膩既感覺，咬落肉汁就會必出黎，肉質嫩滑🤩🤩🤩🤩仲嗌左個芙蓉蛋飯，呢個係是日快餐，快餐係跟雪耳湯同嘢飲，芙蓉蛋飯就中規中矩，可以煎得厚身少少，目測太細份呢，但係嚟到呢度係食懷舊嘅味道，同埋個炸雞🍗真係好出色😚😚😚茶餐廳果然凍檸茶特別好飲❤️❤️❤️

30年歷史老鋪 新泉快餐店香港人分秒必爭,外賣店由80年代興起時至今天,傳統港式快餐店已剩不多更加要珍惜,老闆娘見到我咁後生來吃都特別與我聊天,講店既歷史仲有好古風既吊風扇,久違的味道 有小量堂食座位,簡單既炸豬炸牛煎午餐肉配汁配飯就係上一代快餐店既特色幾十款食材,幾款醬汁,變出數百款配搭黑椒辣,番茄汁甜酸,粟米汁,燒汁大角咀搵食老闆娘話間鋪仲老過我有30年歴史港式快餐外賣店 最出名係雞脾甘就叫返個雞脾飯外賣試下🤣😆深色既外皮夠脆夠薄皮肉厚有質感，黑椒汁好辣😋價錢抵食 36蚊盒飯，飲品加2蚊手寫餐牌😆新泉快餐店新泉快餐店大角咀2393 5044 

自從去咗太子大角咀交界返工之後，成日諗外賣都要諗食乜，唔知叫邊間好，同事就介紹左我食新泉，話都OK唔錯，咁我就即管試吓啦！不過呢兩次我都冇要佢嘅炸雞髀飯，反而叫咗個干炒叉燒意同廈門炒米第一次叫嘅干炒叉燒意，老老實實真係好夠鑊氣，但啲叉燒真係超級鹹同埋咬唔開扣左分，而且食到底個盒超油所以炒意粉真係可一不可再第二次再叫 終於叫廈門炒米。呢個又真係唔錯了，外賣好快到20分鐘左右，餐廳仲好好俾埋包辣椒醬，一如既往 係好有鑊氣！ 炒米來到仲係熱辣辣又足料！ 酸酸甜甜好開胃！試下下次叫炒飯又睇吓高唔高水準先

新泉快餐生炸雞脾黑椒汁飯 $38呢度生炸雞真係無得輸！為左佢特登大熱天時行去, 炸過外層香脆又唔油膩, 中間入味, 而且咬落肉汁就會漏出, 肉質嫩而無肉騷味, 原本想影張咬開相, 不過同sis share 秒速KO 剩骨頭. 個日去size 大約手掌大, 之前sis 去有時仲大隻咖喱汁炸豬排飯 $38豬排勁大份, 其實我覺得係2塊size😂 炸得香脆炸漿薄, 不過肉質相對較乾, 無咬開炸脾juicy 感覺. 黎都係推薦炸脾. 另外包左凍飲同湯. 凍奶茶幾正, 凍檸茶入唔到鏡因為係等飯中已經被KO 了. 附送湯有中西, 好喜歡個羅餸湯, 酸甜足料夠味. Ps 話說, 本來地點唔算好就腳, 再加上本人路痴行多好多冤枉路, 去到流哂汗😂不過食完覺得係值既, 而且超級飽🙈 收銀自稱大角咀amy 姐好建談有趣, 比左張Gatsby 濕涼tissue, 救左我一命

好耐無食，這裡的炸雞比味道依然。收銀小姐仍記得我要雞比飯+茶走。落單後才炸（等了10分鐘），白飯配鶯鴦汁（咖喱、黒椒汁）$38 😋好味！熱飲後上- “茶走”～最佳配搭。等待期間大部分人都是叫雞比餐的！