新波記茶餐廳

Open Now

Now Closed

中午放飯行到上黎太平山街見到兩間茶記隔離果間排長龍同睇落好熱就入曬黎新波記無汁不歡既我 嗌左黃金雞髀肉燥飯🤩姐姐仲好精準咁話要等13分鐘🤣又真係等13分鐘就有黃金雞髀肉燥飯肉燥有粟米粒 食落無咁邪惡同有𡁻口👍🏻黃金雞髀炸皮唔會話好厚 鬆脆啱啱好👍🏻雞髀肉質有啲乾 唔算好juicy同事減緊肥 所以嗌左蔥油雞扒飯反而呢塊雞扒肉質冇咁乾冇咁鞋撈埋蔥油汁食幾香口👍🏻返工放返嚟食都係$60有找🤩算係唔錯嘅選擇🫶🏻

今日陪老竇去東華醫院睇醫生，經過呢度食個早餐，但絕對可以用難食嚟形容，首先問咗店員有冇蕃茄牛肉湯通粉，店員話賣晒只有清湯，咁遠行過嚟都唯有是但，上枱之後整體賣相都唔錯，但一食落去所謂嘅清湯原來係福字麵味精包再加美極（仲有福字麵味精粉”微型乾蔥”係裹面），嗰三、四片啡色嘅嘢已經食落去唔知乜嘢嚟，已經醃到又淋又冇味嘅東西，通粉就正正常常，再嚟食隻蛋同埋腸仔，充滿油益味，頂唔順結果放哂落碗通粉度，叫做用啲味精清湯洗乾淨啲油益味，最後牛油多士….唉，又係有油益未，咬咗兩啖都係頂唔順決定放棄，杯奶茶算係最正常亦冇乜特別，由於見佢係小店，已經刻意低調比錢嘅時候先同個女店員講啲嘢食有有好重油億味，結果………..佢嘅目光只係望住個櫃桶希望盡快找錢俾我盡快走，完全無視顧客嘅反映😑……記得一兩年前中午來食肉操雞扒飯加蛋都幾好食，點解而家啲食物質素搞到咁…….大家都明白而家嘅經濟環境經營困難，我唔想你哋執笠因為對你哋嘅午餐仲有期望，但請改善整體食物質素，呢個係我食過呢幾年食過最差的$41 早餐！

每次去上環總會到太平山街新波記和老細打個招呼，喜歡小店格外親切的一份人情味。今次來遲一步，蒸魚飯賣光了，選擇了咸蛋肉餅飯，亦保持一貫傳統蒸飯水凖。招牌蔥油豬扒飯也是必食之選，配埋老細的祕製檸啡，又是簡單平實的大滿足的一餐晏仔。

This joint is round the corner from the famous pork chop place that has two furry cats.Although not many people know about this joint, it has already been filmed by a few people.I was captivated here by the fried chicken leg because it looked good in this golden coating and it was not cut.When I got there, the staff were friendly but then everyone is generally friendly on the Sheungwan side.Ended up coming here quite a few times.On the first visit, had the fried chicken leg and chicken wings.The

這裏不算就腳，但環境尚算清淨， 想不到一間唔起眼嘅茶餐廳有著很多出色的美食， 當中我就最鍾意佢嘅牛扒早餐， 一碗牛扒麵、腸仔、雞蛋跟方包、 奶茶也很ok, 特別想講嘅係佢嘅牛扒大大份， 好入味， 好有肉汁 ，好似燒嘢食嗰啲牛扒咁， 食到舐舐脷， 其他嘅雞扒都好好味㗎， 如果食麵唔啱嘅佢嘅螺旋通粉都好好味，值得推介畀大家🤗， 小店家庭式經營， 店員親切有禮 ，值得一提嘅係佢鋪頭門口附近有位可以泊吓車， 可以方便到揸車入嚟嘅朋友。

自從試過第一次之後，已經係唔知第幾次吃這個花雕雞翼蛋飯了！每次去中上環，都忍不住要走過來一嚐再嚐。其實佢仲有好多選擇，但就是每次都不忍放棄，因為呢個花雕雞翼不是一般凍食，而係會煎的，雞油加花雕真係會醉的！加上蛋汁潤滑白飯，無敵！雖然環境同衛生比較巿井，但老闆總是招呼周到的，好有老香港的味道！而且才四十多，跟餐飲，冇得彈！

呢間茶餐廳位於太平山街，小店林立，價錢有平有貴。如果想食平dd，午飯要吃得快，可以黎呢間，價錢比較大眾化既茶餐廳。-今次嗌左精選特餐花雕雞翼撈公仔麵（配火腿炒蛋，牛油方包，包飲品）-花雕雞翼做得非常出色，雞翼煎到金黃香脆，嫩滑可口，雖然唔太食到酒香，不過好好食！如果唔鐘意食撈公仔麵都可以轉其他粉麵，不過我自己覺得撈公仔麵比較配合。-之前都試過食佢出名既肉燥飯，肉燥做得好好食，平時細食既我因為有肉燥撈飯，可以食得哂成碟飯！在附近返工可以一試啊～

上環上班接近十載，每天都差不多出外用膳，如果各位有時侯諗極都諗唔到食咩，不妨一試這間新波記茶餐廳，真的值得推介，每個星期都會食一次，上環附近上班既朋友亦會有送外賣服務！半個鐘頭左右就會送到。不過外賣當然不及堂食好味！以下就是皇牌menu，主要分為肉燥類和蔥油類，至於豬扒和雞扒則是本人推介的，如果覺得黃金肉燥類太熱氣是可以轉煎豬扒的，不一定要炸！下午茶的餐牌黃金雞扒肉燥飯是我最經常叫的，肉燥色澤較深，有粟米，小小甜甜地，加隻煎蛋，流汁撈入肉燥，特別好味，送飯一流，至於雞扒則是新鮮炸，製作需要一段時間，皮脆肉滑。至於蔥油豬扒撈麵則是另一推介，火腿奄列和麵包是很普通，至於蔥油撈豬扒公仔麵則是絕配，如果嫌蔥油不夠是可以加的，豬扒質地林林的，好入味。

縱使我的姪女同另一名中環飯友離開了該區工作了，我獨自一人，唔想留係灣仔/銅鑼灣食飯時，我都好喜歡流連在太平山街的一帶，貪這一個地方夠文青。文青小店，特式主題小店，我可以說，這兒多得有點眼花撩亂，好多時我行了一圈，想極都想唔通去邊間好，加上老是覺得 Yoshimi Nagasaki 永遠都伴在我左右。行行下，都食食間茶仔算。身在太平山街這一個舊住宅區，當然也有許多啱平民百姓的好地方。另由於這兒很方便泊車，所以區內的茶餐廳都是的士大哥的聚腳地。是日行完一圈，最後，我選了這一間名叫《新波記茶餐廳》的地方，簡單食個飯。 我來到時，已經近3點了，仍然有午餐可以叫，我感覺到份外的幸運。其實，我有留意到仍在午飯的客人們吃的是什麼。我發現的，就是扒飯加邪惡的蔥油。我看一看牆面，點了一個什扒飯。完全切碎的扒，有豬，又有雞。煎得很香，味道很豉油，絕對是一個飽肚好選擇。 就咁扒飯沒有汁。對是沒有汁的，但有這一個美味的醬油，也有這一個更美味的蔥油。食食下，我覺得，蔥油加豉油撈飯才是這一碟飯吸引人之處，來者，不是食扒，而是食蔥油。 來到茶餐廳，我梗係會飲奶茶啦。可以點講呢? 可以點評論呢? 因為既不好飲卻一點也

今日係農曆大年初七「人日」同「立春」嘅日子！中午嗰陣我們去咗上環濟公廟拜神，之後去咗附近嘅「新波記茶餐廳」食下午茶！我們叫咗蕃茄蛋三文治嘅蕃茄好新鮮，炒蛋唔算好厚身，但炒得都幾嫩滑，麵包亦好軟熟！黃金豬扒肉燥飯嘅豬扒表面睇落好似炸到好硬同好乾咁，以為會好「嚡」，但食落就覺得肉質好鬆化，一啲都唔硬實，味道仲相當惹味！花生醬多士嘅花生醬味道非常濃郁，而且仲有粒粒花生碎，令到口感更加豐富！熱狗包嘅入面腸唔係粗身啲嘅司華力腸，而係幼身嘅鷄肉腸，呢個係令我們比較失望！芝士火腿乜包聽落個名都覺得幾得意，所以就叫咗嚟食，嚟到之後見到原來乜包係類似台灣叫嘅刈包，質感都幾軟熟！

今日中午我們去咗上環太平山街嘅「新波記茶餐廳」食午飯！我們叫咗枝竹排骨飯、蕃茄牛肉通粉、火腿煎蛋烘多士、沙嗲牛肉公仔麵、台式炸鷄煎蛋肉燥飯、公司三文治同凍檸茶！枝竹排骨飯嘅排骨肉質都幾嫩滑，枝竹亦炆得好腍好入味！蕃茄牛肉通粉嘅蕃茄湯底都幾濃郁，通粉亦幾爽口彈牙！沙嗲牛肉公仔麵嘅牛肉肉質都幾嫩滑，但公仔麵嘅麵質就比較「嚡」！台式炸鷄煎蛋肉燥飯嘅肉燥都幾惹味，但炸鷄嘅炸粉就厚咗少少！

第一次上黎呢條街食野。某天的平日十二點二黎到新波記門口，發覺仲有位就入左去。但對比十幾步之隔既科Ｘ咖啡餐廳有長長既人龍而呢間竟然冇，入左去坐低後其實我都驚入左間黑店。不過幾位侍應態度又幾好，於是都係嘗試下。基本上當初我都唔知呢間野有咩係好食，見到牆上既「必食推介」有蔥油豬排飯，脆皮蔥油雞排飯，我就決定試下蔥油豬排飯(45元)，另加兩蚊要一支大支裝可樂，友人就揀左是日蒸餸餐既咸蛋肉餅飯(唔記得價錢)。落單後唔夠5分鐘侍應就放低左碟豬排飯係台面，但我驚覺竟然冇汁，正想反映之際佢突然從近門口處拎左一小碟裝有蔥油同豉油既碟過黎。心諗唔係呀化咁就可以送到成碟豬排飯？但將少少蔥油同豉油點落豬排後，出乎意料地覺得竟然咁夾，我二話不說將成碟蔥油豉油倒晒落飯。我覺得成碟飯既主角係蔥油豉油，只靠佢地都可以撈晒碟白飯。至於我塊豬排可能係一早整定，感覺只係微暖，而且煎得「濃」左，味道還可以，份量都幾多，可能有一塊半？友人叫既咸蛋肉餅飯都係好快到，我試左少少覺得個肉餅味道幾怪，完全唔合乎我要求，不過友人覺得冇乜野就算了。兩碟飯既白飯份量都幾多，岩晒大食既我。最後再要一份奶油多(11元)，味道不錯。如果奶可以再多

第二次食，都保持到幾好既水準！第一次食蔥油脆皮鷄扒反，無影相，奄得好入味，但有啲咸，但撈埋反食就岩岩好！第二次食鴨腿湯反首先好欣赏佢分开上，第二就係足料，有杞子，龙眼，懷山同大舊鴨腿。药材味足，應該無咩味精，食完係有少少口渴。最勁既係叫佢俾多飯，佢俾左勁多，個碗係平時食車仔面個啲碗size！好似42連熱飲，老細仲會幫你睇住架車，扺讚！

今早行去太平山街覓食，之前已經試過"新波記茶餐廳"午市嘅豬扒飯，好正肉好tender，今次試埋早餐，沙嗲牛肉通，牛肉好tender,味唔太咸，仲有啲粟米粒點綴下添，多士幾香脆，即煎雙蛋，蛋皇做到半生熟 正，凍檸茶都好香濃，整體都so good

I have walked past this place many times while it was closed and had been wondering about the food! Today was my day off and I finally got to find out! The place was packed when I sat down and tables were being set up in the walk across the road, I sat in an empty chair and a delightful guy came over to ask what I wanted, he gave me options of noodles or rice and suggested the very popular pork chop which came with a drink for 42 dollars.The meal came out really fast and tasted delicious! The me