新贊記點心·小廚

Open Now

Now Closed

最近迷上點心店，貪佢價錢實惠，食物質素亦唔輸蝕俾一般嘅茶樓，今日放工同先生搵到公司附近呢間新開張冇耐嘅點心店，嘆返個夜茶。餐廳點心選擇唔少，茶位費六蚊位，質素可以，仲免收加一，非常抵食。鮮蝦燒賣皇粒粒飽滿，非常足料，面頭嘅蟹籽亦俾得豪爽，一啖放入口，味道鮮美，口感彈牙。黑椒金錢肚醬汁味道香濃，入味之餘非常爽口。北菇棉花雞味道鮮甜，特別係魚肚，吸收哂雞汁嘅精華，鬆軟入味。脆皮鮮蝦腸份量足，內餡更加係足料，軟滑嘅腸粉包住香脆嘅脆網同彈牙嘅蝦肉，無論味道同口感都抵讚。炒蘿蔔糕外脆內軟，用上自家製XO醬去炒，零舍香口惹味，係先生嘅最愛。白灼油菜心份量頗多，鮮嫩翠綠，軟腍無渣。酥炸奶皇包一客一件，先生本來想叫炸饅頭，後來見到有炸奶皇包，不妨一試，果然冇令人失望，外層炸得香脆而且唔油膩，奶黃餡帶少少流沙質感，仲有淡淡嘅鹹蛋黃滋味，非常推薦。薑汁千層糕非常「夠薑」，入口帶有薑汁獨特嘅辛辣感，甜度唔高，口感煙韌。點心店嘅食物整體唔錯，即叫即蒸熱辣辣送上，兩個人食到捧住肚皮走都只係百零蚊一位，街坊價錢酒樓質素，店內空間寬敞而且座位舒適，係嘆夜茶嘅好選擇。

-🔸茗茶 $6/位🔸牛肉球 $20🔸咸菜豬肚 $22🔸藥膳雞腳 $26🔸豆沙煎堆仔 $19🔸蜂巢黑糖糕 $21🔸北菇棉花雞 $25🔸贊記蝦餃皇 $29🔸松子菜苗蝦餃 $25-星期日去飲茶，嚟到依間好新淨嘅茶樓，裝修光猛、座位闊落，叫多兩籠都夠位擺幾好。點心選擇正常，晚市仲有小菜可以叫。同朋友兩個人食都喪叫咗八款點心，蝦餃皮薄餡料真係大大隻蝦好足料、我必叫嘅棉花雞亦大大碟食得好開心、最驚喜係藥膳雞腳同咸菜豬肚，兩款都係滋補靚湯，飲落清甜夠味，好滿足！

行完街經過油麻地，見到呢間點心店，其實夜晚食點心都幾開心。✨鮮蝦韮菜餃： 個皮好薄有彈性，蝦肉爽彈，加上韮菜我鍾意。粉果同樣好足料，大大粒。✨奶皇流沙包： 面包鬆軟，一咬開個流心饀爆晒出黎，真係要小心辣親。✨土魷肉餅飯： d土魷都幾多，肉餅好食多汁。✨西洋菜湯： 好大碗又足料，味道清甜唔會好重味精feel✨蜂巢黑糖糕： 食落煙煙韌韌有彈性又唔會乾身，甜度啱啱好✨燒汁釀茄子：估唔到超大舊，個汁幾好味甜甜地加埋魚肉，個茄子好熱又軟滑。✨蘿白糕： 個糕質地軟腍，鍾意佢d 蘿白係粗切清甜。 ✨蒜蓉蒸龍躉：蒜味好香，龍躉啖啖肉，鋪底既豆卜索晒汁，突登留黎送飯。

在油麻地中華書局隔離，開了一間吃點心的新餐廳，環境乾淨衛生，價錢也很合理，而且服務好好，店員好nice。.黑椒金錢肚、鮮蝦燒賣皇、香茜牛肉球、蠔皇鮮竹卷 - 即叫即蒸熱辣辣，足料大粒。醬皇牛仔骨 $25 牛肉香滑，煮得入味。蜜汁叉燒腸 $22 - 皮光滑溜，叉燒與腸粉比例合適。雲耳冬菇蒸雞套餐 $48 - 除了點心之外這裏還有蒸飯套餐，都很抵食，不只蒸雞是蒸的，連白飯也是蒸出出來的，在香港很罕見，蒸出來的飯粒粒分明。雞肉嫩滑而且份量多，肉汁豐富。蓮藕乾魷魚豬骨湯 - 看湯色就知道是老火靚湯，店員好好人，我們叫一個飯套，送2大碗湯。自然香甜，有湯渣，食到原條乾魷魚及蓮藕。

油麻地新開了間點心店，價錢都算貼地，點心款式很多，還有多款蒸魚等小菜，都是四十幾蚊起，非常抵食。蝦餃裏面足料，除了爽口蝦仁外，還有買少見少的筍。燒賣味道正常，豬肉餡唔會太多豬膏，豬肉亦都新鮮無豬騷味。乾蒸牛肉燒賣越來越少見，牛肉裏面有些芫茜香，牛肉都唔會太腍。芝士蝦春卷即叫即炸，咬開熱辣辣的芝士汁爆出，蝦仁就細細粒，炸至金黃香脆。鮮蝦腸的蝦肉足料，每截腸粉都有一至兩粒蝦仁，蝦仁都新鮮爽口，腸粉唔會太厚亦夠滑。珍珠雞內餡十足，有冬菇、蝦米、豬肉等等，餡料夠味，所以糯米吸收了餡料味，又軟熟又香。叉燒包味道正常，麵包軟熟，叉燒餡唔會太肥。

新贊記.點心小廚下午約了做指甲做完到七點一個人真的很難選擇吃的東西在彌敦道走著居然發現價真盞和中華書局中間有一家吃點心的餐廳一個人喝茶真的是第一次何況是夜餐見到餐廳好多食客應該是不錯吃果然新贊記沒讓我失望點心選擇多甚至比一般酒樓多而且勝在全日免加一服務費真的值得一試茶位$6點心平均$20一個第一次吃所以選了一些比較大眾化的點心贊記蝦餃王（4隻）$29真的好吃皮薄餡靚證明了小餐廳也不比大酒樓差而且每粒蝦餃裡面是有兩隻蝦！不但皮薄還餡多！皮真的薄到半透明雖然薄但卻每粒都好完成蒸完沒有破損！完美醬王蒸鳳爪$20雖然鳳爪只有三隻但每隻都非常肥美不會骨比皮多肉不會軟到爛反而入味之餘很有咬口味道微辣十分惹味香莤牛肉腸$22新贊記很貼心的幫客人把腸粉切成六小件方便客人進食同樣腸粉也做到皮薄餡多！一口接一口不會因為厚皮而撐著黑椒金錢肚$23有濃濃的黑椒味金錢肚很入味黑椒味濃但不會蓋過金錢肚的鮮味而且重點是非常爽口有別於其他地方吃到的軟趴趴的也令我驚喜的整體來說真的令我很驚喜食物不但入味而且用料十足非常有誠意加上店員收餐上餐快速而且很細心回答客人問題客人一枱接一枱的效率高但仍能保持高的服務質素十分推介

轉左新工之後， 每日都早出晚歸， 好耐都冇飲過茶啦～～今日心血來潮， google下邊到有點心食， 一眼就比menu上面酥炸奶黃包吸引住😍😍😍 餐廳係佐敦同油麻地中間， 正正係彌敦道icac旁邊， 好易搵。餐廳裡面好乾淨整齊， 唔會成地油立立。 姐姐執檯全部都有戴手套， 好衛生， 第一印象已經幾好。🤭 我地2個人叫左5個點心同埋例湯。 今日例湯係西洋菜湯， 飲得出冇味精， 好甜， 係屋企既味道🥲🥲贊記蝦餃王（$29）❤❤❤❤睇名就覺得係招牌， 即點!! 蝦餃皮唔會太厚， 煙煙靭靭，夾上手仲係好靚仔， 抵佢係招牌！ 香煎魚肉尖椒（$20）❤❤❤❤大概係我食過最大條嘅魚肉尖椒， 每一條都超滿魚肉， 口感完美！ 唔會煎到又乾又黑蚊蚊🤤🤤個人好鍾意食魚肉尖椒個種抽獎既感覺， 一日唔咬落去都唔知佢到底辣定唔辣！酥炸奶黃包（$20）❤❤❤❤❤本身已經好鍾意食煎炸野🤤 ， 個包炸得好靚， 唔油膩之餘。咬開奶黃仲有流心feel， 好正呀🤤🤤 果然值得我為左佢黎脆皮鮮蝦腸（$32）❤❤❤留意番， 腸粉淨係到6點㗎咋， 我地岩岩5點幾到， 趕到尾班車🤭🤭 腸粉皮好薄好透， 個脆皮蝦都幾好食， 啖啖都有蝦

話說我哋呢啲打工仔放工已經到夜晚想飲茶食番一盅兩件都唔容易所以今日經過油麻地就特登去飲晚夜茶今次就揀咗新贊記點心小廚點心嘅選擇都應有盡有貪心嘅我哋真係樣樣都想揀首先嚟嘅係鳳爪炆得好林，而且醬汁亦相當入味當然唔少得蝦餃蝦餃相當足料，內裏蝦肉滿滿值得推介鹹水角亦外脆內軟，上碟時仲熱辣辣餡料醬汁十分惹味燒汁釀茄子亦係另一個重點茄子脆卜卜，同時茄子上嘅魚肉亦十分足料當然亦唔少得燒賣燒賣入面嘅豬肉同蝦都幾紮實食落相當有口感腐皮卷亦係我最喜歡嘅炸物外脆內軟，食落直頭索索聲最後再呢個北菇滑雞飯用上鮮雞肉，更為入味整體嚟講所有點心都唔錯真係食得過🤣

油麻地街坊及工作人士又有美食褔音，「新贊記點心·小廚」在油麻地剛開了分店了，隨時都可吃到優質點心、小菜及蒸飯等，而且性價比高 。「北菇棉花雞」雞件肉滑，魚肚入味，而且大大件，好抵食。「黑椒金錢肚」金錢肚炆得肉質好淋，黑椒味香濃， 托底的蘿蔔多汁香甜。「醬皇牛仔骨」牛仔骨惹味，配上豆卜浸透了醬油的味道，好滋味。「鮮蝦燒賣王」 燒賣大大粒， 蝦胶及豬肉美味又彈牙。「蝦餃拼粉果」 雙拼款式，價錢合理， 而且一次過可以食兩款點心，蝦餃爽口及粉果皮薄餡香，質素不錯，很超值。「金珠鹹水角」即叫即製， 熱辣辣香噴噴， 鹹水角外皮煙韌， 餡料十足，正。「香煎魚肉尖椒」煎得黃金，一點也不油，魚肉有果皮香，尖椒微微帶辣，過癮。不得不贊「點心·小廚」裝修設計燈光通明， 乾淨整潔， 座位舒適， 不論三五知己，或與良朋好友，以及工作同事前來飲杯茶食個包，這裡的點心及食品選擇多元化，大家可一起也可吃過痛快。

見到油麻地彌敦道大街有新開的點心，喜歡食點心的我當然不可以放過。地方大樓底高，裝修decent 喎。而且除了點心，都有套餐飯食。醬皇牛仔骨套餐，送白飯及五指毛桃蘿蔔豬骨湯，$58都好抵食。牛仔骨份量不少，肉質柔嫩，香口惹味，下面有豆卜吸收牛肉的精華。缽仔蒸飯特別好食，粒粒分明。送的例湯好足料，滋潤有家的味道呢。.招牌點心當然沒有令人失望，熱辣辣即叫即蒸：鮮蝦韮菜餃、蝦餃拼粉果 - 餃類正，晶瑩通透，每隻都大大粒，蝦肉爽彈鮮蝦燒賣皇 - 必次食點心必食的燒賣，好食啖啖肉黑椒金錢肚 - 新鮮金錢肚，塊塊爽口彈牙，蒸得入味燒汁釀茄子 - 驚喜之作，first glance三個茄子好似3座山，熱烘烘魚肉又多，不可以錯過。.而且這裡服務不錯，店員都有禮貌面帶微笑。.新贊記點心·小廚 (油麻地)油麻地彌敦道448-452A號文豪閣地下C號舖