旬. 食事處 (Closed)

行行下經過，冇諗到要食乜嘢，所以是但入去食個lunchlunch set都有幾多選擇，我要咗壽司加烏冬，朋友要咗個牛仔骨定食價位算係中等下，同質素都算成正比嘅，唔好期望好高其實都算ok嘅，壽司嘅魚生係薄切，但係有8舊，都算係咁啦，烏冬我就覺得胡椒味太重，感覺好似係味精湯咁食咗一舊朋友嘅牛仔骨，味道正常但係超多筋埋單唔使加一，服務都ok，不過你問我會唔會再去，應該就唔會啦，因為比佢好嘅選擇附近都有好多

行過路過，見到唔錯，入去試下，意外驚喜依家大環境下，改變左生活習慣，真係少左好多出去食野，今次一個人無咩做，行下街經過就入去試下，點左個午市套餐，價錢真係算 相宜，出到黎個剌身飯賣相真係一讚，食落材料又新鮮，真係有驚喜。唯一可惜是環境較狹窄，座位都比較貼，但係衛生不差，都幾乾淨，再加上服務人員親切有禮，你可以嘅佢仲會同你傾下計，依家講真仲邊有餐廳會同客傾計，會問下客人有咩意見，好唔好食等等......佢比到你佢地真係尊重客人嘅感覺， 唔係hea你求其吹下水，所以下次一定會再黎

放lunch一定要食好D，搵緊野食時無意中發現呢間餐廳，日式風格設計，本身都唔討厭日本野就行入去食試下如何。入面其實空間唔係好大，但對於居酒屋風格黎講反而都幾合適，而且人唔多，所以都算舒適。我地嗌左兩個餐同雲丹壽司盛。烏冬湯底好似熬出黎既，幾好味，塊豬肉都OK，可惜附加的壽司盛得鮮蝦比較好食，其他魚壽司唔係好腥就係唔新鮮。雲丹其實係海膽既意思，但成個壽司盛得兩塊海膽壽司，而且仲特別細縮水嚴重，其他魚壽司都幾腥，帶子算係最好食。鯖魚飯我覺得都算OK，本身都鍾意食魚，但份量就十分少，同吉野家個二十幾蚊既鯖魚差唔多大細，真係唔抵，份量太小。總體一般般，有待改善。

中午係佐敦做完野後，同同事一起去食飯，行下行下見到間日本野，大家都有興趣就入去試下如何。我地嗌左兩個餐，一個係黑椒汁牛仔骨飯同原條鰻魚飯。每個餐都附有前菜，係中華沙律同一塊甜品（有時係楊枝甘露有時係其他野），同埋有送麵豉湯，味道正常但偏鹹。黑椒汁牛仔骨飯其實仲有比幾塊炸雞，份量唔係好多，但味道OK既，牛肉好入味；炸雞好細塊當係噱頭，仲有少少辣味。全條鰻魚飯個鰻魚唔係好大，我估一定冇全條鰻魚既份量，之前去其他餐廳食全條鰻魚既份量係呢個兩倍，不過我本人特別中意鰻魚所以都算OK，但性價比就好低，縮水好多。

星期六晚好想食壽司又冇訂位又唔想排隊，呢間小店有位就坐低左。本身好鍾意食海膽但又怕唔新鮮，唔新鮮既海膽會好臭好難食。當見到呢兩件海膽壽司真係有啲猶疑，隻顏色咁嘅……戰戰兢兢擺落口，冇怪味喎，仲幾鮮甜呢😆其他壽司嘅顏色都唔係咁討好，但食落係ok嘅10件壽司當然填唔飽我個胃，食多個吞拿魚腩手卷先，幾足料，唔錯丫

早收工食早飯👍🏻天氣熱最開心就係食壽司由於另外一間壽司店實在太多人，所以轉場，試新嘢😋啱啱好6點開門入到去地方不算大，坐得不錯，我哋叫左啲壽司、串燒同吉烈蠔我最欣賞嘅係火炙三文魚腩壽司，火炙燒得啱啱好啲油好正，三款蝦都唔錯，甜蝦、赤海蝦、珍寶牡丹蝦，夠新鮮👍🏻吉烈蠔同軟殼蟹卷都唔錯，三文魚就一般…舊飯有微暖，蛋黃醬燒蟹棒同吞拿魚都麻麻🙈而海膽軍艦同雞皮串燒有啲失望，味道一般，可能呢兩樣我係有啲期待啦…整體嚟講不錯，都可以有下次因為想試埋個清酒煮蜆😜

比大家知道先, 我叫咗 <雲丹壽司盛> 同 <波子汽水>食物質素：唔得1. 貨不對辦：海膽壽司突然變咗球壽司. 亦縮水一半有多; 三文魚冇油脂; 薑變咗紅薑2. 內有異物：三文魚內有黑色一條條, 但位於肉身內, 不會是魚皮3. 味道普通：魚肉不太新鮮, 沒有味道, Wasabi 亦沒有味道服務質素：唔得1. 店員只服務熟客：店員同熟客有講有笑, 亦不時同客人添茶。我坐喺兩枱熟客中間, 每次添茶都跳過我, 最後我要自己添2. 點餐服務不周：本來我叫拖羅丼可以加$10 叫波子汽水, 落單後廚師出來講拖羅冇曬, 我決定轉雲丹壽司盛, 到比錢先知壽司盛要加$18先有波子汽水, 期間沒有店員提過要補差價, 為客人考慮不足環境：一般1. 尚可接受：有少少居酒屋的氣氛, 但又未做得很日式, 問題不大, 但可改進, 2. 基本衛生可以接受. 尚算乾淨價錢：$1601. 整體而言：性價比不高 

要搵一間日本居酒屋唔困難，有錢一定得。但係要有感情的就真係好少，開天殺價大有人在。旬. 食事處好似去咗沖繩居酒屋🏮咁，雖然細細間，但係老闆同客人像朋友一樣，食物唔貴好，環境好有氣氛食到唔捨得走，讚！

今晚慶中秋兼家姐生日，一家6口要分開兩枱中間隔左塊膠板，全民抗疫無所謂啦。家姐早前已訂咗象拔蚌刺身同燒長腳蟹，另外叫左D小食同壽司烏冬等。首先個象拔蚌剌身，非常新鮮，鮮甜無比，師傅刀功一流，薄切夠爽口，厚切夠淋鮮甜無比👍🏻。燒長腳蟹夠新鮮，蟹肉彈牙juicy，每件仲有蟹膏响上面，係自助餐貨式無得比的😋。其他小吃，我最鍾意係雞翼，水牛雞翼同明太子雞翼都皮脆肉嫩好好味👍🏻豬軟骨湯烏冬個烏冬彈牙湯係白色豬骨湯都食得過。壽司飯係室溫，可以凍少少感覺會好D。鰻魚飯份量都多個汁做得唔錯。今晚真係大🈵️足👍🏻

今日同阿王總嚟到呢一間日本餐，王總介紹得一定係好餐廳！入到去環境可以，旁邊設計好似壽司吧，係可以見到師傅即場喺度製造食品王總就話佢嘅生蠔非常之好要推介，我哋先來半打試試味先，品質很好，之後我哋叫咗鰣魚刺身，品質食材好好，刀工賣相都可以，好可惜我食到兩片魚鱗，呢樣野師傅下次要小心啲。之後我哋都會根據老闆的想法飲了魚湯，魚湯品質非常好，值得一試。我同黃老闆都感覺生蠔非常好所以繼續添食，食完之後我哋就食甜品，我的那個南瓜雪葩好食，值得推介下。是日本餐為兩人，$1200 。我就覺得抵～行過可以試吓

端午節，朋友帶我們去佐敦試新嘢(對我與女兒來說是新嘢)，我們五人行，坐低後，由店主發辦，因不知道將會吃甚麼?有多少款式，好有祈待的心情😂，但、也擔心這店會否劏客及亂來呢？不過，朋友試過，認為好，才會帶我們來，應該不用擔心吧？反正唔知店內那款最好食，與其亂叫亂試，不如讓店主話事。🤗 先上煙豬肝(坦白說，我對內臟麻麻地，但、不抗拒，上到檯當然要試吓囉，原來這樣凍食的煙豬肝都唔錯的呢！)，再上燒雞泡魚乾(這個也很好味，拍得住三十年前在尖東安全地帶及當年的水車屋)，再上刺身拼盤(三文魚刺身，油甘魚刺身，赤海蝦刺身，味付子持魷魚《必食很爽口》，星鯛《必食》，基本上刺身類沒一樣失望。再上水母刺身《與平時吃到的水母刺身，有點不同，十分爽口》，活赤貝刺身《又爽又有鮮味》，再上串燒拼盤《有煙肉聖女茄，烤冬菇，雞軟骨，牛舌同埋唔知乜嘢?因為我只食了冬菇，其他留比他們配酒食，他們沒說唔好，我估都Okay的》，再上一條空運刺身魚(店主有講過魚的名字，但、我回家已忘記魚名了，只記得他們說，這款魚很少來貨，懂魚的食友可睇相片，魚的質感很滑，很有魚鮮味。) 再嚟汁燒和牛肉眼鵝肝(肉眼約3至4成熟，如果不喜歡

Ordered a curry and they gave me free miso soup and a side dish. Very worth the price and it tasted like it would be a luxurious Japanese restaurant and twice the price. Can definitely recommend this restaurant. Staff was also very nice. Wanna go again soon since I live nearby.

今日太夜了，十點才找食晚餐，看到有間未食過就入去，入面都幾乾淨，餐牌價有些比心目中貴，但最後每款都叫了點來試。吞拿魚腩手卷，魚味偏少，份量都可以。壽司 : 三文魚和腩，味道不太濃但都叫新鮮。帶子口感不錯，海膽起碼沒有腥味但味比較少，鰻魚和燒左口魚邊都正常不錯。咖喱豬扒飯的咖哩幾好味夠濃又夠辣度，豬扒都夠熱同脆口，湯可以和前菜正常。串燒，牛舌，蕃茄豚肉和小食雞泡魚乾，味道都可以但不夠熱度。食完結帳四百多元有點貴，一試可以，只可講質素好過放題，但不太值這價錢。

咁岩今日去佐敦見客，又想食日本野，就入左呢間餐廳，見佢裝修都靚同充滿日本風，我估應該都會 幾好味，咁好啦入去坐，望完個菜單，淨係得牛肉飯同埋叉燒拉麵吸引到我，咁我就叫左牛肉飯，但真係唔好食，好咸又好甜，前菜無啦啦有Kimchi，究竟係想做日本野定韓國野呢下？個餐無野飲既，所以以佢68蚊呢個價錢尼講我唔覺得抵食，再加上服務員個態度好差，我食完一樣野佢九秒九收我碟，係味咁唔夠碟用先？做日本菜唔該注意下自己態度please

中華沙律🥗便當🍱+咖喱吉列魚柳飯🍛，日式餐廳推薦！好抵食質素高的日本菜，下次有機會再去食👍前菜有沙拉🥗、蝦仁🍤和面豉湯🥣，番茄🍅酸酸甜甜，蝦仁是爽口彈牙的，不是軟綿綿的哦！面豉湯不會很鹹，味道剛好😋 中華冷面好煙韌彈牙，醬料好香，酸酸地好開胃，有蟹柳和玉子都好好味道。 🍛咖喱吉列魚柳有兩種不同的魚，吉列衣很薄👍還有雜菜餅，非常非常薄的面衣！#日本菜 #japanfood #吉列 #中華冷面 #🍜 #🍱 #便當 #咖喱 #咖喱飯 #🍛 #面豉湯 #蝦仁 #🍤 #番茄 #🍅 #沙律 #🥗 #salad