昇麵館

Open Now

Now Closed

當32°C 的星期日要外出，真係需要一間能提供快捷簡單午餐的餐廳。今日心思思想食飯，所以去左昇麵館叫左《招牌豬扒蝦條蛋飯》再配汽水，合共$54。豬扒不算大件，但佢的豬扒醬汁好味，好易送飯。而且上菜時間好快，餐廳唔多人，環境企理。

中意食辣既朋友，小編非常之推薦你去土瓜灣食佢個秘製辣汁湯底車仔麵！小編食過好多次，食極都唔嫌，好彩唔係開係我家樓下唔係都唔知點算😂😂😂😂餸類好多款都有勁有心機整，包括牛栢葉、必食豬手、雞翼尖、酸齋、咖喱魷魚等等！實有款岩你心水又岩口味！😋3餸麵，轉埋凍飲，再叫多碟菜都只係人均$60幾，超滿足！❤️❤️❤️分數：（10分滿分💛）味道：9價錢：9環境服務：9（以上評分只是小編個人口味而已）

今日黎到叫左一碗車仔麵，餸揀左陳皮魚蛋、牛丸、魚片頭同埋煎蛋。丸類都幾好食及有咬口。麵底揀左米粉，呢間揀既米粉都掛到湯，湯底係蘿白湯加秘製辣汁，辣汁幾好味。另叫左杯齋啡都好飲。

年青人開的車仔麵湯夠濃配料夠正，惹味！環境舒適！佢嘅juicy豬扒係好好食真係好juicy架！估唔到炒烏冬，飯类同樣出色！住附近真係可以成日食，正呀！本人對車仔麵都好有要求，因為發現出面好多都係好求其咁嘅三餸面！無乜誠意咁！但佢呢度嘅車仔麵食得出好有水準！💜●‿●💜🏡：👍🏻👍🏻👍🏻👍🏻😋：👅👅👅👅💵：平均$60🚶🏻‍♀️：🙋🏻‍♀️🙋🏻‍♀️🙋🏻‍♀️🙋🏻‍♀️🙋🏻‍♀️

常常下班不想煮飯就去這間簡單吃點，幾乎都是點的豬排飯，但今次有少少失望，半生熟的蛋拿開，嚐了一口飯，感覺油有點多而且還是翻榨油的味道雞爪同雞翼都不錯的，不過這個油飯一下子減分了好多，店裡服務還是很好的還是會去吃，希望下次有進步吧

今日去食咗一間好抵食嘅麵館，雖然唔係食麵，但都唔錯。其實之前都食過佢嘅蘿蔔牛腩飯（$50內有找），不過上次就鹹啲，今次好欣賞佢哋有進步、味道都有好明顯嘅改善。另外，一入到去店員都好有禮貌去建議我哋坐比較涼啲嘅位置同上菜都好快手。好適合趕時間嘅都市人去食一餐，都好多選擇。仲有一定要試佢嘅谷古飲品，係其他地方少見啲。（阿華田味帶有啲朱古力）局格嚟講，日系風格裝修、以木色為主，都相對闊落，幾好架。付款方面，提提大家只有現金、支付寶同PayMe。希望嚟緊有八達通啦，不竟多人用啲嘅。

今次我推介左熱愛車仔麵既友人黎品嘗呢間年青人車仔麵店。湯底強烈推薦：秘製辣汁！餸類好多款都有驚喜：必食豬手、雞翼尖、酸齋、咖喱魷魚、蝦條,etc.【 秘製辣汁米線 +咖喱魷魚 + 必食豬手+酸齋】配可樂 $55咖喱汁好好味，三樣餸各有唔同味道，睇得出店家用心炮製，唔係就咁淥熟就算。秘製辣汁真係冇得頂，不過食得辣嘅我都覺得好辣。唔食得辣嘅你要三思啦！【 秘製辣汁油面麵+蝦條+魚皮蝦餃 +牛柏葉+豬皮】配可樂 $59魚皮蝦餃麻麻地。蝦條好正好香口！【 瑞士雞翼】$32雞翼好滑，食碗咁辣嘅米線配搭雞翼既瑞士汁嘅甜味好夾！

我一個月至少會幫襯一次🤣如果收工諗唔到買咩外賣，我就會行去呢間～因為佢哋啲車仔麵真係又大碗又足料，好抵食㗎！而且佢哋有啲餸係岀面好少有㗎，例如黑松露丸👍🏻仲有佢哋啲魚蛋係陳皮魚蛋嚟❤️My favourite～另外都Recommend豬大腸，一啲腥味都冇，口感又腍，好入味好好食👍🏻如果你食得辣，我會Suggest你加埋佢哋個秘製辣汁，溝埋落本身已經好香濃嘅湯底，再加埋好索湯嘅餸，例如牛柏葉，真係好正！

要經營一間車仔麵店絕非容易嘅事，有好多餐廳只顧及食物嘅味道，往往遺忘左「「色」」，一道食物煮出來之後，食物嘅顏色、光澤等等都會影響到你嘅食慾，今晚去咗土瓜灣食車仔麵，呢間昇麵館就能做出「「色、香、味」」。餸菜我選擇咗豬手、豬腸、豬血、蘿蔔同酸齋，而麵就揀咗油麵，湯底要咗小辣。碗麵嚟到第一個感覺，好大碗！而且顏色好吸引到我，因為外婆係上海人，上海人好鍾意用老抽去調教食物嘅顏色，呢碗麵好有親切感。可能有啲人會問會唔會好鹹，答案係唔會！唔飲嘢都得。豬手、豬血同埋蘿蔔都好入味，特別想講吓豬腸，我碗裡面既係豬大腸，唔係嗰啲細嘅豬腸，質地比較好食，而非常淋同入味，好正！酸齋就有一種刺激味蕾既功能，好似refresh 左口腔咁。我仲叫咗兩款小食，一款係豬排，而另外一款鹽酥雞。先講豬排，豬排并不是薄嘅，而係有厚度，雖然係有厚度嘅豬排但係非常淋，而且好惹味，好食！另一碟鹽酥雞好大碟，份量好足夠，抵食！

係土瓜灣有好多唔同嘅野食，不過有啲就行得比較遠。點知係地鐵站出嚟，對面馬路就有間新開嘅車仔麵舖。入到去發現個格局又唔多似平時嘅車仔麵舖，地下唔會油淋淋，整體感覺都好乾淨。一睇餐牌，發現除咗麵之外，仲有飯可以嗌，連早餐沙嗲牛麵果啲都有。價錢都算好抵，車仔麵44蚊3餸，包熱飲。車仔麵上枱俾我感覺好大碗，同埋望落都好食，而且夠曬足料，每樣唔係輕輕俾一兩舊，而係每樣至少4舊，當然大餸就都係2舊啦，之但係3餸都好夠飽，只係我個人貪心啲，嗌咗4餸～蘿蔔好冧，而且唔會有渣，又唔會淡而無味。雞翼就真係一大賣點，個滷水好入味，又唔會太咸。豬手，顏色上都知夠入味啦，不過再冧啲就更好啦。豬腸唔係平日一圈圈果種，食落冇騷味。湯底我就加咗腩汁同秘製辣汁，千奇唔好睇少個辣汁，真心係辣，但都好惹味。小食就嗌咗鹽酥雞，同樣大大碟，上枱脆卜卜，點泰式辣醬就識食啦！整體嚟講，大件夾抵食，會再食！

新開左一排嘅車仔麵店🍜🤣喺益豐大廈附近食過幾次，幾中意佢哋嘅豬紅同麻辣豬肚👍🏻又幾抵玩喎，下午茶$33 兩餸包熱飲不過湯底真心鹹，叫清湯都成碗深啡色👻番到屋企飲左勁多水

昇麵館💛💛一星期早去幫襯幾次嘅車仔麵，呢度除咗有車仔麵，仲有碟頭飯同炒烏冬，亦有下午茶揀。不過我通常都係食lunch多，因為又大份有抵食。今次叫咗咖喱魷魚，蘿蔔同滷水雞翼粗麵。咖喱魷魚好入味😋😋好鍾意食呢度啲蘿蔔，因為又甜又冇渣而且大大舊👍雞翼有少少行，不過都係接受範圍之內，食得濃味嘅朋友應該會好鍾意 😆今日試咗佢哋新出嘅小食吉列蝦，脆而唔油都幾好味 會繼續幫襯呢間用心嘅小店，再試埋佢其他嘅小食。

今日是搭屯馬線經過開土瓜灣，見到有間新開嘅車仔麵，門面幾靚而且入邊都幾多人了就同妹妹入去試吓，叫咗個四餸車仔麵，$46 4個餸 而且份量好足，鍾意食辣真係可以試吓佢個秘製汁加麻辣，食到流晒汗，正！靚仔老細介紹我食蝦條，炸過嘅蝦條真係好好味 👍🏻👍🏻😋 仲叫咗兩個小食，豬手夠淋，還可以既，都幾入味。本身唔好豬扒嘅我都覺得呢度嘅豬扒好Juice，下次想試埋蔥油雞扒飯 🤩🤩🤩

見舖頭名以為剩係得車仔麵食原來入面仲有好多小食都唔錯豬扒堅juice，夠香口又唔燶瑞士雞翼夠入味沙爹牛肉唔太咸都幾好味，建議配通粉最近再試左佢哋個鹽鬚雞，都炸得幾向後乾身，唔會覺得好油膩。冇諗過土瓜灣都有呢類車仔麵，有水巴，檸檬茶都唔錯！支持車仔麵豬紅豬皮蘿蔔果啲就正常發揮！價錢方面都好合理， 40幾蚊就食到三餸車仔麵，仲有埋嘢飲，真係唔錯！不過如果冷氣大啲就更好，因為食一半熱野都幾熱，員工都算有禮貌，所以一個人食都唔會尷尬，

經過見到新開，而且都幾多人試，本身抱著求其try try嘅心態，點知surprisingly都真係唔錯喔！湯底都係揀咗腩汁湯底-幾好味，$42 有三個餸with熱飲，價錢都唔錯。其實都係兩個星期內都黎咗三次，叫過豬大腸and其他滷味都覺得好入味，有少量菜底，加分🤩 另外小食都叫過芝士年糕and豬手。年糕唔錯～豬手就不過不失。looking forward to trying their juicy pork chop next time.