明記麵家

Open Now

Now Closed

11點幾放完狗，行過明記醒起自從中學畢業之後就無再食過佢既牛腩麵喇。望住鋪頭入面既環境，頓時憶起當年lunch time同幾個同學一齊食牛腩麵既情景。當年一碗麵$18，今日一碗麵$25，相差既唔止呢少少既$7，而係一班同學既感情。拎住碗肥腩面番屋企既途中，我又再次回想起同同學喺呢條街發生既種種趣事。返到屋企打開碗蓋，熟悉既香氣傳入鼻孔，每食一啖麵，眼淚就一滴滴咁流。只怪自己年少輕狂，先會搞到今日咁。朋友們，如果可以從頭再黎，我一定會好好珍惜我地既友誼，對唔住。

今日悠閒左一整日，由於下午四至五點先食午餐，到夜晚十一點先覺得肚餓，於是行去毓華里食粉麵醫醫肚。此店最有名係牛腩，入到店，店員好有親切感立即問想食D咩？我同男友都跟平日一樣一坐低就大聲叫左個牛腩墨丸河，瘦腩雲吞河，灼菜芯，凍檸茶上菜速度係意想不到既快，五分鐘都唔洗就有得食，哩度賣既牛腩又淋又入味，食落口根本不用太多牙力，好重牛肉味我本身都不愛食太肥既牛腩，所以一般都叫瘦腩，當然各人口味都唔同，想食肥D都可以叫肥腩架河粉幼細且份量多，湯底陣陣濃濃既牛腩味，本人愛吃辣，再加少少佢地自家製既辣椒油，香得黎夠辣，令整碗粉加分雲呑係哩間店人手自己包，好味所以我每次都會叫，墨丸彈牙同爽口，哩度已成為我平日飯堂之一，平民粉麵令我覺得有份親切感

中學食到依家既麵檔。食左廿年。真心好鐘意。今晚食牛腩撈河加魚皮做晚餐。牛腩一貫的炆到好腍 肉質嫩 肥瘦適中今日味道剛好 唔會太咸 牛香味濃。腩汁撈河絕配 河粉唔係好滑個種 勝在好實在的口感。辣椒油必食 好香 而且夠曬辣。魚皮炸到好脆 唔會太咸。順帶一提 佢地既牛丸都好彈牙爽口架。

這天探完朋友，肚子有點餓，就決定吃碗麵。小小的一碗牛腩麵一上，香味直攻撲鼻而上，未食已先令人垂涎。牛腩肉紋看似粗靭，實質是夠腍的，牛味十足。麵條勁爽，湯的調味亦佳，滿意之至。是一碗水準不錯的牛腩麵。

每次係屋企樓下唸唔到食咩, 又想食清小小, 就會行行下行到明記麵家。見到熟悉既師傅, 係淡黃既燈光、一陣陣煙霧下忙碌工作, 好港式, 有一種電影感。牛腩河 $25牛腩河牛腩充足, 肥瘦層次分明, 顏色偏淡但味道剛好。牛腩入口軟腍, 肉質爽嫩, 油脂帶小小筋, 每啖都食到牛肉汁。 我相信每個香港人心目中都會有一間屬於自己既粉麵店,一間陪住自己成長, 帶有濃濃人情味既小店。

今晚要OT,啱啱先收工，又未食野，所以就見左屋企附近毓華里嘅“明記麵家”。舖面不大，但都算整潔，我叫左碗牛雜麵，牛肚新鮮，且好爽口，牛栢葉亦好爽，好腍，湯底亦好正，每日老板一朝早用牛骨煲製五六個鐘，牛味甚濃，唔油，精華所在，讚

以前中午放飯就已經好鐘意黎呢間食牛腩河，啲牛腩好霖，好入味，今日再返黎食，我又再叫牛腩河，啲水準同以前差唔多，啲牛腩都依然咁霖，咁好味，啲湯雖然覺得多味精，但係就係鐘意飲真係好回味啊

見好多人食過都話好好食，尤其推介食牛腩，我就話牛腩雖然唔錯~~但係都唔夠我介紹嘅~就係佢地嘅雲吞啦 我細細個食親嘅都係食雲吞河就知有幾好食，佢D雲吞全部人手包，粒粒都咁足料，肥豬肉同蝦比例完美，咬落去D肉汁出唒嚟，好正~ 所以去間野識食一定係食雲吞(河)同牛腩!!!

都已多次幫襯，都是牛腩河，果然是牛腩專家牛腩煮得不會太林也不太靳兼不散，咬落有𡁻感，牛腩又香而不羶，肥瘦均勻。河粉配上濃郁的腩汁加上冬菜葱蒜粒，熱騰騰的牛腩河好味之不得之了，不是夜宵都會多叫一碗。再食時菜，整晚真是飽著睡。

雖然明記今年加左2次價, 由上年的$19到現在$21,不過水準仍然好好,好味過出面好多麵店.牛腩麵又平又好味,肉同肥的比例配搭得好好,佢係清湯味, 完全食到牛肉的鮮味,原汁原味,又滑又夠淋,真係好正.除左牛腩, 其實雲吞都唔錯ga!大大粒, 又多, 好抵食.唯一不足之處係,間野總係有陣怪味,哩種味令我好多朋友都卻步,如何哩個地方可以改善下就更好.不過21蚊雞, 算la! 仲想點wor!

自從裝修後,第一次來吃面,叫左碗雲呑面,老爸叫左碗牛肚面,同埋兩杯涷檬荼,共40蚊以上,碗雲吞面味道唔錯,但係D雲吞好,牛肚唔入味,涷檬荼唔錯:之後,再叫碗魚旦河,不錯

自從裝修之後，明記加了價單拼$19，雙拼$26其實都ok，怎都比旁邊的加完又加的禾味扺食!btw，裝修只是門面功夫，明記內的衛生其實沒有改善，辣椒照是沒有蓋，一碗放在桌面… 在2月腸胃炎的時候，牛什癮已大起，並且一直都mark實明記，可惜一直沒有機會試今天終於有時間有機會去到，叫了個肥腩什河+凍檸茶=$31肥腩的確不錯，很軟頗入味牛什就普通了，不過也是ok個人覺得質素沒有裝修前的高…不知為什麼@_@ 重點來了…那杯檸茶!!!絕對是我人生飲過以來最難飲的檸茶!!!我從未試過檸茶有種藥丸味(不是藥水，是藥丸!!!我也忘記是哪種的藥丸，反正是一種很臭的成藥來的。開頭啖檸茶入口是沒什麼特別，但含了2秒左右，你就飲到好酸澀，當你吞入喉嚨後，藥丸味道在你的喉嚨散播而你的口腔是有種甜意…有點膠的甜意我不知道杯檸茶發生了什麼事原本我還因為有凍飲所以下了大量辣椒在河粉裏誰知道檸茶的質素會是負數起跳…最後檸茶我只喝了2口，河粉也沒食完，便長揚而去了。明記，沒下次了。

講都無人信, 慈雲山在我童年時經常會去的地方.不過隨著時間的變化.慈雲山變到我都唔認得...哈哈!今次選了呢間老店.主力係賣牛類的粉麵...服務:我真係佩服.表面店員之間傾計.計到忘我.就算人在落單.口中都係店員同店員間傾計...但係無落錯單.連我話走蔥都做到,一心二用犀利....凍檸茶:茶味極濃.檸也夠多..甜度不高..雖則茶味濃..該種苦澀程度,我也能接受.....牛什米:大碗味道雖則偏淡,但完全無肥油..牛腸也只有少許肥油...全碗牛什也夠林.己算不錯...埋單.只是22元....價錢合理

放假百無聊賴, 想到以寫食評打發時間, 同時也可與大家分享自覺難忘的美味.當然, 當中所述只為一己之感, 不敢有所謂 「評」, 自己也不是皇帝舌第一次食評, 就獻給我很喜愛的明記吧明記的牛腩雜真是好吃之極牛雜中最愛是牛腸, 其牛腸腴香十足, 入口時牛脂盡化, 牛味在口腔久久不散牛腩也不遑多讓, 且份量十足, 絕無欺場而且, 其腩汁湯底也較其它店濃郁, 不用作太多調味從以前單拼每碗 $14 到現在每碗 $17, 深明生意艱難...明記是較舊的小麵檔, 有時聽聽樓面「菠蘿」哥哥與師傅的閒談也是有趣萬分有如麵食的叫法, 他們自有一套雲吞麵為「細蓉」雲吞米為「白鬚」生菜為「玻璃」......「牛肚米」... 乍聽以為是普通牛肚米, 但其實是牛腩米和牛肚米, 因牛腩米為「牛米」, 牛肚米為「肚米」...哈哈他們果真有默契加油啊明記!

牛腩河: 湯底正, 好香濃腩汁味...牛腩好淋好入味, 有成7-8舊, 都幾足料...河粉夠滑同薄, 正~ 牛丸河: 湯底同牛腩河一樣, 牛丸係牛根丸, 好有牛肉味, 超正 油菜: 都有腩汁+蠔油, 唔咸, 正~ 奶茶: 我覺得奶O左D...環境: 係舊式粥粉麵舗裝修, 好有懷舊feel