Video
7-min walk from Exit E, Kwai Hing MTR Station
continue reading
Opening Hours
Mon - Fri
07:30 - 18:00
Sat
07:30 - 17:00
Above information is for reference only. Please check details with the restaurant.
這餐是搬新公司的第一餐，正正就是在新公司的附近，聽同事說味道都不錯，就大家都去試試看，其實某程度也是老闆逼去的。因為大家收拾到3、4點先食飯，所以去到已經係食下午茶啦，其實都幾多選擇，圍繞都係星加坡、泰國和馬拉菜，一般都係廿幾蚊到，熱飲唔洗加錢，凍飲加二蚊。而我點左豬頸肉炒公仔麵，雖然見到有紅紅地，但係一點都唔辣，係有點香口，但係偏向甜既，而配料和份量都算多，豬頸肉真係好大塊，咸咸地有嚼口，一點都不乾。公仔麵條條都好入味，有點甜甜的，吃一個真係好夠飽，又便宜。
continue reading
同同事到附近做野，見門口有8折優惠就入去試下啦！我哋2個叫咗海南雞飯，但只有一碗油飯，咁我就轉咗燴牛尾飯。開飯吖！我碟牛尾尚算多餸，差不多有成4件大牛尾，味道唔錯燴得好入味，牛尾肉質未算好"霖"，如果"霖"身D會好一點。總括，工廠區食堂的品質已算不錯，但正價$58未連飲品就有點貴。
continue reading
見到門口的MENU見到一餐要$4X-$5X，睇到個價唔平，但係因為次次見好多人等，所以終於試一試。入去MENU好簡單，約一張A4紙全是餐名。小食、粉、飯、沙拉咩都有。點左個海南雞餐。飯量正常，但雞油味唔香。雞肉唔會爛，但雞太肥，油脂相對多，個人不喜。整理可以試一試。
continue reading
在葵興工作的兩星期中，午飯時都試了不同餐廳，這次來到位於和藏附近的「星馬棧」，光看店名，定必聯想起食星馬菜吧?! 據說這店一到中午人流超多，幸好我們等了一會就有位。.其實這店的食物選擇滿多，有串燒、小食、沙律、越菜、叻沙、東南亞炒粉麵飯、連歐陸輕食都有，可為相當進取，真的不愁揀唔到。其實那時期的小妹是很鍾情叻沙的，不過還是要了個秘製去骨海南雞飯餐，應該唔會太差呱?先黎這杯同事加十元叫的馬來西亞拉茶，其實小妹本來都想叫，但又心怕中伏，所以便先等同事做勇士吧!!! (笑) 這杯「特色飲品」只是用上普通杯盛載，小妹試了少許後，覺得根本和普通幼茶的味道沒分別嘛!!? 究竟差左那呢? 但這杯要卻要加$10，最後和同事也一致認為會不會係侍應們搞錯? 無奈!.同事的蝦餅叻沙 $58據說欠缺椰香味，辣味較重，當中的蝦餅有點硬，奇怪的係用上油麵，有點格格不入，勝在材料多夠大碗。.至尊秘製去骨海南雞套餐 $58 (包郊外油菜及例湯)一端來時真係不得了，除了碟很大外，這油飯做成金字塔型的都係第一次見，十分突出，有否感覺充滿著神秘感呢!? 賣相其實滿不錯的，至少小妹印象深刻。.說回味道，這油飯又乾又硬，香味欠奉，正所謂「好睇唔好食」，小妹寧願要回普通白飯；而主角海南雞味道不錯，但脂肪位略嫌較多，而且雞皮多過肉，份量較少。當中所配的郊外油菜，本來還以為是一小碟那種，原來正是放在三角型飯旁邊那兩條，不過都好，有落蠔油，味道唔會差；不過個例湯就淡如水，還是放棄好了。
continue reading
從石籬行落葵興，途經大連排道工廠區，見到這店的易拉架寫著晚餐半自助餐（主菜加$40，就可任食頭盤、湯、甜品等）。最平的主菜$68（有比目魚、海膽三文魚炒飯、黑豚豬扒），我揀了炒飯同比目魚，很不錯。 我見其他主菜的賣相亦相當不錯，很吸引的。 還食了長腳蟹、翡翠螺、各式德國火腿、沙律、芝士餅、煙三文魚、水果等等。中湯是日係木瓜雞腳豬骨，很入味，湯料亦多。但飲品選擇少，質素一般，我只飲如利賓納。奶茶檸茶得熱飲，凍的要額外加錢，這是我惟一不滿的。甜品有啫喱、奶凍、芝士餅、泡芙。同價錢成正比的，所以勿過大期望，但這價錢〜晚餐來說，真的抵。若在附近返工，收工後與同事在這裡歡聚，實在正呀！
continue reading