星馬棧 (Closed)

這餐是搬新公司的第一餐，正正就是在新公司的附近，聽同事說味道都不錯，就大家都去試試看，其實某程度也是老闆逼去的。因為大家收拾到3、4點先食飯，所以去到已經係食下午茶啦，其實都幾多選擇，圍繞都係星加坡、泰國和馬拉菜，一般都係廿幾蚊到，熱飲唔洗加錢，凍飲加二蚊。而我點左豬頸肉炒公仔麵，雖然見到有紅紅地，但係一點都唔辣，係有點香口，但係偏向甜既，而配料和份量都算多，豬頸肉真係好大塊，咸咸地有嚼口，一點都不乾。公仔麵條條都好入味，有點甜甜的，吃一個真係好夠飽，又便宜。

同同事到附近做野，見門口有8折優惠就入去試下啦！我哋2個叫咗海南雞飯，但只有一碗油飯，咁我就轉咗燴牛尾飯。開飯吖！我碟牛尾尚算多餸，差不多有成4件大牛尾，味道唔錯燴得好入味，牛尾肉質未算好"霖"，如果"霖"身D會好一點。總括，工廠區食堂的品質已算不錯，但正價$58未連飲品就有點貴。

見到門口的MENU見到一餐要$4X-$5X，睇到個價唔平，但係因為次次見好多人等，所以終於試一試。入去MENU好簡單，約一張A4紙全是餐名。小食、粉、飯、沙拉咩都有。點左個海南雞餐。飯量正常，但雞油味唔香。雞肉唔會爛，但雞太肥，油脂相對多，個人不喜。整理可以試一試。

在葵興工作的兩星期中，午飯時都試了不同餐廳，這次來到位於和藏附近的「星馬棧」，光看店名，定必聯想起食星馬菜吧?! 據說這店一到中午人流超多，幸好我們等了一會就有位。.其實這店的食物選擇滿多，有串燒、小食、沙律、越菜、叻沙、東南亞炒粉麵飯、連歐陸輕食都有，可為相當進取，真的不愁揀唔到。其實那時期的小妹是很鍾情叻沙的，不過還是要了個秘製去骨海南雞飯餐，應該唔會太差呱?先黎這杯同事加十元叫的馬來西亞拉茶，其實小妹本來都想叫，但又心怕中伏，所以便先等同事做勇士吧!!! (笑) 這杯「特色飲品」只是用上普通杯盛載，小妹試了少許後，覺得根本和普通幼茶的味道沒分別嘛!!? 究竟差左那呢? 但這杯要卻要加$10，最後和同事也一致認為會不會係侍應們搞錯? 無奈!.同事的蝦餅叻沙 $58據說欠缺椰香味，辣味較重，當中的蝦餅有點硬，奇怪的係用上油麵，有點格格不入，勝在材料多夠大碗。.至尊秘製去骨海南雞套餐 $58 (包郊外油菜及例湯)一端來時真係不得了，除了碟很大外，這油飯做成金字塔型的都係第一次見，十分突出，有否感覺充滿著神秘感呢!? 賣相其實滿不錯的，至少小妹印象深刻。.說回味道，這油飯又乾又硬，香

從石籬行落葵興，途經大連排道工廠區，見到這店的易拉架寫著晚餐半自助餐（主菜加$40，就可任食頭盤、湯、甜品等）。最平的主菜$68（有比目魚、海膽三文魚炒飯、黑豚豬扒），我揀了炒飯同比目魚，很不錯。  我見其他主菜的賣相亦相當不錯，很吸引的。 還食了長腳蟹、翡翠螺、各式德國火腿、沙律、芝士餅、煙三文魚、水果等等。中湯是日係木瓜雞腳豬骨，很入味，湯料亦多。但飲品選擇少，質素一般，我只飲如利賓納。奶茶檸茶得熱飲，凍的要額外加錢，這是我惟一不滿的。甜品有啫喱、奶凍、芝士餅、泡芙。同價錢成正比的，所以勿過大期望，但這價錢〜晚餐來說，真的抵。若在附近返工，收工後與同事在這裡歡聚，實在正呀！

今日男朋友話依間午市既餐單好多都吾錯又吾算貴，之前無晚市，近來開左晚市想試下～我幾期待～因為男朋友要求幾高，佢話好味既我通常都覺得超好味，所以我地對依間既晚市有期望。可能因為新攪晚市，同埋係葵涌區，少人啲，吾洗排隊就入得，點左兩份晚餐，麵包焗馬來亞咖喱海鮮($98)同參巴醬燒魔鬼魚翼($128)，無餐飲的～依個我已經有啲滿意，之後等左十分鐘到，黎到既様真係令我有啲失望……先講個焗咖喱海鮮包，好細個！得四片方包既高度，海鮮太少，味道普通，加啲薯角同少少西蘭花菜芽仔就無，我男友邊夠食……而我食參巴醬燒魔鬼魚翼，好～失～望～第一，得兩舊普通魚柳size魚肉，加一堆薯角，第二，薯角味道ok既……但條魚吾合我口味……我本來好肚餓，但啲薯角同條魚既味道令我食到無哂mood,我寧願食塊炸魚柳……可能係口味問题啦……不過魚既質地幾特别，係個醬吾適合條魚。其實佢有得加$40仼食一啲沙律，海鮮，甜品，凍肉等，但無興趣食了，一個甘既價錢既餐理應食得飽人，但今次真吾飽又吾好食！依篇係我第一篇食評，我未試過甘失望！