暢和麵家

Open Now

Now Closed

聽朋友介紹大埔有間抵食又好食嘅醉雞，所以搵咗一日平日lunch去試下。我哋兩個人未到1:00去到，見到好多人喺鋪頭出面，好彩大部份都係叫外賣，有咁啱入面食完一輪，唔使等位。因為一輪入咗好多人而且鋪頭入面座位得大約10個位，執枱落單都需要等一陣。但係侍應都好有禮貌咁執嘢同落單。好彩上菜時間都好快，大概等左15分鐘就有得食。我哋各自叫咗一份花雕醉雞(例牌)加米粉，同埋一份蜆蚧鯪魚球。招牌醉雞雖然唔係好大份，味道好味已經搭救，醉雞汁好濃好香，雞肉吸收哂酒香，但又唔會太鹹。配埋清清地湯嘅米粉，簡直係絕配。另外個鯪魚球都幾好食，唔會有碎骨，不過個汁就偏鹹，唔食得咁鹹嘅就唔好點咁多。加8蚊有杯熱柚子蜜，潤喉之選👍🏻

醉雞麵($46):醉雞份量大約4分1隻到.雞醉嗅落唔係好重酒香，但食落好重好重酒味，好似飲緊酒咁.酒味之餘帶咸甜！而且雞肉都好入味.肉質嫩滑.雞皮一啲都唔油膩，好似啫哩咁！蝦子麵（$16):今時今日仲有依個價錢！！蝦子份量好多！食蝦子麵最怕蝦子份量好少，等同食素麵有咩分別.食暢和就唔怕出現依個問題！另外附送湯！好好飲！味道清甜！碗仔翅（$22）：每次都必叫之食物，材料豐富(粉絲、冬菇、好多肉絲、蛋花仲要花膠同魚唇翅）！每日限量出售！

聽就聽得多大埔出名醉雞米今日就親身第一次試食，我點咗一個醉雞米,雞好滑好入味每一啖都有香濃酒味同雞嘅味道，米線湯底就同福字米粉湯差唔多，不過要讚佢地用嘅蔥都係新鮮嘅

早排經過一次，見到好多人排隊，就一直想黎試下。咁啱今日同朋友經過，就黎排隊試下呢間舖啦。我哋黎到果陣差唔多十二點，門口大概有10個人排緊隊。等左15分鐘左右就可以坐低點餐。我哋叫左花雕醉雞、蝦子撈麵、鮮肉雲吞、傳統雞絲翅。MenuMenuMenuMenu食物合照醉雞幾入味，好滑，幾好食。雲吞麵係大地魚湯底，超好飲，唔會咸，飲完唔會口渴。碗仔翅有真翅，雖然唔多但係都食得出，一片片咁。唔會好咸，容易入口。蝦子撈麵特寫蝦子撈麵幾濃味，但係又唔會太咸，食完都唔會好口渴。店入面座位唔算多，黎食野既各位預返要等一陣先有位。店員有禮貌，野食高質，而且好抵食。非常推介！

一日一黃店 抵食大碗良心麵家係網上見到呢間又罷工 又罷工又捐錢 即刻去試試.呢日叫左 ⭐️黃沙豬膶麵$26👍🏻暫時係我食過 最好食既豬膶 夠爽口👍🏻小小粉起沙感覺 有3大塊 都算厚身（一上台果時 3塊係底沉住 拎上面真係幾大塊）.👌🏻蝦子湯底？👌🏻麵都ok上次深水埗有間好食食都要$30呢間只係$26抵食 足料係一間唔錯既麵店 有機會再食其他麵.#暢和麵家 (大埔)（西環）地址：大埔寶湖道3號寶湖花園商場二樓222B號舖.⭐️評分：味道：4.5/5環境：3/5服務：4/5抵食：4.5/5

點餐選了醉雞配生麵及豬肚配生麵(太餓而忘記拍照)首先談豬肚麵:單談一碗$26的價錢已是非常良心價!! 一開始見到有三塊豬肚，大小適中而軟硬度正常，特別是處理乾淨，沒有怪味，已經滿意。誰知道一邊吃，竟然再找出兩大片豬肚，實在可以稱為足料!再談醉雞:一上菜，見到有另外空碟予客人放雞骨，這份貼心已先加分。再嚐一口醉雞，酒味香濃，雞肉算滑，吃得出是黃油雞。最後談麵條:硯水味比起坊間其他麵店淡，較易入口。湯底亦不覺有味精，值得一讚。總體來說，性價比極高，難怪候位需時。下次會想試試撈麵…

早前有次想幫襯，點知去到剛剛收鋪，星期六整完頭髮點都要去試一次 🤭去到叫咗碗豬潤蝦子撈麵，雖然得 3 片大大塊豬潤，但食起嚟好滑，唔會煮太老。蝦子撈麵有鋪滿蝦子，有啲似 Tiramisu 鋪滿朱古力粉咁，食落好香口，加小小豬潤湯唔駛乾爭爭，好味。熱鴛鴦係茶餐廳貨試，$40 個餐絕對滿意。食完走嗰時聽到人叫花膠，望吓原來佢哋有花膠賣，只怪自己無睇清楚 menu 就 order!! 哎吔賣相仲好吸引添，可惜我放工返到嚟佢哋就夠鐘收鋪，唔知幾時可以一試呢？

星期日一個人吃咩好呢，突然想起畅和餛飩，2點幾都要排隊，店鋪簡單裝修過，改了個大摺門，視覺上好似寬躺咗。人多就一定要搭檯啦，仲係坐門口。週末先有碗仔翅，點都叫返一碗先，味道偏淡，感覺無咁多味精。雲吞雖然係無蝦，只有瘦肉同蝦子，勝在皮夠薄，配埋大地魚湯底就好好味。

跟友人路過寶湖商場，剛巧有位便坐下，叫左招牌牛丸河，雲吞麵，還有店內推介冬姑炆花膠、沙薑雞。招牌牛丸：期望越高失望越大，牛丸好咸但係無牛肉味，一碗得三粒，非常珍貴，河粉超「鞋」口雲吞麵：細細粒雲吞但無蝦肉沙薑鷄：鷄肉夠嫩滑冬姑炆花膠：冬姑夠滑但唔入味

為左醉雞而來，知道暢和麵家都係出名醉雞同埋見到某app有優惠兼且可以外賣落單，但佢唔係好似送餐app包埋送貨。外賣既醉雞都依舊咁好食，只係上湯凍左少少好似少左酒味。不過下次經過會再食！老闆都好ｎｉｃｅ，會我地有講有笑，支持小店人人有責！

“食醉雞緊係食暢和啦！”近年來每次想起醉雞，身邊朋友都極力推薦暢和麵家，可惜地方淺窄，難以容納三五知己同枱食飯，每次都因此打消念頭。今天剛巧二人世界，籍此機會來潮聖。除了醉雞，朋友們亦推薦蝦籽麵，所以我們餐牌都不用看就點了兩份蝦籽麵及半隻醉雞。蝦籽麵是撈麵，另外配一碗上湯，上湯香濃，十分滿意。再試蝦籽撈麵，對本來不太喜歡蝦籽麵的我來說是有一點點小驚喜的，但也不能說愛上。老闆把醉雞端來我們面前的那瞬間已經飄逸著濃濃的酒香，老闆剛放下就立刻擱置面前才剛來的驚喜，立刻享受新來的驚喜。雞肉滑嫩，非常入味，色•香•味都十分滿意。看起來平平無奇，地方淺窄而且裝修有點舊，往往就是讓人驚喜重重。

終於再次經過這一間餐廳，之前經過，要麼就已經吃了東西，要麼就沒有什麼胃口，這次經過，終於記得，之前很久已經嘗試這間餐廳，這次終於機會。😀外邊的位置好像比店內更加寬敞，😁雖然走廊位處於商場的走廊，但其實這個商場人煙比較稀疏，😏因此坐在商場走廊也沒有所謂。友人落單的時候，說雲吞豬肺淨食，我覺得，她說的這個選項，好像很熟面口，又deja vu?怎麼好像在哪裏聽過？🤔對了，應該是在另一間叫許記的雲吞麵店，😯那麼來說，即是大埔有三間都差不多種類的餐廳，第一間就少和暢金廚（但是上次新開的時候去到，門口沒有寫有什麼已經賣光，服務態度惡劣，而且傲慢）、許記（亦都是以鹹雞，定還是花雕醉雞作為招徠，內裏都似乎有不少熟客），另外就是這一間暢和麵家。既然來到，它說自己的招徠菜式是花雕醉雞，就試試它花雕醉雞麵吧。$45左右的花雕醉雞麵，不會覺得特別便宜，但是看看份量，一大碟好像例牌的花雕醉雞，底下的花雕酒汁醬不少，而且味道都挺濃郁；我所吃到的雞，有雞翼、雞髀、雞背、雞胸的份量不多，因此起上來，雞肉的質地非常滑溜；雞翼有時候可能會黏着少許雞毛啊，但整體來說，雞肉的質地還算滑溜，吸入不少花雕酒的味道。由於雞肉都盡吸

去到見到好多人排隊，咁就諗住買外賣啦，點知等了十五分鐘仲未有得取外賣，咁為有繼續等，再等多十二分鐘，見到之前排隊一對情侶已經食完離開間店，積時問我外賣有得取未，他們還說下一張單到我，我真係認唔住要鬧他們。我説我比錢賣外賣時間是1:15分，現在是1:42分鐘，對情侶食完走得，我外賣都未有得取，有無攪錯，你地點安排工作，之後知衰，積時先安排做比我。我知道你們出名，但都要做好D服務先得㗎。D嘢食又唔係咁好食，都係廣告吹到好好食咁，真係唔會有第二次幫襯。

第一次發現暢和呢間小店。我叫咗個套餐，醉雞米線配3粒鯪魚球同飲品，$58。醉雞份量不少，我諗有1/4隻雞，雞皮同雞肉都非常嫩滑，醉雞味道酒味濃但唔會帶苦澀。以為好普通嘅一碗米線，食落原來不普通，湯底有啖啖嘅韭黃味，令米線味道不單調。最後，鯪魚球彈牙完全無腥味，平時最怕食到疑似魚骨嘅細粒，都唔完全無發現，正呀！$58嚟講，我覺得物超所值，下次一定要去再試下蝦籽麵同埋限量供應嘅藥膳醉雞！

平時好鍾意喺大埔捐窿捐啦搵嘢食，呢間係我其中一間比較喜歡嘅小店。由於小店好受歡迎嘅關係，想食好野就要早啲去啦。如果唔係就要排隊等好耐啦！我最鍾意嘅係佢嘅金牌牛丸同醉雞面。金牌牛丸非常彈牙，牛肉味香濃。配埋彈牙兼有蛋香嘅幼面同超多超足份量嘅蝦子撈麵，見到已經好滿足。另外要讚下連湯底都落足心機，由鮮甜嘅大地魚，加上蝦子等材料而成。醉雞充斥花雕酒既香味，花雕酒浸住嫩滑嘅雞腿肉，不過雞胸肉就稍「鞋」。