木船泰國粉麵專門店 (Closed)

太耐冇食過泰國嘢，今日就試下開咗一段時間嘅木船啦。裝修係模仿一隻船，係一個好特別嘅餐廳。我地一行三人，叫咗兩個套餐三個小食，兩杯嘢飲。叫咗一個香葉肉碎配脆脆雞翼飯同招牌燒豚肉飯。兩個飯既份量都大，而雞翼係好香脆，唔會太乾身，但個人認為肉碎唔夠辣，同行朋友就覺得可以接受。重頭戲黎啦，個燒豚肉飯我哋三人一致認為係好好，因為食到炭燒既味，而且仲充滿肉汁，超級香口，極度推介而每一個套餐都會跟三款小食一個湯，小食有腐竹卷，沙律蛋同朱古力小蛋糕，湯就有冬陰功湯同鮮雞湯。比較出色既係冬陰功湯，夠辣而且鮮味夠出另外我地仲追加左三款小食同兩杯嘢飲。小食有泰式炸魚餅，木瓜沙律同泰式鳳爪。個人中意食泰式炸魚餅，因為好彈牙，而且唔會有腥味。但朋友就鍾意食泰式鳳爪多啲，因為配合埋蔬菜，成件事好fresh。嘢飲方面，我哋叫咗青檸梳打同新鮮椰青。兩款嘢飲都鍾意，因為青檸梳打夠酸，夠氣，椰青夠甜，而且又大個食完個個都捧腹而走

餐廳環境配合店名，以木製船做主題，吊燈有特色，好有格調。menu上除左有泰式菜款，仲有西式焗飯、小食等。叫左招牌燒豚肉飯定食($88)，XO醬炸豬扒飯($60)，鳳爪沙律($42)，水牛城串燒雞翼($32)。豚肉面上鋪滿大量青木瓜絲，非常爽脆。套餐附有既小食雞卷、蛋沙律、朱古力蛋糕仔都好出色，好用心煮，唔只係配角咁簡單。豚肉邊燒邊塗上燒辣醬汁，肉嫩多汁，冇燒到變乾。而且好似愈食愈多塊既感覺，不過食食下feel到辣，但過癮。白飯估唔到係粒粒分明，燒肉汁滴哂落飯到，飯量甚至男仔都可能食唔哂添呀。跟餐有雞湯或冬蔭公湯，冬蔭公湯果然冇揀錯。椰香、香茅味重，仲有菇一齊煮，好多料，唔算好辣。炸豬扒飯送上枱個陣嚇一嚇，因為好大份好多塊豬扒。豬扒足足有3大塊，脆口肉唔乾，而且唔係熱氣油膩個款，好juicy，一啖肉一啖飯，好易就KO哂。XO醬鹹鹹地後勁帶辣，配豬扒食又唔錯。鳳爪辣味過癮，而且爽脆，直接食唔駛吐骨。大量蔬菜紅蘿蔔絲、番茄仔、洋蔥攪拌，成碟都埋滿哂。而小食黎講，份量幾乎係出面餐廳既double。串燒雞翼燒得焦脆，而且好易就食到d肉。整體，食物份量多到驚人，但價錢好親民，而且食物質素好，食到泰

很難得約到兩位好朋友吃飯，在openrice找找附近有什麼好吃。碌碌碌看到了這間木船，想起了一位朋友曾經大力推介，所以趁著平日沒什麼人就進去了。非常喜歡木船的環境，用麻繩吊下的燈很有格調，像真的去了泰國旅行一樣。座位位置很舒適，袋子可以放在梳化座旁邊而不會阻礙旁邊顧客出入；店內座位與座位間都有隔板，減低病菌傳染的機會。點了白汁呑拿魚焗意粉，對比外頭意粉店，這個價格真的超值！白汁多而入味，燒焦的表面令意粉不會水水的，有質感和些微脆口感。而味道則不過不失，鹹度適中，呑拿魚味濃。泰式炸魚餅味道平平，有一定厚度，正常發揮。這頓飯聊了很久，店員也不太催交枱，吃得很快樂。

今天來到大埔食好野😋火車站行過少少來到這間泰國餐廳😋裝修很有特色，店內都是木質的牆，還有彩色的條子。我們先點了一個招牌燒豚肉飯，起初看到上面滿滿的不知是什麼，一吃下去才知道，原來是青木瓜哦！一碗飯裏面有兩款菜式了，就是多了青木瓜沙律，青木瓜酸酸甜甜的， 十分新鮮，這個配搭非常之好，也很健康。吃完青木瓜之後，再吃裏面的燒豚肉，應該有成十塊燒豚肉，都算是很多，吃上口是剛剛好熟，很淋，我不喜歡太熟會太硬，而且一陣炭燒味，應該是人手用炭燒出來的，十分有風味😋中間還加上一個半熟蛋令整個飯更加濕潤，配合得很好。另外有點了燒汁安格斯牛肉飯，牛肉份量很多，也很林，加上少汁，非常的香！每款飯還有三款小食，和一碗扎肉湯，可算是非常抵食的套餐哦！總結，是高質素和性價比高的泰國菜餐廳下次一定會再來！

今日嚟咗大埔呢頭行街 除咗食呢排好火紅嘅粉果佬之外 都要食個正餐嘅 夜晚就嚟咗呢間木船啦😺晚市套餐都有幾多選擇 而且座位間隔上做得好足 半卡位嘅膠板係遮檔埋卡位嘅部分 唔係淨係喺張檯上面 可以食得安心啲👍🏻今晚同友人揀咗兩個定食 而定食就有跟一個湯同三色小食肉丸扎肉鮮雞湯 味道就有少少似冬瓜湯 比較清淡 冬蔭功湯 就酸酸辣辣 辣度係易入口嘅 好開胃三色小食有碎蛋沙律 泰式魚丸 同brownie 碎蛋沙律份量都幾多 個人覺得味道甜咗少少 泰式魚丸幾彈牙🙊傳統香葉肉碎double煎蛋飯 望到雙蛋都好開心 肉碎嘅味道好味好好送飯🤤 份量都好多招牌燒豚肉飯 第一眼望落係好多青瓜絲 但係其實豚肉都唔少 青瓜絲酸酸地 再加埋甜甜地嘅燒汁 撈起上嚟都幾好食㗎🐷新鮮椰青 只係加25蚊 覺得都幾抵 椰水好清甜 另一杯係凍檸茶 有四片檸檬咁多🙊呢個晚餐好豐富 成餐都好滿足😋 係性價比高嘅餐廳

星期六趁放假點都要出外走走啦😁今次約了朋友到大尾督踩單車做下運動💪🏻踩完單車梗係去食晚飯醫肚啦，朋友極力推薦要去太和港鐵站附近嘅一間泰國菜餐廳- 木船，既然極力推薦就入咗去試下睇下點解佢會咁吸引😊他和其他泰國餐廳比較，咁呢間相對地比較平及抵食👍🏻👍🏻而室內佈置得得有泰國嘅格調，座落感覺舒服又放鬆。踩完一日單車真係超爽又超肚餓，我哋每人都嗌咗店內推介嘅定食，分別嗌咗 ：”滑蛋燒鰻魚大碗食(定食)” - 鰻魚超大超滑汁濃很有質感😘，”傳統香葉肉碎double煎蛋飯(定食)” 😘👍🏻這個也不錯，”汁燒安格斯牛肉飯配溫泉蛋(定食)”😋😋還有招牌”燒豚肉飯（定食)” 😋😋每個定食都可選配冬蔭功湯，或者 肉丸扎肉鮮雞湯及 三款特色小食(蛋沙律、朱古力brownie及兩粒魚餅)，真係超超超抵及超超超我選了冬蔭功湯，很正很入味，酸酸辣辣的好開胃，朋友點了扎肉鮮雞湯，就覺得清淡咗少少，但最適合食得清淡嘅朋友，不會覺得油膩，很好😙我也點了安格斯牛肉飯，碗入面有好多塊牛肉食落都好好趙口👍🏻撈埋隻溫泉蛋食仲惹味，絕對超值好食之選👍🏻👍🏻。不得不提既係佢個豚肉飯，豚肉唔會煮到好柴，加埋佢既醬汁直頭可以送十碗飯。

好耐冇食過泰國嘢，嚟到呢度發現除咗有泰國嘢食之外，都仲有其他菜！有意粉、咖喱、鰻魚等等，啱晒想食唔同菜式嘅朋友一齊食。叫咗個傳統肉碎Double煎蛋飯、招牌豚肉飯同埋汁燒安格斯牛肉飯配溫泉蛋。呢啲定食係配湯同埋小食。湯就揀咗冬陰功湯，酸酸辣辣咁好開胃。小食有蛋沙律、brownie。原來個飯都幾大碗，而且好足料，呢個價錢來講性價比真係好高。肉碎香香辣辣，配白飯一流。另外我哋仲追加左小食，叫咗單骨脆脆雞翼、蒜蓉炒通菜同埋地道酸辣鳳爪。大部份小食都係20幾蚊起，好抵食，而且份量都好大！嘢飲方便，叫咗個椰青、泰式奶茶同埋龍眼冰。椰青好清甜，好解渴，見到朋友嘅龍眼冰亦都有滿滿嘅龍眼肉！呢度咁多選擇，下次黎到仲想試埋其他套餐！

今日去大埔三門仔釣完魚，想食泰國野，就行左去太和搵食，今次食左3樣野。青咖哩焗雞扒飯$58連熱飲晚餐黎講算係好抵，一黎雞扒份量多，二黎飯味道好好，因為Ｄ青咖哩汁同芝士都好足，入面有Ｄ瓜做配菜，推薦！。傳統香葉肉碎Double煎蛋飯（定食）$65跟湯，三款小食，熱飲有雙蛋好正，但因為飯份量多，所以搞到Ｄ肉碎好似唔夠XD 應該都唔算係一個問題黎。加配馬拉盞炒通菜＄48呢個價錢份量都多，不過就偏油左Ｄ，味道正常。整體黎講，依家想搵間平平地既泰國菜都已經難，仲要呢間質素唔差，真係難得！推薦大家一試評分：4/5味道：3.5/5性價比：4.5/5

呢排都減少外出用膳，就算唔自己煮，都係買外賣返屋企。平時都有去木船食開早餐，貪佢去到11:30am都仲有得食，而且幾抵食，今次就黎試下佢既晚餐先。招牌燒豚肉飯佢係一個定食餐黎既，包個湯，一份三色小食同飲品，係超級豐富！我當然選了最愛的冬蔭公湯，味道非常濃郁，但唔會成口油，好有泰國風味。三色小食都唔可以睇少，食完都飽飽地，大讚碎蛋沙律，好驚喜！芝麻醬豆腐滑滑的，炸物仲夠脆口，讚！去到主食啦，招牌燒豚肉飯，見到都流口水呀。豚肉燒得夠香，而且帶有少少燶邊，好香口。青木瓜絲岩岩好咁中和左燒豚肉既膩感，再加少少甜酸汁，好開胃。香葉肉碎double煎蛋飯呢個係我每次去泰式餐廳都必叫的，今次仲有double煎蛋，正呀！肉碎夠份量，而且炒得好香，撈飯食一流。再加埋上面兩隻蛋汁。。。人間美味呀。個飯份量超多，一個女仔相信係食唔哂既。泰式炒通菜有咁多肉，當然要叫多個菜中和下啦，健康d。$48有咁既份量，基本上真係無投訴架啦。平時係其他泰國餐廳食，起碼都要$68，街坊價認真抵食。

今日同朋友仔去大埔玩聽聞大埔太和路好多餐廳最後俾呢間泰菜餐廳既木質裝修吸引到睇個餐牌 有三十幾款晚市套餐總有一款適合自己而且定食仲包三色小食、湯同飲品份量十足第一次食 梗係食餐廳招牌野啦所以我地叫左個招牌燒豚肉飯而朋友仔係牛魔王就叫左汁燒安格斯牛肉飯配溫泉蛋定食最後仲加配左個水牛城串燒雞翼。首先講下個雞翼兩隻一串 一入口已經食到燒雞翼既雞油香再尼就係水牛城雞翼既香辣非常唔錯之後講下個燒豚肉飯不愧為招牌 豚肉燒得好稔 帶炭烤既焦香味搭配面頭泰式酸辣汁既菜平衡豚肉既肥膩感 就算咁大碗都食得完。冬陰公湯味道就好特別 椰香味重帶少少酸酸既青檸味，非常好飲而安格斯牛肉飯啲牛肉都有同樣既焦香味再撈埋溫泉蛋既蛋黃就好似食緊壽喜燒咁滑溜得黎又有牛肉既油脂香味都係非常值得推介跟餐既扎肉肉丸雞湯同個冬陰公湯係一個天與地既分別 非常衝激雖然清清淡淡但係入口之後淡淡雞精華既味道解膩一流總括黎講 呢餐水準唔錯份量又足夠 價錢亦唔算特別昂貴下次黎大埔可以再encore！

經過朋友介紹，我決定咗今日去食一間喺太和嘅泰國嘢，叫做木船。入面嘅裝修都幾靚，我同朋友今日好早就到咗六點幾去食，所以都好好彩唔需要排隊。咁我哋一人揀咗一個飯再加咗少少小食試吓佢啲手勢先。我哋叫咗香葉肉碎飯配雞翼同招牌燒豚肉飯，原來每個餐都配左三個小食再加一碗湯，咁咪做乜都試吓，所以我哋就叫咗雞湯同冬陰功湯試吓。見佢啲小食咁抵，都叫咗盧筍雞翼，同埋蝦球。一開始嚟到啲小食係熱辣辣，好香口，好好食，而且蝦球好大粒，非常好。仲有個碎蛋沙律值得一提，唔係好普通既蛋白溝沙律醬，餐廳特別先將蛋黃壓碎再溝落沙律醬，先再撈落啲蛋白到，非常有心機。最令我同我朋友驚喜嘅係個招牌 豚肉食，個味好似日式燒汁，但係又有少少酸酸辣辣嘅味道，食落去非常開胃，揭落去仲見到一粒半熟嘅溫泉攞嚟拌飯非常之一流，上面仲鋪滿左應該係啲木瓜絲既沙律，喺濃濃嘅醬汁下面有一絲清甜嘅感覺係配合得好好。香葉肉碎飯就係不嬲我嘅最愛，去親泰國餐廳通常都要叫㗎啦，冇令我失望，食落去都係有種辣辣地嘅味道，食完都好想繼續食。因為泰國嘢通常都比較濃味，咁我就叫咗一杯香茅特飲，其實香茅特飲真係好多地方都冇，但係有一次我去咗泰國旅行飲過就念念不忙，呢度有

今日行山前喺木船醫左肚先！叫左一個安格斯牛肉飯配溫泉蛋定食同招牌燒豚肉飯定食，另加小食庶蝦4件第一次食庶蝦，好鐘意！個蝦炸到好好味，入面既庶咬起上嚟仲好甜！😋定食配一碗湯（冬蔭公/肉丸扎肉雞湯）、三色小食同一杯飲品冬蔭公味道幾正宗👍🏻 肉丸扎肉都好爽口彈牙👍🏻三色小食有蛋沙律（不嬲都好鐘意食😋）、麻醬豆腐同2粒似炸春卷細粒版既野（好味👍🏻）原來招牌燒豚肉飯有好多青木瓜！正！好爽口！食哂青木瓜就會見到溫泉蛋同燒豚肉。整爆左粒溫泉蛋再撈d燒汁落d飯到真係一流！豚肉亦好入味，又易咬！推薦！🥳安格斯牛肉飯配溫泉蛋原來同燒豚肉飯好似樣，只係無青木瓜。但一樣都好好味，牛肉味都幾出！👍🏻食飽飽，滿足哂，就出發去行山了😆

早排去九龍城食完泰國菜之後，好耐都冇食過，所以今晚返咗大埔試吓佢近期新開嘅泰國菜。佢哋嘅套餐真係好抵食，佢哋嘅套餐包左一個主菜，一杯嘢飲，仲有三份小食同埋一個冬陰功湯，其實佢另外在帶啲小食都好抵食，大概都係20幾蚊。我哋叫咗一份主菜，就係滑蛋燒鰻魚大碗飯，佢哋嘅滑蛋煎得好滑，佢哋嘅鰻魚有少少骨，但正正真係鰻魚所以先有骨，個鰻魚汁溝埋啲飯一齊食一流。之後我哋叫咗三份小食，分別係酸辣鳳爪，水牛城串燒雞翼同埋絲網春卷，先講酸辣鳳爪，酸辣鳳爪夠辣，好醒胃，鳳爪嘅份量都幾多。水牛城串燒雞翼燒得好香脆，同埋雞翼都好大隻。最後叫咗個絲網春卷，都係一樣好香脆，新鮮出爐好好食。最後叫咗個泰式奶茶，泰式奶茶偏甜，茶味比較忙，但係正正就係因為佢嘅甜味我覺得好好飲，仲可以解辣。

冇諗過大埔中心附近都有泰國菜食，仲要呢間泰國菜嘅價錢真係好平民化，分量唔算大，但係性價比都算幾高，平日都幾多人嚟食，所以今晚嚟試吓。我黎嘅時間尚早，大概係五點幾，入邊嘅裝修都幾特別，真係好似坐喺㗎船上邊食嘢。食物嘅選擇都幾多，佢嘅午餐同晚餐嘅選擇都係差唔多，但係選擇成都幾大，疫情期間外賣仲有七折，真係好抵食。叫咗個小臀肉飯，佢連埋配菜，配菜有中華沙律，但沙律同埋煎魚餅，配菜就冇乜特別，但係呢個價錢連埋配菜真係好抵食。燒豚肉飯面頭擺咗啲酸菜，食落去真係好開胃，中間有個溫泉蛋，溝埋啲飯一齊食一流，啲燒豚肉好軟熟，切得好薄身，入口一流。叫咗個椰青試吓，都幾大個，同埋好甜。另外在叫咗個蒜蓉炒通菜，好入味好香，食落去有少少微辣，令到你更開胃。

木船餐廳嘅餐牌經常都轉，今次我哋已經係第三次嚟食㗎啦。上次同朋友食過一個豚肉飯好好食，所以決定今次再食多次。.金雀炸蝦球（推薦指數：😋😋😋😋😋）$28廚師將蝦膠溝埋啲粟米，外層用好似雀巢嘅脆皮炸到趣卜卜，啱啱炸起，外層好脆，口感好好，蝦餃加咗粟米，仲可以增加蝦嘅鮮味同埋甜度添！.滑蛋燒鰻魚大碗飯(定食)$88一個定食有一大碗飯、一個冬陰功湯同埋有三個小食，其實真係好抵食。.冬陰功湯 （推薦指數：😋😋😋😋😋）除咗保留泰式辣辣地嘅風味之外，亦都符合香港人唔會太辣嘅口味，飲完有少少後勁，酸同辣嘅平衡做得啱啱好，仲有用椰奶令到成個湯得更加香，整體來講係刺激好飲的。ps仲要都幾大碗。.滑蛋鰻魚大碗飯（推薦指數：😋😋😋😋😋）蛋炒得好滑，但係絕對唔係水稀果隻，實睇得明有咁滑，功夫真係好！蛋係冚晒成碗飯，之後表面仲有一條鰻魚，鰻魚嘅size都OK，當然你話係去到好大啦，但絕對係接受到。即係話緊配合埋滑魚燒汁食，係配合既！.三色小食有魚餅、中華沙律、蛋沙律，都可以話係中日泰的組合，我滿足你三個願望。.肉丸扎肉鮮雞湯（推薦指數：😋😋😋😋😋）佢算係一個越式傳統河粉嘅湯底，因為可以再做得濃味d，所以推薦你哋飲