木船泰國粉麵專門店 (Closed)

黎開大埔附近又想食泰國野，搵到間木船泰國粉麵專門店，見到menu都幾抵食，就入去試下。見到menu有個泰國街頭王者，地上最強黑豚，就叫一個試下，塊黑豚燒得好好味，好似燒烤咁，最正係佢有啲木瓜沙律，夾埋一齊食，一啲都唔漏。另外叫多個清邁黃咖哩配牛坑腩飯配薄餅，咖哩同薄餅係天作之合，再加上佢呢個咖哩個味夠哂濃，牛坑腩份量都好多，而且個set有埋個冬陰公湯同埋蝦餅，呢個其實幾抵食。最後叫左個地道海南雞拼秘製鹵水豬脾飯，雙拼已經好滿足，仲要鹵水豬脾勁高質，都好大舊。海南雞就勁滑同都好多，配埋個醬好夾。飲品方面叫正杯泰國咖啡，本身以為好似泰國奶茶咁甜，但呢個唔係甜，係好香咖啡味，我覺得呢個飲品係必試。大埔黎講有間抵食泰菜都幾好，餐廳環境都舒服，員工又好helpful，黎開大埔搵野食又可以多個選擇。

星期日拍拖經過嚟到附近，突然好想食泰國菜而又見到呢間餐廳，於是就入咗去試吓啦👀佢呢度個裝修都幾特別，相信係以木船做主題來佈置，好有特色。我同男朋友分別叫咗一個冬陰功肥牛金邊粉同埋一個泰式汁燒招牌黑豚肩飯。估唔到兩樣嘢都好大份，我哋兩個都食到好滿足咁走。冬陰功肥牛金邊粉 (跟餐有個小食拼盤:單骨雞翼、炸雞軟骨、炸春卷）個冬陰功湯底甜、酸、辣都有，非常惹味🥴除咗配料例如洋蔥同埋菇嘅份量十足外，佢肥牛個份量都好多🤤 十分足料！另外佢跟餐有個小食拼盤，其中我最鍾意嘅係佢嘅雞翼，香脆可口！而男朋友就表示，個炸雞軟骨好合佢口味🤩泰式汁燒招牌黑豚肩飯呢個黑豚肩飯原來係即叫即燒，所以要等15至20分鐘先至有。上到枱嘅時候，已經聞到一陣撲鼻而來嘅燒肉味， 十分開胃🤤燒肉上面放咗青木瓜沙律，解膩一流。呢個飯好特別嘅係，原來佢喺個飯到加咗隻鵪鶉蛋😲

大埔一日遊晚餐之選，睇到呢間木船嗰個評價好好，就膽粗粗入去試吓啦。我哋六點未夠就行入去，所以全場都係得一兩台客，諗咗好耐叫咗個燒豚肩飯，同埋叫咗個馬拉盞炒通菜。等咗兩三個字，碟菜出現咗啦，但係竟然係一個冇戴口罩嘅女侍應（呢位女士應有返咁上下年紀）送上嚟，我當堂呆一呆。碟通菜其實比較鹹，碟底亦都好多油，食完之後我要飲唒成支水。到重頭戲燒豚肩肉飯出場 -估唔到佢啲肉其實只係微暖，一食就食得出根本唔係啱啱燒完拎出黎，加上沙律放上面，就令到佢啲肉更加凍，結果一個燒肉丼，係一個微溫狀態下食完。調味偏甜，好似細細個去食漢陽苑韓燒嗰陣味，重要係overcooked，好鞋好柴，好彩佢切得夠薄，如果唔係我驚咬都咬唔開。順帶一提，間餐廳表面上好有防疫意識，提醒人唔係食嘢千祈唔好除口罩，但結果佢啲侍應喺廚房拎食物出嚟係冇戴口罩㗎，都幾諷刺。

今日同朋友行完大埔後，我們去了這餐廳吃泰國菜。環境裝修都幾特別。見餐牌都好多選擇，價錢都唔算貴。汁燒黑豚肩飯（$88）：放上面的青瓜絲被處理過後完全沒了青瓜絲果種青味，幾特別同清新，易d入口。黑豚肩肉係一片片薄的豚肉片，佢燒得個口感有d似豬肉乾，幾香口，如果平時鐘意食豬肉乾的朋友可以點這個來吃。佢個汁係甜甜地，食落都開胃。另外飯中間仲有一隻流心蛋，撈埋落d飯到一齊食都夾。跟餐送了一碗冬陰公湯，不得不說，這碗冬陰公湯同出面平時飲開的冬陰公湯完全不同，味道偏甜，如果想飲一d與別不同的冬陰公湯的人可以點這個。冬陰公湯粉配海南雞金邊粉（$78）：同上面碗冬陰公湯一樣，味道偏甜，幾特別。海南雞配個醬都唔錯，另外跟餐有3個小食：泰皇單骨雞翼，泰式春卷，泰式豬軟骨，味道都ok.熱薑蜜：薑味幾濃。另外跟餐點了杯泰式奶茶，正常發揮。

汁燒黑豚腩肉飯：５星星星星不愧是招牌黑豚飯，超級有驚喜！黑豚腩肉有少少燶邊，提升了成塊肉的脆口感，醬汁調得好香甜少辣。幾大塊肉下面有一隻溫泉蛋（SURPRISE），蛋汁混了進白飯後再食汁燒黑豚腩肉，兩種味道配合得完美！然後飯里本身還有一大堆青木瓜絲，一起混合之下完全沒有油膩感，反而會有一種蔬果清新爽口的感覺。讚！街頭豬柳串&沙爹雞串：５星豬柳串和雞串的表面炸得很脆，里面的肉質很嫩滑，同時把肉汁鎖緊在里面，香口惹味之餘，肉上還有ＤＤ炭火的香氣。單骨脆脆雞翼：４星非常的熱氣！單骨雞翼食落脆口，肉質都唔錯，食下食下不經不覺的已經啃了四五隻。冬蔭功湯：３星經典的泰國湯／菜（？），味道酸酸辣辣，有很鮮的菇、海鮮和香料味，飲完要喝番大杯水才行。價格方面：５星超級抵！１個飯＋１個湯＋三款小食，不計外賣盒，ＴＯＴＡＬ才＄２００，ＣＰ值極高！大家值得一試！

正宗大份抵食泰國菜🌸汁燒黑豚腩肉飯$88⭐️⭐️⭐️⭐️☆一上枱大大碗，配上溫泉蛋🥚同青瓜沙律，黑豚腩肉🥓燒到十分香脆並嫩滑，焦香得黎帶點油脂，配飯🍚食真係一流。青瓜沙律十分酸辣爽口，十分開胃！白飯🍚真係好多，完全夠一個男人👨🏻既飯量🌸清邁黄咖喱🥘牛坑腩飯🍛$78⭐️⭐️⭐️⭐️⭐️配左咖喱薯餅、酸辣鳳爪沙律同埋地道酸菜，黄咖喱🥘甜甜的，牛坑腩超淋身同好味，有大大碗白飯🍚，傻婆T食到捧住個肚走。🌸薄餅 🫓跟餐+$15⭐️⭐️⭐️⭐️⭐️有2塊薄餅🫓，分成8小塊，薄餅🫓煎得十分香脆可口，再配上甜甜的黄咖喱🥘食完全無得頂呀❤🌸冬蔭功湯 跟餐⭐️⭐️⭐️⭐️⭐️正宗係泰國飲到既冬蔭功湯，酸辣味十分足，所以都略為偏辣🌶，‼️飲唔到辣🌶既人要注意啦～湯料亦十分足夠👍🌸龍眼冰 跟餐+$10⭐️⭐️⭐️⭐️⭐️龍眼十分足料絕不吝嗇，絕對唔係死甜，飲落好正👍中意龍眼既朋友仔一定要飲🌸新鮮椰青 🧉跟餐+$25⭐️⭐️⭐️⭐️⭐️原個椰青🧉上，清甜多味，還有既濃郁又厚身的椰子肉食。餐廳裝修主要同木有關，而且間隔方面係關於船隻，偏海洋風打卡一流！座位舒適冷氣足夠！======詳情======木船泰國粉麵專門店大埔翠怡街3號翠怡花園A座地下34號舖==========

太和翠怡花園附近一直都有好多唔少嘅小店美食 今次嚟咗木船食抵食泰式晚餐好少見會有汁燒豚肉丼食 就叫咗嚟試 汁燒黑豚肩飯 $88佢會配埋溫泉蛋一隻同青木瓜沙律 +酸辣丸丸湯（跟餐）一上菜就見到好澎湃嘅豚肩飯 整體嘅份量非常豐富 青木瓜清律係飯嘅面頭 涼涼地嘅青木瓜加埋酸酸地嘅香草配料幾特別燒黑豚肩肉肉質啱啱好 帶點油脂感 燒汁味幾香 味道上亦食得出係燒過 好可口好啱送飯清邁黃咖喱雞皇飯 $75 + $15追加兩塊薄餅配泰式魚餅兩塊 酸辣鳳爪沙律 地道酸菜魚餅無唒變咗炸薯餅 味道都唔錯 鳳爪沙律酸酸地幾開胃咖哩味道帶點甜味 整體濃郁 咖哩味重 好啱配飯同薄餅 薄餅亦香脆 唔算太粉配冬蔭公湯 冬蔭公湯酸酸辣辣咁味道幾正 亦唔會食到啲味精嘅味道兩個晚餐都有餐飲

💛海南雞冬陰功湯粉SET$78一個set會有主食、三款小食，同埋一款飲品。首先，個人覺得最吸引嘅就係個冬陰功湯🌶，如果都係鍾意酸酸辣辣嘅話，咁呢一碗就啱晒你。因為佢個湯底真係好濃郁，好重泰式香料味，而且啲湯粉索曬個湯超入味。至於海南雞都好嫩滑，而且部位都好大方，啖啖肉咁🍗佢會有三種醬汁附上，個人最鍾意最右邊嘅薑辣汁，調味好適中好開胃。💛清邁黃咖喱牛坑腩飯$78同樣地佢落嘅材料都絕對唔手軟，一碗起碼有八、九件牛坑腩，唔使就住就住食。而且佢嘅牛坑腩同薯仔都煮得夠軟淋🍛，唔使驚會咬唔斷。美中不足嘅係佢啲咖喱比較偏港式餐廳風味，少咗啲泰式嘅感覺。值得一提嘅係，呢個set其中一款小食係酸辣無骨鳳爪，個人覺得係跟餐上小食入面最高質嘅。除咗佢調味啱啱好之外，鳳爪本身都好爽口，咁熱嘅天氣下真係好適合食。💛龍眼冰$10 凍薑蜜$5本身以為龍眼冰係沙冰，結果原來只係普通嘅飲品。飲落去有啲似椰青水嘅感覺，上面落咗好多新鮮嘅龍眼。但因為我本身想飲嘅係沙冰所以無驚喜到我。至於凍薑蜜就比較推介，佢嘅薑味同蜜糖味嘅比例好適中，唔會特別甜或者特別辣。💛芝士忌廉蘑菇雞翼$42呢款小食係單獨咁叫，個人覺得幾值得推薦。佢表

木船泰國粉麵專門店 大埔翠怡街3號翠怡花園A座地下34號舖⋯⋯ ⋯⋯ ⋯⋯ ⋯⋯ ⋯⋯ ⋯⋯ ⋯⋯ ⋯⋯ ⋯⋯入面黃燈為主燈 有好多大麻繩掛喺餐廳上面有啲泰山屋既feel😂 泰山大冒險開始🤓冇改錯名 呢艘係一艘木船木系嘅顏色 木🪵系建築 木🪵枱櫈地道特色小食 價錢唔貴 $28至$48不等冬陰功鳳尾蝦蝦蝦金邊粉———-3蝦齊哂 櫻花蝦 鳳尾蝦 大紅蝦雞翼 春卷 雞軟骨———-隨餐附送既三小食———-細細份 唔會霸哂個胃 又可以食哂三種滋味泰式汁燒招牌黑豚肩———-汁燒高汁高質 少少燒到焦香金黃———-仲有個生蛋 同飯一齊食 勁滑！酸辣肉丸湯青檸梳打

大埔太和既泰國菜之前見佢都好似好多人排隊，今次早食又無乜人即管試試佢！☺️☺️佢都有dinner set 🍱夜晚黎講，價錢合理，性價比都高，包野飲！特飲/凍飲就另加💰💰No. 1 汁燒黑豚肩飯 ⭐️⭐️⭐️⭐️豚肉上面堆疊左一堆青木瓜沙律，系泰mix日既菜式D沙律可以中和豚肉嘅油膩感，有種清新嘅感覺，不過豚肩肉本身都唔係話好肥，所以不錯☺️☺️豚肩肉嘅厚薄啱啱好，燒到邊有少少焦，醬汁偏向甜少少，所以都幾開胃～不斷食不斷食🤤🤤佢亦都有碗冬陰功湯，個湯幾香幾夠辣，唔會話加得太多奶/沖淡左👍🏻可以一試2） 燒豬頸肉甲拋飯 （$88）⭐️⭐️⭐️主菜配一個丸子湯，三個mini 小食（炸金菇/青木瓜沙律/泰式春卷、雞腳、魚餅加幾蚊就可以配埋飲品甲拋即系泰式豬肉碎，一上枱就嘩～～～好香，似係啱啱燒完，再加埋隻煎蛋🍳建議篤穿佢，撈埋落去啲飯到食！👍🏻👍🏻豬頸肉外表燒得幾靚仔，但略嫌有少少偏厚，令到佢燒得耐左少少，偏乾！如果可以薄返少少就Perfect！🍽小食方面不過不失兩碗黎講我會簡第一碗燒豚肩飯～會較香同埋重味少少，相對豬頸肉嗰碗就淡左少少，但係我都欣賞佢咁樣會冇咁油膩同滯👍🏻龍眼冰（跟餐+$10）勁多龍眼肉個種甜系龍

比較少入太和呢頭，原來呢邊都開咗好多餐廳！鍾意食泰國嘢既我就入呢間木船試下！叫得「木船」，入到去當然就佈置到尤如置身船艙裡面啦，但呢架船一啲都唔搖，仲有好多美食添！前菜叫咗一客「青木瓜沙律」（$46），份量比想象中大！好多青木瓜絲，酸酸甜甜，好開胃！鍾意佢酸甜味突出，唔會辣，一食就停唔到口。小食叫咗一客「香甜庶蝦」（$38），本身係一客四件既，但因為當日唔夠庶蝦，店家就搭咗一舊蝦餅比我，正！蝦餅食落好煙韌，蝦肉打得好綿密，係好有咬口既；庶蝦就係另一種質感，入口即溶，加埋甘庶既甜味，香味係口腔縈繞，好清爽既感覺！主食就叫咗「泰式汁燒牛肉飯」（$88），跟餐有一碗「冬陰功湯」，最近天氣咁熱，飲返啲熱湯可以出汗排毒。湯既材料都好足，有好多菇同香料，要注意湯既辣度好足，飲一啖要送返幾啖飯。汁燒飯既面鋪上一層青木瓜，色澤好靚，亦令成個飯無咁膩。牛肉份量都多，有十幾片，燒汁味道香濃，送飯一流！推開青木瓜，入面仲有隻流心蛋，蛋汁撈飯味道更勝一籌。成個飯各種味道齊備，亦好飽肚，非常推薦大家試下！最後加咗杯凍咖啡嚟試下（跟餐加$5），唔好以為係普通茶記咖啡，呢度標榜咖啡係混合咗幾種咖啡豆沖調，一試都真係

上星期日同朋友去大埔踩單車🚴‍♀️之後去左太和既木船買外賣返去食😋餐廳主打泰國菜🥬而晚市套餐亦有多款選擇，真正價廉物美。👍🏻汁燒黑豚肩飯$88黑豚肩肉好香肉味🥩有多塊厚薄適中既肉有咬口😋而燒汁帶甜非常配襯，仲加埋配菜十分好味。套餐仲包埋冬陰功湯和飲品🥤。泰式士拉差黑豚肉炒河$58份量夠曬大既泰式炒河粉🍝豚肉同樣有咬口，非常抵食。👍🏻鮮茄菠蘿焗豬扒飯$54仲好味過連鎖快餐店既焗豬扒飯🍱大大塊豬扒半肥瘦非常好👍🏻層次豐富有口感✨而鮮茄+菠蘿酸酸甜甜非常好味。

📍今日落住好大雨，約咗友人 嚟到太和，行過呢間木船泰國粉麵專門店嘅餐廳，發覺有意外驚喜😀地址: 大埔太和路34號翠怡花園地下🔻因為嗰時落雨+早食，幸好俾我影到呢張相。樓底高，裝修佈置好有feel，佢啲卡位真係好似置身喺船裡面咁㗎！🔻野食選擇多😃🔻1. 雞湯 + 冬陰功湯雞湯好清，仲有兩片丸。而冬陰功湯十分唔錯，酸酸辣辣，仲有少少菇喺底。🔻2. 汁燒黑豚豬肩飯黑豚肩肉舖滿成個飯面，上面蓋有青木瓜沙律，酸酸甜甜，清爽開胃！一塊塊薄切豚肉邊位有少少焦，有少少似日式料理。仲有，有隻溫泉蛋同醬油拌飯😋🔻3. 汁燒黑豚腩肉飯Juicy 嘅腩肉可以好好送飯，但肉嘅厚度略為少簿，但都出色。🔻4. 熱薑蜜+凍柚子蜜熱薑蜜比想像中辣，好軟胃😀但唔想咁甜嘅話，嗌少甜已經好好飲！

今日去咗大埔做嘢，放工嘅時候途經呢間泰國菜所以入去試下， 鋪仔細細，但係食物味道唔錯同埋份量都唔少。泰式招牌黑豚肩飯好好食，黑豚肩有好多塊，上面仲佈滿青木瓜沙律， 黑豚肩好嫩滑，厚度不會太薄亦不會過厚，口感剛剛好， 黑豚肩有醃過，每一啖黑豚肩配合一口米飯，配搭非常完美， 黑豚肩屬於比較油膩的食物，但是配合埋青木瓜沙律清新的感覺，吃完一整碗也不會覺得油膩， 除了青木瓜沙律配合之外還有一隻溫泉蛋， 一整碗黑豚肩飯的配合， 配合得非常天衣無縫， 你一定會食曬一整碗飯。冬陰功鳳尾蝦魚蛋河冬陰功味道非常適合港人口味，不會過酸有點微辣， 椰漿味充足 ，鳳尾蝦和魚蛋爽口， 河粉亦非常之入味， 但是份量太大我吃不完，給了半碗老公吃， 老公將整碗冬陰功湯喝掉， 跟餐還有三款炸物 ，炸單骨雞翼炸雞軟骨和春卷， 水準正常。馬拉盞芥蘭非常之大碟， 馬拉盞非常入味， 可惜現在夏天芥蘭不是時令， 如果叫通菜會比較合適， 但是味道是好吃的， 鹹香味非常充足。整體食物質素非常高， 招牌黑豚肩飯， 和冬陰功 十分推介， 如大家經過可以幫襯下這些小店

近排香港持續酷熱，34°C、35°C等閒事，老友話行山就頂唔順，所以，改改踩單車，由太和沿吐露港踩到出大圍，再原路返，好彩今日又幾夠海風，整體感覺都幾唔錯。最後，擺番好啲車之後，就兩支公由老死帶路到附近嘅「木船泰國粉麵專門」食埋嘢先散。店名叫得「木船」，點都有啲相關元素，當踏進餐廳，就彷如入到一艘大木船嘅內籠，一排排橫樑就好似啲船骨咁，而整間餐廳都以木系為主，做得都算有心思。此外，仲有好多跟船有關嘅裝飾，可以講喺有唔少打卡位，餐廳尾嘅壁畫亦畫的好靚，絕對跟餐廳名好貼切。我哋就接近旁晚嚟，加上稍後直接返小組，所以，呢餐喺下午茶，又喺晚餐。翻一翻餐牌，都有幾多選擇，散點、定食都有，款式好地道，當然，下午茶仲可能趕到尾班車。餐枱一旁就放好晒餐具、基本調味料，招呼亦好唔錯，雖然話用餐時間45min，但由於此刻客人唔多，所以，任我哋坐，仲執好張枱面叫我哋慢慢嘆埋杯凍飲添。汁燒黑豚肩飯 $88呢個喺額外一貢餐牌，唔知喺咪啲期間限定，但睇落好有睇頭，加上黑豚肩，似喺未食過，加大咗吸引力。果然，送到上枱「肩」喺大份，啲黑豚肩肉堆到成碗面都喺，此外，配溫泉蛋、青木瓜沙律（睇餐牌我以為喺揀其中一款咋）搭冬