本佐日本燒肉料理 (Closed)

唔會返轉頭食❌🫢🫣急忙約咗朋友翌日閒日晚上食燒肉，打咗幾間full booking直到得呢到7.30有位😗見佢價位都平過其他同類店，又有魚生刺身，燒肉種類繁多咁，好似值得一試咁。不過試完只限一次，入座後見成場都無乜人，得幾枱客，安排嘅位置闊落，係枱凳有啲舊，唔太乾淨，加上環境昏暗，個氣氛一般。肉類，急凍半溶雪咁，全部都無肉味，食邊款都無分別，沾醬食得咸味。刺身，都係放題類型，不過魚生好衰，無擺碟嘅話望落係會好唔新鮮。不過入口正常，都無肚痛。嘢飲款式唔多，可加錢飲酒。不過最後食咗兩三round都走左，無食足2小時。

平日上去食，無乜人waiter 好貼心比我地揀自己中意嘅位，waiter 們都好有禮貌，而且手腳好快，叫野食都好快拎到黎。食物質素唔錯，牛肉個啲都好好味，唔似啲比啲爛肉你食的舖頭。裝修係梳化卡位設計，有私隱又舒服，而且抽風好似都唔錯美中不足係無甜品，e.g. 雪糕

生日飯食左一餐燒肉 之後同第班frd約都係食燒肉 真係太耐冇食燒肉要食夠本！今次就去左黃店本佐燒肉🤤298一位 包一個野飲 個人覺得有小小孤寒要另加30先有得任飲不過重點都係係啲肉到呢到既肉就比我食既另一間岀色舊舊肉都有肉汁 都可能係我有啲會顧爐既朋友感謝佢地既付岀俾我食到岀色既肉牛柳冇乜味少少梅 豬頸肉個人好喜歡燒到少少燶 脆口正海鮮同魚反而十分岀色 調味夠正又香 其他野就正正常常 個烏冬冇乜味可以唔洗嗌去到佢地俾左張6至8人枱我地我地得3個人btw。。🤣🤣額外bonus 店員們都十分nice~~ 總括係正常水準！要留意翻抽風系統比較弱 都幾大煙同食到一半煙到流眼水 少少扣分位

後悔食之前沒看食評，$298 居然只包一罐飲品，要加$30才可以任飲啤酒汽水，甜品欠奉，一杯雪糕啫喱都冇，這個價錢不值得去多次，食物好一般，D肉又薄又鞋，沒有肉味，醃肉又不好味，刺身賣相欠奉，沒有冰雪住，三文魚頭只係三文魚骨，炸物非常之差難食，環境又舊又污糟，廁所都係，全晚沒有換過新碟，食物非常普通，款式又小，普通日式放題食物都冇。

野食普普通通，質素一般，樣樣細細件​刺身不過不失，每份份量少，勝在任叫​​燒肉主要食牛，肉味正正常常​一口和牛都唔錯​​有少量海鮮，例如青口，海蝦，蜆，元貝等等​海鮮都係普普通通 ​​環境有室外 冬天去都幾chill​不過夏天就坐入面好啲​今次被安排坐Bar 枱都夠大​不過冇抽氣 少冷氣​食食下要加$30飲野降溫​見到卡位頭頂有冷氣 吹到好衡😣​​

想同大家介紹一下一間我同好多朋友都好中意食嘅日式燒肉放題店！呢個放題除左燒肉，仲有刺身、壽司、菜類、炸物、同其他小食等，食物種類一啲都唔少🥰燒肉方面，我好中意食佢嘅一口和牛，細細粒好易燒，而且唔會有好多肥肉，我地都encore左好多次🙈 另外牛小排同豬頸肉都非常唔錯，五花肉肥瘦適中，值得一試！海鮮我就推薦佢嘅元貝同蜆，兩款都okay新鮮，不過個人就認為蠔有啲腥🦪 不過佢地仲有三文魚頭！雖然好大舊但一啲都唔難燒🤤菜類方面，金菇、粟米、同蒜蓉係必叫，燒完之後將佢撈埋一齊，正🤣刺身方面，雖然唔算好新鮮，但以放題黎講唔差🍣 重點推介嘅小食：蟹籽沙律 — 唔知點解我每個朋友叫左都話好好食😂 榴槤炸彈同炸雙皮奶都唔錯🤤不過放題唔包飲品，如果想要飲品每位加$30就可以任飲冇酒精飲品架喇🥤

朋友推介食尖沙咀依間本佐燒肉疫情下做緊$278一位 任食燒肉放題除左燒物 仲有刺身同其他小食非常吸引呀 我好少食燒肉嘅放題黎到依度覺得佢地啲肉類都高質嫁睇相佢啲紋路已經好靚最好食推介係本佐一口牛肉 佢地本身都醃得好入味 食落唔洗點燒汁都好好入口而其他肉類就無好特別刺身選擇唔係好多不過甜蝦夠晒大隻帶子都好鮮甜而三文魚就麻麻哋 冇乜味道北寄貝我個人唔太喜歡刺身入面甜蝦我都encore左兩次唯一美中不足就係飲品唔係任飲㗎可以加$30先有任飲放題嚟講我覺得呢樣就有啲扣分喇不過$278呢個價錢來講都算收貨

$298加一每人只包一罐飲品，連雪糕都無一杯仔送，咩放題呀所謂牛小排牛又薄又嚡，又無味🥴所謂和牛粒難食到唔知自己食緊咩！🤮D蝦仲要全部霉嘅🤢🤮🤮🤮8:00pm竟然牛仔骨、廣島蠔賣晒🙄剌身連冰都無 難食仲要連賣相都無🤬🤬款式選擇極小，求其一間都一定好過佢咁嘅價錢真係大把好嘢食喇～食完完全有被騙嘅感覺只怪當初只睇好評無睇到差評，睇唔到一樣瀨咗嘢嘅大家真係慘 😢4人齊齊中伏尼個故事教訓我 以後一定要記得睇差評！😭😭😭😭😭😭😭😭😭😭😭😭😭😭

早兩日老婆同朋友食依間，話好食，咁佢意猶未盡仲想食，難得星期日，中午我地就離左本佐啦，包場咁樣，12點無人既。咁價錢再298加一，包一杯無酒精飲品，如果想任飲就要加多30蚊，姐係要680蚊2位。叫左好多野，首先叫左沙律，刺身有三文魚，八爪魚，蟹棒，甜蝦等，樣樣都算鮮甜。之後到重點燒肉啦，主要叫左熊本一口和牛，本佐安格斯肉眼粒，最好食XD 其他都有叫，但就少啲，例如牛仔骨，小排等等。任飲要加30蚊一位。好食既講真，但就有點貴，會再黎。

今日同朋友經過尖沙咀，好想食日本餐廳，就試咗呢間比較隱蔽小小嘅樓上日本燒肉店，一入舖頭已經聞到好香好香嘅燒肉味！入邊嘅裝修充滿日文歌本嘅味道，店內仲播住好好聽嘅日本歌曲，當時店裏仲有其他日本的客戶，一邊聽住老闆跟他說日文，恍如置身於日本！我哋坐低冇耐，都未嗌嘢食，店員就送來肉盤，真係送得啱啱好，因為我哋真係好肚餓！一嚟就可以即刻食燒肉！我哋後尾仲嗌咪壽司，但我認為壽司嘅種類唔係話好多，但係勝在新鮮！不過食呢餐飯真係滿足晒我哋所有嘅願望，又可以食壽司同燒肉，仲可以食埋炸物侍應姐姐嘅服務態度，都好好仲主動幫我哋換燒肉網！

壽司和燒肉的放題， 在香港買少見少。 打電話做bookkng 時， 問收費， 食物種類包甚麼。 員工耐心解釋。 早上再有員工來電double cfm 晚上的booking. 到場才知道 飲品任飲要另加 $30, 這點有點失望。 不過， 人都到了， 我們這班烤肉達人 當然照原定計劃， 點菜。 由於我地食量真心驚人， 員工多次出來cfm 我地係咪食得到。 我諗我地嚇親d 員工😂😂但是， 事實證明， 我地係真係食得到， 沒有浪費。 食物來說， 三文魚刺身， 蝦刺身， 盡量不建議點， 其他所有都可以點😂😂😂

武漢肺炎搞到永續限聚令，食生日飯都只可以4 個人，真係麻鬼煩，但係冇辦法啦，希望武漢肺炎快d返武漢，唔好再出嚟咬人啦~d friend住港九新界，約tst就最好，大家都有車搭， 我地book咗5點半食燒肉，話晒係放題， 早d食可以早d消化，年紀大， 太夜食太多嘢會瞓唔著. 我地早食，所以去到都冇乜人， 可以4 人坐6 人卡位， 超舒服佢係用tablet落單， 好方便，d嘢嚟得又快，冇漏單， 仲要係續片order, 想食幾多嘢就叫幾多，唔會浪費食物 我地差唔多成個menu都叫晒，都多嘢揀， d嘢食仲要高質， 我地勁encore d海鮮， 蝦， 蠔， 正呀！！ 好好食！ 佢d刺身都唔差，我最like, 因為懶，唔駛燒叫d哥哥姐姐仔換板又快手， 真係唔錯， 整體嚟講真係好滿意， 食到好飽。到我地走嗰陣，開始多人， 我地就已經食飽飽去散吓步，幫助消化

今天想在尖沙咀找一個露天的地方，吃一場燒肉😋沒有預約訂枱，早早6.30來walkin ，怎料戶外露天位置唔開😭好啦，窗邊位都坐低啦。睇食評，有d人話唔好食🤔我覺得以仼食燒肉，有刺身，燒肉，海鮮，壽司，小食，炸物，仲包埋一罐飲品。如果你想仼飲啤酒汽水加多$30。呢個價錢性價比高，我覺得都值得黎試下。食足兩個鐘頭，落order後上菜非常之快，收碟都非常之快，服務唔錯。至於食物質素，又唔可以要求太高。始終都係任食嘅燒肉。

燒肉店走日本懷舊昭和風裝修 更設有戶外露天炭爐🔥燒肉中較喜愛豬頸肉 一口和牛及牛小排 單骨雞翼和牛油廣島蠔也是必點項目之一🥩這裡除了各式各樣燒肉外 亦有多款刺身炸物供應 三五知己聚會的話是一個不錯的選擇💁🏻‍♀️.燒肉放題 $278 (Mon - Thur) | $298 (Fri - Sun)

六點半上到去，未有乜人。地方寬敞舒適，清潔。任食兩小時，包一罐野飲。牛肉質素不錯，但我想講多種類的海鮮非常得我心！有大蝦、蜆、青口、蠔⋯⋯全部大隻厚肉多汁！畫龍點睛，係有蒜蓉！係個平板電腦，可以撳一碟蒜蓉，於是連撳了幾碟，每隻青口上面放d蒜蓉去燒，燒時已經好香，食落好味到升天。於是金菇呀，好多嘢都可以落蒜蓉，反正任叫不用膽心，三、四碟蒜蓉都被我食曬，咁樣燒實在太好味了。其他還有小吃，炸物係幾脆。比個意見，榴連炸彈中間唔夠榴連漿，所以唔夠香。