村爺爺龍蝦湯.泡飯.燉湯專家

Open Now

Now Closed

見咁多人話性價比高諗住嚟朝聖下，晚市時間要係門口排隊，齊人先俾入，要留意啦如果到你但係你唔齊人佢只會直接跳過你，完全無視你叫下一個，唔會有任何通知，所以要自己企定喺度啦。野食方面龍蝦湯有啲咸，d魚嘅味道偏腥，同埋骨多無咩肉，唔太抵食。雞湯就唔錯足料，可能始終主打。呢度湯飯唔連野飲，特飲沙冰跟餐要三十幾，散叫要68蚊都幾得人驚。成間鋪環境偏窄，入到去會有陣味不過未算臭到頂唔順嘅，不過最大獲都係服務態度惡劣，試過就算啦。

食完去廁所洗手，度門又好難關，諗住有膠簾隔住就算，跟住有個阿姐突然撥開膠簾跟住就大嗌做乜唔關門？我話：關唔到跟住我行出嚟，佢仲繼續惡言相向又話我肉酸又乜又物我宜家都唔係冇遮冇掩咁去廁所，態度唔需要咁下話？

本人平時真係唔會去寫食評，今次真係忍唔住要寫吓佢，見FB成日賣廣告話點正點正,昨日終於叫老公帶我去試，首先佢本身要限定每人一定要嗌一大碗佢哋指定嘅湯飯/套餐，如果細食啲都唔得。但都唔緊要，呢個不是大問題！如果好食、服務態度好，多錢都值得！但係其實佢哋嘅湯底真係麻麻哋之外，服務態度差！而且一間食肆連最普通嘅豉油竟然都話冇，因為佢啲雞其實浸落湯度係無味嘅，佢俾咗一碟佢哋所謂自家調教嘅辣椒豉油，我同我老公都覺得從未食過啲咁差完全冇味嘅汁，我哋覺得任何一支超市嘅醬油都好食過佢。我唔食得辣我都覺得完全冇味！都唔緊要…我問佢有冇其他辣椒醬又話無！最後我問佢有冇普通豉油，佢竟然答我：都冇，真係好離譜囉！一間食肆連一支咁普通嘅豉油竟然都俾唔到顧客，講真啲嘢食真係唔好食，個湯底甜到好似落咗砂糖咁，完全冇鮮香嘅味道！ 我諗好多都係俾佢呃食一次唔會返轉頭！唔好食唔緊要，服務態度差，做一間食肆點會一支豉油都冇！真係黐Q線 😤😤😤一間食肆冇聽顧客意見、冇反應 、亦冇照顧佢哋嘅需要，聽執笠啦 ！

一定要食2號餐 花膠螺頭雞煲 加$15就有套餐 跟飯米線或者其他主食飽到你不要不要 一定夠你食！個雞湯係世界第一 至少都有亞洲第一先鮮甜 絕對唔係其他舖頭嗰啲死鹹老闆超好人超友善 我已經幫襯咗5年以上 連社交平台都有專開一個story highlight 俾佢 老細仲要幫我加大杯嘢飲 人情味max絕對打贏全亞洲 全宇宙嘅雞湯雖然次次都要排隊 但其實10至15分鐘一定入到座排隊就係佢最好嘅實力證明 用食物說話！！係我第一個食評！希望推到村爺爺上市！

口淡淡想食湯飯, 即刻諗起村爺爺。 哩度有好多款湯, 大部份都唔過$100, 最出名一定係龍蝦個款, 不過我就反而中意鮑魚花膠蟲草雞湯。佢有半隻完整既雞係度, 有手套用可以自己手撕, 不過我試過就咁用刀叉都好容易拆到肉, 因為D肉好鬼滑, 雞肉真係幾好味! 仲跟埋個菜🥬仲有鮑魚同花膠超豐富。啖湯就係精華, 濃厚鮮甜, 我成個飯倒入個湯度食, 正!朋友既椰子螺片魚頭湯都幾清甜, 魚頭都好大個多肉。鵝腸皇拼黑毛豬片又幾好食喎!! 鵝腸冇乜肥膏, 爽口又好香, 黑毛豬片見佢就咁烚熟都有D驚會有豬酥味, 但好彩係好食既, 肉味幾濃仲一D都唔酥, 點少少辣椒豉油仲好味。我覺得哩度既野飲同樣值得一試, 特別係杯鮮果冰茶, 大堆頭成粒熱情果, 大大件火龍果, 茶底又好飲!

【村爺爺鮮味龍蝦湯海鮮料車仔麵】上個星期四同男朋友去左呢間位於油嘛地砵蘭街的村爺爺食車仔麵。去到舖位有點小，不過無阻我地試龍蝦湯麵的心情。我地見到餐廳提供原隻龍蝦麵，泡飯等等餐點。我地叫左個$88的3餸龍蝦湯車仔麵。男朋友選了咖哩魚蛋，豬皮同台灣腸；我就叫了火雞腎，枝竹同牛丸。上菜的那一刻才知道原來除了我們叫的三個餸，湯裡頭還有一大堆海鮮！見到都覺得豐富：有魷魚，青口，蜆超過20隻……仲要好鮮味。講下個湯底啦～聽鋪頭video介紹，係用龍蝦同豬骨熬出來的湯，味道方面很幾清幾食道海鮮的鮮味ge。唔會好有添加的感覺。初頭以為88食得三個餸都算幾貴，但考慮到有埋咁多海鮮配料加個龍蝦鮮味就立刻順返條氣，都幾值得一試ge，會食到你好飽捧着肚子回家！

好耐都冇食村爺爺，哩日見2：00後冇乜人排隊，所以入去幫襯吓。我地點咗套餐🔸️自製魚腐拼越式春卷新鮮炸起熱辣辣，春卷好脆，佢地自製魚腐炸得好香，配埋辣醬幾惹味🔸️花膠《龍躉》螺片海鮮龍蝦湯泡飯🔸️鮑魚花膠蟲草花雞煲翅倆款都很足料，配白飯仲有油菜，湯很濃郁龍躉好大片，啖啖肉蟲草都唔少，雞有半隻，吃落肉質好嫩，仲有手套供應給我處理隻雞至於飲品🔸️熱情果梳打🔸️爺爺鮮果冰茶很大杯🥃🍹甜度啱啱好又解渴

每次經過呢度都會見到大排長龍，今日天氣麻麻，所以唔算太多人排隊，咁當然就係我去探店嘅好時機啦！睇返餐牌佢又唔少item，就算連飲品、小食都非常多款式選擇。鮑魚花膠蟲草花雞煲翅~只係睇湯底嘅顏色就知道夠曬香濃，足足有半隻雞，鮑魚大大隻！花膠雞湯可以gel住個口，證明用料非常豐富！花膠@極上龍蝦湯米線~海鮮雲集，湯底非常鮮甜！而且樣樣都新鮮！份量亦都非常多👍🏻爺爺三寶~即係三款小食既拼盤，炸雞翼、冬菇、炸魚腐，三樣都非常出色！！炸雞翼外脆內嫩，冬菇非常厚肉，炸魚腐魚味香濃！特飲方面，我可以用澎湃嚟形容！熱情果梳打~用支裝雪碧做底調，同熱情果嘅香味相撞在一起，當中滋味，完全令人欲罷不能！爺爺鮮果冰茶~所有生果都係真材實料大大件！茶香撲鼻，非常推介！

去朋友屋企玩完貓，佢話要帶我去食平靚正好野✨去到原來係村爺爺龍蝦湯.泡飯.燉湯專家😌之前我都有黎食過，樣樣都大大份✌🏻仲要勁足料好抵食💪🏻🦞花膠·《龍躉》螺片海鮮龍蝦湯泡飯💰108先飲湯之後再食飯，湯底先用豬骨湯熬16小時，再用龍蝦熬 6小時！落足料！鮮味十足而且很濃郁😋勁好飲🍲鮑魚花膠蟲草花雞煲翅💰128湯汁膠質重但唔會好膩，滲出陣陣雞味，份量十足，足足有成半隻雞，而且仲保持到肉嫩皮爽嘅效果，飲完湯仲可以用埋餐廳提供嘅膠手套，方便手撕嚟食🐖鵝腸皇拼黑毛豬💰68鵝腸冇多餘嘅肥膏，質感爽脆，仲好入味添。而黑毛豬比較薄身，去除咗食豬肉嘅油膩感，勝在肉味香濃🍹爺爺鮮果冰茶💰68飲落充滿水果甜味，好似食緊果盤一樣，杯邊有火龍果、熱情果，可以邊飲水果茶，邊食水果✨勁正

油麻地A1出口轉角就有間村爺爺龍蝦湯.泡飯.燉湯專家，我們今晚就決定嚐一嚐，排隊的時候就有待應過來為我們點餐，真是貼心。女朋友首先點了椰子干貝竹笙魚頭湯。我就偷偷試了一口，她的湯味很濃，又不太腥。我就自己就點了鮑魚花膠蟲草花雞煲翅雞煲翅的湯都很好飲，配備了兩隻手套讓我處理隻雞雞，雞肉也很鮮嫩，還有鮑魚也很爽口。再配上爺爺三寶。吃完瘦孫都變成肥孫。最後點的熱情果和石榴梳打有驚喜他細心地將梳打整支讓我們喜歡怎樣加都可以。今個晚餐「增脂」不少。

上枱嘅時候係覺得咁大份好抵食喎，點知相反，總括嚟講食材冇驚喜，味道一般，性價比低。南乳雞翼油淋淋，冬菇同炸魚腐普普通通。龍蝦湯底唔夠濃郁，青口同蜆仔都算鮮美。$92 包一杯熱飲。

飲𡃁湯唔洗簽紙既，來油麻地就有嫁啦🥴友人同我一樣，對中式湯水情有獨鍾，出街食飯都會留意餐廳有無足料𡃁湯，今次呢間餐廳就主打龍蝦湯泡飯，岩晒我地口味花膠@極上龍蝦湯米線 上菜見到咁多款海鮮，份量相當澎湃！扇貝、花甲、青口、魷魚、龍蝦🦞等多種海鮮熬成既湯頭，足料鮮味鮑魚花膠蟲草花雞煲翅👍🏻材料同樣豐富，以花膠、蟲草花、鮑魚、雞肉、魚翅煲出來既湯既鮮甜又充滿骨膠原😋夠晒滋補養生爺爺三寶頂級蠔油冬菇｜南乳炸雞翼｜手製魚腐冬菇軟腍入味夠厚身，南乳雞翼同魚腐食落香口唔油膩石榴梳打爺爺鮮果冰茶大大杯，仲有真水果，抵飲

想食湯飯，但煲湯又實在太麻煩！竟然搵到間又足料又好食既泡🔸花膠龍躉螺片雞海鮮泡飯勁足料勁大碗👍🏻先飲啖湯，再變泡飯一齊食👍🏻大大隻嚿花膠，好大嚿龍躉呀！仲有勁多蜆肉，魷魚一齊煲岀黎既海鮮湯，湯夠曬鮮甜😋🔸花膠極上干貝龍蝦湯泡飯大大隻龍蝦熬湯真係好甜，大大嚿花膠，又有勁多干貝🔸鵝腸皇拼黑毛豬片鵝腸夠曬新鮮呀！又彈牙好肥美，黑毛豬片夠曬爽口彈牙👍🏻🔸熱情果梳打香濃的熱情果配上梳打就更加正，配上一次雪碧，足以夠2人飲用🔸鮮果冰茶大大杯鮮果冰茶，又唔會太甜，好多水果做配搭👍🏻

村爺爺龍蝦湯泡飯係油麻地出晒名🥳其實佢哋連鵝腸皇都好好食㗎! 我今次就係為咗鵝腸皇而嚟 鵝腸係洗得好乾淨 配上黑毛豬 點埋店家嘅秘製辣椒汁🌶️🤤辣得來非常惹味 鵝腸好爽脆 黑毛豬軟腍🩷.鮑魚花膠蟲草花雞煲翅都好足料 有成半隻雞 有手套可以俾你撕開啲雞肉😋嫩滑非常 湯底非常香濃 我另外配咗米線 可以預先浸落啲湯度索汁 會更好食👍🏻蟲草花同花膠嘅份量都唔少 配埋蠔油青菜🥬勁滿足。.最後當然唔少得花膠極尚龍蝦湯泡飯🦞有好多海鮮啊! 帆立貝 青口 蜆肉 等等配上香濃嘅龍蝦湯 惹味又好食🩷.鮮果冰茶同熱情果梳打都好大杯 夏天飲解渴又解膩☺️perfect match!

村爺爺燉湯專家，龍蝦飯好多人叫，我哋湯飯呢就叫咗花膠龍躉螺片海鮮龍蝦泡飯，材料超級多，但係個湯會有少少腥，有好大個龍蝦頭擺盤，入邊仲會有雞肉螺片青口花甲，花膠翠玉瓜，仲有一塊超大塊嘅龍躉，龍躉皮個膠質好重，滿滿骨膠原，唔知係咪因為個青口唔夠新鮮，所以個湯爭左少少味，湯底唔夠清甜，會有少少濁，有少少失望。