Video
Payment Methods
Other Info
Spot payment
Above information is for reference only. Please check details with the restaurant.
首次服務態度奇差，入門唔知坐邊，無人招呼。但想也不是什麼貴價餐廳，就算了。其次唔乾淨，碗米粉一上我就見到隻蟲。叫侍應過黎指俾佢睇，佢望下問咩事。我唯有出聲話唔乾淨，其他客人聽到都無計。本身打算走人，但始終落左單，就叫佢換返就算。但不管是老闆，定係侍應連句唔好意思都無，我仲聽到個侍應係度話個客話唔乾淨。咁明顯既蟲，係條蟲 show 出黎唔乾淨囉。叫左清湯腩，諗住招牌應該唔會伏。但牛腩油過頭，加上咬唔爛，無左個種入口即化既口感，亦無牛味。最後只食左兩啖牛，半碗米粉... 不會再幫襯😑
continue reading
第一次食呢間，食咗個筋腩河粉，相當唔錯，清湯夠味，但有少許油，不過係可接受嘅。個分量亦係我食過嘅清湯腩中最夠，我係第一次感覺飽到有少少頂住，讚！備註：食完至想寫，所以無影相了。
continue reading
諗住用App叫外賣,點知店鋪自己俾錯野個外賣職員,仲要賴係外賣App嘅錯,又話我唔應該喺外賣App叫野食, 不負責任嘅態度,以後唔會再幫襯最差嘅食店服務體驗, bad service!
continue reading
從不喜歡食清湯牛腩的，因為怕太清唔夠味，但前天在土瓜灣美光街朋友舖頭做完腳底按摩，做完後大家都想食下午茶，朋友就推薦我們去林記粉麵檔， 到了舖頭每人都叫了牛腩麵，我就叫雲吞魚蛋米，但當朋友的清湯牛腩麵到來，一陣陣香濃的牛肉味好吸引我啊！最後我食完一碗雲吞米後再食多一碗牛腩米，是否好誇張？原來清湯牛腩都咁好味，最後…我過了一星期再自己一個人再去幫襯。今日點解會告訴大家，因為好的東西我們一定要支持的。你們說對嗎？
continue reading
成日經過呢間牛腩麵， 今日晚餐諗住食少少嘢， 就入嚟坐低咗， 首先要講嘅係間舖唔滿坐，佢哋上菜時間實在太慢， 我哋足足等咗差唔多半個鐘先食到。牛脷又多又大塊 呢個份量老闆一d都唔姑寒 抵讚！ 湯底唔淡唔咸 喜歡濃味的朋友可能唔夠味。牛腩肥厚適中， 可惜同個湯底一樣唔太夠味。呢個魚皮反而有驚喜， 炸得香脆入味。
continue reading