林記牛什清湯腩 (Closed)

首次服務態度奇差，入門唔知坐邊，無人招呼。但想也不是什麼貴價餐廳，就算了。其次唔乾淨，碗米粉一上我就見到隻蟲。叫侍應過黎指俾佢睇，佢望下問咩事。我唯有出聲話唔乾淨，其他客人聽到都無計。本身打算走人，但始終落左單，就叫佢換返就算。但不管是老闆，定係侍應連句唔好意思都無，我仲聽到個侍應係度話個客話唔乾淨。咁明顯既蟲，係條蟲 show 出黎唔乾淨囉。叫左清湯腩，諗住招牌應該唔會伏。但牛腩油過頭，加上咬唔爛，無左個種入口即化既口感，亦無牛味。最後只食左兩啖牛，半碗米粉... 不會再幫襯😑

第一次食呢間，食咗個筋腩河粉，相當唔錯，清湯夠味，但有少許油，不過係可接受嘅。個分量亦係我食過嘅清湯腩中最夠，我係第一次感覺飽到有少少頂住，讚！備註：食完至想寫，所以無影相了。

諗住用App叫外賣,點知店鋪自己俾錯野個外賣職員,仲要賴係外賣App嘅錯,又話我唔應該喺外賣App叫野食, 不負責任嘅態度,以後唔會再幫襯最差嘅食店服務體驗, bad service!

從不喜歡食清湯牛腩的，因為怕太清唔夠味，但前天在土瓜灣美光街朋友舖頭做完腳底按摩，做完後大家都想食下午茶，朋友就推薦我們去林記粉麵檔， 到了舖頭每人都叫了牛腩麵，我就叫雲吞魚蛋米，但當朋友的清湯牛腩麵到來，一陣陣香濃的牛肉味好吸引我啊！最後我食完一碗雲吞米後再食多一碗牛腩米，是否好誇張？原來清湯牛腩都咁好味，最後…我過了一星期再自己一個人再去幫襯。今日點解會告訴大家，因為好的東西我們一定要支持的。你們說對嗎？

成日經過呢間牛腩麵， 今日晚餐諗住食少少嘢， 就入嚟坐低咗， 首先要講嘅係間舖唔滿坐，佢哋上菜時間實在太慢， 我哋足足等咗差唔多半個鐘先食到。牛脷又多又大塊 呢個份量老闆一d都唔姑寒 抵讚！ 湯底唔淡唔咸 喜歡濃味的朋友可能唔夠味。牛腩肥厚適中， 可惜同個湯底一樣唔太夠味。呢個魚皮反而有驚喜， 炸得香脆入味。

土瓜灣這小區，充滿香港八十年代的懷舊風格，古舊建築物，潛建劏房，骯髒的小街，將來都會漸漸消失， 隨著市建局不斷提出收購及沙中線在2019年通車， 將來連鎖店的開立仿如雨後春筍。 用心小店將會在時代巨輪消失。 一貫茶餐廳餐牌風格， 丸類餃類價錢更大眾化，三十元左右便有一碗。 墨丸河 $ 27 最後點了墨魚丸麵$27， 墨魚丸有點雪味，不過入面都有些墨魚粒，湯底較淡，應該冇放大地魚淆湯，不過不失，簡簡單單的吃個午飯。林記牛什清湯腩店面精緻，食物味道清雅，健康無味精。

今天忽然想起好耐無吃過呢間牛腩，工作後早點下車來到，見到餐牌有牛三寶，就叫了碗牛三寶河$48。牛三寶就係牛什、牛筋、牛腩。牛什－牛腸、牛粉腸、牛肺、牛肚、牛蒡。我覺得牛腸好肥，牛粉腸好粉，呢兩種比較好味，其餘不過不失。牛筋唔係淋身，而係爽口硬身，好有嚼勁又唔算靭，我比較喜歡炇淋些，所以只屬一般。牛腩比較爽口而唔靱，半肥瘦，肥個部分油脂香濃，瘦肉部分比較鞋些，個人覺得淋身好味好多。河粉硬身而且碎濕濕，又唔滑，一般般。湯底味道濃郁，充滿牛骨味而且有少許胡椒味，我覺得湯底都幾好味。順帶一提就是辣椒油，味道似豆瓣醬，用來點牛什牛腩就麻麻，印象中好像改了辣椒油。😱另外叫了杯凍西柚果纖蜜跟餐加$11，原來只係普通柚子蜜，味道淡淡地，中伏潻😂😂我覺得牛腩水準下降了，希望下次再來時有驚喜。

成日都出街食，已經食到口“鞋”利掘！一見到清湯腩，即刻諗起清甜既湯底，就呢間啦！清湯腩河+牛肚清湯腩河+雲吞個湯好清甜啲腩係一層肉，一層脂肪咬落肉汁香而不膩！正啊仲有三片蘿蔔，甜！河粉又滑，係食到一半已經開始有好多夾唔起，即係比較碎！$42蚊碗，未計雙拼，其實腩河（土瓜灣巷仔鋪）黎講算貴，不過佢又比足料你喎真係食得飽！我食得湯粉個啲，係一定要加辣椒油，但係呢個湯底，我係唔捨得加，因為加完唔飲得最後我係飲得7788先至加然而我個人一食湯麵加辣油，有9成係會係食麵個時嗆襯，跟住咳到甩肺，係我老公遞支可樂比我既時候，店員阿姨係雙手～無錯！係雙手羅住杯暖水遞左上黎！嘩，真係第一次，食腩河有5星級既服務！野又好食，服務又好，唔好評點得！

同朋友路經土瓜灣，本身食咗午餐，其實唔肚餓，但朋友極力推介了這間清湯腩，所以一試。真心香港食清湯腩嘅地方好多，所以亦都冇抱太大期望。不過呢碗清湯腩，真係令我有驚喜。腩邊爽，有嚼頭，但不韌。腩位肉香和滑，肉質不鬆散。湯頭唔錯，清得來係有味嘅。平時少去土瓜灣區，但今次後覺得以後來也要再食😋😋😋😋我同老闆讚呢碗清湯腩嘅時候，佢仲好謙虛話因為佢哋用靚嘅料，同我呢舊啱啱整起，特別好味 ✌🏻️食完之後，朋友話豬手都好好味，我就買咗一碗返去屋企加送，屋企人都食到嘴舐舐。以上一切令未寫過食評嘅我，都忍唔住要上嚟支持一下呢間小店。

第一次食清湯牛腩,無咩特別,只係普通牛腩面加了蘿白, 麵個湯係真係好清哈哈 不過友人說佢覺得幾好食.我就覺得所有野都太清了, 好似無咩味  不過牛腩係好肥美肉質彈牙爽滑, 鐘意食清D 既朋友都可以試下既 

是日到娘家晚飯, 揸車經過這間清湯腩看看點些東西。一到收銀櫃前拿取外賣紙時見到任生和老闆的合照。點了招牌清湯牛腩＄80，是意外的發現，牛腩十分肥美肉質彈牙爽滑，湯底味道不算太濃味但不薄身是嚐得出有用心機製成的。份量十足加點蔥花香味更濃。

第四次提交同一篇評論 希望可以刊登圖片欠奉,因為完全冇心機影相路過幾次,見佢招牌寫清湯腩,應該唔係普通牛腩麵,應該可以一試門口冇餐牌,入去之前其實好擔心唔知會唔會好貴好在都只係比起巷仔頹麵舖貴dd,係可接受o既價錢,但係!一打開門就有一陣撲鼻而來o既~~~~~~~~~~濃烈漂水味以為佢o岩o岩有d咩地方污糟抹完先咁大味,於是都係照坐低我叫左個肚河,唔係格仔肚黎o既湯底冇特別,而且牛肚過咸,一定要同河粉一齊食,真係太咸大人要左個腩麵,真係唔知到底係食緊牛脂肪定咩黎,肥到呢..食咁耐牛腩都未見過咁肥,一路食一路咬走d肥,最後真係食得到o既所謂牛腩,都冇一條河粉咁粗食到大半,忽然拖地(絕對未到打烊時間)再次傳黎濃烈漂白水味!即刻個鼻勁唔舒服,仲好快頭痛.半粒鐘拖一次地,係咪真係有咁o既需要?但係店內其他食客若無其事繼續食,唔知到底係佢地個鼻唔好定唔覺得咁樣有問題雖然我叫杯野飲少甜,真係做到少甜,但係我絕對絕對唔會再黎食喇,食到頭都痛!

今日踢完波，同朋友去食，見到有位，於是入去座。我地有五個人，但有一個人唔食，我地叫了四個麵，叫了三個飲品+一個油菜。理論上三個飲品+一個油菜都是跟餐的，但因為我們其中一人不飲飲品，於是將飲品給了沒有吃麵的朋友。問題來了！帳單上列出其中一杯飲品的價錢不是跟餐的價錢，於是我們跟老闆娘理論！但老闆娘說那飲品是沒有食麵的朋友喝的，所以不可以計跟餐的價錢！我們都很氣憤，已後都不會幫光顧！

「林記牛什清湯腩」這間面店是新開的，門面招牌挺光鮮，經過幾次都心癢想進去試一次，尤其他們招牌標明「清湯腩」，那麼一定是挺不錯的吧！來到不用等，立即有位，環境尚算可以。由於沒有吃過清湯腩，便點了，算是第一次。但吃完，沒覺得什麼特別，也是普通的牛腩面加了白萝卜。反而另一個牛腩面不錯，吃下去挺香的。總括而言，不過不失，只要不是太大期望，也值得一試！

由街坊朋友P告知，在落山到近鴻福，有一間新開的清湯腩店林記，我一向喜歡吃清湯腩，知道有新店在家附近，還不即刻動身去試？爽腩河只是賣＄30一碗，伊麵例牌要加錢，除了牛腩，更有牛雜，四寶丸，魚蛋等供應。一分錢一分貨，爽腩伊麵的爽腩份量不多，吃下去有點點硬，筋膜位不多，蘿蔔仍未煮得夠透，本身蘿蔔的質素也平平，不算很甜，更有渣。湯身有牛骨香，但頗鹹，鹹得沒有道理。以同區其他店來比較，浙江街的那一間，湯底做得更好。價錢便宜不是渣流灘之理由，土瓜灣舖租不算天文數字，只要有心去做，一定可以立足，如靠旁門左道的話，恐怕命不久已。