林香檸手打檸檬茶 (豉油街)

Open Now

Now Closed

今日氣溫下降至13度，放工後同朋友去咗旺角買聖誕禮物，每次行經鼓油街見到「林香檸手打檸檬茶」，都俾佢嘅招牌吸引住，最近佢哋仲新出咗熱飲系列，當然要即刻入去買番杯暖下個肚先啦！我選擇了店員推薦的「紅糖薑汁檸檬茶」，這款熱飲在冬天特別受歡迎。濃郁的薑味立即充滿口腔，卻又不會蓋過檸檬的清香，讓人感受到溫暖又健康的感覺。紅糖的甜味與薑的辛辣相得益彰，完美地平衡了整個飲品的味道。我的朋友則選擇了該店人氣No.1的「招牌手打檸檬茶」。這款飲品的檸檬片非常多，且是店員用手工打碎的，令檸檬的香氣更加濃郁。每一口都能感受到新鮮檸檬的酸甜清爽，帶來清新又提神的感覺。

林香檸手打檸檬茶第一次試鴨屎香手打檸檬茶 茶底偏濃 鴨屎香有陣特別嘅清新味道 同茶餐廳既港式檸檬茶好唔同 沒有苦澀味 叫左5分甜 可以再少甜dd btw 條紙飲管ok! 飲曬成杯都未變淋

第三次飲林香檸😌今次嗌咗🌟鴨屎香手打檸檬茶 $32滿分5粒🤍 🌟鴨屎香手打檸檬茶🤍🤍🤍🤍整體個感覺都OK嘅茶底偏濃 鴨舌香檸檬茶個味道係唔錯有鴨屎香特別嘅清新味道 亦都有檸檬少少嘅澀味😏啱晒夏天食完飯之後飲解一解膩🙆🏻‍♀️ 覺得搵日可以試吓渣男手打檸檬茶，唔知會唔會特別好飲🤣🤣不過就留意番我平時可樂都係飲原版全糖嗰一隻我呢個嗌咗半糖個甜度就覺得啱啱好☺️大家要自己斟酌返究竟要嗌幾甜啦～

林香檸味道幾好，檸茶沒有一般茶餐廳的苦澀味，清新、齒頰留香，收費也不貴，不過店舖提供的紙飲管完全不掂，很快變軟....我立即將自攜的膠飲管替代紙飲管。好好的一杯凍檸茶，無論味道及衛生，竟然被紙飲筒破壞到體無完膚。我都知道膠飲管不好，但至少沒有容易變軟的問題，如果店舖繼續提供紙飲筒，在我個人來說，是有選擇的，只是可以絕不再幫襯。走塑，都不要隨便使用其他替代物吧！

@lamheungling.lemontea .✨招牌手打檸檬茶 $28 我不喜歡飲甜 我問可以少甜嗎？ 話比我1成甜 太好了😆 鐘意好濃既茶味 支持香港店👍🏻..味道：😋😋😋😋😋抵飲：👍🏻👍🏻👍🏻👍🏻👍🏻👍🏻回訪指數：🤤🤤🤤🤤🤤/5.. #米喝 #香港探店 #健身人士飲食 #管理體重 #飽住瘦 #蛋白質 #健康餐 #foodiehk #跟米吃出瘦身材 #kukeepfiteat ig yt Red 大眾点评 google @kumikofindfun @kukeepfit

林香檸好出名經過旺角就想去試下鮮黃色嘅店面設計好搶眼可愛林檸仔就係佢地標誌今次飲最出名嘅新鮮手打檸檬茶林香檸選用七至八分熟嘅綠皮檸檬手打果汁加上用慢火熬煮紅茶為茶底入口清爽唔太甜但太多冰 幾啖就飲哂唔夠喉

由該店開業，每次我經過都會幫襯，通常落order時都係叫少冰，我都接受少冰會令茶量唔滿，但最近越來越離譜！早幾日發覺飲唔到幾多就冇晒，以為係錯覺，今日再買一杯望真d，嘩！未飲已經冇左咁多？我即時同職員講，但係佢只係回一個字‘係’，之後就唔再理我=_= 話係少冰，其實杯裏仲係好多冰！又係飲唔到幾多就完！做生意係要賺錢，但係唔係用暗黑技去賺（搵消費者笨）毫無誠信！大家睇圖啦，唉……………………………..

試咗招牌檸檬茶。第一啖有種清香，係吸引🤩好香檸檬皮味🍋 ，佢哋用綠檸檬，厚切，味道好似青檸。無得走冰少冰，甜度可以揀，可以少甜，佢定左配料和份量。冰係超多，好快飲完。佢大推無茶澀味，茶味不濃。我喜歡濃茶和茶澀味，對我嚟講就差少少茶香。整體ok可以試。

手打檸檬茶最近係香港非常流行，多間大陸人氣品牌都進駐香港開分店，其中被譽為「世一」檸檬茶的林香檸連開七間分店，佢地對果實嘅品質同成熟度有好高嘅要求，採摘後保證38小時內送到門店，以確保它們保持最佳的新鮮度，因此，每杯飲品充滿住果香嘅味道特別好飲😋•1️⃣白桃檸檬茶 - HKD:$29香水檸檬味道清香，甜而不酸茶底唔會苦澀欠缺桃味

本身都好期待之前係大陸飲過手打檸檬茶見香港有就滿心歡喜想試下呢間野點知成杯都係冰又無得比人選擇冰既份量，我飲在5啖都無就見底真係搵人笨但味道都唔係太差但真係好失望🙁

突然之間聞到好香嘅檸檬味，喺眼前檸檬手飲嘅舖頭，觀察咗一陣，發現林香檸較多人買野飲，所以就行去睇吓份Menu,最終揀選咗鴨屎香檸檬茶 少冰 半份糖，我等咗大約好6分鐘，有5位staff 沖嘢飲,動作非常快，人手作碎D冰之後手搖！飲到好香嘅檸檬味!

近排呢啲手打檸檬茶開到成行成市，我有同事力讚好正，茶膽飲落好爽；亦有Feedback話冇大陸整得咁正宗🤔。講到咁正，早兩日終於去咗旺角間林香檸朝聖吓。下晝時間又唔係真係話咁多人，同埋隔離嗰間打對台都分散咗嘅客流。見Menu選擇多嘅，檸檬茶都有好多口味變化，我就揀咗🍑白桃檸檬茶$29。冇得揀小冰呢樣嘢，有啲可惜亦都係一個缺點。啲冰都真係偏多🧊，天氣涼涼地，飲飲吓會覺得好凍…🥶講吓味道先，白桃味係比檸檬蓋過咗，都唔係好出飲得出有落咗白桃😅，關唔關嗌咗半糖事呢？ 啲檸檬打得好出味，嗌咗半糖都算係偏甜同茶膽都幾濃。下次再幫襯，我諗會嗌三分甜喇🍬💁🏻‍♀️

最近興起手打檸檬茶，終於唔使喺茶餐廳入邊係咁篤係咁篤杯檸茶先至有味😂覺得手打檸檬茶簡直係夏天恩物，但係冰嘅份量略多🥹味道Perfect但講真唔係好夠飲，如果會推出更大杯嘅份量就好啦

喺夏日炎炎既香港，尤其是喺人多濟逼既旺角街頭，喝到一杯手打💩🦆檸檬茶，真係好消暑，爽yy飲過幾間手打檸檬茶店，林香檸係其中之一我覺得最好味而又會再幫襯既🦆💩🍋係我最常揀既，很推薦香水🍋真的很香，喝完口水會彌漫着一股香氣

同同事係公司講起天氣好乾燥，口都乾乾的，一齊外賣叫杯野飲下。搵到公司附近有依間林香檸檸檬茶。白桃檸檬茶+愛玉我一向都好鍾意白桃味嘅產品，真心同普通茶餐廳嘅凍檸茶係唔同嘅，佢嘅檸檬渣係打哂出黎，香中係帶少少澀，茶底亦都做得唔錯，至於桃味唔會搶咗檸檬茶嘅味，陣陣果香咁，我今次叫左五分甜，覺得下次可以試七分甜；而愛玉份量就比想像中好少。苦瓜檸檬茶+愛玉同事依杯飲落去勁Fresh嘅草青味，細味下發現係香茅味來，反而苦瓜味不重，佢叫左三分甜，個人嫌佢唔夠甜，可試五分。