棠記雲吞麵

Open Now

Now Closed

終於俾我食到最難食嘅一間牛腩河，牛腩比較柴、牛腩河湯底只能用清水嚟形容，問佢可唔可以加牛腩汁，佢就會同你講我地冇牛腩汁！加上佢哋出面寫嘅新張優惠入到去會同你講呢個唔包晚餐！！！！！！！！

係長洲返岀黎荃灣，大概9點幾！好多店都收了，見到喱間有飯食，可以滿足2老既飯癮，就即刻坐低！一睇餐牌，價錢平到吾信！一客飯連熱飲都係$36蚊，喱個價位仲有咩好講！我地叫左一碟牛根腩飯，一碟豬軟骨飯！我吾好飯，就叫左碗双拼麵！做緊新張優惠！双併都係25蚊！一黎到，飯量夠，牛根腩夠淋！豬軟骨份量吾多，但D汁好美！而碗云吞牛丸粗，牛丸彈牙！云吞有餡料！一個字：抵！3個人加埋吾洗100蚊！真係諗吾到點解仲要煮🤣🤣

工作關係一早要係荃灣區工作，早餐時間路過見到棠記雲吞麵，呢幾日香港氣溫下降，一於坐低唸住整番碗熱辣辣湯麵先開工。全日粉麵：鮮味牛肉+香煎鯪魚餅+鮮茄濃湯 ～ 米粉落單啊姐應該係新入職，落單足足花咗5 分鐘才能溝通到，之後啊姐重要花咗5 分鐘同樓面同事請教點樣手寫落單。。。不過都係小事一件。重點係再等多5分鐘後嘅湯麵終於上枱，不過期待中嘅熱熱湯頭欠奉。。。米粉變咗米線。。。說好的鮮茄濃湯(係當一個餸要+$5）原來只係係碗湯面上加幾舊預先煮好嘅番茄件。。。番茄入口重係凍的！呷一口湯頭只係微熱、湯係用大地魚+蝦殼煮、不過味偏淡。。。鮮味牛肉用蘇打粉醃到滑潺潺。。。唯一最熱果塊煎鯪魚餅又薄又油。。。而且最大問題係成碗麵並不是現煮。。。所有食材係不相識咁，相信師傅只係收到order 後好似快餐店式照單𢴇餸煮麵。。。非常之失望！

好耐冇食過 細個住荃灣 有食過 但搬左之後就冇再食 佢都算係荃灣粉麵老店 牛筋公仔麵$24好清淡 湯底冇咩腩汁嘅味 牛筋有4-5舊 都夠軟腍 但都係唔係太入味雙拼 秘制蝦肉卷 拼雲吞河粉 $34蝦肉卷幾彈牙 有少少油膩感 雲吞做得幾好味！調味岩岩好，蝦仁好爽口，河粉係幼河 ，都唔錯！生菜$9菜好新鮮 爽脆 蠔油就比較咸總結；清淡之選 好抵食

一直觉得呢间又平又好食，買咗好多次，但是下次可不可以麵湯分離呢，翻屋企面完全坨掉，夾都夾不起來，湯都沒了，都不想食啦。。。。。。。。。。。。。。。。。。。。。。。

雲吞麵有四粒雲吞都係賣22蚊，都算係咁啦性價比高嘅，雲吞啲肥肉好似唔夠多，一粒雲吞有三隻蝦，啲雲吞都冇散開、幾實正，呢個價錢唔好諗住食啲驚為天人嘅雲吞麵個面底冇乜鹼水味，個面略為有啲硬，個湯係有啲味精咁，食完個面要飲水。個辣椒油一啲都唔香同埋唔辣個雲吞河啲河粉都幾滑，用幼河。

今次去係下午茶時間，唔多人，唔洗搭枱！份量黎講下午茶就得，如果lunch就一定唔夠飽肚！牛筋黎講，個日食就硬身左啲，如果可以再燜冧啲仲好！呢個價錢就唔好預多筋，2-3條左右，河粉係幼河，不過不失啦，都滑嘅！一般都鐘意加腩汁，通常食完都要飲返2杯水咁。依家荃灣棠記裝修左，光猛左，感覺乾淨左，用多左方枱，啲位置鬆動啲，如果之後有bad  feeling  嘅，都可以再去多一次。不過個人覺得葵芳嘅棠記好似好食啲

想簡單一餐，路過看到街坊老店門面，就入去試下。叫牛腩雲吞粗，加油菜。店內舊裝修，家庭生意，衛生尚可， 價錢仲好平添！麵到，入囗，咬了兩口，有苦味？ 吐出，食條菜再試，都係極苦。同阿姐講，點知佢話我未食過雲吞麵，果D麵有鹼水，係咁架啦。真可笑，有邊個香港人唔係由細食到大，鹼水係有苦味，但唔會苦到成碗麵入唔到口。阿姐唔肯換，只肯同我用湯沖下。沖完就冇苦味，但D麵已經淋曬～算數， 俾錢走人冇下次！Notes: 阿姐其實沒有不禮貌，我也很斯文；價錢平但食物質素非常一般，牛腩唔知點解得個甜字， 雲吞尚可

入內坐已經可感覺到衞生欠佳一碗$19既肉丸河 肉丸太鹹有渣 吃到一半問佢拿一杯清水都唔比 仲有幾個女人服務員嘰嘰呱呱話唔會提供清水比客人 未吃完已經期侍收你碗（非繁忙時間）服務太差了

5-11-2017 (Sun)晏晝同老公落荃灣,已經食o左o野,佢都話仍肚餓,唔係o掛?我唔肚餓喎,咁要搵冇咩最低消費o既地方食啦,山西刀削麵有人等位,唔o勒,我記得對面有好平o既雲吞麵店,於是行過去,原來有兩間,而兩間都話$18.00起,我就拉我老公o黎呢間.呢間一樣多人,走到最入o個張枱,我見到可以嗌淨麵,就決定要$13.00o既淨麵,老公就要$18.00o既雲吞麵.冇耐,老公o既雲吞麵到o黎,見到有4粒大大粒o既雲吞,等多一陣,我o既淨麵到o黎,老公俾o左兩粒雲吞我,雲吞皮薄,內裡有豬肉同蝦仁, 蝦仁爽口,正常.麵o既口感都正常,湯底都夠味.最後老公叫多支汽水,由於係後加,我擔心老闆會收正價$12.00,不過冇,佢只係加$6.00.

好耐無食牛筋河，行過見到有，就心郁郁入咗去試下。點知，牛筋可以一啲味都無，河粉又唔冧又掛唔到湯，不過就算掛咗都無用，啲湯一樣無味。冷氣唔夠，食完熱到死，加六蚊叫咗支豆漿，都係嗰啲大量生產，無咩特別，唔使諗有驚喜。唯一讚既就係價錢，18蚊食到碗牛筋河，真係唔係度度有。不過我就唔會再嚟喇。

有鹼水味的雲吞麵，曾經伴隨過人生的一小段日子，那時候的香港……每天聽著新聞廣播報導有多少人離去，有命去過已是幸運，還說甚麼享受食物……今天偶爾也特別挑一間街坊麵店，去嚐那股鹼水味，點指兵兵就你吧！雲吞鯪魚球麵 $23先吃一啖麵，竟然鹼水味道不重，對個人而言是無需加醋，麵條偏腍，少許脹身, 雲吞一口一粒，煮得有點腍，餡內蝦肉偏實。 鯪魚球兩粒，吃得出有蘇打粉味，肉質是散，更沒有鯪魚香。寧願吃全雲吞好過吃鯪魚球!

覺得香港已經好少有咁抵食的食物，一碗雲吞麵$18，味道我覺得唔錯，不過不失，雲吞夠大粒，係平民之選。加了少少辣椒油，覺得間鋪頭d辣椒油超辣，可以唔洗加都得。最後叫咗杯雞骨草來飲。成間鋪頭比我感覺好香港地道的粥粉麵舖，吖姐講野唔鹹唔淡，又大聲又有禮貌，仲要有埋涼茶飲，可以再試

講真一般而言, 幫趁完雲吞麵檔都不會太在意寫食評, 除非兩極化, 一是好差或是好出色。今次我要寫出來, 是想分享下此家麵店也有可取的食物推介一下 !當然試過其他食物就只屬一般或不推介, 那就要看你是否要堅持想一試了。其實棠記有兩間, 我有時會去葵芳吃, 因為果度阿姐煮D麵比較彈牙, 湯頭較濃 ! 但荃灣店則有水餃提供, 仲好出色, 爽口足料, 葵芳店沒有提供此款式 ! 由於水餃入面有冬菇, 紅蘿白, 蝦膠等才料, 廚房煮的時間也恰到好處, 所以十分美味 ~至於另一較好的就是魚皮餃, 湯頭在走進入面, 一咬熱騰騰, 有D油走出來, 也另有一番味道 ! 服務就一般啦, 因為街坊客也很多, 可想而知食物都有保證, 但員工就人少忙不過來價錢實惠, 沒有不評的地方啦 !

今日唔知係咪火蛇日哩？孤星往荃灣咸田街成昌五金行更換膠水喉，個赤膊太子爺自己拎錯５分膠喉俾我，仲發脾氣話我搞錯？！ 　　　　　　　　　　８月２６日（一）孤星已經將水喉噴槍俾佢睇，個赤膊太子爺佢話係４分膠喉，返到屋企連接都唔得！２０１３年９月２日（一），今日拎返去更換就俾個太子爺黑口黑臉粗聲粗氣罵孤星？！孤星對他說我唔想同你嘈，無問題我找問題煩你呀？反而佢個阿媽對孤星不斷說唔好意思！                 　　　　　　即場用噴槍接駁之後找地方吃晚餐了，肥仔記粉麵吃了廿多次，於是到隔離的棠記雲吞麵嚐試一下吧。　　同肥仔記粉麵一樣＄１４元的麵食，但一行入去見一大堆雲吞已是煮好的，坐下即有阿姐來催問，孤星同佢講睇餐牌等陣先啦，唔知佢對耳有問題定有心玩野，答完又再問！               第三次孤星已不耐煩了，我要會叫的啦！佢即時黑臉，我話之你啦，好煩呀！　　　　　　　見餐牌有炸豬扒、肉類飯＄２６元，早餐＄２０元－－未嚐試。雲吞吃的多了，於是要了鯪魚球麵，油菜加＄６元，有生菜、菜芯、通菜，比其他的食店多選擇，菜芯吧。　　　　                 即來鯪魚球麵，四粒圓