榮樂茶餐廳

Open Now

Now Closed

以前o係附近讀中學，呢間茶餐廳絕對係日日都想黎食!!呢度最讓人手屈一指的係服務態度，無論係老板伯伯定好似聰明笨伯的侍應叔叔，都係真心想提供最優秀既服務質素，成日同你講笑，有咩特別要求都盡量滿足你!!唔係連鎖式餐店訓練出黎那種，亦同澳洲牛奶公司那些惡劣的服務態度簡直係天淵之別!! 講返食物，呢度都係好Typical有早餐set，午餐set($22)，最鐘意呢度既沙嗲牛肉公仔麵!! 真係超級好食! (我好嘴刁) 麵係用福字麵，特別香口，牛肉份量好多，鋪滿成碗麵，沙嗲汁亦俾到足，次次食完都回味無窮!套餐仲包奄列+多士，奄列就一般水準，不過火腿份量真係好足，同埋佢用半生熟蛋，有好多人鐘意! 我自己就麻麻，次次都叫佢俾熟蛋，佢又好樂意幫你煎耐d，香口d!! 多士就係呢度既主角，平時最多俾牛油多你，呢度真係唔話得，油占多，奶醬多，菠蘿包，雞尾包，花生醬甜餐包......你講出黎佢就做得到!!! 仲有!! 如果唔要奄列既多士可轉厚多士!!! 混醬厚多!!! 唸下出面仙蹤林食一份都要$12，呢度學生價一個午餐只係$20包曬咁多野!!!飲品方面，係可以揀鮮奶tim!! 熱奶，熱檸蜜(當熱飲) 平時要加錢

星期日起身之後，同老婆黎食午餐($20)。沙嗲牛肉麵- 沙嗲牛肉濃，公仔麵煮得剛剛好。奶油多士- 烘底，有誠意!火腿奄列- 有蛋汁，港式風味。熱奶茶- 香滑，濃度適中，好!西多士($12) - 香口，不會太厚，值得一試再試。屋村家庭式生意，真的買少見少了，希望這些本土文化能夠得以保留。

因本人自小已於瀝源長大，已是該餐廳長期熟客。見證由各款餐無得轉到乜都有得轉年代。在這裡食除了覺得食物用料好外，最重要是那份人情味，入到去就如去了一個家庭般，每事每物都那樣熟悉。個人意見，澳洲牛奶公司的蛋及多士是較好，但其他如意粉、通粉都無得比，而且缺少了最重要的人情味，食得太趕無法好好享受一頓食物;跑馬地新祥興最喜歡那多士，但其他也無法比，奶荼更是比技術性擊倒。在這裡一定要試的必定是奶茶，其淳滑口感、茶味十足的感覺真的哪裡也找不到;其次是豬排治及西多士，包你在其他快餐店無法找到。

呢間餐廳係我地呢間學校既學生眼中有一個名-{小秘密}因為佢既位置比較僻,要轉彎先見到,隔黎學校更加冇人食呢間所以每次去到食全部客都係同自己著同一件校服的.雖然客仔多數都係我地一間學校既學生,不過lunch遲放5分鐘分分鐘呢間野都會爆棚!!*佢已經係餐廳出面擺多左大約10張台坐滿晒我諗50人!落單方法好特別係家庭式經營肥佬同佢呀哥都係用腦記單,所以如果你係坐入面你會食食下聽到{十八個牛面!}講野食:我食得最多既係牛意+細奶油+凍華田牛意姐係沙爹牛肉意粉意粉林林地,可能有d人唔岩不過我個人就好中意!佢果度d沙爹好好食所以上面咁多人叫牛面就係咁解細奶油姐係半份奶油多再加火腿奄列比較好係佢既奶油多會烘底,唔似其他餐廳果d好林,淨係查牛油,見到都唔想食果d佢烘到香香地,落足料比好多奶油,好好味奄列就一般水準啦加多杯野飲.就係咁多盛惠20蚊我覺得呢個價錢係極之食得過

其實食既野好簡單，但又不期然定期來開餐，基於沙dad牛肉面用福面好味，奄列隻蛋油但有蛋味，$20一個餐抵食，人情味都好重，成個感覺係好親切，食得好自在、好舒服!每次食完有油煙味但都在所不計。

午市過後四圍貢又去到瀝源!!==================================================================================================其實都唔係第一次幫襯佢,幫襯佢原因係唔想食大光麵,呢間舖係用統一雞湯麵,午餐寫叉燒意粉但次次都話無叉燒,不過無所謂!佢個沙爹牛肉味道唔錯,配雞湯麵一絕,仲有火腿奄列加大大個菠蘿包,菠蘿包會'叮'熱上碟,不過今次師父沖凍檸茶未洗乾淨隻手,杯茶有二粒公仔麵碎!所以扣分

以前細個住禾輋. 差唔多一個星期黎呢到幾次食野.佢個餐飽係最好食ga. 重有.我細細個已經叫呢到個老闆做"肥叔叔"好耐無食啦. 不過依舊無變.同我小時間係一樣ga唯一變左既係我大個左. 老闆與伙計老左

Lee間嘢好搞笑, 由開檔到收工都可以叫早餐, 茶餐, 特餐......d嘢食重可以任你轉而又唔使加錢! 我最鍾意食佢地ge餐包太陽蛋, 重有沙爹牛肉炒烏東! 肥佬同佢ar哥兩兄弟又成日同水吧個四眼叔叔喺到單單打打......唔食嘢入去同佢地吹吓水都幾開心ga!

屋村茶餐\廳! 日日食都唔會厭以前住沙田中心,朝朝特定行五分鐘都要去食早餐\/午餐\一來因為價錢合理,二來因為o的野食好味又冇咩味精雖然食物簡簡單單,通粉,麵包加飲品..餐\價賣$ 20,沙田黎講算好抵食而且當你去多幾次之後就會發覺佢\好有味道,三十多年的店舖,員工加上有水準的食物..住沙田附近的朋友真係要試下佢

放學後,來食點東西坐一坐。在商場的另一面,還有間茶餐廳。門面舊式,門有紗遮蔽入面。內裡的瓷磚牆掛著七十年代的可口可樂海報'It's the real thing',貼著市政事務署告示,當時隨地吐痰「罰款二千有可能」,都幾多錢下。這裡並沒有下午茶餐,便散叫西多士,加杯凍奶茶。西多士即叫即炸,來的時候熱熱,炸得鬆脆香口,中間的生花醬也塗的足。至於凍奶茶,夠凍但奶味較重,不澀口。與老闆談談,這裡有三十多年歷史,卡位、檯、鐘、市政事務署告示、可口可樂海報,都有三十年了。相信應是瀝源邨入伙開業至今。食畢,向禾輋進發。