樂德茶餐廳

Open Now

Now Closed

🐂主打牛腩粉既茶餐廳，都係提供一般茶記服務🤫幾年前黎過，今次行過見到裝修過企理左🧐🪑座位有啲逼，肥少少都未必坐得落😥環境望落乾淨，但都有啲烏蠅周圍飛【 下午茶：牛腩米線 配油菜】 $38🕞 下午茶幾抵，$38 牛腩粉 加送 油菜 / 蘿蔔 / 炸魚皮 / 熱飲 🥬🧊轉凍飲只係加兩蚊，平時其他茶記普遍都加3蚊🤑☕ 下午茶唔食牛腩粉，都有西多士個啲揀 🧇🐂 牛腩夠淋唔肥 再加碟菜 😙 下午茶都可以有健康既選擇👍🏻完！

食左咁多年，見到早餐餐單新變更，每份餐勁豐富平時期中食雪菜肉絲米加奶茶，對女仕來講已好飽肚，變革後加埋炒旦餐包，非常、十分滿足，重可以餐包轉丹麥包，包有點乾身但好牛油香味。又或者好似我，長期都用三文治加飲品做早餐，依家有蕃茄旦、芝士等可變化下，其實真心覺得，蕃茄蛋真係超級正既配搭。三十幾蚊，每朝一個滿滿元氣既開始

上過美容院後, 跟朋友到附近用餐。驚喜之食!! 一般河粉最害怕太淋, 但河粉入口恰到好處, 充滿湯汁。最厲害是牛雜, 不但沒有渣而且沒有牛臭味。食過數間河粉都不及此。在物質上升的香港, 搵到平價又好食的河粉真係抵. 

係北角廿年咁耐，一直都幫襯佢。唔想煮既時侯，打電話叫外賣都係佢，朝早唔想諗咁多，ABC餐是旦督。質素穩定。職員有禮。只要考慮既係自己胃口---食唔食得晒。重要係價錢唔貴，唔使煮完又洗，啱晒我。我同屋企人至鐘意佢杯奶茶同咖啡。去完旅行返黎一定飲返杯。另一個就話鐘意佢既牛腩面，第二度唔啱食喎~~ 就好似呢餐咁，蛋治正，茶滾，咖啡濃，牛腩入味。D伙計又會招呼你。大概三十多元一個餐，快靚正，食飽開工日日好心情。

又係出街食飯。 見有位就入去。我就叫左個沙爹豬頸肉炒河。我就叫左一次侍應就落到單。 可能係人手不足， 我隔離的人都叫幾次人先落單。 炒河到左， 料夠， 但味道一般般， 少少甜。 有青椒同菠蘿做菜。午餐連凍飲$50 算係咁。

行過路過，見到晚餐都價錢ok，行入去試試吓啦。店內環境新裝修較光猛，好整潔有太多選擇揀左B餐枝竹豆卜炆火腩套餐包例湯及飲品晚餐-枝竹豆卜炆火腩套餐$60枝竹豆卜好入味，D火腩肥左D，但都OK(ps. 忘了影湯及奶茶)冬瓜排骨湯有蠔鼓，D湯好好飲，好茶👍全日特價餐-梅菜扣肉飯（包湯或熱飲）$52梅菜扣肉好重南乳味較咸，D扣肉都比個汁影响都差曬，我要用燙水過一過才可以吃，希望下次出食物比客人吃時要留意留意,

先唔討論食物質素，但服務真是差到一個點。我同女朋友一入到餐廳坐低，就即刻有人企係度問我哋食乜。本來咁都係好正常，但我對個女侍應講我哋要先睇睇餐牌上有乜嘢食(因為我女朋友要戒口，要少少時間揀野食)，但個女侍應就企咗係度等， 我再同佢講要時間去睇下餐牌先佢先走開。唔夠一分鐘，另外一個男侍應又走埋嚟問我哋食乜， 跟住我女朋友同佢講返同一段說話，佢行開之後又唔夠一分鐘又返轉頭問，我哋叫咗餐之後個男侍應行開好細聲用粗口問候我女朋友。

午餐粟米火腿雞絲飯，雞絲雪味超勁，粟米汁淡而無味。例湯係紅蘿白豬⻣湯，飲落係一碗落咗好多鹽嘅水，完全飲唔出湯料嘅味道。就算只係$48個午餐，人地都可以做得好好多，今時今日仲有咁嘅茶記真係香港奇蹟。

👤人數：2💰埋單：95🍽口味：正常🍽菜份量：偏大好抵食，最平一碗牛嘅河粉/面之類可以去到33蚊，仲要分量其實好大，一位男生一個冇加底嘅河粉已經好夠食，因為加底太大碗了！1.坑腩河：坑腩半肥瘦，肉好諗，肉質都偏厚，不會特別濃調味料味道，反而係牛肉自身該有嘅香味，配送嘅蘿蔔都好入味，吾會有苦味，呢點好平。2.紫菜三寶河：個人覺得就整整常常冇乜太特別，魚蛋都彈，但冇乜魚味，魚皮餃都係，比較街市嗰种，但湯底唔錯，有紫菜香味。

2022年4月2日旁晚外賣A餐黑椒豬扒飯，原來已加價到五十四元，另外凍飲和外賣盒總共五十八元，回家打開才發現豬扒由之前的兩塊縮少至一又三分一塊，真係有點過份，街坊生意都搞成咁，失望👎👎👎

北角小店--樂德茶餐廳 價錢實惠 穫氣十足小編上星期去完龍脊行山後, 搭車去左北角食晚飯本身OPEN RICE搵美食推介個陣想去一間勁多LIKE位於街市既大排檔, 但去到見到個價位真係食唔落沿路經過見到呢間茶餐廳就入左去試, 真係有驚喜晚餐小菜只係$58-$68 (跟一個例湯同熱飲一杯) 勁抵😍😍例湯係西洋菜湯, 勁大碗😆😆我同朋友叫左六個餐😛1. 金銀蛋時菜 ($58)食得熱氣野多, 叫呢個想清下唔會太咸但又夠味, 好開胃2. 黑椒牛柳 ($68)呢個牛柳超淋, 個汁夠多, 我同朋友係爭住食😂3. 生炒排骨 ($58)呢個酸酸甜甜, 唔算太特別, 中規中矩4. 啫啫雞煲 ($68)呢個我有少少失望, 個汁唔夠味, 同埋佢夾埋埋豬肺整, 我個人唔太鐘意食豬肺, 所以唔太喜歡個味5. 豆腐班腩煲 ($68)呢個由於成本問題, 豆腐就有好多, 班腩唔算多, 都係中規中矩6. 梅菜蒸肉餅 ($58)呢個係我咁多個餐最推介既一個, 肉餅夠熱, FEEL到勁用心去剁梅菜同肉餅份量適中, 就咁食唔送飯都好OK!呢個我覺得必點😆😆味道: 4/5 (個別就3/5)環境: 3/5服務: 3/5性價比:

我們肚子不太餓，隨便吃點粉麵作晚餐。第一次光顧，就點了牛雜麵、牛筋米粉和一碟蠔油芥蘭。這牛雜麵（走牛腸）單是牛肚就有八九片，還有兩三片其他的牛內臟，全都煮得軟軟的，味道也不錯，麵質爽口沒有鹼水味，份量也不少， $30太超值了吧。牛筋米粉的牛筋雖然不太大塊，但合起來有十多塊，也是煮得軟硬適中，味道不錯，米粉份量也多，吃了很飽肚。不過，湯頭有點過鹹，若不喝湯，還是可以的。芥蘭是我喜歡的幼身芥蘭， 沾一點蠔油，好吃。

唔起眼既一間茶餐廳，入到去係傳統冰室格局，餐牌可點既都係好似沙嗲牛米//腸仔煎雙蛋既”set breakfast 🍳 “。叫左早餐A，煎雙蛋🍳🍳太陽蛋配牛油方包🍞，同埋火腿通粉。完整既太陽蛋唔算油膩，去邊方包軟熟，牛油唔算好多，都幾合口味。通粉個湯都有雞粉味，唔會淡貿貿。餐飲係熱好立克，好立克就偏淡，太多水太少粉，麻麻地。用料唔算高質，但係係平民大眾常食既茶茶廳地道口味，如果咁岩路過，不妨都食一個地道既茶餐廳set醒神早餐🥣

到了晚飯時段，不是非常肚餓，但因為之後有野做冇時間食飯，所以都要先吃點東西。行過這裡，見到有湯飯，加上自己對傳統茶餐廳有情義結，便入去試下。餐廳是很傳統茶餐廳的格局，很舒服。叫了個胡椒豬肚湯飯，很快就上餐了。湯飯的份量頗大的，豬肚的份量很多，有9-10片，而且每片也挺大的，很足料。至於個湯，如果係平時只喝湯的話，會稍為不夠胡椒味，但在吃湯飯的情況下這卻剛剛好，湯連飯一起吃，不會太辣，非常不錯加上價錢經濟實惠，非常推薦

啲間有外賣既食店係最近新搵到，已經叫左幾次外賣，接電話都有禮貌，第一次我叫葡汁腩飯，佢哋話冇葡汁只有咖喱，佢哋話兩樣差唔多，咁我就要左咖喱，送到來味道真係似葡汁唔太辣，點知第二次再叫就唔同辣左好多。有日叫左小菜套餐生炒排骨，啲汁太酸，令到個喉嚨好唔舒服。今日叫左早餐A，足料。