橋田臺灣牛肉麵 (Closed)

偶然發現呢間小店，望入去感覺幾舒服，有我喜歡既木檯木椅，於是決定同朋友入去試下！最鐘意就係試店舖既招牌菜呢度既賣點之一係紅燒牛肉，標明係牛肉係半筋半腩，經24小時73度低溫慢煮，感覺好似會幾好食咁！ 一向對於台灣牛肉麵冇特別喜歡既我因為佢既描述就決定一試！ 先試湯底，感覺非常濃味，因為少食牛肉麵，所以都唔知一般既湯底係點，但感覺呢碗麵既湯底都幾好，都會想飲多幾啖！ 再試下牛肉，感覺好腍好香，但又唔會散開，入味得黎唔會覺得鹹，幾好食！d麵都爽口，唔錯！ 朋友叫左呢個台南香菇肉臊乾拌麵，見到個賣相都唔錯，所以我又試埋一份！ 有別一般食既乾伴麵個種好重口味油膩既感覺，呢碗麵清清地，但亦帶有香味，肉臊都幾腍，食落唔會覺得滯肚！ 好食；）跟餐加錢飲 岩鹽芝士奶蓋芋香奶茶同埋珍珠奶茶 感覺兩杯都唔會好甜，芋香個杯稍為冇咩香芋味，芝士味亦都唔明顯，但感覺幾健康，清清地！珍珠奶茶就幾有茶香，唔錯！：） 埋單120蚊，價錢都可接受呀！

用心經營的台式小店，橋田台灣牛肉麵重臨紅磡，去年曾由紅磡搬到觀塘，最近重新於紅磡青州街開張。橋田跟舊鋪一樣，主打台灣美食，點了其有名的橋田招牌紅燒牛肉麵(據其介紹其牛肉以73度低溫慢煮24小時)，半筋半腩入口軟綿，相信是慢煮令其肉汁得以保留，湯底相信由於同經慢煮過程故略為較濃，店家日後可以考慮加入雞一併淆製，減輕其濃烈感覺，使用新竹米粉，口感比一般米粉為佳，湯底精華亦同時可以品嚐。太太點了招牌紅燒牛肉便當，配搭亦都非常入味可口。飲品則點了珍珠奶茶及黑糖薑母茶，保持以往的水準。不過，要推介的反而是外邊較少有的血糯米奶茶，入口煙韌亦有飽肚感，相信適合女士們享用。