橋田臺灣牛肉麵 (Closed)

辛苦工作了半日，到了午飯時間，在紅磡附近想找之前去過的越南餐廳，但原來已經轉了台灣牛肉麵館—橋田，見都幾多人食，就即管走入去試試。叫咗佢的招牌牛腩湯麵，送上來的時候，已經聞到陣陣香味，熱辣辣好吸引佢啲牛腩牛筋是用慢煮方法，麵質方面都好特別，幼身得來又有咬口，好少見到呢種麵質，好特別。食咗之後，好滿足，覺得辛勞半日，有一碗熱辣辣的牛肉麵，好感動☺️ 真係好想親自讚讚廚師 😆 店舖職員都非常忙，唯有在這裏感謝他們😊可惜我不是常常都係咁，希望下次再來，一定會再幫襯 😋 試試其他食品註：不知道是不是我畫錯飲品，但職員好好，都肯幫我換👍🏼

午餐時間今日黎到紅磡區叫左橋田招牌麻辣牛肉麵牛腩牛筋夠入味淋身湯底唔算太辣唔會搶晒牛肉味送杯蜂蜜綠茶清清地唔錯$52午餐黎講可以食到咁有質素既牛肉麵已經算係好抵食

以往假日休息的橋田， 現在週日也有營業。 今晚買了兩個自携食物盒的外賣。 店主也很細心，問我麵和湯要不要分開裝， 但為免用太多盒，我就說不用了。 怎料回到家中，新竹米粉的口感還是很好，浸在濃淡適中的湯底 特別好吃。雞扒煎得香脆，雖然略鹹，但伴白飯來吃剛剛好。店內的”73度低溫慢煮半筋半腩紅燒牛肉“也是炆得很腍很香，但今晚吃不下那麼多，下次必叫。週日晚店內人流稀少，與食物質素不成正比。 希望他們可以維持下去。 用心製作的食店，值得支持!

限聚令下的午餐，台灣我諗有排都唔使去，點都要搵間台灣野平衡番個心理，台灣食物最代表性都係，牛肉麵，肉燥飯同珍珠奶茶，上網搵到依間主打台灣牛肉麵，解下思鄉之情問個老闆，本身佢地係用幼身楊春麵，，幼麵我就慢慢地，可以轉新竹米粉同加3蚊轉刀削麵黎到個樣都幾靚仔，個湯好濃，飲得出牛骨煲出黎湯味，不似落左味精，重有少少藥材味，同去台灣食差唔多個刀削麵煙煙韌韌，好好食牛助條有驚喜佢地慢煮過，食落去係同出面好唔同，係林滑好多大家可以試下

叫了鹽酥雞、紅燒牛肉麵、麻辣手撕雞撈麵、同埋花枝丸刀削麵鹽酥雞大部份都係燶左嘅炸粉而且食物味道偏鹹紅燒牛肉麵有個肉全部都係肥膏...珍珠奶茶稀到水....唯一可取就是花枝丸OK不會再食

肚餓咁啱經過，發覺很久沒吃牛肉麵，隨手推門入去。原來所有食物飲品都印在A5點餐紙上，一目了然，在點選的麵食旁劃上剔號交店員就可以，好方便。招牌紅燒牛肉麵(半筋半腩，24小時低温慢煮)牛肉湯底清香好味，忍唔住飲咗半碗湯，麵條夠稔不糊，牛腩不黐牙，旁邊還有小棠菜，紅蘿蔔和白蘿蔔，顔值爆燈。台灣美食除咗牛肉麵還有珍珠奶茶，淡淡茶香，不會被奶味蓋過，珍珠有咬口不會死實實。下午茶時段有八折，好抵食。一定會再嚟！

最近不停食外賣，食到唔知食乜好，於是喺openrice揀外賣，顯示第二間就係呢間，反正都係試新嘢，唔使再諗，就呢間啦。外賣湯米粉，湯另上係必然。有兩件牛筋，有兩至三件牛腩(視乎大小)上面有冬菜同蔥，啲熱湯倒落去嘅時間即時將啲香味撞出唻，外賣都可以變成即場食嘅效果。牛筋牛腩好入味，腍得唻有咬口，絕對唔係爛溶溶，有水準。近年多數係食米線，好耐都冇食過幼米粉，好爽口，米粉吸到湯嘅味但冇發脹，啲湯亦冇乜少到。喺食咗成個月外賣唻講，呢餐都算有驚喜。包一杯凍綠茶。

環境舒適 空間不算大 但座位也不算太擠第一次來當然試左個經典菜式先臺灣牛肉麵面軟身左少少 但整體表示滿意＝）湯底濃香 雖然冇叫麻辣 但都好夠味半筋半腩 好有誠意的料 如圖。套餐包埋蜂蜜綠茶都好抵食 CP

橋田招牌紅燒牛肉麵 $52❤紅磡隱世高CP牛肉麵!🤗 餐牌寫住牛肉係半筋半腩 24小時用73度低溫慢煮🤤 賣相望落幾吸引🤤 面頭有蘿蔔兩件加條菜幾有誠意👌🏻 牛既份量ok多 牛腩有兩大條 有別於讚好成件軟綿綿既牛腱 我更中意呢度半肥瘦既牛肋條 帶少少肥膏特別香口 慢煮完又軟熟又保留原汁原味既肉感😍 牛筋都幾淋但未至於有坐忘既極漿口feel😇 紅燒湯底幾濃郁 有淡淡藥材味 可以再濃一點😌 幼身麵條份量非常多 (其實免費轉了大份🤫) 略嫌淋左少少 但索左d湯汁都幾好食😋 整體我覺得呢個CP值高過讚好牛肉麵 經過附近都可以一試!!逢甲鹽酥雞便當 $48炸雞幾香脆juicy 但未算好驚喜 充滿椒鹽炸蒜同九層塔既味道 仲有少少醬汁送飯都唔錯珍珠奶茶 +$8好多地方都整得好淡好難飲 呢杯味道算正常👌🏻 不過等左勁耐都未黎 催左幾次等到d野食曬先黎到平日2:00-5:30下午茶仲有8折

路過此地， 停好車發現有家台灣菜餐廳，見冇乜人，就入去試吓！ 我本身好鍾意食牛肉麵，就即管試吓佢嘅牛肉麵好唔好食！ 叫咗個麻辣牛𦟌麵，自己感覺就非常滿意！ 估唔到有間咁好嘅台灣牛肉店隱藏喺呢條咁小人行嘅路上面！ 呢碗面係偏幼， 對於吸收湯汁非常之唔錯，湯底濃郁，有淡淡的藥材味，唔係好辣，有麻香，真係非常鍾意! （因為好好味，所以食剩最後一啖先記得影相）另外點左一個台灣烤香腸，估唔到$32 ，有一大盤😆真係非常超值老公點左一個肉燥拌麵，我冇食過，不過老公表示好唔錯！ 飲品就唔多介紹，都係糖水加茶咁上下！光顧嘅時候基本上得兩枱客人，所以坐邊都冇問題，冷氣夠，入咗舒適，招呼都唔錯，一舉手即刻有人幫我落單。 最好嘅係門口有咪錶位可以泊車！

午市時間一點來到，在門外等了約十分鐘，終於被安排入座。 餐廳座位挺多的，但密密麻麻，檯貼檯。 在餐廳最入的位置反而有兩張坐的挺舒服（空間感夠）的四人檯 😊我和友人共點了兩份午餐：- 逢甲鹽酥雞麵（轉新竹米粉）- 花鵰雞米粉午餐免費飲品：綠茶。 （可另加錢轉其他台式飲品：珍珠奶茶/ 蜜桃綠茶⋯⋯）* 注意：餐廳是自行到收銀櫃檯先付款點餐，之後店員會把食物送到座位上。鹽酥雞份量多，雞肉多 外層鹽酥香口，挺不錯 👍🏻花鵰雞，花鵰味不濃。 新竹米粉屬於偏幼的，我和友人十分喜歡 😊

今日落雨濕濕，應該無咁多人出黎食lunch啩⋯ 🤔😅 （因爲之前同事帶我地黎到呢間台灣料理餐廳係好多人，要等位架！🙈）大家都知香港係寸金尺土，依家好多食肆都係枱貼枱，但今日呢間可以話好有空間感😌，樓底唔只夠高，枱櫈都好整潔。 由於有唔少選擇，大家都變左「選擇困難症」🤣，終於點好喇！😏👍🏻同事A： 橋田招牌紅燒牛肉麵（半筋半腩二十四小時73度低溫慢煮）見個名就睇得出佢地對食物嘅講究，果然湯底濃而唔口渴，牛肉係軟而唔會好肥，好味！👍🏻😋 我：都係同上但係我鐘意食新竹米粉😍 👍🏻👍🏻👍🏻 （份量好足夠，所以我食唔晒，浪費左⋯🙈， 下次要少份量先得喇）😉同事B: 鹽燒鯖花魚便當鯖魚（半邊 - 起左骨架，好細心呀！）雖然係鹽燒，但味道唔會咸，而肉質係好軟滑，所以全部食清光😏👍🏻飲品：雖然要加錢（+$12），但好大杯，好足夠架，味道唔會太甜，抵飲！😍 我地會再黎幫襯呀！👍🏻😃

這間店都算幾隱蔽 唔係見到有易拉架 我直頭唔知行入去條街係有野食既 見店有不少明星捧場 又有介紹 就去試下 因為唔係成日有開 都係咁岩先食到招牌係慢煮紅燒牛肉麵 $52我特意叫店家幫我走牛筋 慢煮72小時73度牛腩都幾稔既 湯就係用左蘿蔔同藥材去烹調 就唔係我中意食既果種紅燒 麵唔係台灣果種好彈牙既白麵 而係黃麵 我就唔係咁岩所以就交換左食鹽酥雞便當 $48🍱 因為想試埋個肉燥同溏心滷蛋 就另加左台南肉燥$12 蛋就$9 便當有時令三款小菜 我勉強食左青瓜就冇再食其他 鹽酥雞偏咸 有炸紫蘇葉 肉燥就完全唔係肉燥 係滷肉黎 即係唔係一粒粒肉碎 而係類似五花腩果種帶肥膏果種一小塊果d 味道都唔係太討好 而且我唔係想食滷肉係想食肉燥。。兩者係有分別既🙈隻蛋就唔係咁入味 都算係溏心既～試埋杯野飲 +$5有台式奶茶 茶都夠既 但奶就。。奶水咁 另一杯招牌血糯米奶茶+$10 係用紅豆加左唔知咩整既 我唔食紅豆所以冇試了成間店真係冇咩值得推介😔#紅磡 #foodporn #taiwanfood #hkfoodblogger #foodblogger #igfood #foodie #foodies

我好吃台灣牛肉麵和一定要非常濃郁的台食紅磡青州街新開張一個很台北風格的面店當然不能不試他們賣點係（咖啡即磨）湯煮得夠耐傳統牛肉麵用濃厚的當歸和中藥材煲其實當歸味太多不過香港人注意養生看來多數人客都不太介意選了較幼身上海面質素好也吸收湯水的好味道配菜分別為紅蘿白白蘿蔔小棠菜等私心都幾懷念以前黃郁民大婆牛肉麵時代的青紅蘿白件奇怪台灣野一定係台灣人做先可以做到神髓因為夠晒林夠入味這裡的牛肉都係優質多筋新鮮夠晒大件又多今次最大遺憾老闆叫我坐在一個冷氣位凍到我而且杯咖啡同碗麵食左一陣已經凍晒

橋田終於返番紅磡啦！仲由以前嘅舖仔搬左去大舖👍🏻👍🏻座位多左，又闊落左以前返工一個星期都食一次，今次係第一次喺新舖食。星期一晚唔算好多人，但都不斷有客入。我今日食左佢個夏威夷Style千島醬汁煙三文魚蟹柳冷麵，呢個係我最最鐘意食嘅麵，喺第到食唔到，個配搭一流，尤其係個醬好啱夏天消暑食，而且三文魚嘅量一啲都唔少😃佢個麵質比較煙韌，好正，食完都幾飽。另外，叫左個奶蓋茶同鹽酥雞，但就比較普通，我覺得可以唔使試都得。btw佢全日都係同一個Menu，所以我覺得夜晚食比較抵食，但其實價錢都好相宜，普遍只係幾十蚊就有一碗麵或飯，再可搭配小食。朋友就Order咗排骨新竹米粉，賣相都ok。之前食個佢個黑椒牛扒飯都好正，塊牛勁大塊，唔似茶餐廳果啲。同場，就係老闆好好人，同個個客都吹到水。