橋香園雲南過橋米線

Open Now

Now Closed

叫左45分鐘先送到黎！雖然有用另一碗分湯，但全部米線全部勁Q林！米線入口即溶喎，何其難食，可能只適合長者食囉魚蛋勁重雪味羅！！！沒有下次！一定要black list！

我是橋香園米線的常客, 基本上是從小吃到大, 所以在我心目中他們的米線比南記還是譚仔更好吃! 如果在中環上班的你想找一間價錢恰當的餐廳, 橋香園是不二之選! 橋香園總共有兩家分店, 但是我認為中環比較好吃! 今個下午我點了酸辣中辣三餸米線, 包括超彈牙白魚蛋、甜甜的白蘿蔔以及滷水雞翼, 由於是下午茶時段所以有優惠價呢! 我非常喜歡吃辣的食物, 這裏的小辣又太過小; 中辣其實有點太重手, 所以點小中辣最適合! 最後來一杯凍豆漿就圓滿!

自從舊同事帶過我食一次後，間直一試難忘😍 位置尚算方便，起IFC行過黎十分鐘內，donki 轉個街口橋底就到，很適合打工一族，獨自堂食也不會尷尬😭相信很多在中環上班的都知道呢間米線鋪招牌菜是小鍋米線、撈米線小鍋米線湯底很融洽，香,辣,酸,鹹 配合得恰到好處🤩 令人一口接一口不會太刺激辛苦撈米線配料極多，適合怕熱又趕時間的人😂😂價錢在中環尚算合理，如果要食個quick lunch的話不妨嚐嚐

服務態度度超差😡我一位，向張4人抬食到半路，因為有二人客，佢叫我掉去另一張枱可以嘛，因為好多人等！我話我差不多食完吾想轉位，佢夾硬張我碗食緊既麵放去另一張枱😡，甘我都冇佢辨法！！最多決定冇下次，冇將來呀🤬

是次体驗是外買，叫木耳、生菜、魚蛋米線，已經比漏左魚蛋，話要下次消費才補回，話如果我要拎，我要親自去店舖取回金錢，態度十分終終極無禮貌、超級無敵十分差體驗。十分差，下次不幫襯。

今日落雨，所以同同事叫food panda外賣，一餸小鍋米線都要$48，我唔係好肚餓，就簡左芝士腸一餸，黎到有分湯，點知芝士腸得兩條，有d無奈，我同事叫左三餸，點知冇左一個餸，真係唔抵食

橋香園，去親呢度食米線必點季節限定既牛肝菌店內位置唔多幾張圓枱，用圓櫈令到店內可以坐多啲食客，食11點半既關係，去到幾乎唔洗等位！店員安排坐位之後，一早諗定咩配搭既我😆，當然即時落單啦酸辣湯底，貢丸，牛肝菌+蘿蔔等咗唔洗十分鐘，就有得食喇牛肝菌吸滿晒湯汁，真係好惹味🤤走咗九菜芽菜，多芫茜成碗變成獨一無二既口味🤗酸辣湯連煙韌既米線一啖一啖咁送入口，食到成身汗都已經唔係問題米線既美味，令到我呢個好怕流汗既人，都願意37度氣溫下仍然要去食既一大動力

第一次食呢間，中環冇譚仔，所以就試下，叫左個兩餸湯米線，炸醬肥牛$47，等左5分鐘就攞得，但原來外賣佢冇將湯同米線分開，唔知係咪因為咁，返到公司食既時候，d米線淋哂，好易斷，搞到好難夾，肥牛都算幾多，炸醬又係一早放哂苦湯，搞到撈勻哂，所以整體黎講，麻麻地好食。

此店於中上環區各有兩間分店，一間位於威靈頓街，另一間位於上環地鐵站口對面今次幫襯的是威靈頓街那一間店舖面積很小，大約只有六張枱，每張能坐四至六人所以今次是外賣此店的招牌湯底是酸辣，酸菜是自家醃製的餸方面就好像車仔麵檔那樣點，我總共點了三樣，招牌菜是腩肉，蘿蔔及豬大腸腩肉入味蘿蔔清甜豬大腸林香湯底也可以自選辣度，甚至唔辣也可以但此店於午飯時間也有很多人買外賣，因此等候時間較長，建議先致電落order，之後到取

叫外賣翻來食，食到第三淡已經發現有唔妥，食到落口有野卡住，好小心咁從我個口入面拉翻出來，越拉越長，見到有💢一米長既幼尼龍線💢，差d唔為意呑左，有相為証，冇老屈咁既市道仲俾d 咁既野客人，有冇搞錯！

晚上的時候和朋友來到中環找東西吃，網上有好多人推介這間米線的所以決定來這裏試一下，米線的價格因為中環區的關係會比其他區較高😌這次叫的是三餸米線，米線能夠選擇撈米線或湯米線$53 這裏有很多配料可以選擇我選擇了魚皮餃，蟹子丸和肉筋條～本來很想試一下這裏的牛肝菌的，我是來到這裏可能因為太晚的關係已經沒有了，下次希望能夠試一下_三款配料的味道也很不錯，尤其是那個肉筋條十分有驚喜，十分彈牙，跟餐可以用較特惠的價錢配上飲品，湯底能夠選擇辣到也是很不錯

今日屋企無煮飯，放工就食埋先反去路經橋香園，之前都食過，好鐘意食牛肝菌，但有排佢斷左貨，就無再食過啦今次再食見佢反左貨，但竟然要加3蚊～都幾貴。味道都無以前甘好食，米線既味道不過不失。58蚊～3個餸係中環黎講都可以接受

曾經是呢度常客， 一星期都總有一次。自從佢裝修後，有一段時間水準大跌（唔知係咪因為成本上漲定湯底無左）,加上又無我最愛的牛肝菌，所以都有成幾個月無去。今日心血來潮，突然想食橋香園。去到條隊一如以往咁長，好兆頭！ 點了例牌必叫的腩肉，蘿蔔同終於回歸的牛肝菌湯米線，小辣。水準終於回勇，感動。牛肝菌的鮮甜又爽滑，只此一家。大量的芫茜香蔥令濃厚的湯底鮮活起來，像給予了湯底新的生命。離開埋單時，阿姐一邊收錢一邊說好耐唔見你喇喎。我有點驚訝問她：吓？你認得我？ 佢話，當然認得。 當下心頭一暖。想不到以態度差聞名的店，也有對客人上心的店員。好多食評都不約而同地評價橋香園為「食物好但服務差」。其實舖仔細細人客又多，你有壓力我有壓力，姐姐粗聲粗氣大動作有時也在所難免。真的，食小店就安份點求味道求速度，點解要求五星級服務呢？幾十蚊食得滿足，仲要有人認得你，直情是五星級態度，仲想點呢？

天氣悶悶地，有無聊冇帶飯，不如叫個外賣食左揀右揀都係始終揀返你橋鄉香園嘅薯粉，菜式選擇多梗係要揀啲推介加一蚊嘅。原本諗住叫牛肝菌但係可惜姐姐話冇了（唔知係唔係冇得賣定係賣晒），但係餐單上就相當吸引，並且有師姐食過話好正，咁無法啦唯有叫個豬頸肉撈生根，佢個酸辣味道好正宗，唔怕辣嘅話可以叫中辣！同事吃咗撈嘅，但係始終覺得有湯較為入味，可能湯底本身有酸酸辣辣嘅味道令薯粉更加入味，令人一邊食一邊流鼻涕(真係失禮晒）記得提姐姐唔好執漏嗰啲單呀明明有蘿蔔㗎，最尾冇比到所以只有木耳撈薯粉

日期：9月20日人數：5人話說中環冇譚仔，想食米線的話，一般都會諗起南記。如果想幫襯小店的話，其實可以考慮喺中環半山扶手電梯下面，係威靈頓街呢間米線店。每逢平日午飯時間都好多人等位，所以要去的話必須準時中午12點喺公司出發。我哋大約12:20到達，一邊落單一邊等位，大概8分鐘之後入得去。餐廳供應湯米線同埋撈米線，而我一定係食湯米線。有好多款送揀，一般車仔麵嘅餸都會有。肉類的話我會推介腩肉、豬頸肉、或者無錫骨。菜類、菇類、丸類嗰啲就可以根據個人口味選擇。今次我點左腩肉、無錫骨同埋牛肝菌。個人覺得牛肝菌雖然要加$3 ，但物有所值，好Q彈。米線林度適中。感覺上湯底冇以前咁辣，有次去食點菜中辣，有冷氣吹住都食到成身大汗。但今次食小辣覺得無乜味，所以我考慮緊下次去食嘅時候點返中辣。另外米線入面係有腐竹、少量炸醬、芽菜同埋芫荽蔥。餐廳地方比較細，大概只坐到二三十人。午飯時間排隊嘅人較多，亦都有好多外賣。所以服務欠奉，見你食完就想你埋單走人。價錢以米線來講算中上，三餸米線要50幾蚊，唔算平。但係味道搭夠，所以我耐唔中應該都會去食嘅。