歡樂海鮮酒家

Open Now

Now Closed

買單嘅時候用 Alipay，因為啱啱轉了信用卡，所以有少少阻滯，只係阻咗幾分鐘，老闆同老闆娘竟然露出不耐煩的神色，幾次催促用其他方式繳付，當時係冇客人嘅，完全冇，因為已經係下晝 2:00 之後，團餐嘅人食晒走咗。 唔係啩，我真係熟客，幫襯咗 40 年，因睇我的 post 及我親自帶嚟食嘅人心算都有幾十個！ 呢件事睇到佢哋嘅心腸，太過分啦咁樣待客，查實我一直都知佢呢個餐食物味道正常但係性價比低（昨天蟶子唔新鮮），價錢同我食開嘅西貢勝記差唔多，但係勝記嘅出品、服務同埋環境都比佢好！我食咗個幾鐘見只有幾枱散客，其他嘅都係團餐，搞到環境好嘈好混亂，以前一直都係咁，不過我包容，因為兼顧人情味所以不斷返嚟食。 由紅磡揸車加埋隧道費泊車費，本來食得開心就唔會計較。 其實之前一日我個老友已經叫我唔好去歡樂，去新陶園，佢係熟客，好後悔唔聽佢講。不過唔緊要，歡樂幫我做咗決定。啲差勁嘅餐廳難道唔知道我哋真係有好多其他選擇？！

saturday walked in the place were clean and roomy ,came here mainly for some fresh seafood ;we had the salted & spiced popping prawns , they were in huge size and full meaty , the spiced were not too salty so that san taste of its popping prawn , the steam fish of cephalopholis sonnerati , topped with sweeten soy sauce that goes enhancing of freshness , mixed vegs in soup refreshing and lite free parking provided with dine in the restaurant friendly service of waitress

已經係老顧客，今日媽咪生日，嚟食吓海鮮，一共叫咗10個餸，好飽飽落樓。龍蝦伊麵：龍蝦好肥，無諗到一隻好大份，細路有麵食,大人有蝦食！豉油王大蝦、砵酒焗蝦頭：大蝦2食，呢個係我至愛，豉油味好香，同外面做嘅唔一樣，砵酒蝦頭味道特別，唔係周圍都有得食，成雙蝦都無浪費。薑蔥蠔：叫咗份例牌，但份量好多，無出水，火候夠，薑蔥夠，薑蔥都食埋清蒸大大隻瀨尿蝦：d細路鐘意食，所以先清蒸，又肥又甜，d細路食雞脾咁食🤣蒸深海泥鯭：夠晒大條，蒸得啱啱好，水準貨。油鹽水大蜆：咁煮先夠鮮甜，有粉絲底，正🤭奄仔蒸蟹糯米飯：唔係食蟹季節，但味道都好好， 唯一comment,油可以少返d,啱港人口味油鹽水菜心、生炒骨：小朋友餸，正常水準菜。已經幫襯咗好多年，服務都係好，都係其中一個會變成老顧客嘅原因👍

臨近清明，做個孝順仔同兩老去祭祀仙人拜祭。先人拜祭完，後人都梗係要慰勞吓。自己一家人齊齊整整梗係食好啲。今次約埋阿爸阿媽去流浮山食海鮮。大家懶行一落車就揀咗對正呢間歡樂酒家。有四人餐唔使買海鮮，啱晒我哋呢啲懶人。個四人餐有芝士焗龍蝦，乾煎瀨尿蝦，粉絲蒸貴妃蚌，黃金蟹，菜丸同埋食神炒飯。呢間歡樂以前好出名，食物質素都唔錯，但有一輪跌咗watt,今次諗住再試試!耐冇試過質素返返嚟,碟頭唔單止夠大,海鮮亦新鮮,招呼都唔錯，臨尾仲送個雪耳糖水，加埋汽水都係二千零蚊落樓,五個人好抵食。

去完上白泥睇日落，坐小巴去流浮山食晚飯。幾年前去過歡樂海鮮酒家覺得正，今晚再嚟，點咗個二人世界海鮮餐，水準依然，樣樣菜式都好新鮮，食得非常之開心，價錢亦都合理。

4個人食完4個都肚柯，蟹又唔新鮮，有酸臭味湯又難飲，d海鮮又貴又唔新鮮。服務態度仲要差，3000幾一餐，比d咁嘅貨仔我，唔收貨啊，下次打死唔會再黎，俾錢買難受啊

今日老友飯聚，又嚟流浮山食海鮮，自己買海鮮，再去歡樂加工。蒜蓉粉絲蒸扇貝：扇貝大大粒，蒜蓉味道配粉絲一流。豉油王大蝦：海蝦夠新鮮彈牙，味道咸香鮮甜，食到舐手指。油鹽水蚌仔：火喉剛好，蚌仔不會過韌；湯底有淡淡胡椒味，加上海鮮鮮味，十分清甜，粉絲索了湯水，精華所在。豉椒炒蜆：味道濃郁，咸香惹味，但蜆有少少沙，美中不足。至愛魚炆骨：味道不錯，但略嫌不夠乾身。薑葱鮑魚煲：鮑魚彈牙，味道好，就算配料薑葱亦成搶手貨。薑葱炒蟹：食了多味海鮮，已很飽了，只嘗了一小件蟹肉仍爽口，味道正常。鹽焗花螺：火喉剛好，味道正常。炸子雞：老友說一定要試，皮脆肉嫩，不錯。炒飯：最後加個炒飯，豐富滿足的一餐。

和屋企人去吃生日飯，埋單連貼士接近一萬，大家都好盡興。黎呢度緊係食海鮮，呢間對正馬路 今次唔洗行咁入去搵食喇～率先黎左石頭魚冬瓜盅，湯幾甜，但瓜有草青，材料仲有菇同好易食到有骨既魚，一人夠分到一碗。再黎兩隻西澳龍蝦🦞隻碟好巨型，大啖又彈牙，不過芝士汁奶味多，家人話係用大6芝士，伊面無特別，志在醫下肚。蒜蓉粉絲蒸象拔蚌幾鮮味既，調味少少已顯鮮味。員工強推既貴妃蚌蒸水旦幾滑，不過本身普通食水旦，所以無話好特別欣賞。阿拉斯加長腳蟹幾貴下，仲要事先去訂好先有得食，清蒸已好清甜鮮味，我哋一人分到兩隻腳咁上下。蟶子皇用豉汁整就好好，又大又無細殼，入味肉彈，汁濃厚又唔過咸。龍躉多肉，一魚兩食，份量幾勁，整得幾靚，食剩打包最多係呢樣。奄仔蟹勁多膏之餘仲有肉食下，呢碟都接近一千，突燈揀大隻啲既黎整，可能因為家人期待最耐，所以話特別好食。

這裡的炸生蠔好鮮好美味，最緊要大隻又香脆。白灼生蝦有鮮味，用醬油與否都可。金針雲耳蒸雞有在家吃的味道，雞件都幾滑又入味。灼生菜用雞汁會更好味。蒸魚入口滑溜值得讚。

咁啱係大西北做嘢，同同事講起不如去流浮山食海鮮，當下真係好開心！食海鮮做lunch真係好奢侈哈哈！！🤤🤤🤤餐廳隔離有錶位，都幾方便揸車嘅朋友～ 個日係星期六下午，附近一帶人頭湧湧，好彩咁啱有位，如果唔係就要等好耐👍🏻❤️我地嗌咗魚同蝦飯，好好食！又熱又香又多！加埋蒜頭、粉絲同豉油！真係配飯一流！！！而家諗返起都有啲流口水🤤🤤🤤特別係蝦飯，開咗邊之後都唔細隻，同埋睇落好多咁，食起上嚟都好方便👍🏻👍🏻👍🏻不過可能因為好多人，所以我地都等咗15-20分鐘到先有得食🥺

踩單車到流浮山，一眼就望到依間歡樂海鮮酒家，有套餐，五餸一糖水。菠蘿咕嚕肉火腿，冬菇，蒜炒菜心大蝦蒜蓉粉絲蒸帶子清蒸奄仔蟹南北杏紅棗木瓜雪耳糖水📌歡樂海鮮酒家☎️2472 3450📍流浮山山東街12號#food #foodie #手機食先 #相機食先 #美食 #好味 #吃貨 #cook #delicious #tasty #oichiii #iger #youtuber #health #心心物語

柱皇醬汁焗龍蝦炸麵底(炸麵脆卜卜)椒鹽瀨尿蝦 蔴香大蝦(出色必食)薑蔥鮑魚煲 酥炸生蠔配生菜(無咁油膩)蒜蓉粉絲蒸元貝 西蘭花炒鏡貝大班兩味 炒球 炆骨鹽油水菜心自來海鮮加工11人飯聚 (流浮山歡樂海鮮酒家)

講起歡樂海鮮酒家少東少年廚神嘅故事不免令人唏噓，不過講真食物仍然係冇得輸，海鮮新鮮之餘，瀨尿蝦係當晚我最愛，現在諗起都想食多件，奄仔蟹多膏，鮑魚超級大隻，想肥兩磅…得咗！而個食神炒飯有許多蟹子，個飯炒得夠乾身之餘，仲因為蟹子嘅彈牙而大大提升口感，真系色香味美👍。而個九節蝦雖然系白灼，味道都唔錯喎，酥炸生蠔雖然好熱氣，但系好味忍唔到口。。食完可以去隔離海鮮街買d乾貨，小朋友仲食咗麥芽餅，大豐收❤。

流浮山家庭海鮮聚，搬左黎宜家度先知我屋企的士過去都係唔洗15分鐘！平時食另兩間呢次家姐話不如試新店! 兩家人一齊食，補番媽咪7月餐生日飯🤭🤭🤭🤭龍蝦脆麵做得唔錯，分量大個麵脆左無咁漏！斑球同蒸頭腩兩食都相當唔錯，唔食魚既周生都有食幾俾面！個瀨尿蝦相當惹味又入味，食得滿意！蒸象拔蚌仔火侯都唔錯！至於咕嚕肉汁做得好，用肥肉食落軟熟但個粉漿好厚，可惜！炒飯好足料🍛好大盤係食唔晒既😂呢度真係有N咁多間唔同可以慢慢試，不過食海鮮都係識人好過識字！感謝家姐安排晚餐，再謝謝家姐囝囝幫手車爸媽番屋企。唔知係咪太入腦，一邊食我不停loop緊Serrini <我在流浮山滴眼水.jpg> 😂😂😂過幾日我地又會再黎流浮山再食晚餐🤭會同埋🐼食😙另一間🤭🤭🤭

今日家人生日，她提議要食流浮山「歡樂海鮮酒家」。呢間酒家不是第一次食，上次食的體驗唔好，服務差。但因為家人堅持來呢度，所以姑且比多次機會佢地啦。坐k65到流浮山，一到總站已經見到間舖頭，都好易認。門口有寫上一些二人餐、四人餐，我地就決定左要個價錢$1680的四人餐。入到餐廳，裡面大約六成滿吧(當時係12點正午)，環境大致乾淨，一來到，就遞上一些小食。有酸蘿蔔片和花生，花生無咩特別，但酸蘿蔔片就好好食，我地成餐飯食左4碟也放上比我地洗手的茶水。我地最後決定除左叫$1680的四人餐之外，再要多個椒鹽鮑魚，隻鮑魚都幾貴，要$68隻，不過因為家人想食，就照叫了。第一碟食物來的是「蒜蓉粉絲蒸貴妃蚌」，呢個好好食，貴妃蚌好新鮮，豉油唔太多亦唔太鹹，剛剛好，粉絲亦蒸得好好味。以第一碟餸來講，會對呢間舖頭加上好感。之後來的是芝士牛油焗龍蝦伊面底。呢個的芝士係好味，但偏鹹。而我亦覺得個伊面有啲過淋。不過個龍蝦好好食，加埋有4隻開邊龍蝦，啲肉都好新鮮同實淨，同埋都幾大隻。之後來的是麻香江煎瀨尿蝦，呢個又係好好食，個餐總共有2隻瀨尿蝦，前後斬開。瀨尿蝦好大隻，大約有前臂咁長，瀨尿蝦好重麻香，好好味，個肉好實