正品小館 (Closed)

正品小館，三個字形容，就係平、靚、正！價錢好平，基本上$100都可以食到飽飽，再俾多少少錢，就可以食得豐富啲。店內仲有足球直播！餐牌：海南雞飯（$38）加雞腎（$7）：呢個價錢簡直係佛心價，份量都唔細架，雞肉都幾滑，仲有碗例湯添。白灼八爪魚（$38）：八爪魚非常新鮮彈牙，個芥末豉油起咗提鮮作用。辣酒花螺（$48）：味道辣辣地好送酒。鹽焗馬友（$88）：馬友魚經鹽焗後鹹鹹地，仲啖啖肉，最好預訂定，因為好快賣晒。豉椒炒蜆（$58）：正呀，咁嘅價錢食到有鑊氣嘅炒蜆！黃金四季豆（$38）：四季豆加咗鹹蛋黃，冇咗青菜嘅草青味，反而有鹹蛋黃嘅香，好食。杏汁花膠湯（$48）：全晚最鍾意呢個湯，杏汁味好香濃，而且仲落咗幾多花膠仔，非常滋補養顏。

見到佐敦新開咗一間新嘅食肆，點都要去試一試啦。 初初以為呢一間只係普通嘅小菜館，入到去先發現呢度有好多好正既地道嘢食，尤其係啲海鮮類小炒。 裝修富有人情味，餐牌有海鮮小炒，abcd餐，係一間好香港式嘅小菜餐館。 黎到必然要試一試佢嘅杏汁花膠湯同埋杏汁白肺湯， 真係唔係度度都飲到。 杏仁攪得夠碎，一絲絲杏仁粉口感， 有好香好香嘅杏仁味。再加上佢足料嘅花膠同埋白肺， 值回票價。 第一次食呢種凍食鹽焗馬友， 真係非常美味。 馬友魚肉結實，入口富有口感， 加上佢係鹽焗，鮮未出曬嚟， 點埋佢辣椒豉油更加惹味， 食到停唔到口。 蝦醬通菜炒一大碟， 都只係48蚊，真係去邊度搵。 炒得夠鑊氣夠惹味，送飯一流。 點咗一隻奄仔蟹，雖然唔係話太大隻，但過下口癮已經足夠。 奄仔蟹入面好多膏，味道鮮甜。 豉椒炒聖子又係必點推介， 真係好抵食，大大碟又足料又惹味， 而且聖子肉質結實，夠彈牙爽口，配料亦夠多，必點之選呀。 唔夠飽當然要食埋佢呢度嘅蠔仔肉碎泡飯， 蠔仔份量多到離譜。 而且蠔仔洗得乾淨一啲沙都冇， 個鮮甜味出曬嚟。加上芫茜味，非常地道可靠。

偶然發現這間正品小館，喜歡支持小店的我便決定試一試。小店面積不大，但算乾淨整潔，我們到達時已經剩下很少吉桌子。食物的款式不算少，價錢也很相宜。白灼爽脆八爪魚 $38八爪魚夠新鮮，口感爽脆有彈性，點上芥末豉油味道更刺激醒神。杏汁白肺湯 $38杏汁花膠湯 $48與其說是湯，其實更濃郁得像霜，入口每啖都是杏仁香，白肺湯的白肺洗得很乾淨，花膠湯的花膠夠厚又有咬感。海南雞飯 $38$38份海南雞飯有湯有醃菜有黃薑飯，齊3款醬，以價錢計，真的沒什麼可挑剔。而且雞的的肥瘦適中，口感嫩滑，算是不錯。豉椒炒蜆 $58聞上去很香，蜆肉粒粒夠飽滿且沒沙，味道濃郁夠惹味，又沒有蓋過蜆的味道。油浸黃花魚 $68上桌熱騰騰，咬下去夠香口，內裡魚肉軟滑，其實不用醬油已經很不錯，現在醬油略嫌多多點，某些部位有點鹹。腐乳炒通菜 $48整體食飯質素不錯，價錢親民，服務也好，值得支持。

早幾日和朋友去尖沙咀吃晚飯，被另一位友人發現，友人知道我愛吃小炒，推介我試下佐敦這間「正品小館」。佐敦屬油尖旺區，是九龍區的核心地段，交通方便，所以筆者間中也會過嚟這邊覓食，不過一直沒留意這裡有間中菜館。原來聽朋友講，餐廳今年 5 月才開業，由於口碑不俗，加上價錢經濟抵食，所以有唔少回頭客返來幫襯。餐廳位於庇利金街 42 號金陵大廈地下，踏進店，舖面裝潢只是一派街坊格局，不過望落去唔算擠逼，而且椅桌擺放得十分整齊企理，具小館子風味。入座後先拿起餐牌細閱，食物以飯類、粉麵、小食、香港仔風情菜式及飲品為主，另外牆身上嘅大黑板亦有不少特價海鮮、小炒及每日飯餐等供客人選擇。先每人點一盅湯，選了杏汁花膠湯 ($48) 同杏汁白肺湯 ($38)，杏汁湯以大白瓷盅上桌，杏汁濃稠，絕非一般水汪汪之作，色澤雪白如奶，入口杏味非常濃郁。燉湯用料十足，花膠軟腍得來又具咬口；而白肺亦處理得宜，絲毫不帶羶味，軟腴可口。接著是每人一隻鹽燒鮑魚 ($38/隻)，鮑魚燒到啱啱好，肉質彈牙，唔會過火變韌，食落有鮮味，而且香脆可口，係本人嘅必食推介。睇過食評，見好多人推介這道豉椒炒蜆 ($58)，所以又即管點嚟試下。此碟

很喜歡發掘好西野,今次同朋友就來到正品小館這街坊小菜店,小菜價廉物美,又有飯餐/麵食供應/小炒和小食/仲有時令海鮮呢,食完大家都完全係讚嘆不已,廚房師傅手藝用心有鑊氣~~藍妹 及 凍奶茶 同好友共桌一於啤啤佢,人生一大樂事~.~柱喉牛腩飯及湯飯粒分明,仲有例湯,抵到估你唔到,必點之選~!香噴噴好味~.~海南雞半隻滑溜溜的海南雞,滑溜到不行呢~酸蘿蔔伴碟十分開胃.~原味蒸石蠔一咬下去,鮮味盡傾口中,海水味蠔味餘韻均突出.~杏汁花膠湯 及 杏汁白肺湯花膠同白肺都吸滿杏汁的香味,杏漿香濃~花膠份量唔小,又一高質之選.~鹽燒鮑魚鹽烤最惹味,彈脆的肉質,不過要早點食不要放涼呢~.~椒鹽白飯魚令人食指大動，味道咸香鮮美.~櫻蝦鵝油菜櫻蝦乾爽帶脆,鵝油下得不多，所以油菜香卻不膩.~白灼八爪魚看似簡單的白灼,師傅拿捏時間不錯~既彈口又鮮味,是海洋的味道

朋友在佐敦工作,話有間隱世貼地家常高質用心的小店店設有大電視有時直播球賽,三五好友或是同事下班後，黎個港式中菜就VeryGood~ 當日全場坐無虛席,很熱鬧,總體環境不錯,地方坐落舒服,聊天熱鬧下是不錯的地方~.*杏汁花膠湯 及 杏汁白肺湯白肺質地洗得乾淨,柔嫩鮮美花膠本身自帶美顏一於將骨膠原、抗氧化美食，盡情吞落肚~!杏汁杏香滿口都是,十分享受~.*原味蒸石蠔蒸到幾熱身的同時又擁有鮮嫩的蠔味.*鹽燒鮑魚鹽燒香脆可口，鮑魚彈牙肉鮮甜 .*椒鹽白飯魚咸香惹味鹹度剛好，鑊氣十足.*海南雞半隻海南雞雞骨早己去除,肉嫩多汁,唔會好肥,.*柱喉牛腩飯及湯38元連鎖快餐店也不止這個價,性格比極為高質,柱喉牛腩大份,炆到入晒味.*白灼八爪魚八爪魚爽脆鮮口，肉質完全不老~.*櫻蝦鵝油菜油菜份量唔錯,每條SIZE均等,有秋天清爽的味道.*藍妹 雪得透心,涼浸浸~

今日約左朋友係九龍公園游水，游完水之後就梗係要搵餐廳醫肚。行下行下就到佐敦，係門口經過見到入面都幾多人，價錢好抵，就入左去試。餐廳裝修貼地，地方乾淨闊落。有塊板寫曬是日推薦同價錢，明碼實價！豉油皇茄子。個茄子上枱就聞到好香，上枱份量都幾多。望落去似炸蕃薯咁啡黃色，入口好有驚喜！個茄子外脆內軟，表面有層好簿嘅炸粉，入面嘅茄子好軟，好好味。原味蒸石蠔。個蠔好抵食！$88 10隻蠔仲要連殼！出面邊到食到！生蠔好新鮮，蒸完仲係脹卜卜好大隻，好甘甜。豉椒炒花甲。花甲好重手，好多配料。花甲入口微辣，隻隻都厚肉，洗得好乾淨無沙，司傅好有穫氣！肉蟹粥。$68一大碗粥，有成隻蟹係入面，超足料！個蟹粥好鮮味，粥底好綿，兩個人share一碗都食唔曬。仲好貼心咁幫你整開左d殻，可以成舊肉起出黎，好鮮味。

近期大家都有些不開心之感、無心機、無心情、無食慾、不想外出、但是人總要面對生活、挑戰及忍耐才可以找到日出的來臨！大家都要注意身體、不要無心睡眠、廢寢忘餐、大家要開懷笑容才會有希望、聽聞最近在佐敦新開一間平價、靚貨、正味小菜館、正是要介紹給為食朋友是否龍定蟲、食物固然要新鮮、平價又平食、又要飽肚、價錢經濟實惠、更要味道可口、首先看過菜牌的種類尚算多選擇、各種各類菜餚都有供應、我們選擇:兩個碗湯、一個杏汁白肺湯及杏汁花膠湯、熱騰騰的多料湯水、清潤可口、豐富味蕾、其味順喉怡人、價錢適中、是十分香濃的湯水！蒸六隻、味清香、帶出鮮甜味道、是不錯的肥美鮮！令一個椒盬墨魚咀就比較普通、不夠脆滑、都是細份而皮厚！上個黃金四季豆都算綠色味道加咸蛋黃、都不失為有鹹香味道的菜式、口味特出而創新！再來半隻海南雞、賣相細緻細嫩、而配上特製醬汁帶出濃烈皮薄肉嫩的細膩味道、值得受到好評受歡迎鎮店菜式！最後再食過波蘿咕嚕肉、肉味爽滑、入口鬆脆、有黑醋味道、叫人一食難忘、有口皆碑、不妨一試！

某日 , 我和太座到 佐敦-裕華國貨 購物 , 然後就到附近 庇利金街 的 正品小館 吃晚飯 ~Menu ~杏汁白肺湯 $38 & 杏汁花膠湯 $48 ~杏汁白肺湯 $38 : 奶白色的杏汁湯 , 味道濃郁芳香 , 滿有堅果味 , 豬肺軟綿淋滑 , 入口感覺滋潤 ~杏汁花膠湯 $48 : 湯頭的味道跟杏汁白肺湯無異 , 但配上滑嘟嘟的花膠之後 , 會更感滋潤順喉 ~ 海南雞飯 $38 : 整個海南雞飯套餐包括 海南雞、湯、雞油飯 , 真的是 $38 , 真是平到一個點 ; 雞油飯夠甘香油潤 , 海南雞件皮薄肉香 , 一口雞一口飯 , 好吃 ~白灼八爪魚 $38 : 看樣子感覺像是台式料理 , 八爪魚粒的質感爽口彈牙 , 鮮味十足 , 沾些 wasabi & 豉油來吃又是另一風味 ~ 原味蒸蠔 $88 : 就是清蒸有殼的石蠔 , 蠔肥大肉厚 , 味道既天然又鮮美 , 很有 台灣-澎湖 的風味 ~本篇完 ~

今日去左呢間正品小館食野因為聽聞呢間有啲海鮮又平又靚行完街就同朋友黎試下啦我地叫左個海南雞油飯啲雞好滑 就算黎個碟係雞胸位 都好滑好滑點埋啲醬汁一齊食 更加突顯啲雞既鮮味油飯就唔膩 岩岩好 好香油香味加埋啲雞 真係好送得落飯另外叫左個魚茸粥我個人就唔怕魚腥味 同埋有魚味先叫鮮啲粥煮到好綿 爆開晒花甘啲魚唔會過老 同埋因係魚茸 所以唔洗怕有骨 呢個粥真係充滿晒魚既鮮味 係超班既魚粥之後叫左兩個湯一個杏汁白肺湯 一個杏汁花膠湯兩個都好濃既杏汁白肺個款會岩鐘意內臟既人而我就比較鐘意花膠個款飲完好似好滋潤養顏甘我地另外仲叫左個沙薑雞腳呢樣菜而家真係好少見 係懷舊既味道不過略嫌有少少硬 味道就唔錯同埋叫左個豉椒炒蜆好惹味 啲獲氣真係比得上大牌檔食得出啲蜆好新鮮 正！最後仲叫左個薑蔥炒蟹 （不過唔記得影相）炒蟹真係冇得輸 新鮮之餘用薑蔥炒到岩岩好 仲要啖啖肉餐廳職員都好好人 會主動換碟 問需唔需要紙巾甘整體黎講 真係值得一試尤其想食下海鮮又想平平地既話

不知何解這幾天天氣真的很悶熱, 熱到街都不願多留一會。當我們買完東西離開商場幾分鐘後, 已經流汗至背也半濕了...真的不想走得太遠去"搵食", 見到這間茶餐廳的價錢頗經濟, 便入去試試。這兒有的是小茶館的小炒, 坐得舒服不會焗促, 但價錢是卻是屋村茶餐廳價, 真的是幾經濟。$38 一份海南雞飯, 即使是觀塘工業區的食當也不能吃到。賣相和份量真的不錯, 難怪是這兒的招牌菜之一。雞肉煮得嫩滑, 味道不算太濃, 配上薑蓉和醬汁剛好味道。而雞不算肥, 加上去了骨吃起來更方便。油飯也較為爽身, 帶點蒜味, 不會太多雞油, 是較健康淡味的版本, 清清爽爽的, 夏天吃也不會覺得膩。想不到這兒有杏汁燩白肺, 這麽麻煩多功夫的湯水在家真的很難做到, 見到當然要點來潤一潤。這個湯的濃度很高, 簡直就是杏漿, 每口都可以嘗到濃濃的南北杏的味道, 正。這令我深切明到...去完旅行原來就是最掛着這種港式老火湯!! 豬肺很滑, 洗得乾淨, 沒有那些內臟苦味, 喝完後真的身心舒泰。小炒又怎會沒有大人和小朋友都喜愛的生炒排骨呢? 這兒的酸甜汁較得很好, 不會過酸, 即使連彩椒和菠蘿也幾好味。排骨是即炸的, 還可吃到脆

約咗好朋友喺佐敦見面，行行下就隨意入左呢間位於庇利金街嘅正品小館食晚飯。除咗小炒，仲有沙鮮同每日飯餐，選擇豐富。杏汁花膠湯 ($48/位) - 杏汁湯香濃，口感幼滑有質感，入邊有幾多花膠，花膠爽口彈牙帶點黏口，夠曬滋潤養顏。沙薑鷄腳 ($28) - 以咁嘅價錢嚟講，真係份量十足，超級抵食。鷄腳有咬勁，沙薑味足，送啤酒一流。油浸黃花魚 ($68) - 黃花表面香口鬆脆，魚肉肉質嫩滑juicy。配上秘製辣椒豉油，香口嫩滑鮮美。凍食奄仔蟹 ($98/隻) - 奄仔蟹雖然唔係好大隻，但相當新鮮，蟹肉十分飽滿，而且仲有好多蟹膏。蟹肉嫩滑有彈性，蟹膏味道濃郁，鮮味之選！菠蘿咕嚕肉 ($68) - 咕嚕肉表面炸得鬆脆，裏面仍然保持到肉汁同豬肉鮮味，配上爽口嘅菠蘿、青紅椒，紫洋蔥……等，醬汁味道酸酸甜甜，開胃鮮美。肉蟹粥 ($68/一大碗) - 份量都幾多，足夠3-4人享用，粥內足有半隻肉蟹，粥底夠綿，味道鮮甜。

位於佐敦庇利金街的「正品小館」，食肆面積不大，一般地道小館格局。正值晚飯時間，但見店內人頭湧湧，原來呢度有好多抵食套餐，另加海鮮小炒。先來個招牌海南雞飯套餐$38，肉質嫩滑，鷄味足，雞油飯夠滋味，果然係招牌佳作。辣酒煮東風螺$48，螺肉唔單止爽口，仲夠晒入味，夠香夠辣，風味甚佳。凍食奄仔蟹$98/一隻，奄仔雖然細隻，但論蟹味之鮮，絶非其他蟹可以相比 ; 肉質異常鮮嫩，配一點醋來食，美味無窮。凍食斑馬瀨尿蝦$88/1隻，大大隻上枱好吸睛，配芥末豉油嚟食，仿似吃刺身一樣，口感新鮮。蒜蓉炒菜芯苗$48，夠香夠嫩，讚!杏汁白肺湯$38，香滑濃郁，豬肺爽口有味，不俗。想不到一間普普通通的街坊小館，也可炮製出如此出色的菜式，價錢亦算經濟實惠，性價比相當高，難怪有不少食客支持。

✿╮❤╭✿ ✿雜感女生   好味日記✿ ˚*•✰。正品小館：CP值高企新店。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 佐敦又有新店登場了！ 正品小館近月成為人見人愛的小店 原因是出品有水準，抵食招牌多 在當區工作的朋友拉我去吃正品！果然名不虛傳！鹽燒鮑魚 鹽燒酥香，大隻肉厚 口感極之彈牙，再吃更是爽口是必點的小食瀨尿蝦 大大隻，原味多汁，鮮甜厚肉 再點一些芥辣，更是惹味豉椒炒蜆 份量大大的，肉蜆鮮美香辣 用了質素好的原材料，不只好看更是開胃味道超吸引，非常下飯柱侯牛腩飯 超抵：38蚊有齊白飯、熱湯 柱侯牛腩份量勁多，入味香軟 可說是必食的套餐！海南雞(半隻) 大部分雞肉都已去骨 雞味香濃，肉質鮮嫩 令人食得很滋味杏汁花膠湯+杏汁白肺湯 水準之作！ 入口滿是杏仁香氣 杏仁是鮮磨帶微粒的口感 白肺乾淨好吃 花膠切粒易食不飲就是損失！小評： 味道：★★★★★ 環境：★★★★☆ 服務：★★★★☆ 衛生：★★★★☆ 抵食：★★

除咗啲家族做節飯，感覺好似好一段時間無食過粵菜或中餐，早陣子有食友話佐敦有家小店，啲小炒幾得，重點喺平吖嘛，真喺做到平靚正，初時，都喺聽完就算，無記晌心，最近就約咗親友食飯，忽然想返起呢家小店「正品小館」，結果就成了呢晚嘅小店飯局。雖然叫小店，但裝修簡潔，又幾骨子，最緊要喺咩呀？咪企理乾淨囉，見啲店員不時幫客人收碗收碟，又抹乾淨啲枱。此外，兩邊牆都掛上大電話，播緊足球比賽，啱我喎。擺放晌枱面有一個主餐牌，內頁印咗好多菜式或招牌菜，然而，分類就較簡單，都喺主食、粉麵、推介幾大類。背頁就仲有啲香港仔風情嘅菜式及飲品。店長同我哋講，叫留意吓牆上大黑板，因為有唔少時令、特價嘅小炒或海鮮菜式。此外，仲有每日特價飯餐，包湯、包飯，可加錢配嘢飲，都喺賣$38、$48，抵過去快餐店啦。就好似貼晌門口玻璃門嘅「招牌海南雞飯」套餐，連湯、連雞油飯，都喺賣$38，震撼價實至名歸啦。凍食龍蝦 $138店長推介我哋試吓個龍蝦凍食，咁我哋本身都打算試少少海鮮嘢嘅，順利成章就試吓個龍蝦喺點。基本上凍龍蝦就好似有時食自助餐嗰啲咁，灼熟再冰凍番，最好就喺斬成一件件方便大家食。雖然蝦膏唔算好多，但質感豐腴，而啲肉質好得，