正記菜館

Open Now

Now Closed

講到元朗食宵夜應該冇人唔識正記,佢地既菜色非常多,除左一般大排檔既炒粉麵飯之外,仲有各款潮州鹵水打冷,例如蠔仔粥,鹵水墨魚,鵝片等,各式各樣,任君選擇,鍾意食宵夜既一定要試下

滷水鵝片👉🏻 鵝肉淋身，但冇香味墊底嘅豆腐同花生🥜非常死鹹份量好多！係幾抵食嘅西檸雞完全唔係嗰回事吖！個雞粉漿太厚、唔夠脆汁唔香檸檬味🍋 唔掂呀！椒鹽豆腐外脆內軟、夠乾身唔油膩👍🏻 好新鮮👍🏻好味😋

嚟到元朗，最啱就梗係一大班朋友打冷，正記食咗咁多年，都可以話係元朗人嘅共同回憶。整體小菜都好夠鑊氣，私心推薦椒鹽系列，新鮮炸起，脆口又熱辣辣，真係令人食過不停。

做完運動9點，肚仔餓，行過諗起鹵水雜拼鵝片$250，之前食過一次，又想食多次，真心大碟，d鵝大大件，有成十幾件。我中意食有骨，所以無叫鵝片拼，都係差$10，中意啖啖肉可試鵝片。叫埋個炸蠔$70，但就差少少，未至於食粉餅，但炸到好黑，整體感觀爭d咁。仲會再來，為左碟巨型鵝拼！！

呢間打冷我諗元朗人都由細食到大，亦係我同兄弟啤啤嘅不二之選。除咗歸屬感同親切感外，喺無點加價嘅情況下食物水準仍保持到，難怪平日晚上內外都滿哂座。潮州嘢必食滷水鵝片，性價比極高，大大份，至少有14至16塊厚肉鵝片；鵝片皮肉分明，冇多餘脂肪但又唔韌👍🏻底下用豆卜墊底，如果係嫩豆腐就更好啦。豬手同樣碟頭大，豬皮炸到脆卜卜，食落唔鹹，唔會越食越口渴；但脂肪略嫌多咗，有啲滯。蠔餅反而麻麻地，粉咁重，入口偏油，唔夠乾爽鬆脆；蠔仔大粒，但數量不多，有幾粒有啲腥。

同班朋友係元朗掟完飛鏢，諗緊夜晚食咩好既時候，就見到大排檔有好多人食緊羊腩煲，諗起踏入秋天嘅季節，就係食羊腩煲嘅時候～～叫左份細份羊腩煲，有碟生菜送，雖然份量睇落好多，但好多嚿都係骨，而且啲羊肉煲得唔夠林，好韌，好難咬，所以麻麻地⋯另外，叫左窩蠔仔粥，蠔仔份量好多，又夠鮮味，讚👍🏻半隻滷水鵝，滷得入味，肉嫩多汁，如果加$20，可以轉埋滷鵝片，咁就無骨啦～仲有炸九肚魚，好似唔夠香脆，一般般⋯另外叫左4罐可樂，$11/1罐.

話說呢排乜都封，又封運動設施，又封食肆一半既位，但都無阻我地食飯既決心😏😏😏屋企人想食小炒呀果d, 但係依加好多地方d小炒又貴又細碟，又一般般😖😖😖係諗唔到去邊食果時，呀妹就話有間ok唔錯，又唔太貴既打冷小炒雖然環境並唔算太大，但都有佢既特色，呀妹介紹蒜蓉牛柳粒，大拼盤和炒蜆。食物方面牛柳炒得好香口，加上炸過少少既薯仔，真心唔錯。😋😋😋大拼盤就又大碟，都好食既，食唔到雪味😆😆炒蜆就正常發揮，但有沙，所以個分減左。整體黎講，性價比都較高。

放假幾個女仔 👩🏻開開心心四圍食 😋今次元朗食大排檔 🍻呢間係谷友介紹我去 💻一團四人真心一致好評 👍🏼我哋飲酒傾計足足六個鐘 🕧韮菜豬紅瀨尿蝦九肚魚大腸 🥘呢幾樣可以話大排檔必叫之選 😍加上坐店外空氣流通無咁驚病菌 🦠如果下次有人問起我實會介紹正記 🤗點解我覺得自己戴口罩塊面好似方包 😂正記菜館：元朗金輝徑28號好盛洋樓地下4號舖鍾意食海鮮嘅記得試吓個瀨尿蝦！無得輸！連我最愛嘅椒鹽九肚魚都只能係排第二 😂

好久沒吃打冷了，剛好經過又看到店內外人頭湧湧的，自然有了想吃的念頭。兩個人吃不了太多，所以直接點了最喜歡的煎蠔餅，鹵水鵝片和沙嗲粉絲肥牛煲。每款份量都很足，味道最好的是沙嗲粉絲肥牛煲，醬汁惹味，超級下飯咧！煎蠔餅和鹵水鵝片等了40分鐘才到⋯⋯也太久了吧⋯⋯兩款味道普通，鹵水鵝片肉質有點粗糙，鹵水味道淡了些，有點失望。

位於元朗嘅打冷街，夜晚d檯開滿成條街，非常有風味，而呢間舖就係主力。以前間中都會黎食，貪佢味道好而且又好feel，今次再黎食，味道保持水準，不過價錢卻加了15-20%，算啦，鬼叫佢好食。今次叫咗鹵水鵝片、韮菜豬紅、豆腐魚雲湯同炒蜆，咁多樣野之中，個人覺得最精彩係個豆腐魚雲湯，鮮甜，奶白色嘅魚湯真係好正；鹵水鵝片都好味，不過要$140一碟，真心覺得有d貴；韮菜豬紅就一如以往比較油，但係今次d韮菜好似少咗d；炒蜆就正常啦，其實原本想食炒蟶子，不過要$138一碟，所以決定放棄。

由細食到大，讀書時間已經開始食，基本上唔會食其他大排檔。後來周圍試，發現其他區都唔夠呢間正，夠惹味。不過今晚再食，覺得質素不如從前，有點失望🤔以前開到室外都係，不過近來去親都係坐到室內，樓上都有位，而我哋次次都係坐樓下同一張枱。5個人，本身都食濟咗咁去，叫咗一共5碟，係食剩嘅。椒鹽魷魚鬚係呢間馳名菜，椒鹽九肚魚都係，炸蒜粒非常香脆，魷魚鬚炸得非常惹味。今餐水準仲keep到。印象中蠔餅都係出名。不過今次覺得太咸，重手咗。另一特色菜係士多啤梨醬汁牛柳，今日再食，依然覺得好好味，士多啤梨醬汁酸酸地，菠蘿又酸酸地，幾開胃，中和咗牛肉嘅咸香味道。細佬話要食蟶子，呢碟不過不失，用豉椒炒，不過個人鍾意蜆肉多啲。打冷食開馬拉盞通菜，但今日冇。叫咗碟蒜蓉莧菜，都有啲失望，唔夠入味，菜嘅青味太出，質素唔算靚。雖然今晚呢餐唔及昔日嘅水準，不過呢間嘅質素都算幾好。

今日被派去元朗做事，做完都差不多八點了，和同事商量去那裡食晚飯，佢話成日都食日式，韓燒，想轉下口味，行行下到左金輝徑，望到間正記菜館食潮式菜，好！一於試下呢間！兩個人坐底，睇下餐牌都好多選擇，點了幾款食物，鼓椒炒蜆$85，D蜆都好新鮮，炒嘅醬汁好惹味，口感甚好，椒鹽鮮魷$105,炒得啱啱好，夠乾身，水準夠高！椒鹽瀨尿蝦$110,夠乾身，肉質鮮甜，好想來多一份仲有脆皮炸大腸$85，脆卜卜，沒有很肥膩的感覺，最後來個正記小炒皇$93，令我有點失望，D菜很老，有機會再來做野都會再來試下其它菜同大家分享下！

元朗地道打冷店老字號-正記菜館，最出名潮州滷水菜色。在香港最接地氣的街頭美食莫過於大排檔，最適合跟三五知己飲酒聊天食小菜！.今晚我們點了招牌滷水雜拼盤（$130），黃金排骨（$90），腐乳炒通菜，還有啤酒。.滷水雜拼盤$130滷味，即是把各種肉類、家禽內臟以滷水烹調製成的食品，是我幾乎每次必點的例牌潮州菜式。.一個拼盤除了可以品嚐到口感煙韌的彈牙墨魚片，還有邪惡肥腩肉，以及滷水靈魂生腸、紅腸和鵝腸，當然少不了每次夾到都讓我覺得有中獎感覺的雞腎和牛舌！.喜歡正記的香醇滷水汁，沒有過鹹或過淡，恰到好處，配搭酸甜醬，特別開胃。有時在人流不多的非繁忙時間，廚師還會「真加料」，放多些鹵物給客人呢！.黃金排骨$93外酥內軟的排骨肉炸至金黃色，帶著一絲絲鹹蛋香的爽甜排骨肉簡直讓人停不了口！絕對要趁熱食光光！.腐乳炒通菜 通常去大排檔吃飯，也愛點一兩碟炒菜解膩。大排擋的炒菜份外色澤鮮亮又美味。大火翻炒，夠哂鑊氣！...其實正記是我跟朋友常去的餐館之一，今晚這篇小文只分享了幾碟小菜，有機會再寫更多推薦菜式，比如蠔餅、士多啤梨牛柳、沙拉骨等等，也是讓我愛不釋手！.

個小炒王竟然唔係炒嘅，係烚熟嘅！根本就係水煮小炒王，全家人都話成世人食過最難食嘅，完全中伏！其他食物都又貴唔出色！諗住嚟元朗諗住食大排檔，點知又開波呻到賣單！真係無誇張，奉勸一句，大家前來要三思。

同班朋友想慢慢傾下計吾比人趕走 最好就係食大排檔正記夠多位又有冷氣就岩晒我地好耐冇黎啦 全部加晒價.. 價錢拍得住酒樓款式都係一如以往 冇乜特別新款個人最中意食佢個滷水拼盤份量大大碟 好野味 好中意豬腸同魷魚片其他小菜都係普普通通 不過不失 冇影相炒四季豆 - 好香 但太油同太辣 要邊食邊飲野..咕嚕肉 - 肉ok 波蘿超酸😑😑蠔仔粥 - 正正常常 份量大總結*正記都算係由細食到大 加價加吾少 但質素每況愈下 希望之後有所改善啦 吾好做衰左個招牌。