民豐粉麵行

Open Now

Now Closed

今天下午行經荃灣一間著名老字號 - 民豐粉麵行，被那香噴噴的生煎韭菜餅所吸引！生煎韭菜餅每天下午二時開始售賣，店員姐姐會用傳統鐵板煎餅，常常看見門外有不少人排隊買煎餅呢！生煎韭菜餅($13)。外皮煎得夠焦脆香口，餅皮厚薄適中，煙煙韌韌有咬口。內裏的韭菜和豬肉碎餡料也不少，韭菜夠新鮮，不會黏牙，整體口感不錯，滿滿韭菜和油香！有機會經過，必定會再來買這個生煎韭菜餅，此外還想試試看這裏的另一名物 - 糯米糍呢！

入咗嚟荃灣就去埋好出名嘅民聲啦！入到去果然人頭湧湧，見到好多人都買餃子！我哋就買咗一盒餃子嚟試下，仲買埋糯米糍同埋韭菜餅！ 個韭菜餅煎得好香不過多咗少少油🤔而糯米糍就好大粒，個皮好軟熟都好多 餡料😋個餃子就都好大粒，即場包好新鮮！

近70年歷史的荃灣老字號，長期顯現人龍，以前屋企人亦會有時買雲吞、端午糭、黃金糕， 難得路過，聞到陣陣韭菜香味已經把持唔住。*韭菜餅 $13每日兩點開售，用傳統鐵板生煎，望見店舖姨姨一個人密密地不停煎，熱辣辣新鮮出爐，其實等一陣都值得!韭菜餅煎得外脆內軟，餅皮煙韌，韭菜濃郁新鮮，絕對唔會痴牙，內餡的豬肉碎比例大約1/3，完全唔需要擔心一咬會爆汁。不過餅皮厚少少和始終生煎，一定會用上大量油，真的少食多滋味。

週末午後想輕鬆地行一行山，想起城門水塘是最佳選擇，炎熱天氣下在水塘附近走走最舒服🏞因為有林蔭水汽等清涼一番。上山前在小巴站附近尋找一下補給的地方，想起早幾個月在網上看到附近有一間傳統粉麵店，除了賣粉麵外，還有各式小食出售🤤 .往後面走一條街已經見到民豐粉麵行，門口有數條人龍非常易認，走近一問，原來每條人龍都是在等買不同的東西，端午糭，即包餃子🥟糯米糍和韭菜餅也各有捧場客，其中最長人龍的是即包餃子，由店鋪裏面排到出門外，保持一直有十數人。 .🌯在門口聞到韭菜濃香，就決定買兩個餅上山補充體力之用，雖然未到兩點，但店員已在煎製第一輪的韭菜餅，等了5分鐘就拿到香噴噴的煎餅。對上一次吃這個東西已經是在台灣，當地稱為韭菜盒子，名字更為貼切。 .韭菜餅外皮煎得油香，外脆內軟，韭菜新鮮味道濃郁，碎肉調味適中，仍有少許肉汁。下次想試一試糯米糍，甜咸夾擊下，相信就算行了山體重也有增無減😋

民豐都算係荃灣幾出名既鋪頭，成日都好多人排隊買餃子，但係除左出名餃子之外，佢地既韭菜餅同埋糯米糍都好值得試！1️⃣韭菜餅（$13）韭菜餅係即煎既，攞上手仲熱辣辣。雖然係油左啲，但係個皮幾煙韌，入面啲韭菜同豬肉餡好多！食落仲有啲肉汁🤤而且真係好大塊🤩  2⃣️花生糯米糍（$5）食落去有少少沙沙地既口感🥜糯米糍既皮唔算話好薄，但係夠煙韌！而且餡料真係好多好爆！  3⃣️芝麻糯米糍（$5）我自己鍾意花生味既多啲，芝麻味呢款都一樣好爆餡，芝麻味好濃，不過偏甜左少少。 

今日經開荃灣口痕醒起有間出名大件夾抵食既糯米糍民豐粉麵行就買左兩個黎試下😍花生味 咬左一啖後 入面真係好足料啖啖花生🥜都係($5)粒除左花生味之外 我仲試左芝麻味又係啖啖芝麻無記錯仲有紅豆味中意既朋友仔可以去試下😍

一向都十分喜歡食糯米糍，鐘意那意軟糯感。果日過經過這間鋪頭，看門面以為只賣粉麵，原來有糯米糍賣，仲只係$5粒好抵🤭🤭，有紅豆，花生，黑芝麻三款。回家急不及待就切開試下，餡料很多，而且炒得好香，糯米皮好軟好綿😋😋，不太痴牙好軟滑，食完唔會結在喉嚨。值得推介大家試下😊😊

本身好少出荃灣，但每次經過民豐粉麵行都見到有人排隊，所以上網search下點解咁受歡迎，原來係一間專賣麵粉類製品既老店。第一次光顧，我心思思想試好多野，綜合過openrice既評語之後，我買左芝麻糯米糍、花生糯米糍、韭菜餅同埋冬菇菜肉水餃。✔︎ 必推！大大粒爆餡糯米糍 $5粒就咁睇相都見到，糯米糍皮薄餡多，咬多兩啖之後，就咁會漏哂出來，而且糯米好軟糯，忍唔住食完一粒又一粒😋✔︎ 韭菜餅 $13韭菜餅亦係超多餡料，表面煎得好香脆，但就油左少少。✔︎ 必推！冬菇菜肉水餃 $35最多人推薦冬菇菜肉水餃，當然要試下，水餃大大粒，好足餡，一咬落去就會有充滿冬菇鮮味既湯汁流出，好正！但略嫌水餃皮有d厚。

趁住復活節長假特登去荃灣行下，得知呢到有間出名老店就黎潮聖下，去到見到門外好多人排隊都嚇一嚇，好彩佢地係排粉麵，雲吞，而我係買糯米糍所以可以直接入店內買，知到要6粒先有盒，咁啱又有3款味道，所以每款2粒就有盒啦，拎到返屋企打開其實外表一樣，要咬開先知係咩餡，紅豆唔算甜而且好杰身，所以食落其實味道唔出冇乜味，得糯米味，花生同芝麻就好夠味，一咬就爆餡要跌出黎，糯米又好軟綿綿，因為睇食評話放過夜會硬身左，所以當晚就食哂6件，飽到呢，其實食3件真係可以當一餐呀~

黎荃灣掃街必食之一佢的糯米糍尚可以啦但每次一定一定要企係街邊等即煎的韮菜餅熱辣辣食脆邊，薄皮菜多肉少的餡餅唔膩，菜的甜香味，入面係勁多汁的加上外皮的五香胡椒粉味又香口又夠味，多汁如果可以做1／2的size,有得買返去自己煎就好了

之前食過一次 今次就嚟買俾屋企人食要咗3個花生味糯米糍 + 3個芝麻味糯米糍買6個因爲想有個盒裝住啲糯米糍🤣🤣價錢方面 每個$5 總共$30 每個糯米糍都幾大粒 不個個皮厚咗啲感覺好似冇之前咁好食 但都ok嘅 $5都算係咁

一早去到，原本排隊打算買水餃、雲吞。我係OpenRice上有很多佢有很多食評，大部分都是推介去的。但由於太多人的緣故，我排了1小時都未到我。太凍，所以我放棄啦！加上天氣寒冷，我轉左去買糯米糍。點知，服務一個字，差！有待改善，態度好差，我前面個個買30幾粒。佢就問你想點擺到我呢，我問佢要買幾多粒有盒，個啲姨姨唔答，直到俾錢個陣就係到講買咁少。最後我買咗15粒，我見佢6粒放一盒。下次我決定唔會幫襯佢，因為態度差！

本身on the way返緊屋企食飯，但行過民豐唔小心買咗個韭菜餅，因為個香味真係好吸引！由於宜家疫情關係，所以我忍到返屋企先食，喺返屋企嗰段路真係好煎熬呀😖返到屋企，一拎出嚟，佢俾嗰個白色紙袋已經索油索到變咗透明，有見及此，我決定再煎下佢，一嚟嘗試迫返啲油出嚟，二嚟又可以整熱少少。個餅係好香嘅，味道都唔錯！但個皮厚咗啲，而且好油膩。食一次已經夠。下次我都係試下啲糕點。

久不久都會去荃灣拜神，而呢間粉麵店亦係我必經嘅，每次都見到店內人頭湧湧！門口有d即煎嘅生煎包，好鬼香！今次買咗6個糯米糍，3個花生3個豆沙！花生糯米糍大大粒，好飽滿！外皮好軟熟，花生餡好香，食到好多花生粒粒，正呀而且唔會太甜，啱哂我口味！一口氣食咗2粒！另外嘅紅豆糯米糍，因為我唔鍾意食豆沙，所以冇試到，但朋友表示一樣係咁好食！ 豆沙餡好幼滑， 一樣係唔會太甜！下次想試下佢人手包嘅水餃雲吞，見到好多人排隊買

次次行過民豐，都俾啲食物香氣吸引，但每次見到好多人就卻步。今日適逢同事喺荃灣買糯米糍同茶果返嚟，終於有機會試試今次試咗花生糯米糍。佢個皮夠晒薄，一咬落去啲花生餡跌晒出嚟味道不錯，個花生餡都夠香，仲有啲黑芝麻，不過略嫌甜咗少少。但整體口感好好，最鍾意都係佢個皮夠晒薄，餡料又夠多，食一粒已經好滿足同事食咗個眉豆茶果話好香，仲話好有家鄉風味。不過今日我已經爆quota，唯有下次再試啦有機會嘅話仲想試埋佢嘅蔥油餅、煎餃