民豐粉麵行

Open Now

Now Closed

鐘意自己煮麵嘅朋友可考慮幫襯下呢間野，區內非常出名，門口成日排晒長龍。佢d麵都幾彈牙，油麵、粗麵、幼麵全任君選擇。餃子亦有多種口味，我最鐘意菜肉雲吞餡，番屋企自己煮埋個上海面吃，正。

星期日嘅早上，係玩電話嘅時間見到某報章介紹呢間嘅粉面店，除咗粉麵之外原來仲有賣包、餃子，等等小食。睇到流晒口水，決定出去試一試，一去到已經見到有好多人買緊粉麵或者水餃，而門口就有個姐姐煎緊韭菜餅，望一望頭上餐牌，除咗韭菜餅，仲有蘿蔔糕，煎水餃，黐飯，糯米糍同埋茶果。第一時間叫返個韭菜煎餅，同埋蘿蔔糕，原本想試埋韭菜餃，但姐姐話要下晝四點先有，有少少失望。韭菜煎餅只係$13 ，蘿蔔糕大大件都係$5咋，好抵呀！煎餅攞上手熱辣辣，咬一啖，香濃嘅肉汁同埋新鮮嘅韭菜味道攻入黎，估唔到真係咁好味，見到入邊有啲姐姐喺度包緊水餃煎餃，就知道真係好新鮮呀！平時食韭菜豬肉類嘅食品，可能會有啲酸味或者雪味，但塊韭菜餅真係好香好好味非常新鮮！而蘿蔔糕方面大大件煎得好香口，質地啱啱好唔會太林或太硬，同樣令人印象深刻。食完之後我哋去咗行街，行行吓其實都四點啦已經，我哋決定返去再試韭菜煎餃！去到之後買咗$10/4粒嘅韭菜煎餃，姐姐送多一粒俾我因為認得我就係頭先買韭菜餅嗰位哈哈，同樣地韭菜煎餃都係好香好濃郁好新鮮，完全冇失望呀！下次再食過！

以前食呢間野通常買花生同芝麻糯米糍餡料係爆多每次經過都會買 我就最鍾意食芝麻味🤫👻👻👻真係傳說中嘅皮薄餡靚😼每次見到人哋排隊買韭菜餅都冇買因為個人唔係咁鍾意食餡餅因為通常啲皮都好厚好油😾但又有好鍾意食韭菜 今次就試吓👏🏻👏🏻👏🏻👏🏻有十派😍😍😍個皮唔厚唔會太油 仲要熱辣辣多汁韭菜fans要買黎試吓👻👻👻👻👻

早放工經過想睇下買唔買到糯米糍，好多時候7點幾已經無曬今日早放見到仲有。芝麻糍米滋：其實比起以前第一次食真心縮咗水好多，個皮係較軟身個種唔知係錯覺定點好似無以前咁煙un 芝麻個沙糖比較多，所以比較甜。眉豆茶果就唔錯，咸甜咸甜咁，眉豆有好香既五香粉味另外買咗燒賣都想睇下質素如何。

●花生/芝麻/紅豆糯米糍（$5）●世界上有種最傻嘅等待~明知已經回不去 仍然一次又一次咁俾機會 等佢改過 等佢上進就好似民豐咁 近年來水準已經下降不少糯米糍餡料冇以前咁飽滿 外皮亦缺乏糯米香同嚼勁😥但每一次經過我都一定會買返個 買嘅係一個希望 希望佢有朝一日可以突然間變返以前咁好食 但每次期望越大失望越大 屢次失落教會我死心 :'(可惜有啲嘢過咗就過咗 挽回已經係不可能嘅事 而家會買都只因已成習慣 就當懷緬一下已經逝去嘅回憶💭💭💭好味(4/⑩)抵食 (4/⑩)💭💭💭

同呢間鋪頭真係相逢恨晚先生之前成日帶我嚟呢間鋪頭 買佢最鍾意食嘅糯米糍, 之前曾經試過花生餡糯米糍同芝麻餡糯米糍, 印象中佢嘅糯米糍都唔錯, 但我本身唔太好糯米糍, 只係覺得佢啲糯米皮非常軟糯, 糯米糍來講算係做得非常好, 唯一嘅缺點係我覺得啲涵偏多偏甜最近經過見到有人排隊買煎餅, 味道非常香好奇之下一問原來係韭菜餅, 於是加入排隊大軍, 買咗一個試吓唔試由止可 一試真係愛上左!🙈韭菜餅煎得非常香口, 入面嘅餡亦算多係屬於一食停唔到口嗰隻, 所以食咗一啖之後明知道好熱都會忍唔住繼續食落去😍我諗我之後每次經過荃灣都會想行去鋪頭度買一個韭菜餅嚟食❤️

民豐係好有歷史的老舖，沒有冷氣，門口有即煎檔口仔，成間舖都有陣陣熱風吹出黎，每次嗱嗱聲比完錢都會快快脆行返出去。我雖然唔係住喺荃灣，但每次經過果附近，都必定買返十隻八隻糯米糍返屋企同家人分享，可惜民豐的質素已經大不如前，我老公仲食到肚痾🤢。琴晚上小巴返屋企前買了花生味及芝麻味糯米糍，以往民豐的糯米糍鬆軟香滑，好似捉住隻兔仔咁，大力少少都會將d餡料唧左出黎，搞到成身都係，所以我例必返屋企前買，再拎返屋企食。短短唔駛半小時的車程，一返屋企就即刻食，一拎起粒芝麻味已覺得怪怪，唔似以往鬆軟手感，好似雪左隔夜咁死死實實👎🏻食落鞋口👎🏻，我再拎粒花生味試，糯米糍有些細孔滲出啡色的水🤢，發出似爛香蕉嘅怪味👎🏻，我老公唔為意，食左成粒，痾左成晚，呢個變壞程度，唔似係短短的車程造成，而且全程仲係有冷氣的，至少涼過間舖，應該係賣果刻已有問題。怕街坊食左會肚痛，我出於好心打返比民豐叫佢唔好賣果批糯米糍出街，店主喺電話度叫個師傅黎，鬧佢下次唔好再搓定d糯米，賣晒先再搓，相信呢個就係唔再鬆軟同變壞的原因🤢。

聽朋友講民豐的水餃和雲吞都是即時包,今日經過就去到店舖購買正想買有蝦的雲吞,奈何看見所有鮮蝦售罄所以轉買了冬菇菜肉雲吞31蚊有15隻,返到家食都好香冬菇味道,味道都唔錯中間個肉味都算鮮味

聽朋友講民豐既餃子唔錯,今日工作完咁岩在附近就走去睇下入到去見到都幾多唔同種類既麵,同餃子同雲吞選擇今日選擇左細盒韭菜雲吞,之後返到家煮左黎食.都幾多料,D肉又唔會好肥膩.而雲吞皮唔算好厚身即場包既真係比較新鮮D

酥炸韮菜餅Deep Fried Chives Cake (HK$13)Rating: 3/5 ⭐民豐粉麵行成立於1953年係荃灣老字號，而呢個新鮮炸嘅韮菜餅係荃灣其中一個名物。13蚊，新鮮炸起， 的確係幾香口，但老實講我又唔覺得味道好特別，個餡料調味唔算話好出，個炸皮亦似普通豆沙鍋餅皮。可能佢地嘅糯米糍(另一名物) 會比較有驚喜？🤔Min Fong Hong was founded in 1953, it s a time honoured brand in the neighbourhood. This deep fried chives cakes is one of the signature products in the shop - HK$13, freshly made, its indeed quite crispy, but then fairly speaking I am not particularly impressed - the fillings did not have any special flavours and the cake's textur

本身住港島區，偶爾去荃灣探望朋友，巧遇呢間店，最鍾意呢種懷舊自家製嘅店！結果大掃貨，試左蒸燒賣、韭菜餅，再買埋三種唔同口味嘅粽、30隻水餃番屋企食！現食嘅燒賣，有料又不失咬勁，5蚊一串好抵食！即刻我就再買多一包燒賣番屋企看門口，慢慢品味即煎韭菜餅煎緊已經超級香味四溢，食落口都好正，將韭菜香齒頰留香（首先你係鍾意韭菜味啦但可惜韭菜好耐擺得耐，只可以現食呢D平價自家製嘅特色店，港島呢邊買少見少，幾乎都見唔到啦！行開荃灣真係要試下驚喜味道好多呀！依家荃灣美食吸引左我啦！

平時一得閒，不想煮飯，便會到這裡買餃子回家食。我本身喜歡食水餃。但因為老公喜歡食雲呑皮。所以之後多數買雲吞比較多。而我較喜愛食「冬菇豬肉」，韮菜餅其實煎得都好香。但實在太油，所以都沒有買。這裡我都買過蘿蔔糕，但真的好多粉，不好食，沒咩蘿蔔味道，不太推薦。這裡的餃子，便不錯。皮好滑。另外，我都間中買這裡的黑芝麻湯圓。我覺得好好食😍。不過怕花生同豆沙太甜。因而鐘情於黑芝麻味。如果未試過，不妨一試。我都有試過荃灣街市內另一間餃子店，但我個人覺得個間偏甜（餃子），我不太習慣這味道，所以最後都去番民豐買。

咁岩閒開荃灣，見到間上海鋪排左長長人龍 就去湊下熱鬧！呢間鋪賣雲吞 湯丸 麵 仲有啲熟食 好似粢飯 糯米糍 茶果 韮菜煎餅等等...我買左糯米糍同粢飯🤤😋芝麻糯米糍皮外面沾上沾米粉，皮薄餡靚！皮好煙韌，好薄！一咬，啲芝麻餡爆晒出黎！芝麻餡脆脆地又香口，唔係好甜，好好食🤤🤤🤤同埋只係$5，好抵食！推薦！仲有花生同豆沙餡！😋粢飯見姐姐密密包粢飯，忍唔住叫埋！不過粢飯啲糯米太淋，同有啲散，覺得一般姐😪😪

這晚少有地夜晚在荃灣，晚上9點左右經過見到民豐還未關門！平日都是日間經過，總是很墟冚，以為這小店跟街市一樣六七點就會關門，想不到會營業至這麼晚。看到茶果及糯米滋仍有大量供應，尤其是茶果，像是新整好的一底，就決定買返個來食下。店員姨姨遞一個給我，啊！是暖暖地的！我的猜測沒錯，真是新整的，晚上9點竟然還吃到新鮮的茶果！糯米皮夠煙韌，眉豆餡咸咸甜甜，非常可口，個人覺得比糯米滋更正！P.S. 晚上煎韮菜餅蘿蔔糕那個爐頭就沒有開，望過去仍有兩舊瓷飯。

昨晚去荃灣，順道替爸媽買明天的早餐，來了民豐粉麵行買冬菇包和菜肉包。在買蒸包的同時，我去了排隊買煎餃子，有點肚餓嘛。這裡餃子五元兩件，算是便宜，當然吃兩件不飽，所以我買了四件餃子。整袋餃子蠻有份量，每顆餃子挺飽滿的。餃子煎至微微焦黃，餃皮不薄不厚，脆度一般。四顆餃子中有一顆完全破掉，韭菜餡料都四散。韭菜餃子比白菜餃子味道濃厚，白菜餃子相對清新，最好先嚐白菜口味，再嚐韭菜的，那麼就不會蓋掉白菜原味。