民豐粉麵行

Open Now

Now Closed

去咗荃灣心郁郁順便去「民豐粉麵行」買糯米糍，每次都一試難忘，回味無窮，呢個糯米滋真係必食架！糯米糍有三款口味：「有紅豆餡、芝麻餡、花生餡」款款都係 $5 一大粒，.🔹芝麻糯米糍 $5糯米糍面頭沾粉不少,拎上手就唔會黏,糯米糍煙煙韌韌,外皮好軟糯又有糯米香,餡料混合粒粒砂糖和少許豬油及芝麻香磨粉,員工話有別於一般坊間的製作,味道較像湯圓餡...好正 🤤❤但食開無糖就會覺得偏甜🤭粒粒都皮薄餡厚，餡係多到瀉出黎,點解啲餡可以咁足料?咬第一啖啲餡已經漏晒出嚟🤭食到成身都係😂BTW真心好抵食呀！.「民豐粉麵行」已有多年歷史另外有粉麵、餃子雲吞、湯丸出售添！周不時有啲街坊入去幫襯,每日都好多人排隊，今日去都要排呀，好彩都係排左一陣姐。買左一盒拎走同家人開心Share，有紙盒裝呀！

前幾日經過民豐行，見到大排長龍😗好奇就走去趁下熱鬧🙊原來係排緊賣韮菜餅🌮聞到已經好香，仲要1點第1輪岩岩新鮮出爐！所以就不知不覺咁排埋一份lu😙一拎上手熱辣辣♨️有白煙出，但都忍唔住要快d放落口呀🥵🤣一咬落去已經係滿滿既韮菜肉餡，好香又多汁，實心，而餅皮係煎過，脆身但又保持到嚥韌，有咬口，食到一半已經有d飽😝但慢慢食又會食得哂呢🤣一1個人當lunch應該都岩岩好！唔知點解，其實我覺得有d似巨大版煎餃子🥟🤣

This place is worth a special trip (exactly what I did yesterday afternoon). I was told by my friend about this local place in Tsuen Wan. They make all their dumplings on site. Also sell all kinds of noodles. I went around 3pm and was told all shrimp dumplings were sold out already ..... So I bought pork/chive and pork/ mushroom dumplings. They come in either 15 or 30. I bought 15 each. Once I got home, I cooked the dumplings for about 5 minutes and they were amazing!!! Definitely a hidden gem !

當大家都著重佢嘅餃子煎餅粉麵嘅時候， 應該都係忽略咗佢嘅魚肉燒賣， 真係好鬼正㗎!喺一片味精嘅潮流之中帶出濃濃魚肉香味， 又喺濃濃魚肉味中帶出點點精香嘅味精味😍好彩“孖寶“有好多喺荃灣住嘅甜親密友，成日買畀“孖寶“食，如果唔係我對呢個魚肉燒賣嘅慾望，都唔知點算好! 佢好味道當我晚飯食得好飽嘅時候，只係雖要小休一會，就當蒸起上嚟嗰個魚肉味同味精嘅香味，再加上豉油同埋加點名牌辣椒油，例如“英記“人渣油，或者近期好hot嘅“吾“C父，呢d不良份子嘅配合，簡直就係魔鬼嘅誘惑，令我難以抗拒，真係擋不住的瘋情，實食到收唔到口，買幾多塞飽個“雪胃“都唔夠🤭，噢賣葛吖😍😍😍

每次行過民豐都會聞到好香嘅煎餅味，每次見到都會排隊買野食，初初覺得應該冇咩特別，所以行過幾次都冇買，直至有人邊行邊食個韭菜餅，我就覺得好香好吸引，就排隊買黎食下。排隊有得買韭菜餅、炸雲吞或者餃子，我見個個都買韭菜餅，我都唔執輸到買返件食！成個餅好重手，一咬開啲韭菜味攻出黎好正呀！好juicy好脆好香口！順手仲買埋佢每日新鮮包嘅盒豬肉雲吞試下添！如果想買鮮蝦吞就要早啲排隊，成日都好快賣曬嫁！！！！！

荃灣好多好野食，但有一間我每次都要去食嘅一定係民豐。第一次食係行過聞到好香嘅煎餅味，又有d肚餓，就隨手買左個韭菜餅，點知一食就返唔到轉頭由於都幾多人買嘅關係，佢都煎得好密手，我次次都買到係新鮮煎起嘅。成個餅好飽滿，一咬開果陣香味攻出黎真係好正。滿滿嘅韭菜同肉碎，仲有好多肉汁！雖然會食到成咀汁成咀油，但真係好好味，韭菜迷一定唔可以錯過除左d即煎即食嘅野外，佢仲有賣麵餅、水餃雲吞、湯丸果d傳統食品。香港呢類老店已經買少見少，希望佢可以長做長有

✏️芝麻糯米糍 ($5)翻到屋企見到有民豐行嘅糯米糍係開心嘅🤩真心好抵點解啲餡可以咁足料先🥰芝麻餡係有啲沙沙嘅感覺 糯米皮超軟糯喔🤩不過今次個芝麻餡我覺得真係甜左啲 師傅可能唔小心落糖重手左😂

韭菜豬肉餅😬$13的確好新鮮，好juicy，即煎即整。熱辣辣既韭菜餅，內涵用料十足，大量韭菜配上豬肉 ，而且juicy既原因，係因為有好多肉汁鎖著左響𥚃面😎所以食個陣要小心D😂不愧為荃灣抵食之選😎

我真係好鍾意食懷舊糕點，但香港賣茶果同糯米滋既地方真係愈黎愈少😭幾經辛苦比我搵到荃灣呢間老字號粉麵行，入面居然有紅豆/眉豆茶果，仲有花生糯米滋！.紅豆茶果 $5/件紅豆餡甜度適中，味道唔死甜，茶果偏實淨，唔知係咪因為無趁熱食，所以咬開個皮同餡有d分離，感覺有d乾，可能要趁熱先好味～.花生糯米滋 $5/件最期待呢個！個皮都幾軟身🤗但花生餡就唔算好多，要咬超過一半先食到d餡花生磨得幾幼細，同砂糖既比例都好好，有加到分😉可以一試

我一家吃了民豐的食品包括水餃及糭等二十多年，質素向來有穩定水準，也從未發生衞生問題，味道非常好，所以十分支持這家本地出品，讓我們除了連鎖品牌包裝食品外有更好的選擇。

朋友又為我準備了晚餐，不過是要自己煑的。他買來民豐的上海菜肉雲吞，主要材料是麵粉、豬肉、水、醬油、蔬菜、熟油和鹽。煑食也很簡單，燒開熱水，放入雲吞，待加熱起煙再等五至六分鐘即成。第一次自己煑雲吞零失敗。熱呼呼的雲吞好好味呀，餡料飽滿，很鮮味 又有蔬菜的青爽，加上一點薑絲和醋，一頓晚餐便完成了。

作為煙韌控 民豐既糯米糍一直都係我口袋名單裡面但礙於位置太架涉 一直未有機會去試依日行完山剛好經過 就正好滿足一下願望下晏4點幾黎到民豐店內人頭湧湧 分左好幾條隊排唔同既食物不過由於我一早已target左糯米糍 所以一黎已經疊埋心水排佢條隊但好不幸地 排到我既時候 竟然冇哂花生同紅豆味得番芝麻味 實在有點失望不過既然一場黎到 就買兩個芝麻味試試吧~~粒糯米糍外形圓碌碌 外層裹上一層薄薄既粘米粉以防黏手驟眼一睇就好似一個小雪球咁 而且攞上手都幾墜手 有番一定既份量 令人不禁期待佢既味道~但一咬落去我就知道佢唔係我鍾意既糯米糍因為咬完好幾啖都仲未食到個餡...雖然佢既糯米皮都幾軟熟 但實在係太厚而且同餡既比例唔平均 令整體既味道較淡加上黑芝麻餡唔夠香濃 仲有少少出水既情況令到糯米皮有少少黏手 感覺唔係咁討好真係令人好失望..

民豐既糯米糍好出名不嬲都知，難得到荃灣，當然要一試！買左芝麻同花生兩隻味。糯米糍拎上手係有少少聚手嫁😆圓圓的，摸落仲好軟熟添！糯米糍面頭痴左有好多粉防黏，未食糯米糍前聞下會有一陣糯米香。忍唔住咬一啖，糯米糍皮軟熟、但未夠煙韌（我係煙韌控，期望係會有比較煙韌既口感）。皮都算厚，唔係薄皮果種，就算餡既比例唔少，但每一啖都會有糯米糍皮既分佈。仔細品嚐，皮有少少米香。餡料方面，我食既花生同芝麻都未有大家所講既爆餡現象。唔知係我唔好彩定佢已經縮左水。不過平心而論，都餡都唔算少既。無論係花生定芝麻，都明顯見到溝左好多砂糖，而甜度我認為適中。可能因為皮比較厚，甜度被中和。花生vs芝麻？係我心目中，花生勝！花生同砂糖混合後口感好夾。有花生香氣。花生甜度較芝麻高，但芝麻餡有種甘苦味，我比較接受唔到。加上我果個芝麻糯米糍皮比較厚，係皮厚變相餡更少既情況下，苦味更出。所以我中意花生多啲。整體而言，味道其實唔差，但唔驚艷。個人認為皮夠軟糯，但較厚，缺少煙韌口感。餡料冇想像中多，較失望。但一粒$5黎講，性價比高，經過可以買黎試下，特登搭車去就唔洗啦～除左糯米滋，韭菜豬肉餅亦係佢另一出名小食。買果陣仲煎緊，一煎起

民豐平時都成日都排隊， 今晚放工後（20:00）到民豐見唔洗排隊，入去睇睇仲有乜雲吞水餃買先雲吞水餃的價格如下：買左：上海香菇菜肉雲吞好味冬菇同菜肉比例好好， 雲吞皮較薄，好香冬菇味上海韮菜肉雲吞（熟左幾隻先記得影相）如喜歡食韮菜既朋友， 應該都會鐘意依隻雲吞， 好香好味上海菜肉水餃： 水餃皮較厚菜肉係白菜+肉， 因為無哂菜肉雲吞， 只有買水餃代替， 菜肉饀好味⋯ 係水餃皮較厚， 食落有點飽但值得一讚： 水餃係即買即包， 所以等左陣，尚算新鮮

依間係上網見到糯米糍排行榜排第三既 睇到佢介紹幾吸引 同埋係街市老店感覺傳統 鐘意食煙韌鐘意糯米糍 難得黎開荃灣尊登過黎食鋪頭係好傳統老店 攤晒d野食出黎 睇岩要咩就同d姐姐講 一早鎖定左目標要食芝麻味芝麻糯米糍 $5個面鋪滿粉 所以用膠袋裝唔會痴住 個皮的確好軟熟 但我自己鐘意煙韌有咬口d既 而個餡係多糖到嚇人 當然就非常非常甜 幾乎食唔到芝麻味韮菜餅 $13俾係門口煎餅既味吸引左買埋依個 熱辣辣既韮菜餅好香 個皮有d太厚 好似餡都幾多 而且調味幾好 唔會好咸抵食 唔值尊登去 不過如果經過會試佢既茶粿