水門泰式海南雞飯專門店 (Closed)

今日去試咗一間上環嘅無骨海南雞飯，店內座位唔多主要係做外賣為主。今日試咗一個泰式無骨海南雞飯。要講海南雞飯首先一定要講佢個油飯。佢個油飯真係極品，佢嘅油飯係一粒粒好似炒飯咁，粒粒都好香，唔係剛剛由電飯煲煲出嚟嗰啲咁樣。再來就要講下佢個雞啦，雖然數量就唔算好多，但係勝在每一件都煮到啱啱好，唔會煮過龍。就連佢嗰醬汁我都覺得值得一提，個醬汁入面特別加入咗好多蒜蓉令到佢非常惹味，我每一件雞都完全點晒入去個醬汁入邊。最後，不得不提嘅就係連佢伴碟嗰個沙律都好好食。難得發現到一間好好食嘅海南雞飯，真係想即刻再去食多次。