永和快餐小食店

Open Now

Now Closed

為咗慳食材 喪用豆粉充分利用豆粉 呢間野我建議任何人唔好去 我覺得個廚師要檢討下 我叫咗個番茄雞翼飯 直頭啲汁係一嚿嚿，好似透明乳膠漆 完全冇番茄味 啲班嘅名單最好係雞翼都頗為大隻嘅呢間野好明顯係慳啲蕃茄醬汁而爽落豆粉！ 鍾意就粉嘅人可以去試吓嘅 不過我寧願食碗仔翅好過食佢囉 我朋友叫咗咖喱雞同排骨炒河 還可以啦不過40幾蚊應該唔係太直囉如果呢間野想繼續做落去就改善下啦 不過呢啲嘢試咗一次其實都唔會返轉頭㗎啦個例湯好淡而無味 可能慳咗啲味精啦

環境污糟邋遢，客人食緊飯喺度掃地 ？上餐用嘅碟好似監房監躉用嗰啲，又殘又舊！ 收中環價錢~ 2餸飯收$43,凍飲加$3, 但啲飯“梅梅地”同啲餸好一般。杯凍奶茶又無茶味，不會再幫襯！

中午時間, 送外賣做唔切我都明, 咁你咪唔好接咁多order囉, 接左又送唔到, 我等左1個鐘, 係足足60分鐘先打去催,接電話既大媽, 用D 唔純正既廣東話好大聲咁講" 出啦出啦 "咁就收線,平時打去叫外賣,佢都係負負氣氣 都唔係好語氣,今次真係火都黎,已經唔係第一次等一個鐘以上, 可以話係我自己蠢。反而送外賣既哥哥/阿叔都非常有禮客氣,值得讚揚。

有時喺公司做到夜晚六七點，見到仲有大把嘢做，真係寧願填飽個肚先繼續做。但如果一丁友嘅話，你想叫外賣人哋都未必肯送，尤其係啲受歡迎嘅餐廳。永和喺我舊公司隔兩條街，係好難得一位都很肯送外賣嘅茶記。當然味道只係不過不失，不過OT緊又邊有心情食山珍海味吖。佢晚餐都供應午市碟頭飯。試過呢隻葡汁雞扒，味道OK。落咗唔少芽菜平衡返。佢六點半前落單可以叫下午茶餐，呢隻肉燕餃通粉幾好食，又落咗啲蔥頭提味。有時食晏想隨便解決都會幫襯佢，So far 我覺得佢啲質素都係對得住價錢嘅。喺上環做飲食可以開喺永和街五六年，都算做得唔錯架啦。

有一個半咸半淡落單既呀姐聽電話完全吾知佢講咩11點30分落單叫左三個飯12點20打去問送到邊？成粒鐘都未送到12點40分送到粟米肉粒飯係酸既 叫玉子飯 比左豆腐乾個湯既味道怪怪的簡直係垃圾

未到lunch time去食，因為第一次去，見有廚師推介碗仔翅餐，但係喺茶餐一欄，當然問清楚呢個時段有冇呢個餐，點解會專登問，係因為見佢早/茶餐係去到11:30，我地入去啱啱過咗十分鐘，朋友話開聲問下啦，茶餐廳都係做街坊生意，有時有走盞會俾你叫。咁問過個姐姐話有先叫，叫咗兩個餐等食，點知返單收$30一碗碗仔翅，另收$15一杯奶茶。本來一個碗仔翅連奶茶餐成$30，相對茶廳餐黎講，都唔太合理，只係諗住一試，而家仲分開收，見到張單咁當然即刻取消啦，阿姐竟然話整咗，同時送埋杯奶茶岀黎，屈你要！呢個時候已經覺得有啲被屈feel，都算，咁碗仔翅未黎，就取消咗佢啦，佢竟然話唔得！明明杯奶茶分開收錢，碗仔翅又未未岀，我叫嗰時你又唔聽清楚我問你先落單，你又唔覆單，有乜理由仲唔俾我取消？！同佢理論，個廚房阿姐走岀黎，指住我地個鼻話『食唔起就唔好食』！呢間係咩茶餐廳？咁招呼客？！我地坐喺度食，佢就企喺度鬧，同佢理論，話我地係＿指＿住＿個＿餐＿牌＿問＿清＿楚＿有＿冇＿呢＿個＿餐先叫！個奶茶仲講明係跟＿餐＿叫＿嘅！如果唔係正常邊有人會呢個時間專登入去間茶餐廳，分別叫一碗$30嘅碗仔翅同一杯$15嘅奶茶？！個客唔

有冇食過濕身嘅菠蘿包？送多杯洗腳水味室溫"熱"奶茶！炒粉麵乾炒好似豬油撈出黎咁。。。真係搵鬼幫趁！。。。唔怪得要炒賣人地品牌旅客手信，如果自己出品做得好，開喺名牌手信店隔離，都唔休做啦，連lunch time都咁少人，明顯係近年掛住鋑旅客錢，食物水準差，本區街坊都唔方回頭啦！服務唔見得有得好，你講普通話嘅佢咪笑笑口對你，我見隔離枱香港客點餐，明明係個阿姐落錯單，都屈個客食，首先叫佢唔應你，之後就寸個客寒酸，仲惡個啲客，咁都得。。。冇下次，請我都唔食，環境、服務、食物質素，冇樣好。。

今早同同事一齊買早餐，我食d餐沙爹牛肉麵，有多士有餐肉有蛋，好大份好夠飽。唯一覺得極度遺憾係凍檸茶入面完全冇放檸檬，好奇怪囉。所以杯野飲好難飲，感覺好唔完滿。同埋呢間野個menu d 紙好細，睇得唔清楚。

呢條巷仔雖然行過好多次,但真係冇乜食過裏面嘅餐廳.今日本來諗住遠征,但行到呢條街嗰陣嗰天越來越黑,即係個天要我喺呢度食飯啦,就即刻中左入呢間餐廳喇.咁門口嗰兩張枱各有一張辦公椅,雖然殘舊,但睇落仲舒服過我返工坐嗰張,當然即時霸咗佢啦.以茶餐廳嚟講,呢度非常靜,冇乜人傾偈.角落頭擺咗個又細又有好重雪花嘅厚電視,聽下聲就好,睇得耐會好傷眼.門口擺咗啲蛋捲放售,好似唔係出名嘅牌子.叫咗個蝦醬蒸腩肉,等咗超過十分鐘,追咗兩次單都話蒸緊.再等多幾分鐘先畀碗餐湯飲下.睇餐牌話係西洋菜煲豬骨,但係唔啱味喎,而且我淨係見到白菜啫.當係白菜湯,又淨係得淡淡嘅鹹味,到底係乜嘢湯呢?蝦醬蒸腩肉終於到啦,蝦醬味幾重,非常咸,成個碟底都係油.其中幾片腩肉有8成都係肥膏.雖然點呢個餸都預咗係鹹同埋油膩,但真係畀我食過嘅任何蝦醬腩肉都要重口味同埋油囉.為健康著想,下次(如有)都係叫第二個餸好啲喇.

講真， $30 的一個早餐，有麵食﹑腸仔炒蛋﹑三文治，在中上環是很難找到的！至於味道呢，見仁見智啦！ 想吃少味精，這一家就好適合！ 想飽肚的，這家都很適合呢！追求高水準的朋友，就要想想啦~

沒有相，太差，扔了負評是我給，如題。 真難吃終於明白中伏的感受。 唉，好地地一個下午茶，想悠閒一番，豈料如斯難吃 (嘔)公司集體吃了1. 沙薑炸雞脾 配 薯條雞脾尚算正常，看起來是隻雞。味道沒有異常，是隻雞。薯條 = 簡直是皇牌食品，沒有味道的芒果乾，但外型是薯條，我是在吃分子料理???????????????2. 蛋牛治那個蛋太老，一吃就知煎得好耐。仲老過我! 那個牛質地十分硬，硬。3. 奶醬多奶醬很少的，質地：韌 韌 韌 韌 韌 ，奶醬多都可以韌，負評4. 炸雞排D 粉好厚，比女同事的粉更厚!!!!雞排很薄。飲品1. 熱奶茶味道苦澀，入口很鞋，仲要有渣。飲到最底有些莫名其妙的粒粒，又是分子料理嗎?2. 檸茶苦苦苦苦苦苦澀澀澀澀澀澀澀，在諷刺我的人生嗎?唉，食完呢餐TEA，人生都覺得不好了。雖然給了喊面，但已經很中肯。

公司同事集體食下午茶，原先揀這店是想要他們的"煎鴨胸配沙律"，但去電話落單時店方才說缺貨，見有這個叫"沙薑炸雞肶"，就改為要了"沙薑炸雞肶配沙律跟鴦走"，先講杯鴦走，無茶啡味，得個顏色，入口像飲練奶水，沙律就一般快餐店貨色，但份量却小得可憐，到主角"沙薑炸雞肶"，入口一口油，表皮淋韌，邊皮有部份是硬的，內部雞肉有點鞋，味道只有油膩味，完全吃不到沙薑味，最初心想是自己誤信餐牌名字導致，後來與同事分享，才知他們的其他食品如三文冶等質素也甚差，結果最終集體決定以後不會再揀這店。

我只想講，我只係叫左個下午茶外賣，西多士配沙律，其餘既大家睇相都知咩事咩情況。。。點解要咁樣糟蹋食物。。。沙律醬x牛油蜜糖汁，完全大開眼界話俾大家知呢個味道真係。。。重。口。味，試左幾粒(覺得我真係好有勇氣), 完全好似餿水咁。。。咩味都有齊真係喊出黎。。。唉唔識講留俾各位參詳參詳/____\

自從永和以炒價兼賣小熊x奇/曲奇四重x/德x號旦卷之後,食物的質數越來越差, 我幫襯了7年有多, 以前還算不俗, 我也常跟同事一起來吃午餐, 但是近2年食物每況愈下,雖然價錢還算是平, 但食材不應拿來浪費的吧!!!今天叫的外賣是泰式乾炒牛河($36), 賣相普通, 河粉都算是炒得乾身,牛肉炒得太韌都算了, 但整個炒河太辣了,辣得不能入口, 如果譚仔米線叫小辣的話 ,這個乾炒牛河應是大辣 !!!最後我只吃了幾口就掉了, 味道不好都還可以吞下去, 但是辣味真的不能勉強。

六月二十六日 (星期三)上個星期在永和街遇上一家充滿歐陸風情的餐廳Ola，頗有口感，今日又再在這條街覓食行到一半見到有家茶餐廳，叫永和，不期然想起了豆漿但這茶餐廳當然不是專賣豆腐製品的，名以其位處的街而取一進店，掌櫃只一老伯伯，應是此店的老闆，相信此店的歷史也不輕小店有不少外賣生意，堂食食客也不少，差不多滿座的有午市套餐供應，三十元有多款飯類選擇，再包中湯或飲品而選擇不到心水，在餐牌散點炒粉麵飯也是多四,五元而已等餐時，不時聽到叫外賣的來電，看來生意挺好的，質素應不俗吧?！誰知惡夢快開始賣相正常，但先义起幾條意粉加上葡汁有如失去味覺般，丁點味道也沒有雞扒份量多，可惜十分嚡口午市套餐都做到這般水準，那麼餐牌上的散點炒粉麵呢?望到汁已經不開胃吃落最難食的卻是烹調難度相對較低的炆米米粉滿是油，吃落啖啖油膩，吃得多也不健康汁亦是無味的，較可取的只有什菜本身肚子餓的我，只吃了三分一就放棄下午還要拿同事的餅乾，此店可一不可再!