永樂餃子店

Open Now

Now Closed

夜晚同朋友嚟左上環呢間餃子店，聽聞幾出名，於是點左4款唔同口味嘅餃諗住交換食，分別有咖喱薯仔、羊肉、雞肉冬菇雲耳，同埋紫菜餃。本新自己好中意食餃子，但係佢啲餃子一咬落去第一啖淨係得皮，無饀🤥有啲失望，個皮太厚🙈饀個方面，暫時覺得咖喱薯仔係最好食好突出～辣得嚟幾惹味～但個皮真係太厚好影響食餃子嘅心情🤥不過個湯都算係幾好飲嘅，無味精👍🏻希望佢地個皮可以做返好啲🥲🥲就算係黃店都需要有質素！🙈

喺上環參加完講座之後剛好係午飯時間，獨自幫襯永樂餃子店。-餐廳位置距離地鐵站約5分鐘路程，紅色招牌顯眼易搵，裝修係木色同紅色為主，裝修一般。餐牌主食係餃子，款式多，另有小食，可以揀九隻餃子、五隻餃子配米線、加錢轉炸餃。假日中午時分餐廳入座率5%，少客人，店員服務正常。-鮮肉香菇粟米餃配湯九隻配豆漿 $58餃子大隻，皮厚、煙靭，調味濃，唔鹹，嘢未，冇香菇味，粟米甜，好食。湯係花膠淮山豬骨湯，餐廳標明湯底冇味精，湯呈白色，冇湯渣，唔濃但夠味，幾適合做餃子湯底，好飲。豆漿中規中矩，細杯。-非首次幫襯，以前係熟客，平日餐廳較多客人。整體而言，食完飽肚感啱啱好，男人可能唔夠飽，價錢合理，會再幫襯。

🥟餃子外型彎彎🥟今次試咗🐖豬肉韮菜餃同豬肉芹菜餃。5隻餃加麵45蚊，淨8隻餃50蚊。4隻餃+4隻餃雙拼就52蚊。炸餃8隻起，加3蚊。私心推介芹菜餃，芹菜切得好細，爽脆。

經過見裝修幾新淨好坐，就入去試下。第一次嚟試下海鮮餃拼羊肉餃（雙拼要+$2），奶白色嘅花膠淮山豬骨湯上枱仲冒住白煙，湯底質地比較清，飲到好香嘅花膠同淮山味，真材實料冇味精。海鮮餃係魚肉同蝦做餡，仲有少少唐芹辟腥，隻隻都食到完整蝦肉。羊肉餃有混合京蔥，調味比較濃而且羊騷味濃，頗具特色。

Ig見過呢間餃子店嘅食評好多次 🙈花膠湯底加上大大隻餃子實在太吸引🤤🤤但正負評都係各佔一半 今次就特登過嚟試下😆可能因為我哋太早 仲未有太多客人一入到去叔叔阿姨已經好熱情招呼 又話坐門口驚我熱 叫我坐入面啲大枱坐低之後又介紹邊款餃最受歡迎😋上菜又同我講睇熱慢慢食啊 ☺️呢種人情味真係唔係度度都有🥲🤍又平又飽肚嘅小店 真係大大大推🥰🥰🥟鮮肉紫菜餃 （淨餃$50）呢款餃就係叔叔介紹話超好食嘅餃子👍🏻喺其他地方未見過用紫菜做餡有啲好奇又見叔叔推介就叫咗嚟試吓啦😂識落真係有驚喜！紫菜味香而不鹹‼️紫菜獨有嘅口感配埋鮮肉 鮮味十足又盞鬼😋好似飲咗碗紫菜湯咁滿足☺️隻隻餃都皮厚餡多又大隻 女仔食八隻講食完真係會飽到上心口😮‍💨又平又飽肚真係CP值勁高👍🏻👍🏻🥟鮮肉白菜餃 （配米線$45）因為每隻餃都拳頭咁大餃子皮都偏厚五隻餃子配米線係超超超飽😮‍💨呢間舖頭最出名係佢嘅花膠豬骨湯底🥣真係飲得出花膠味 清清地飲完唔會口乾👍🏻濃郁湯底配上米線真係一大享受🤤但係白菜餃就普普通通 菜切得比較碎口感嚟講真係紫菜餃更加豐富👍🏻👍🏻所以大家下次去試嘅話記得嗌啲特別啲嘅😆叔叔就好推介咖喱餃同紫菜餃！！😚鍾意食重口味嘅朋友

曾經在上環待過好幾年，經常到這家餃子店。喜歡他們的餃子，喜歡他們的湯，更喜歡這小店的人情味。某個周日晚上，路過上環，想起這家餃子店。儘管前後左右在禧利街、蘇杭街、文咸東街還在開的餐館大都關門了，我還是想看下這家還有在開嗎？或者，還在嗎…？這幾年，香港變化太大，前陣子還有疫情。連旺區的店都關了不少，不知道這家挨得住嗎？還好，不但店子還在，也有在開！一坐下，老闆就來個熱情推介，於是我就跟他說我從前是常客，今天是來懷念味道。最後點了個鮮肉香菇粟米餃 ($50)。餃子還是如往常一樣大，花膠准山豬骨豬還是一樣好喝。我最後把全碗喝完才走 (有圖為証😆)。臨行前，老闆說下次再來上環，就再來吃啊！我說一定會！🥟永樂餃子店 (上環)📍上環禧利街21號地下#上環餃子店#上環好食餐廳#餃子#餃子店#餃子

📍$50淨餃🥟8隻，雙拼+$2 • 鮮肉紫菜餃 • 鮮肉芝士餃📍$8 豆漿 🥛全店有13款餃子🥟，每款都各有特色，不過飲料選擇不多，只有豆漿🥛同可樂，無加一收費餃子店九龍區太子深水埗一帶比較多，上環呢間價錢相對貴少少(貴$10蚊左右)，不過質素很好，平日係附近返工唔想食咁貴可以bookmark佢【味道】 • 鮮肉紫菜餃🍘 咁多款菜🥬入面(韭菜，白菜，芹菜，椰菜，紫菜)，識食一定揀紫菜🍘，唔係間間餃子店有，以前食過深水埗有間有西洋菜也不錯，紫菜🍘味好濃，包得好結實，配合埋個無味精既花膠淮山豬骨🦴湯，感覺食得好健康 • 鮮肉芝士餃🧀 芝士🧀味岩岩好，不會過濃，但建議唔好8隻芝士🧀味，唔係滯死你健康 • 豆漿🥛應該唔係自家製，普普通通【環境】小店比較細，小本經營，無裝修可言，坐得也有點迫，不過典形港式小店係咁，唔係黎打卡食環境的

成日聽人哋講上環有間餃子店好出名 又排晒隊今次終於有機會 外賣返去同朋友仔一齊食下喇*******************************食物sss:🥟以下3種餃都揀咗花膠淮山豬骨湯🥘🐥雞肉冬菇木耳餃 (淨餃8隻) ($50)餃子好大隻❗但餃子皮比較厚身 食落口感麻麻哋餡料好足 雞肉同木耳份量都好多但冬菇就唔係太覺餃子食落比較清淡配搭埋湯 清清哋咁偶爾食都幾好🌽鮮肉冬菇粟米餃 (5隻餃配上海麵) ($45)嚟到第2味 調味都係比較淡 其實自問唔算食得好濃味但都覺得佢啲餃子偏淡連續2味都清淡 開始口淡淡🥲粟米同肉碎份量都算多 有少少甜味同樣冬菇都係唔太食到好彩湯底都夠味飲住湯送餃子都ok嘅上海麵就正正常常咁🥔鮮肉咖喱薯仔餃 (5隻餃配米線) ($45)幾新奇嘅一款餃子食落都有咖喱味 但就唔算好濃 不過咁樣配搭又幾好食啵👍比起上面兩款餃子呢個相對濃味返少少 感覺終於冇咁清淡個人就鐘意呢個多啲😝*******************************小結：呢間餃子店主打係無味精健康餃子應該幾啱愛健康同食得好清淡嘅人士用花膠淮山豬骨煲嘅湯底的確幾好飲我有飲咗大半碗拎嚟送餃子😝食完

好少喺上環食嘢行吓行吓見到有餃子舖，就入咗去入到去只係得一位侍應伯伯佢好好人問我係咪第一次嚟食，我話係，佢仲推介紫菜餃伯伯好Nice，好有禮貌餃子都唔錯食得好開心

黎到禧利街都好多選擇，見到有間餃子店都好吸引，就入去試下佢嘅味道呢度餃子有好多款選擇，包括芹菜餃、白菜餃、香菇餃、咖哩薯仔餃子等等店舖唔算太大 ，而呢度冇特別嘅裝修， 只係簡單嗰啲枱凳但係就夠清潔，而且檯面上有消毒液供應呢度可以叫淨餃子或者係餃子上海麵或者米線， 淨餃子有白8隻，跟麵／米線就有5隻鮮肉白菜餃湯底係花膠淮山豬骨湯，湯底鮮甜，大大食白菜餃子， 入面肉質美味，白菜餃好新鮮，真係皮薄餡靚凍豆漿好清甜，呢度可能水機壞咗，唔供應飲用水

原本只是在同區逐間小店支持, 又見佢堂食唔太旺, 所以對食物無特別期望.  因為晚上要到好友家打邊爐, 唔想太高碳水, 所以嗌左淨餃.  豬肉白菜餃8隻, 勁大隻, 好飽滿用料足, 餃皮煙靱度剛好, 湯底才是精心獨匠, 非一般水汪汪質素, $50食到好飽好滿足.  加埋附近MEANWHILE(另一常支持既小店)買既OATMILK FLAT WHITE, 滿足的一頓 

PM請假可以輕輕鬆鬆食個lunch～ 有時間終於可以泥永樂食餃子~雙拼湯餃10隻 鮮肉韭菜mix鮮肉芝士 永樂餃子店湯底用上花膠淮山豬骨湯，滋陰保脾胃，very nice~湯底清甜，不加味精，會不知不覺飲哂d湯～ 餃子偏北style，皮比較厚，i like!  肉餡濃味，芝士餃芝士味ng太濃，剛剛好～ 食辣ge可加豆瓣醬，又有另一番風味! 咖哩薯仔餃，羊肉餃及海鮮餃都好attractive，下次同friend 泥試試先～

家住上環，早兩日大約中午睇下有咩食。見到依間餃子鋪見平平地試下，態度差 - 唔知係唔係要cut costs 所以得一個侍應，入到去舉左手10分鐘都冇人理，唯一一個待應掛住同一圍客吹水；份量少 - 真係好細碗； 衛生狀況 - D碗好似冇洗乾淨，有D痴立立既感覺後悔去食，幾平都唔會再幫襯

本身上YouTube見到有人介紹，啲餃子好大隻，所以就過嚟食喇。但係，見OpenRice有唔少負評，就有少少卻步。最後，因為天氣凍，好想食熱辣辣嘅餃子，所以都係決定一試。先講服務態度，絕對係一百分，又充滿人情味。一入門口，有個哥哥仔好有禮貌咁叫我哋點填紙仔或者安心出行，絕對唔係其他食評所講呼呼喝喝🤗🤗之後有個叔叔好熱情咁介紹有咩嘢食，好有人情味。叫咗酸辣土豆絲($20)，鮮肉雲耳椰菜餃($48/8隻)，鮮肉咖喱薯仔餃，最後仲encore叔叔介紹嘅鮮肉紫菜餃😋😋先嚟個酸辣土豆絲，酸酸辣辣好開胃🥰之後就嚟咗啲餃子。先飲過豬骨湯，夠晒熱辣辣，啱晒冬天暖胃。餃子size好大，大過隻湯勺。雲耳椰菜餃爽口，好有口感，吸收埋啲豬骨湯嘅味道，一流💯咖喱薯仔咖喱餃，有印度風味，薯仔已經變咗薯蓉，好特別，值得一試。熱情嘅叔叔再介紹我哋食紫菜餃，佢話好有秦國小老板風味。一咬落去，好香紫菜味，嚟到呢間餃子店絶對要試！！臨尾比錢埋單，我哋唔小心俾多咗幾蚊，有禮貌嘅哥哥仔仲追住嚟，比返錢我哋，真係好有人情味🥺🥺🥺總結，呢間小店一定要多多幫襯💛💛💛

有冇鍾意食厚皮餃子嘅朋友呢？如果你係推薦你試下上環呢間良心餃子店，佢嘅花膠淮山豬骨湯都幾岀名。Lunch time有唔少人幫襯，但提提大家盡量堂食，小店嘅做法係先岀堂食再做外賣，買過兩次都等左超過廿分鐘，仲見過有客話等左超過半個鐘入去理論，但堂食就好快上菜，希望店家改善吓啲安排。🍽鮮肉香菇粟米餃(5隻)配米線 ($43)🍽鮮肉芹菜餃(8隻) ($48)餃子餡多大大隻，餃皮厚但煙韌，粉感唔重。細食嘅朋友可以叫5隻配米線或上海麵。豬肉調味偏重手，所以唔點醋都夠味，個餡有粟米會甜啲口感豐富啲，朋友話芹菜好香口，我之前試過韮菜都OK。花膠淮山豬骨湯更岀色清甜滋補，食辣嘅朋友可以揀重慶酸辣湯。餐牌：