永發車仔麵茶餐廳

Open Now

Now Closed

好久沒吃車仔麵，所以襯工作日外出午餐時選了間有車仔麵吃的。永發車仔麵茶餐廳除了有車仔麵，還有蒸飯、焗飯之類。話說當日看到不少客人點了清蒸海魚飯，看起來都吸引。不過我們的重點仍然是車仔麵喇，兩款餸$32、三款餸$37、四款餸就$42，餸的選擇都幾多。如果有選擇困難就可以叫雜麵$41。我點的是四款餸 ($42) 其中的麻辣雞腎和麻辣金錢肚會分開上，雞腎幾爽口有嚼勁，金錢肚則較細嫩，而且夠麻夠辣！另外兩個餸是豬紅都有幾多舊﹐還有魚皮餃。豬骨湯底帶點甜味配幼麵吃不錯，另外可配秘制辣汁或牛腩汁。飲品要另外加錢，我點了熱朱古力 (+$7) 不會很淡，這杯很保溫。

死黨請我下午茶 來到永發就朋友車仔油麵大雜燴 既啱荷包亦對口澆上辣汁味道神 掃光速度九秒九吉列豬扒金黃色 一眼望落大又厚份量十足勝平時 今天廚師極爽手雜果沙律夠新鮮 夏日色彩甚引誘未吃減肥屙油丸 這個豬扒磅難守鬆化易切不油膩 啱晒阿婆六零後火傘高張飲凍茶 生津解渴超享受心安理得將汗抹 身滿意足把肚揉希望小店水準穩 間中甩轆有良莠

$35, 3餸車仔麵 - 香港仔永發茶餐廳油麵 少鹼水味，煙刃。牛腩夠林，五香夠入味。蝦餅彈牙，香蔥蘿蔔絲，唔油。比雜豆蝦餅果啲好食好多。鹵水雞翼味道不錯，雞肉過熟都係呢味餸嘅通病。呢餐勝價比高。

平生最怕車仔麵。久而久之，便沒有了lunch 的飯腳。不喜歡魚蛋、牛丸、紅腸和湯的我，今日首次踏足永發。因為有人請；才不推車仔。室內陳設簡單，服務員遞上menu 。我揀了牛腩、魚皮餃、冬菇三款餸，粗麵麵底，約5分鐘便送到。報告：《食物質素》牛腩-好味、但不是很腍，要咬開魚皮餃-size太細，而且只有兩隻冬菇-炆得很入味，幾好粗麵-有咬口，條條分明，沒有糊成一團凍檸茶-檸檬太少，影響杯茶沒酸味；但有很多冰，夠凍《服務水平》傳說中的黑面老細-我和朋友幫襯的時間是2點半，也算是繁忙時段，我覺得疑似老細的一號人物，招呼我們2人坐到4人卡位。後來等位的食客多了，門口開始有人聚集，他的情緒明顯也就緊張起來。但疑似老細全程沒有黑面；亦沒有惡言相向，我們覺得還好，始終是盤生意經，也就識相地吃完就走。傳說中的超音速夥計-沒有看到服務員有太粗魯的行為，都是幾個超勤快的蘿拉。每瞥見客人吃完，他們都會馬上'做嘢' - 極速收碗收杯！有的也會事先問一聲'飲完喇？' 當然也沒有很文質彬彬；噓寒問暖。《清潔衛生》枱面-ok地面-沒有水漬，乾爽餐具-ok，自己不妨用紙巾再擦擦廚餘處理-沒有廚餘，杯、碗快速而有效率地送

呢一間餐廳真係我係香港食過最好味，原汁原味既車仔面餐廳！！！我覺得呢間餐廳最出名既係車仔面，而唔係焗豬排飯 有免費既豬骨湯底同埋只需要四十蚊！！！唯一我認為要改善既地方係，希望可以賣雞油魚🐟！

依間舖頭除咗車仔麵，都仲有好多其他嘢食，而且價錢都好實惠，例如炒飯、焗飯同蒸魚飯咁，四十幾蚊仲包埋嘢飲添，真係有好多選擇，質素仲幾好添。嗰度繁忙時間通常都坐爆曬，所以我通常都唔會係嗰幾段時間去，費事同人迫啦。當然就係要講下佢哋個招牌車仔麵啦，我自己就最鍾意食佢地嗰啲牛腩嘅，真係好好食，強烈推薦大家去食嘅話都要試吓。而且我覺得佢哋啲麵底都幾好，尤其是係幼麵，大家都可以試吓。咁我個人覺得佢哋個湯底就比較清淡D嘅，由於我就比較鍾意食濃味啲呢，我就通常會加牛腩汁同辣汁嘅。佢地個秘製辣汁真係好好食！大家如果食得辣嘅話，就一定要試吓，真係必食之選，強烈推薦！

今午叫了車仔麵，食到尾聲放下筷子，老細來收我碗，我say no，他重重地掉下碗，還回了一句: 畀番你囉！我回應: 可否在收碗前，問客仲要唔要。他即大聲回: 咩呀？！當時有九成客人就坐。我即時氣憤地答: 唔緊要，冇下次！後即起身去櫃面埋單。老細全情黑面口。結帳時，老細粗魯地留下一句: 以後唔好嚟！在座九成客人可做証。出門口，根本沒有客在外等候。現今午市，食肆老板想多做一轉生意，大家明白。可是，在沒有客等位情況下，可否讓在坐客人少點被吹埋單的感覺？！而且，當想間接地催促客走而去收碗的情況下，可以禮貌地問: 還要嗎？心想: 這種態度，只會令客人卻步不再幫襯，而最後，到底誰是輸家？誰最吃虧？

中午老細揸車出去，話同我哋去鮨政食lunch。擺低架車行過去，仲坐低埋㗎喇，點知個店員問我哋有無book位? 老細答: 無。店員話，啲位已被訂滿，無訂位的唔可以喺度食。就係咁，我哋就被逼離開。無計啦，唯有行過兩間舖，食車仔麵。講真，一心諗住食日本嘢，依家變咗食車仔麵，我哋塊面都燶燶地，都無咩mood。是但叫啲嘢食算。啲精選餐無一樣吸引。結果4個人都係食4餸車仔麵$37，加飲品$7。再叫多些小食: 車仔三寶$26 (豬紅、辣魚蛋、蘿蔔) 和泰式魚餅拼蝦餅 $25。阿姐落單真係快，簡直係摩打手，渣渣聲好似表演雜技咁，光速落單。真係要俾個Like佢。唔使兩分鐘，啲嘢食上晒嚟，真係快到一個點。論味道只可以算合格。論待客，絕對係零分。我哋都未食完，已經俾壓力我哋想趕客 (出面有好人等位)。呢間嘢係我哋第一次嚟，亦是最後一次嚟。

既然呢間野叫車仔麵店，冇理由唔食車仔面啫，先睇餐牌：價錢唔算平，中規中矩。見佢雜麵咩都有，就試佢鹵味！中等身材，唔算細碗，每樣兩舊咁上下。湯底偏咸。先睇河粉底，幼身河，好滑但易碎，幼身掛湯好夠味，本身冇味但湯底搭夠，呢個可能係偏咸原因。魚蛋滑偏淋身，唔係唔好味，愛彈牙者請飛。紅腸普通野，冇特別。蘿蔔正常出品，甜，冇渣豬紅彈滑唔易散，可惜唔入味，湯底搭夠都搭唔到。豬皮一樣唔夠入味，質感是好的，可惜牛腩中上出品，柱候款，夠味，尚算爽滑，唔肥。總括來說正常出品唔難食，但呢個價位同區黎講有更好選擇。

以往多數買外賣，唔係牛腩米線就係炒粉麵，今日首次入座堂食一個芝士肉醬意粉，套餐包飲品，估唔到個醬汁又較得幾啱我口味喎，有肉香又唔會太酸，加埋芝士就係畫龍點睛，食左第一啖忍唔住就想食第二啖。飲品杯夠大，絕不欺場，爽晒。同行媽媽點左豬紅牛腩河，河粉夠滑，同米線兩樣我都鍾意。食飯時間見幾個大男人幫趁都點左星洲炒米，大大碟，份量好夠，係理想嘅開餐小店。

初嚐永發車仔麵係佢喺華貴街市開店嘅時候，本人麻麻地好車仔麵，但因住在華貴，永發便順理成章成為大家樂快餐之外的另一慣常選擇。因為食店面積不大，我通常都會幫趁外賣，午餐必定選豬紅牛腩米線，喜歡豬紅夠爽，牛腩夠淋，仲通常係筋多過腩添。之後華貴街市關門大吉，好高興得知老闆在香港仔另起爐灶，開了這間永發車仔麵。雖然依家位置同住處有段距離，少左幫趁，但偶然一次尋回昔日味道，都可以滿足吓心癮。我之所以麻麻地車仔麵，係因為覺得坊間車仔麵啲料好似魚旦，豬皮，雞翼，紅腸咁，都係普通食材，無乜特別，最最重要係通常食完都唔係好夠飽。但試過永發車仔麵覺得腩汁湯夠香，筋夠滑，肉夠淋唔癡牙，豬紅咬落又爽口，仲有幾片生菜送，最最重要係食得飽我喎，加個凍檸茶就perfect喇。（以前喺華貴嘅份量係普通裝湯嗰隻外賣兜，我都覺得夠飽喎，依家仲加大左添。）

飯係硬同凍既，汁係橙色茄汁，豬扒都係凍加食到尾有塊唔知係魚鱗定膠片癡住，洋蔥原塊生既，三個字，好難食。。啲人通常食車仔麵，睇落ok,不過我下次唔會黎。