永隆粥品店 (Closed)

【 炒麵有驚喜 】長沙灣都有幾多好味的粥品店，其中一間係青山道的永隆粥品店，我成日都見到幾多人幫襯，感覺應該唔太差，所以今日就去買早餐食，一碗碎牛粥加一份炒麵，套餐價外賣只係$22，勁扺食，其他地區的粥品店真係好難搵到咁平，我試過係大角嘴樓下的粥店，$30先得一碗碎牛粥，好貴。。。。講番碗碎牛粥，都有幾多牛肉，粥好軟綿，口感好滑，另外份炒麵真係超好味，好有驚喜，下次一定會再幫襯，而家又多個買早餐的好選擇。

平日去開海x食粥，行過見尼間甘平，＄18，有碗碎牛粥，又有腸粉（其實仲有得揀炸兩，同炒麵炒粉）。碎牛粥多碎牛，魚片粥＄18，魚片滑好味，不過粥底有D咸！ 仲見到大叔包糭包得好快，而家吊住好多糉賣。支持下本地小店。

有全日套餐，我食午餐埋單十六蚊咋，仲食飽飽咁走，最緊要健康又有質素，這間是我一家的飯堂今次揀左齋艇白粥底+牛脷酥，粥多料有得揀白粥底，健康！牛脷酥外脆內軟，有質素！

返屋企之前想買啲宵夜俾媽咪，本來想買佢鍾意嘅熱狗店薯條，但太多人排隊，轉軚買糖水，朋友提及過響粥店都有糖水買，咪試下囉。綠豆沙，很足料！綠豆全爆開，煲得綿綿的，起沙之餘豆煮到有些係一絲絲的，夠矖火喉。 另外仲有幼幼的海帶，唔洗咬得咁辛苦，話矖宵夜吖嘛不過就甜左啲啲！減返啲甜就好了！！

家人去旅行，為免餐餐都大魚大肉又多味精，這天路經愛群，見午餐有蒜蓉西冷也不吃。因此，路經永隆，吃個粥。長沙灣幾家粥店都有餐，粥加小食。艇仔粥加炸両。次次到粥店都被『炸両』二字吸引，但永遠吃了第一件便後悔。因為炸両的油炸鬼通常都早早炸好，不太熱，加上腸粉也不熱，只能勉強果腹及送粥吃下。惟可狂加麻醬甜醬增加滋味吧。艇仔粥，想不起多久沒在吃了。印象中只記得有魷魚，原來還有炸米粉條在底，令粥沒那麽水。不錯，可用筷子夾餸來吃的粥。$17飽到幾個鐘，夫復何求。還有那懷舊天花板 吊扇。當年讀中學，常打球後熱得要調至最猛，然後不久又被女生關掉。

這兩年...食品日日加...樣樣加...真係好耐未見過有3蚊一條油炸鬼...5蚊一碟炸兩了..仲有7蚊碗的豬紅粥.家庭經營才能在這通脹的社會上仍保持這麼有情義的價錢...不要以為街坊平價粥舖...就求求其其是是但但...每次去..都會見到老闆好努力係門口自己炸油炸鬼...朝早去到見到...晏晝去過見到...放工去過都見到...佢真係好勤力...佢的粥底好棉....生滾粥的料總是滿滿的...一碗粥足以飽肚...當然..加多碟炒面或腸粉就會更滿足啦雖然我稱不上這區街坊..但也會繼續支持呢d好食又抵食的食店

無意中路過這店, 忽然愳起已經很久沒有吃這街坊食物了, 於是長驅直進.店還算大, 下午四時的人客亦不少, 全部是十人大圓枱, 可見這店平時的生意應不錯.不假思索便叫了碎牛粥和炸兩, 一分鐘有得食,先把牛肉碎攪勻, 又把枱上的調味料加在腸粉上, 計有甜醬, 辣醬, 麻醬, 芝麻, 忙個不亦樂乎.先試粥底, 頗為清淡, 正合我意, 味精不太多, 牛肉和粉仔的份量剛好, 腸粉一定不是現拉的, 粉皮夠滑, 有米味, 厚薄度剛好, 但內裏的炸麵已經腍了, 令人失望, 味道嘛, 是自己的傑作, 是頗滿意的. 進入時是沒有太大期望的, 也沒有失望. 不會特意再來.

眾所周知粥是易飽肚的物品，但又很快會讓你再次肚餓的東西，今天到這區覓食，在未到目的地之前，已經是餓得透頂了，經過了粥店，既是易飽又快餓的，與女友分吃一點，然後再去下一站也好。進內坐好後，發現店子真的很有街坊味，裝修、餐具及廚具也是最基本的配套，本人也吃得簡單，就來一個皮蛋魚腩粥及炸兩吧。先來的是皮蛋魚腩粥，一次過滿足了我要吃皮蛋又吃魚腩的兩個願望，用匙羹舀起粥一看，粥底確是挺綿的，加上米花爆開，吃起來還有些少米香，在今天此等街坊粥店，算是不錯，較可惜的是也是用上味精底，個人寧可吃淡一點，也不要味精；魚腩很嫩滑而保留了淡水魚的味道，另也有數塊魚片，也同是非常嫩滑，魚肉鮮美，皮蛋也有五六粒不小的，其蛋白滑口而蛋黃也是軟腍流香，以十多元一碗來說，真的是交足貨。另外的炸兩更是便宜得令人發笑，只是五元一份，雖然腸粉皮不是很薄，但絕對不能說是很厚，軟腍細滑，但又沒有粉粉的口感，加上吃得出有點米香，真的不錯，在內的油條也竟還是微脆，但熱一點會更好，加上味道不錯的麻醬及味道誇張地甜的甜醬，咁便宜還要有這個質素，都真的算很是不錯的了。吃過了埋單，也只不過是二十三元，這區的食店真的平靚正。

今日考晒試~諗住同FD一齊去食大餐輕鬆下~點知~一考完~佢就病左~算啦~~~佢都唔想~所以就得返一個人搵野食醫肚~不過都好失落下~行下行下記得有間食粥既係附近~又好耐無食過~諗住去試下~入到去都幾大既~不過D伙計就真係麻麻地啦~我最後決定叫左炸兩、蘿蔔糕同豬紅碎牛粥，最後仲要多左杯豆漿炸兩入面既油炸鬼就真係好脆，但係個腸粉皮就真係差好遠~完全衰左係個腸粉皮度~個皮太厚同凍晒~唔得~蘿蔔糕又係凍左~同埋佢真係粉多過蘿蔔~而且一夾就散~No Good~最意想不到既係佢個豬紅碎牛粥~自動幫你加粒~即係加花生~對我黎講~緊係好啦~而且佢D豬紅既鹹度岩岩好~而且真係好足料~又夠熱杯豆漿又係唔得~完全冇豆味~不過都唔期望佢整得好ga la~只係貪佢夠凍jer~不過佢個伙計就真係好差~成日都望住晒~驚你食完會拎埋佢隻碟走咁~想坐多陣都唔得~而且叫極都唔應先好野~下次入去都係諗下先~唔係好想食佢個豬紅碎牛粥都未必入去~唔係個粥~佢個味道真係2分都冇~

在豬流感的陰霾下，剛從西班牙和蘇格蘭「疫區」回港的太公竟然感冒，五一勞動節當天被上司下令放病假在家自我隔離。幸好經一整天體溫檢測兼持住有張醫療咭睇足兩次醫生，於勞動節傍晚確診為普通感冒而已。既然確診為普通感冒，當然不需再自我隔離；吃了一整天白粥咀都歪的太公，放監心切，由太公之公協助劫獄 (監獄長係太公媽)，接載太公去吃個腸粉也。劫得獄當然要遠走高飛，我們就衝出荃灣，來到長沙灣覓食。雖然只是普通感冒，但太公始終食慾有限，也只能吃粥；抬頭一督，「永隆粥品店」大名在前；既來之，則安之，也進去一碰運氣。這個運氣是碰對了；初時一看：$13碗生滾粥？以為又如荃灣的味道粥；錯了，太公要的鮮肉 (即肉片)生滾粥，粥底夠綿，肉片鮮嫩，的確是生滾；沒有那種「一入口即感喉乾舌燥」的感覺，味精也許有一點，但一定不重，是一個病人絕對接受到的程度。最好的還是腸粉，很爽也很滑；當然不能與頂尖產品相比，因為欠了米香，還得靠鼓油和醬料調味；但如此爽滑，才索價$5，已經超值有突。這等街坊小店，價錢平實，質索上佳，實在是親民到極；能於prisonbreak期間遇上這家親民超值小店，實在太美好 - 須知道，太公是次越獄的目的

有些粥, 如柴魚花生豬骨粥、豬紅粥都只係$6碗, 白粥更只係$4, 其他食物都好抵食, 每次去都有好多人, 有些人更會外賣。人太多, 阿姐有時都做到有少少炆, 而且枱抹得唔太乾淨。要了豬紅粥同齋腸, 粥都幾大碗, 有成五、六舊豬紅, 仲有幾粒花生。食完成碗粥就覺得好口渴, 應該有唔少味精腸粉唔熱, 有d失望, 因為之前食過炸両是新鮮整的, 但都食到米味, 而且幾滑~ 但我都係中意硬少少的街邊腸粉, 這裡的太軟了。剛好撘枱的人走了, 見到阿姐用她那滿佈污積的布把枱上的食物抹到地上, 再放下布, 成隻手指叉到客人碗粥裡要食這些街坊店都是要什麼也不看, 眼不見為乾淨才可~ 難怪有這麼多人外賣~

1.地方整潔....唔會似舊式粥舖果D up dup感覺....而且冷氣好夠....點解我會重視冷氣...因為粥始終熱騰騰...冷氣足..唔會食到汗淋淋2.腸粉抵讚.....滑dodo...料足....而且即叫即蒸...新先滾熱辣...D腸粉皮似乎係自己磨漿整..好滑..同出邊食果D質感唔同...我叫左滑牛腸同魚腩粥...粥就夠棉滑...唔似米碎粥...*人真多*當然係人太多...估唔到粥舖都要等位....服.......