Video
2-min walk from Exit A, To Kwa Wan Station
continue reading
Telephone
27121452
Opening Hours
Today
08:00 - 20:00
Mon - Sun
08:00 - 20:00
Above information is for reference only. Please check details with the restaurant.
那段年月有多好？舊時嘅香港好，係因為人情味。位於土瓜灣嘅永香冰室喺1959年開業，保留咗唔少當年嘅設計同裝飾，好似係紙皮石牆身、地磚、掛喺天花板嘅大風扇、市政局發出嘅「有牌照食物館」牌照等等，入到嚟就好似穿越時空，加上老闆嘅笑容同問候，增添唔少復古都帶唔到俾你嘅人情味。永香冰室嘅食物選擇唔多，但冰室應該有嘅，佢都有，當然唔少得叫份西多士啦！永香冰室嘅西多士即叫即炸，炸得非常香脆，上面放有糖漿同鮮牛油，比例啱啱好，非常香甜。火腿嘅份量雖然唔係好多，但永香冰室嘅奄列絕對夠驚喜！因為蛋嘅生熟度啱啱好，一切開奄列，就會流出蛋汁，蛋味香濃，可以加少少鹽吊味，就更加惹味。永香冰室嘅餐蛋麵價錢只係$2x，而家真係好難搵得到。餐肉仲要係厚切，煎得香口。但最令我哋滿意嘅係公仔麵呀！人人都識煮公仔麵，但永香冰室嘅老闆煮咗50多年公仔麵，駕輕就熟，麵底軟硬度適中，帶有麻油香味，好好味。呢碗鮮牛肉通嘅份量唔少，仲係我最鍾意嘅無紋通粉！但略嫌湯底比較淡，我哋就覺得麻麻地啦。
continue reading
🐷📌 #豬西食九龍#豬西食九龍呢間永香冰室就係一間有好耐歷史嘅香港茶餐廳，成間餐廳都係好懷舊嘅感覺，老闆都幾好傾，啲嘢食幾抵食啲味道都幾正常～ 重點係啲嘢全部都好平，一碗麵講緊係$30都唔使，不過未算超級好食，純粹食個情懷。🐷西多士西多士唔錯 $20黎講幾ok 份量唔太多，因為冇整到好厚 但係味道都OK🐷凍檸茶凍檸茶唔會太甜～正正常常咁樣🐷菠蘿油菠蘿油味道都係正常咁樣樣啦 不過唔貴 坐喺度食吓嘢 都幾唔錯永香冰室📍土瓜灣炮仗街29號#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk #九龍 #九龍好去處 #九龍美食
continue reading
follow@wojengyea/@wo!正嘢 for more food info🐒 支持我哋發掘更多美食 😋好多時做嘢經過呢間舊冰室，終於有機會可以試一試。今日唔係太肚餓，所以簡單叫咗碗牛肉米粉🥩🍜。湯有少少d d鹹，牛肉足料有牛肉味，食落似打邊爐果隻手牛肉有咬口，但晤係一片片，牙力🦷 晤好可能會覺得靭。米粉浸得唔夠耐，未完全散開有啲一嚿嚿但我覺得還可接受。食食吓發覺碗嘢有5隻蟻🐜🐜🐜🐜🐜。本身諗住試埋杯茶，最後都係算（費事杯嘢又有surprise🎁）餐廳氛圍我酷愛懷舊冰室，試過多間舊式茶記，覺得大部份老闆都好有人情味，願意同食客交流傾吓偈，將茶餐廳嘅歷史傳承落去。但呢一間嘅老闆們比較有性格，感覺唔一樣，令人不會有回頭的感覺，可惜可惜。🥀
continue reading
今日喺土瓜灣行行吓，行到久別重逢的舊式冰室。雖然唔肚餓，都要入去飲杯熱奶茶！ 我又叫份芝蛋治，超乎我想，普通一份三文治，竟然幫我烘底，仲要分四份，實在非常細心💖！！奶茶都過得去，不過不失，茶味濃啲會更好！
continue reading
睇到咁多喊面，本身都不帶任何期望，只係想去啲舊冰室懷舊下。******************************我星期日兩點半去到得一枱客。兩個婆婆同一個叔叔做樓面，應該都係一家人。我地影左幾張相，婆婆塊面即刻黑晒係咁避，我同佢講「唔好意思，我唔會影到你」，婆婆先無咁黑面😂。而叔叔就好好招呼有禮貌。******************************叫咗西多士，牛肉麵同奶油多都超級好食，係好食茶記嘅水準。鮮牛肉真係鮮牛肉，一啲梳打粉都無，重落左少少辣油！奶油多好鬆化！西多重油糖好正！！不過奶茶嗰啲真係差差哋，大家樂麥記水準咁😅埋單$100 ，叔叔應該收平咗幾蚊，真係一個食歷史同人情味嘅地方
continue reading