汀汀烤活魚 (Closed)

一路都係雞煲怪、buffet精嘅我，好耐無食雞煲，奈何湊仔真係好難去食...早2日同屋企人傾開話好想好想食雞煲，佢地就放我地兩公婆一日假，幫我地湊～～yeah!!!即刻search邊度食，搵到旺角呢間汀汀活烤魚，仲要book到位~~旺角呢間汀汀活烤魚係百寶利，好多人去買波鞋，所以我估無咩人為意呢度有有雞煲食。平日唔算多人，walk-in 都應該無問題~餐廳除咗有雞煲，仲有魚鍋同桑拿海鮮～2個人，又為雞煲而來，所以揀個最貴嘅雞煲 - 羔蟹雞煲!!揀好羔蟹雞煲後再選擇配料，火鍋配料選擇很多，但我地得2個人，盡量揀Ｄ自己想食嘅～汀汀活烤魚會寫明份量，無論人多人少都容易預數，唔會浪費。羔蟹雞煲滿滿的一煲，羔蟹大得差不多有1／４！上枱後有員工來幫助炒，不用動手。羔蟹蓋的羔跟雞煲添混在一起，羔嘅份量算多，食食下諗住夾舊雞，但夾咗蟹羔。雞肉嫩滑，盡吸辣香～我地由小辣食起，我地食得唔夠喉，就再叫店員加辣。以為同枱上嘅辣椒油一樣？唔係！有調過味嘅，有麻辣香！羔蟹雞煲食得一半時，其他配料亦已上枱。鬼馬雙拼(12件)其實2個人食一碟真係有Ｄ飽，但墨魚膠及蝦膠都想試，就叫少D其他野吧！用油炸鬼包暮著墨魚膠或蝦

我一向都係一個無辣不歡既人鍾意食辣既人黎到呢應該好開心因為可以揀酸辣、香辣、麻辣或者唔辣咁我地2個人就叫左烤桂花魚係可以一魚兩食其中一食就係呢個烤左既辣魚一上檯既時候都嚇親好大碟呀 ><條魚都好大條加上勁多香辣、辣椒油等等我叫既係香辣小辣本來以為會好辣但係食落去係香而唔係辣店員都好貼心驚我地一叫叫太辣所以就叫我地試下小辣先唔夠辣仲可以再加辣上檯之後店員幫我地用d辣湯底淋上條魚度等條魚吸收多d辣味先食條魚烤完之後再放落湯度所以條魚仲保有肉汁和鮮味唔會比湯泡到好軟咁就可以食左一魚兩食的另一款>>魚腩這個魚腩很薄切看色澤也覺得新鮮放進湯底內煮一會便很快熟，不用煮太久吃上去也很新鮮沒有腥味見到個名叫鬼馬雙併好似好得意咁又唔知係咩就決定試下新野啦~原來係用油炸鬼釀墨魚滑和蝦滑只有12件~2個人其實食條魚再加呢個已經夠飽因為一開始唔知道咁大舊結果都食唔晒~呢個鬼馬雙併好香口炸到脆卜卜點泰式辣醬好match墨魚都幾彈牙如果唔想食咁熱氣又可以將佢放入去個湯底當打邊爐咁食又得好有創意呀~不過我覺得就咁食好味過放入湯底食最後食埋個冰鎮菠蘿當甜品就岩岩好~我見到人地食雞煲都好

去得汀汀烤活魚，唔係唔食魚呀？我去之前都係咁諗，但到埗後改變左主意。當晚7pm 去到，場內冇咩人。地方算係企企理理，幾乾淨。原來逢星期二，佢地會有啲煲全日半價！ 平時星期一至四10pm後，同樣會有半價，抵好多呀😱 蠢左蠢左。由一開始就決意黎食魚既我，見到個餐牌後，改變左主意。羔蟹雞煲！ 多麼誘人啊～ 就決定食你啦！雞煲有3種口味選擇：麻辣、香辣、蒜香。辣度有4個選擇：大、中、小、微。麻辣似乎最經典，所以梗係麻麻佢！由於我唔嚐辣，所以淨係叫左微辣。個煲上到黎會由職員幫我地炒炒先。之後就食得啦！真係好吸引呀～我覺得微辣真係叫得冇錯，因為辣得黎又食得好舒服，完全唔會辛苦、流汗、流鼻水等等。適合同我一樣鍾意辣辣地，又唔係嗜辣，想輕輕鬆鬆咁袋既話，微辣岩晒你！ （但係對於唔食辣既人黎講，應該頂唔順架喇）我覺得相對於係譚仔三哥既四／五小辣咁啦！叫得羔蟹，又真係好多膏，仲大大舊，滿足晒蟹膏愛好者啊～不過食蟹真係有少少狼狽，同埋要好小心食，慎防有殻碎！如果唔係好易食到損。建議同唔係好熟既人食飯就唔好叫呢個喇，會冇晒儀態架😂雞黎講呢，都幾多同多肉，唔係俾晒啲骨黎咁。雖然稱唔上嫩，但唔係鞋既。一雞兩味，食

我男朋友情迷佢嘅雞煲，我就情迷佢嘅魚煲，同男朋友睇完戲，未肚餓都話要買定一煲返屋企夜啲食，真係唔肥有鬼咯夜媽媽懶得攪一大壇野慢慢烚喇，整佢一獲熟算喇自取「汀汀烤活魚」外賣【香辣雞煲中辣】 香辣惹味【大安格斯肥牛】 牛味濃郁【新鮮大聖子皇】 鮮甜無比我欣賞佢個雞煲真係有好多雞，我估應該係新鮮雞添，因為隻雞翼尖仲有條毛我自問食無數咁多間雞煲，好多時都唔知自己食緊乜野怪雞，有啲食嚟食去都係得雞頸，有啲又唔知點解內臟多過肉，有啲以為自己食緊雞骨煲添...呢間俾我感覺佢真係一隻雞，係一隻正常嘅雞

之前已經食過覺得吾錯，所以朋友話想食田雞配雞煲係旺角，絕對好自然我地2個就黎到這裡，好彩我地早少少打黎訂位，黎到的時候已經滿了，今次我地2個人黎而朋友又鐘意食炸野，所以我地叫左個雙雞煲和3款小食，當然飲品不可少啦，結帳原來完全吾貴喎….每人$200就食飽飽走人。雙雞煲$198：今次叫左小辣，黎到都係勁多蕃茜，要煲煲之後待應再搞一搞才食用。這個煲有半隻雞和田雞，份量都吾少仲有洋䓤之類，食落去因為小辣關係吾太辣有股雞香，雞肉都嫩滑而入味，但反而田雞份量不太多，可能因為田雞細隻吧，但味道幾特別（加上辣）而且十分有口感添。臨都尾仲叫左個菜，新鮮而份量剛好2人吾太多，吸晒辣湯而吾太油，味道整體不錯。黃金蝦餅$48：黃金蝦餅都係我最愛，因為之前食過，份量大約一大片再切條，熱呼呼要等一等才可以食，勁新鮮。一咬落去蝦餅多蝦肉而彈口，加上酸辣醬十分好味，味道絕對保持到不錯。椒鹽系列…..椒鹽魷魚鬚$48和椒鹽雞翼$58：椒鹽味香而偏辣，用了不少炸茸（類似），食落去好香口又野味，雞翼偏乾左少少，魷魚炸得好香口而吾油。飲品…我地叫左綠茶和烏龍茶，消消辣之餘又解渴…而且這裡其實仲有涼茶和啤酒添。

今日又係我和爸爸的約會，因為爸爸鐘意食魚的原因，我地睇完戲就去左汀汀食烤魚，黎到門口已經見到新鮮海鮮已覺十分吸引，而我地因為大約6點半入座所以人吾太多，不用等位就可以入去。我地為着烤魚而來，當然食烤魚啦，但因爸爸不吃辣的原因，所以今次選擇了蕃茄蘿仔桂花魚和一些打邊爐食品，2個人食左大約2小時結帳，每人$270食到新鮮食材都幾抵食。烤桂花魚$338：黎到好大條魚喎，原來都有斤半十分有分量，平時食得辣烤魚多，今次食到咁清希望都不錯，點知原來係喜出望外咁好味～！因為有蕃茄薯仔原因吧..一路慢火煮加上魚，最後湯變得鮮甜而香，之後加都不是水而是清湯，所以之後打邊爐的材料吸晒精華十分好味道。桂花魚夠滑而吾會因為煮長時間而變爛，骨不太多，啖啖肉。材料當然有不少蕃茄和切片薯仔，原來配料仲有豬皮，蘿蔔…竟然仲有2大舊魚春添..之後我地叫左打邊爐配料….鮮准山$26：份量不少，但吾知點解食落同平時不同，少了種黏的感覺。皇帝菜$38：是我和爸爸最愛，份量不少同新鮮乾淨。仲然不少得響鈴$24：吾油之餘又保持到脆口，味道不錯。最後是我勁喜芡的自家制鮮蝦雲吞$40：粒粒大大粒又多料，入面蝦又新鮮又有豬肉香，每次黎

旺角係我哋地頭，媽咪又好鍾意食辣烤魚，行完街見到你好呢度有汀汀烤魚，所以就上咗嚟食～睇餐牌見到有兩款魚，一個係招牌烤鉗魚$248少骨d，同另外一個係烤桂花魚$338，因為媽咪鍾意食桂花魚多啲，所以我哋最後就揀咗桂花魚～ 條魚送到上嚟好大條，好多肉，同埋因為佢啲骨嘅算大，大得來嘅所以好容易分得開，成條魚都唔算好多骨；個湯底都已經有好多配菜有豬皮/青瓜/芽菜/豆卜/芫茜等，所以都唔使特別再叫～ 條魚質素好好，好新鮮，肉質好滑無乜骨，咁個價錢其實非常之抵！！跟住再叫多少少配料，因為媽咪好鍾意食蝦，見到呢度個價錢算抵，$78有七支大蝦，仲要係非常新鮮生猛！！送到過嚟d蝦仲喺度郁緊，果然係名副其實新鮮生猛到「生蝦咁跳」！！之後叫咗啲配菜，呢度幾好可以叫半份，價錢又平，變咗兩個人食都可以叫好多種類，分量又啱啱好～ 好似芋絲/粟米/豆卜/腐竹等都係＄15，跟住我鍾意食嘅皇帝菜＄38一盤，都係好新鮮！！總括：價錢非常之抵，材料新鮮好味，值得推介！！ 會再嚟～

放工約左三位舊同事食飯，4個人最好就係食雞煲喇~~經過旺角見這間有雞煲，所以就選了這間。餐廳有點迫，但接受到。由於我地唔太好食魚，我地一致想試羔蟹雞煲！！未食過呢個配搭配！！叫左ＢＢ辣。羔蟹雞煲好多雞同蟹，一人都分到幾舊，好足料，同埋真係好惹味！雞肉好嫩滑食物方面，叫左我鬼馬蝦滑～幾得意！其實油炸鬼釀蝦滑，出奇地夾！外脆內軟肥牛－油花比例好好,有牛味，大小差不多生菜－食番Ｄ菜感覺健康Ｄ！極黑豚肉－賣相非常靚～有肉味唔鞋口蜂巢豆腐－必叫之選，吸收晒d湯底精華，我就好中意～食左好多件嚮鈴－又係必食！但呢款有Ｄ　失望，有Ｄ硬，唔同平時脆口雲吞－驚喜！好薄皮而且好大隻沒有蝦的～蝦爽口美國桶蠔－好大隻！！而且唔會縮水，正呀！食到好飽，其實無食麵ＧＥ情況下都可以好飽，証明真係好有份量同好抵食！

約返兩個舊同事一齊食飯 約返個中間點 係旺角打返個邊爐係就係天時暑熱  不過一路標住汗食雞煲其實唔錯今次簡左舖頭個招牌雞煲黎食其實佢唔係雞煲咁單調   佢仲有隻蟹 --- 羔蟹雞煲一放上店都已經WOW左聲  樓面師傅仲會係你面前幫你炒多炒個煲我地叫左微辣  其實佢仲有少少麻辣  不過咁唔食得辣既我都食倒  可以放心雞肉一D都唔"鞋"口, 入哂味蟹就真係不得了  隻蟹真係勁多羔!!鬼馬隻併  呢碟樓面個師傅話可以兩食  可以就咁熱辣辣脆口咁食  都可以放一放落雞煲  索一索D雞煲汁去食  係幾特別當然打得邊爐 一定會叫到既 墨丸 雲吞  雪花肥牛  我地都有叫到喇!最正都係個雪花肥牛    佢D油花勁靚 每塊一D都唔薄  貨真價實桶蠔係朋友REQUEST   之前食過有D桶蠔    放完落煲一陣可以縮到一半咁大但係今晚食個碟又完全冇呢個問題WOR   一D都唔腥  好鮮!計埋野飲  每人AVG 200幾蚊呢個價有蟹有雞食  仲想點先!都係個句  冬天再黎食  應該會更多暖胃!!  (快D冬天喇)

假日晚上，我們都嚷著肚子餓，於是便到附近的汀汀烤活魚 試試，想不到除了烤魚外，還有雞煲一樣棒。先來一點小食，蒜泥白肉（$42）賣相精美別緻，白肉卷著青瓜，還蓋上厚厚的蒜蓉，多邪惡！ 黃金蝦餅（$48）是店內推介的，煎至金黃色外脆內軟，彈牙可口。 椒鹽一口豆腐（$42）香脆可口，豆腐嫩滑，味道惹味。主角來了，點了烤桂花魚（$338），選了酸菜湯底，窩內有芽菜，豆卜、酸菜、芫茜等，湯頭夠鮮味。 烤桂花魚先炸過後才放入窩子，因此吃上來外層香脆美味，肉質嫩滑無比，魚的size還很大呢！再來一個招牌雞煲（$148），選了麻中辣，雞煲蓋上很多我最喜愛的芫茜，麻香味道且不會太辣，雞件一切成一口一件，方便入口，肉質嫩滑，吸嫩了濃郁的雞汁份外好吃！ 自家水餃（$40）一份有8隻，鮮肉的香味加上皮薄，一口一隻，很好吃！ 海鮮墨魚球（$28）鮮味彈牙，是必點推介！ 紅薯粉（$22）粉條爽滑煙韌，吸收了雞汁超級美味。炸魚皮（$26）香脆美味，沾上雞煲的雞汁超級美味。 油麥菜、皇帝菜（$38）最後來個冰鎮菠蘿（$33），鮮甜爽口的菠蘿冰涼可口，吃完雞煲魚煲再吃這個，簡直是完全的晚餐。值得一讚，店員服務很好，會主

今日食左間好正既雞煲，係旺角既樓上鋪黎既~冷氣夠，所以天時暑熱食雞煲絕對無問題！雞煲絕不時冬天既專利呢我地叫左個招牌雞，雖然叫左小麻辣~但啲雞都勁入味份量又夠哂多，味道慢慢麻出黎，好過癮，仲有配菜，芫茜，洋葱好惹味，之後加燙打邊爐，首先有肥牛色澤靚，碌一碌好快食得`口感一流，勁有牛味，墨魚丸又Q彈又冇雪氣味，實在少見配埋湯底一絕！叫多二個小食黎送酒，椒鹽一口豆腐外脆內軟，蒜香味濃郁麻辣豬耳比較辣，勁有咬口，亦非常好味，店員既態度好自動自覺會換碟同加茶！價錢相宜夠抵食值得再回頭呢

之前開飯排行榜內其中一間榜上有名的食店。 才疏學淺的我, 光看名字, 以為食店是將活生生的魚, 用滾油\滾湯淋熟來食的變態殘忍菜式。 看過食評後才晃然大悟, 其實是用新鮮魚來做食材。雞煲, 蒸氣鍋食得多, 用烤魚來打邊爐還是第一次。 跟愛吃魚的朋友到旺角分店, 平日晚上七點到達, 時間尚早, 食客不多不用等。食店入口處有個大魚缸, 內裡的游水魚就是等下我們的晚餐嗎?原來食店除了供應魚鍋, 還有雞煲和羊腩煲選擇。 既然店名叫烤活魚, 還是叫上魚鍋應該較貼題和合味吧。魚鍋共有四款魚選擇: 沙巴龍躉, 桂花魚, 魽魚和多寶魚。湯底和辣度亦設有多個級別。魽魚與龍躉都是店員推介, 最後三人點上烤沙巴龍躉(小) $278, 而湯底選擇了香辣的微辣。開頭有點猶豫辣食, 自問不算太吃得辣, 不過朋友們說魚鍋要辣食才滋味, 加上店員說可以再減減辣給我們, 豁出去一試吧!選擇好魚鍋後, 到選擇配料, 火鍋配料選擇都很多。魚鍋用長方型盤盛載, 有別於平常用的圓煲。魚是原條上, 微微煎過, 面頭鋪滿了辣椒, 湯內有蒜頭, 芫荽, 薑和青瓜等, 令湯的味道更加香濃。 湯煮滾後再淋到魚肉上。魚是即叫即劏, 魚肉很

見汀汀烤活魚在旺角有新開分店, 米決定帶家人來食.地方雖少,但簡潔乾淨.**首先點小食開胃先 【辣酒煮花螺】花螺肉質爽脆彈牙,並完全吸收辣汁,惹味非常.**為媽媽而點 【韓國象拔蚌】 (刺身) 象拔色澤不錯,白珍珠顏色,入口肉質鮮甜彈牙, 口感爽脆有嚼勁帶鮮甜味.**【烤桂花魚】選麻辣湯底小辣一上台香噴噴,桂花魚外焦裡嫩,肉質嫩滑鮮甜,有陣陣香濃孜然麻辣,非常開胃惹味,而配料有芫茜及蔥,另有可吸附麻辣湯汁的蘿白､豬皮､豆腐扑等,十分好食,而湯汁不是太辣,如湯汁再濃一點更好呢!當然食完魚後,接著加湯打邊爐.打邊爐怎可沒牛呢!** 【特級安格斯肥牛】(小) 肥牛油花豐富,只要輕輕灼灼, 入口特肥嫩,牛味十足.**除了肥牛外,仲點其也配料Q彈牙的紅薯粉､滑身的庭烏冬､香脆炸魚皮､新鮮的野菌拼盤(金菇､秀珍菇､ 栗米､ 鮮冬菇)可以食不同款菌類.

細佬突然提議食烤活魚，想起已經很久沒有食過，所以就去了新開在百寶利的汀汀開飯。來汀汀當然是食烤魚，烤桂花魚 (一魚兩食)是新的，雖然$360有點貴，不過以為沒有試過，貴一點就貴一點。因為是兩食，所以另外有一碟桂花魚片，魚片多肉又無骨，最適合我這種'懶人'。魚肉很滑，配上少辣醬汁和香料，真的很好食。只有一條魚當然不夠吃，所以另外加了韭菜餃、響鈴和蔬菜拼盤，每碟大概$30左右。韭菜餃餡料很多，皮很滑。蔬菜拼盤種類很多，菇都有兩種，而且蔬菜亦夠新鮮不錯。響鈴很脆可惜比較油膩。另外店員推薦了花甲皇$88，說很新鮮，所以亦點了。花甲SIZE頗大，而且很鮮甜，一點沙都沒有。果然沒有騙人。食物新鮮有品質，店員招呼亦須周到。兩個人吃得有飽很滿足!

放工會合Ta姐出旺角食汀汀活烤魚, 我們order了野菌湯底烤魽魚, 另外還有野菌拼盤, 田園拼盤、肥牛和黑豚肉, 魽魚肉質鮮甜, 口感豐富,野菌湯底清甜, 唯獨是提供的辣醬真的很辣, 野菌拼盤內有金菇, 秀珍菇、粟米和鮮冬菇, 金菇和秀珍菇新鮮, 粟米清甜和鮮冬菇配上湯底好入味；田園拼盤有蘿蔔, 冬瓜、蓮藕和薯仔, 蘿蔔鮮甜, 冬瓜消暑開胃、蓮藕和薯仔切得薄薄,配上湯底好入味好濃；肥牛好香油花, 入口即熔, 而黑豚肉肉質均等, 食落好入味, 美味, 整體食物新鮮美味, 唯獨份量比較少而價錢有少少貴。