波仔記車仔麵

Open Now

Now Closed

回想起第一次已經十多年前的事，那時沒有四面牆圍起的店而是大空地每人間一個空間而已。 隨著時間變呀變現在已經在角落有一個正式的舖位還是賣著車仔麵。熟食中心只有2間賣車仔麵，但另一間非常多人排隊頂著走路地方，天氣熱不想等還是來了波仔記。那是否波仔記沒有？當然不是，只是波仔記是坐下落單的九記是先排隊買麵。 來到波仔記時也是滿滿的人。四餸需要28$ 款式不算多但可選撈麵或湯麵，遺憾沒有河粉唯有改叫組撈配上不同小餸，另外的要了湯米。雞翼:雞翼入了味很間而且也幾大隻豬腸:雖然沒有去走入面肥油但也是鹵香得來入味搭夠而且份量也不少蘿蔔:季節問題非最好但功夫略覺下得不夠，有渣還苦味魚餅:本來為其他誰知道是鯪魚餅，個人本身不好因怕腥但這卻沒有問題，且魚味香得來外邊脆身都煎得香口牛筋腩:非常嫩滑而且非常入味証明加工時間足夠落了功夫但份量少得可怕得別是牛筋竟然得一小舊....以味論味勝過很多街外店，但論環境就相信好多人不習慣因為始終要搭台而且多人嘈雜也幾擠迫，不過反過來看也正正這幾點才是車仔麵風味~~可惜香港現在沒有推車仔放街了

成日都會上熟食中心食呢間因為好味有黎過呢到既人都知只係波仔記同九記有車仔面食九記排晒隊而波仔記座無虛席但大家見九記排晒隊就會去九記食我都帶過人上去食晒2間大家一致話波仔記好味好多其實不如我講下呢2間店既行銷手法九記排隊係因為你想叫野食就係排佢條隊叫野食,再自己搵位而波仔記D客係走一個黎一個,就算下午2:30,過晒LUNCH又未到3點3,都好多人黎食,永遠冇吉位咁個個客坐底就可山以慢慢剔要D咩食物平心而論,兩間一樣咁多人食,只不過係九記要排隊姐同我見好多人食完坐係到成粒鐘有D就係家長帶小朋友去補習班/興趣班但未夠鐘就係到坐坐坐好啦,入食評波仔記有得比你自己慢慢剔食咩,再交俾WAITER而九記就限死你排隊兼要食3樣餸起,排到你就冇時間慢慢諗,因為後面班人會好不滿你,而D WAITER又係會...(自己想像)你,真係食野都食得唔安樂我好偏食我都係食D街邊小食做餸比較多,姐係魚蛋果D佢個湯底真係有心機去整你係出面見到果D湯底只係水黎波仔記就唔同啦而面都好好味,不論你食乾撈/有湯既面都一樣咁好味今次我點咗魚蛋、芝士腸、蘿蔔、油面(湯)好好味!!!魚蛋比起小食檔果d面粉魚蛋好得多芝士彩仲脆過自己整

成日都會上熟食中心食呢間因為好味有黎過呢到既人都知只係波仔記同九記有車仔面食九記排晒隊而波仔記座無虛席但大家見九記排晒隊就會去九記食我都帶過人上去食晒2間大家一致話波仔記好味好多其實不如我講下呢2間店既行銷手法九記排隊係因為你想叫野食就係排佢條隊叫野食,再自己搵位而波仔記D客係走一個黎一個,就算下午2:30,過晒LUNCH又未到3點3,都好多人黎食,永遠冇吉位咁個個客坐底就可山以慢慢剔要D咩食物平心而論,兩間一樣咁多人食,只不過係九記要排隊姐同我見好多人食完坐係到成粒鐘有D就係家長帶小朋友去補習班/興趣班但未夠鐘就係到坐坐坐好啦,入食評波仔記有得比你自己慢慢剔食咩,再交俾WAITER而九記就限死你排隊兼要食3樣餸起,排到你就冇時間慢慢諗,因為後面班人會好不滿你,而D WAITER又係會...(自己想像)你,真係食野都食得唔安樂我好偏食我都係食D街邊小食做餸比較多,姐係魚蛋果D佢個湯底真係有心機去整你係出面見到果D湯底只係水黎波仔記就唔同啦而面都好好味,不論你食乾撈/有湯既面都一樣咁好味我仲留意到好多食乾撈而加講講下都想去食

早了出門，早了一點到達公司。就不如行去旁邊的街市安安定定食個麵才回公司安安定定的開始工作。早上的鵝頸街市，人流絕對不比中午同晚上的少，有不少的打工一族，都係開工前上黎食返個平靚正的早餐才開始新的一個工作天。是日，我就選擇行入少少的波仔記。這一家早上開的店，實際來說，是一間車仔麵店。看了兩看其menu，發現到他們的牛腩也應該幾殺食下，於是我，一大清早，食返個牛腩麵先返工。牛腩，一看就是車仔麵檔常見的碎牛腩，雖然是碎但食落非常之入味，是正宗的柱候牛腩。有人喜歡瘦，有人要求掛齒的口感，有人喜歡清湯的原味，仲有人喜歡帶點肥同有牛筋。而這個牛腩就能滿足最後列出的一批牛腩愛好者，原因是夠肥、多筋，而且炆得夠腍，若是筋腩不夠腍，想咬開它，是一件不容易的事。牛腩是好，但麵條就比較一般，食菅感覺鞋了一點，沒有廣東式麵條應有的爽。不錯的一個牛腩，但麵條就有少許保留。同埋對於怕肥的人士，我就不推介了。

剛剛的星期五下午才上班, 於是順道去鵝頸街市覓食, 本人很少在午市時段過來, 難得今天到來就決定到波仔記吃車仔麵, 因為很久都沒吃過車仔麵了! 大慨中午12 時半左右吧, 整個熟食中心已經滿是人了. 不過這裡還有一些位剩就坐下了.價錢算是平民化, 一餸一麵$16 起, 熱飲加$5 / 凍飲加$6.種類並不是太多, 但勝在都有我喜歡的. 點了蘿蔔, 豬大腸, 牛根腩及魚蛋配油麵, 每吃車仔麵我大多數都是點油麵的, 因為喜歡它夠咬口夠爽. 另外再加了杯熱飲, 當然也要點熱奶苶嘗一嘗啦. 個人其實比較喜歡車仔麵配搭枝裝汽水, 但今天天氣實在有點冷, 所以還是點了熱飲呢飲茶不消一會就送到了, 用上了瓷杯, 看樣子應該不錯的. 茶味是夠點, 喝後舌頭有一點"鞋", 屬一般.好喜歡它的湯底, 很清甜又濃味; 魚蛋很大粒兼彈牙, 但就缺了點魚味, 豬大腸十分肥美夠腍, 牛根腩很入味又夠腍身, 只嫌瘦肉部份有點"鞋"而已, 蘿蔔十分甜, 好正! 油麵則煮的太腍了, 如果爽一點就完美了!這裡的車仔麵的餸份量算是多, 吃完十分飽肚, 十分抵吃. 最喜歡這裡的湯底跟蘿蔔, 正!

一路都有幫趁呢間車仔麵,次次食都好多人!特別在有得揀撈麵同湯麵,當然,撈麵好味o的今次就打包左餸返屋企夜晚食,叫左:豬紅都係咁滑,雖然縮左水魷魚縮左水,但都好味豬皮索曬o的湯,正!蘿蔔都係入曬味堂食就新鮮o的,但始終都比較多人一定會再幫趁!!!

在上述的食評也提到，在隔店吃了非常麻麻的湯飯，也在此店點一個車仔麵，始終天時暑熱，吃麵也是較易入口的。今回點了一個三餸的車仔麵，分別是蘿蔔、魚餅及牛根腩，麵要了油麵，也是例牌先喝一口湯，沒甚特別，只是普通車仔麵的湯底，但是多了一份腩汁的味道，麵也是普通不過的油麵，滑口軟腍，牛根腩鹵得入味，可是相信其用的鹵水也不是什麼靚貨，完全不香，幸好也一點八角的香味，而且牛根腩根的位置軟腍滑滑的，好吃，但是瘦肉的部份較嚡。另外的蘿蔔及魚餅又如何，蘿蔔夠腍，而且無渣及清甜，恨不得有多數塊吃呢，至於魚餅是先煎過的，魚肉不算很彈牙，但有嚼勁，而且滿有鯪魚香，這個真的好味。吃畢碗麵及之前的冬瓜粒飯，已經不再想吃東西了，真是非常罕見，但喝杯咖啡就絕對有興趣。

自從上次自己食過一次勁難食的車仔麵對車仔麵都有D戒心但係，今日女友話想食呢度的車仔麵，既然佢介紹，又咁想食，我就畀車仔麵一個機會啦成1點幾去到，勁多人，搭枱都無所謂，最緊要有得食~坐低，連價錢都未睇就叫野食女友好快手就寫好，我地兩個都係要了3餸撈米線車仔麵餸有: 女友: 魷魚，雞腳同埋蘿蔔我: 魚餅，大腸，牛根腩另外我地仲要多了一碟蝦米腸所有野都熱辣辣好快上，果然係大排檔風格其實車仔麵的汁當然重要但係D餸都唔可以太差，佢D魷魚唔係用D乜野汁整到好濃味，感覺只是一般反而我鍾意佢的豬大腸同埋魚餅夠味，又同D米線好夾同埋佢撈麵的style都幾特別，唔駛飲咁多湯汁加大的奶茶亦係體現小店比起連鎖的食店更了解食客的需要

13/8(三) 12:30nn不久的將來重投勞動大軍之列,因此,拜會獵頭公司總是免不了的.會晤過後,於銅鑼灣的鵝頸街市果腹.過度連環食周後,腸胃是時間把重型食物暫排斥在外.重訪熟食中心的獨市粥店,"波仔記".環觀四周,食客全屬車仔麵擁護者,只有我等異族吃著皮蛋瘦肉粥$11及腸粉$6.皮蛋瘦肉粥--粥底跟皮蛋瘦肉各自弄熟,再撈在一起,味道互不相干!食材真味不足;沒味精的洗禮或是其僅有的長處!腸粉--腸粉質地稍微粗糙,米味輕薄,入口尚富彈度;遺憾是三色醬中缺少麻醬,再了不起的齋腸也變得不成氣候!雞肋午餐!

正所謂好味抵食嘅野食係值得回味, 所以師傅就算經過尋日身水身汗一役之後, 今日依然決定再戰, 皆因有d掛住呢間食店! 入到去一坐底, 師傅決定柯打未食過嘅野, 於是要左一麵三餸車仔麵, 有魷魚鬚, 魚蛋同埋豬腸配幼麵再加多一碟腸粉, 同埋一樽大可樂!等左一陣, 成碗熱辣辣嘅車仔麵就擺喺師傅面前, 湯底維持水準, 好味但又冇味精, 可以呀; 再試下個魷魚鬚, 魷魚鬚份量幾多, 好大條好爽口, 幾好味; 魚蛋就有四粒, 並唔算特別彈牙, 但就有幾多碎骨, 師傅可以好肯定唔會再叫; 豬腸夠腍身, 好有口感, 好好味; 而幼麵都煮得幾好, 唔會太腍, 配埋個湯底, 都幾好味; 至於腸粉都幾滑身, 份量又唔少, 都得噃! 值得一提係呢度嘅辣手醬都幾好味, 夠香夠辣, 加分!總括黎講車仔麵嘅質素都幾好, 而腸粉質素都唔差, 今日再戰都依然係食到身水身汗, 不過只要係好味, 辛苦一餐半餐又算得咩, 所以一定會仲有下次!

師傅今日一條友又再黎呢度個熟食中心度食晏, 之前試左兩間係食飯嘅, 於是今日決定試間食麵, 所以就揀左呢間車仔麵!行到埋去, 等左一陣先有伙計招呼坐底, 不過其實冇招呼都預左架喇, 坐底就睇下食咩好啦, 原來呢度除左有車仔麵之外仲有粥同腸粉, 不過師傅最後都係決定食車仔麵! 於是攞左張紙黎劃, 呢度有六款麵揀, 有粗麵, 幼麵, 油麵, 米粉, 米線同埋河粉, 而餸嘅選擇就比較少, 但就一般車仔麵要有嘅餸呢度都有, 有魚餅, 齋, 豬紅, 豬皮, 蘿蔔, 魚蛋, 冬菇, 牛筋腩, 鯪魚球, 魚皮餃, 魷魚鬚, 雞腳, 雞中翼同豬腸, 仲有菜心, 芥蘭, 通菜同生菜!而師傅就要左一個一麵四餸, 有豬皮, 豬紅, 豬腸同埋牛筋腩配米粉, 再要多一杯凍檸茶! 唔使等好耐就有得食, 維持番師傅一貫嘅宗旨, 先試下個湯底, 湯底幾好味但又唔多覺有味精, 飲左兩啖湯後都覺得幾醒胃, 可以呀; 再試下豬皮, 豬皮就比較參切, 有d都幾爽口, 有d都幾腍口, 普通d; 豬紅都幾大舊, 幾滑身, 口感幾好, 得喎; 豬腸夠腍身, 好有口感, 好好味; 牛筋腩係筋多少腩, 牛筋都幾腍幾好味, 而腩就幾碎下

ｄ齋較油，魷魚好重（簡水）味ｄ勞面冇咩汁好好咸個碗太細令人食面有ｄ困難，好易正左ｄ面出黎蘿蔔有渣ｄ菜都幾嫩魚餅吾香口，入口好軟，冇口感但大大碗都幾抵食但服務不太好，ｄ伙計好黑面同拎會面比我個陣好大力正落張枱

我時常都會去波仔記,因為實在太好味喇!everytime一定要魷魚,蘿蔔,芥蘭,魚餅撈粗+奶茶,d抄米粉都唔錯..

週六中午係度食lunch，食0左尋一個3麵。有冬菇，牛腩同蘿蔔。佢0的0野食都幾好味，而且幾新鮮。加一杯熱檬茶。飽晒。

尋日lunch在此解決,叫左淨4餸---冬菇,細細粒,幾鮮甜!齋(生根),較油膩,因吸晒d汁!芥蘭,份量挺多且幾嫩,不錯!白蘿蔔,十分入味鮮甜!$4一個total$16,算抵食啦!環境方面亦幾乾淨,冷氣也足夠.