波記咖啡 (Closed)

朋友介紹去,地方又光猛，又乾淨的熟食市場吃午餐，很多人叫蒸飯，特別是~梅菜肉餅飯，幾乎要打定電話俾老板預留，另外奶茶香滑，一飲便愛上了。平時對一般熟食中心/市場都印象麻麻，惟獨波記另我改觀

熟食街市來講佢嘅環境算係好好充足嘅空氣流通風扇地方乾淨枱面冇黐立立空間都好足夠佢出名手包蝦餃食得出嘅心機蝦餃皮算薄食落煙韌小小黏口餡料落咗半肥瘦豬肉食咗有少少豬肉筋同時證明係真材實料最重要係佢嘅蝦餃皮同蝦餃肉係融為一體完全係包實而唔會散開兩舊野平時茶樓經常出現呢個情況明顯師傅真係用適當嘅力手握過令到佢做到呢個效果仲即叫即蒸豉汁鳳爪方面分量多味道足色水自然火喉夠力夠時間軟骨可以輕易離骨亦不失雞皮彈牙底下花生新鮮叉燒包呢係以前茶樓嘅味道包質比較粗厚而且黏口餡料會搵到完整叉燒塊我諗呢樣平時都比較少見最大特色係你可以食住點心嘆奶茶鴛鴦正如之前食評所講佢咖啡冇咩特別而因為奶茶夠質素所以杯鴛鴦都算ok如最難得係身處呢個地方咁嘅價錢服務態度都唔差有求必應小冰少甜冇問題亦願意比我調配位置及推介嘢食不過鼻敏感嘅朋友要小心唔好坐正風口位我打咗好幾個乞嗤附近街邊街市好有feel執到正野仲有貓玩

Tagged along with a foodie to try this dimsum joint located in a cooked food market hidden in yaumatei.When you arrive, you will see lots of media and press cuttings at the entrance.Whether you are a fan of dimsum or not, it is a good experience and the place is quite clean.Everything is freshly made.Winter is the best time to try it as the place isn't too hot.

一黎到由於早，*3#996.無899咩人 大把位叫左隻糯米#啊工999#姐了，西M一就拎黎用筷子拆開試味發現無咩味道仲要系生米金立即刻同距講，距就話幫我蒸下距 ，十分鐘左右後拎番隻生米雞黎，一試點知米芯都系生既） / 凍奶茶 （凍奶茶確實唔錯茶香奶滑）/ 一籠蝦餃（睇得出真系手工蝦餃黎，但系餡蝦肉口感半爽半梅感覺好怪又系無咩味道）算埋單走人，啊姐見隻生雞無咩點郁過無收錢只收蝦餃同凍奶茶錢雞球大包同其他點心 有機會再試！

今日端午節🐲🐲食市周圍都好多人🤦🏼‍♂️🤦🏼‍♂️個人又想應下節 食返啲中式野一諗就想食點心 但係假日酒樓多人到爆😟😟突然諗起 tbb節目有晚介紹過油麻地一間波記有點心食 又唔駛係酒樓拎籌排幾個鐘周人逼就好興奮🙈🙈第一次黎到 可能係近工廠區條街都比較靜但係店內都好多人流 好在排左好快有得坐低😆燒賣蝦餃當然唔少得喇 即叫即蒸 手慢啲都無呢間出名即蒸腸粉 每日限量 想食多碟都賣哂 真係非一般嫩滑特別介紹黑椒牛仔骨蒸飯 好少地方有特食 味道香 加埋飯 真係好好味😋😋😋

說起波記，港島區的我知道兩間，一家吃鴨髀，易手後已少去，另一家吃小炒，還保住風味，這是第三間我知道的波記。論名氣，這裡大概也是排行第三吧。從新填地街的小街市進來，坐下沒人問你「飲咩茶」，因為這裡不是喝茶的地方，只是供應點心，要喝的就是點咖啡奶茶、檸茶檸水那些。不是常見的劃點心紙或者自助，這裡是看餐牌嗌點心，落了柯打店員自會把點心送來。嚐了幾款點心，蝦餃餡不錯的，餃皮狀態軟溶、缺乏韌性是其敗筆之處。也要了個滑雞盅飯，餸和飯量都比坊間的多，只可惜米飯較濕，也沒甚麼米香。這一餐的亮點是雞扎，裡面的一塊芋頭粉香又入味，很不錯。說到底，不是執意比較的話，這裡也算吃得過的，而且這種格局又合我心意。一提，這裡也同時是一個茶檔，鑊氣小炒粉麵飯那些也一應俱全，即叫即炒，味道就要吃過才知了。

大牌檔是用牌而不是排，因原意指港英政府給予特惠大相架牌照，授權經營街道边的食物檔。春天已到，可能史上最熱的炎夏會降臨，要懷舊，快步去。我選大牌檔（包括熟食中心），要坐得較舒適，亦不需久候的。中環陳泗記，水記較好，上環美輪街，尖沙咀德發牛肉丸，深水埔石硤尾街等較差。有蓋的，風扇勁的，光猛的，並且可與其他地點串連成懷舊之旅。首選是新填地街熟食市場。這裏是懷舊點心供應地，旁邊的紹興點心店與咖啡店一同經營。有雞球大包等老式點心。宜早上來，否則難保未售罄。九龍區食老店點心，此店是我首選。煎蛋牛肉飯份量大，老式風味。可選生蛋。咖啡是濃郁的，十分提神，少奶，不是即磨的。與茶餐廳的不同。我坐在起菜位置，細看厨師炒河粉。干炒牛河鑊氣是足夠，功夫則普通。牛肉不多，味道亦偏淡。開埠前，九龍最旺的地區是油麻地，此區保留很多百年風貌，更勝西環（開埠後才有華人移入）。除了露天街市，可看到很多老香港事物。在佐敦港鐵A出口，沿佐敦道轉入上海街行，看見昔日古物，如玻璃店明鏡。飲完茶後沿新填地街北行，至西貢街口，右邊遠處有單眼佬涼茶；再沿新填地街北行至甘肅街，有德興海味店。沿廟街北行，是當年華人聚集的市中心-榕樹頭，內有

電視台早前介紹呢間餐廳,  見到好似幾吸引,  地點位於新填地街熟食小販市場, 其實算幾隱蔽, 唔算太容易搵,  好彩其實原來係舊式冰廳麗香園斜對面...其實我估呢間波記咖啡同隔離的紹興點心應該係相同老闆吧?! 用同一個餐牌, 食物可互點,  一間食中式點心, 一間係奶茶咖啡, 茶餐多士之類...今次試左佢地的即拉牛肉腸粉($13), 等左8分鐘左右, 一奉上來真係望到都覺得正,  皮的厚薄適中, 但卻煙韌而唔糊口, 口感軟滑, 牛肉餡亦算多, 水準非常高!!蝦餃($21)亦係即叫即蒸, SIZE屬大大粒,  皮的薄餡料亦足, 唔會一夾就散,  絕不欺埸!!熱奶茶亦有水準, 最少夠熱, 茶香奶滑亦算平衡得到佢地自家有經驗的點心師傅坐陣,  我估為左控制質量,  所以點心選擇唔算多, 以大排檔來講價錢唔算平 ,但都屬於合理範圍...今次電視台果然冇介紹錯!!

之前睇左麥包個節目介紹呢度，今次年尾要去上海街果邊辦年貨，買嘢之前就兩個人黎呢度食個晏先!見到餐牌，有細細個同呀婆飲茶時叫既雞球大包，而家無咩地方仲有，即刻叫返個回憶食下先！熱辣辣既波記大包好似波咁大，好足料，最👍🏼之處係料多而不鬆散，而中間粒咸蛋有畫龍點睛之用，值得推介！不過建議要叫多d朋友一齊食，好大個😂之後叫左老闆娘推薦既蝦餃🦐，唔係酒樓果種皮薄到一夾就散，而係完隻蝦+有口感大蝦餃，推介👍🏼最好賣既滑齋腸賣哂，我地叫左牛腸。同蝦餃一樣，腸粉皮係好滑，但好堅挺，即證明新鮮而蒸得不過火候，而餡料更多到爆哂岀黎，無叫錯！😋飲茶必叫鳳爪！(其實想叫鳳爪排骨飯，不過個胃唔爭氣😩)水準之作，無花巧，唔係大酒樓果D橙色汁，d肉乸到梅哂既鳳爪解渴香濃奶茶🤗飲完茶又可同時飲到茶餐廳既奶茶！冰室既水準！不信可自己來試試平宜既價錢可以食到比大酒樓好食好多既點心，當老店比大集團迫到越黎越少時，座落新填地街呢個相對基層既地方大排擋，可以比我地重拾仿佛消失左既味道。食物既高質素，可見係呢間家庭式食肆用心做既成果，見到一間少少既大排擋，除樓面老闆娘一家人，仲有點心師父、水吧師父、整快餐姐姐等，可見係誠意之作，

我每天也會去吃早餐，每天也不同，我家人在那工作的， 雖然那裏好熱，但有另一番風味， 我加入每天也用不同的粉麵給我吃， 他們的點心也有另一番風味的，非常好味， 還有厚厚的人情味，極度推薦呀

試左夏天到大排檔，涼涼的風扇好通爽，沒有冷氣的房也很自在，好親切的落單亞姐們。先上凍啡就很大杯，底層的奶和啡已有層次，有泰國feel! 燒賣必定比一般酒樓的外形更豐滿、材料實在有口感。雞扎內有軟淋淋的芋頭，很合適老人家吃；多來份奶醬多也合水準；不忙帶走個雞球大包給親人，因此可以分享。罕有地道大排檔給我至在認識多一點香港街坊，正能量！波記，要讚！因為你夠平、靚、正！