泰興餅店

Open Now

Now Closed

今日放假，專登坐車入流浮山買零食，雖然好食，可以一次過食一樽，但係而家真係貴到有啲過分，早係年多前$100蚊3樽，而家已經加到130蚊3樽，記得以前一有時間就會入嚟買零食，但今次之後應該唔會再買了。重要好人當賊扮，我都算正正常常。

星期一到流浮山，當然到處逛逛買下海味買下手信啦。朋友推介這間，她話在之前見到在鋪頭整雞仔餅，行完個圈出嚟啱啱出爐，買嚟食非常正。這裏也有好多不同小食，有100文三包至四包，有啲就50文一包。見介紹標榜全是自家手制，睇落都頗為新鮮。我就買咗馬仔，20文八件，有原味及黑糖，我覺得都唔錯，口感軟脆，但稍甜。這裏的香蕉糕擺出嚟是招牌貨應該都不錯，但當天我們去到已全部售馨。朋友曾經試過這裏的齋燒鵝，有軟有硬，也試過一啲類似花生杏仁餅，她覺得大致都唔錯，故每次到來也會試不同小食。

同事去泰興買左皮蛋酥返黎，仲係原隻一個果種，一盒六隻拎起上手勁重。用上傳統包裝紙盒，無特別裝飾，印字仲係右讀向左架。一盒六件大大隻（$60/盒），外賣返到公司都無散開，個盒迫爆咁濟。我唔客氣啦～獨食一隻先。切開係咁樣，原隻皮蛋，啱哂愛皮蛋人仕，皮蛋雖然有啲硬，但好味喎，好有皮蛋味，哈哈。酥皮鬆軟，一層夾一層，酥皮加埋餅皮有口感，中間仲有一層糊狀物，似係蓮蓉黎，又香又滑，甜甜地幾正。似乎唔太食到有薑味？可能係因為呢款係原個皮蛋酥，小店仲有一款叫酸薑皮蛋酥，下次叫同事買個款試下先。

兒時不好海鮮，對流浮山印象大抵與孩子有點差別，不是即燒海鮮，反而是完隻皮蛋酥。母親這次遊訪流浮山，再三拜託她帶點酥餅回來。因有紙盒及母親的加倍保護，回家後的酥餅安然無恙，麻煩曬。原隻皮蛋酥$10： 渾圓的酥餅，個子看起來比一般的都要大，那是由於藏在油皮水皮下的是一整顆皮蛋來的。切下，一粒完整的皮蛋甫在酥皮裏，飄著一股皮蛋的咸香氣。咬一口，酥皮不油膩，但就欠缺了那令人又愛又恨的豬油酥香。 酥皮吃下較為死實，與心中所想的酥鬆略有點差距。至於皮蛋，咬下挺有彈性，唯皮蛋黃有點乾，不是那種半乾半溶的狀態，皮蛋酥另一靈魂必是咸豆蓉了，可能店家認為加入完整皮蛋成本已很高了，內裏的咸豆蓉是少得可憐的，整顆吃下有點兒酥皮還酥皮，皮蛋還皮蛋，口味不太均秤。除原隻皮蛋酥，泰興還有售子薑的那款$10，與原隻同價，個子較原隻皮蛋少，那是因為子薑皮蛋酥只有半隻皮蛋在內。子薑皮蛋酥$10: 咬下，子薑帶點酸酸辣辣的，雖然酥皮再度是欠缺點酥香，但內裏的咸豆蓉比原隻皮蛋酥多很多了，吃下咸中帶子薑的辛，綿綿腍腍的，配著硬中帶點脆彈的皮蛋來吃，口感和食味都好多了。我們經常追求大大份，認為大份才夠抵吃化算，但有時多的未必是最

家人知我今天入流浮山吃飯，已經幾千吩附要買的東西：皮蛋酥。$40半打，不算太平。但砌開後卻明白貴得有道理。除了他們也有得賣的出名皮蛋外，皮蛋酥不可能只靠皮蛋，也得靠酥皮和薑的份量相輔相成。子薑份量其實不重，薑味淡淡的。皮蛋也不是原個，只有半個吧，但味道卻實好吃。而最正斗是那個酥皮，雖然已經是隔了一天才吃，但仍然香口和鬆脆。底部並不怎樣燶，而賣相卻黃金色十分吸引。怪不得成了流浮山海鮮外的另一名產。

今日收到女友的手信，由流浮山帶來...初時以為帶海鮮回來，竟然帶了花生糖、香蕉糕、南乳蛋散花生糖...花生佔九成、糖佔一成，我不愛吃花生所以試了幾粒，都可以一吃，不太甜南乳蛋散...有南乳香，都幾油，間中食下香蕉糕...都好有蕉味，好多粒，忍不住口多吃了添....有機會都要踏足下流浮山.....

來開流浮山食海鮮, 一定會買皮蛋酥返出去食, 今次亦唔例外, 買左半打皮蛋酥($36), 其中3隻全皮蛋酥, 另外3隻則要子薑皮蛋酥(只有半隻皮蛋), 但如果散買則要$7一隻 我食左一隻子薑皮蛋酥, 咬落去唔算十分酥皮, 畢竟已是第二天早上, 裡面有白蓮蓉, 子薑碎再加上半隻皮蛋, 因為唔好多蓮蓉, 食落去唔會太甜, 而且有d碎的子薑混在其中, 酸酸甜甜d, 十分惹味, 因為得半隻皮蛋, 我相信無全皮蛋酥咁漏 皮蛋酥有透明膠片遮住, 但係老婆餅, 老公餅卻沒有, 好多烏蠅飛來飛去, 衛生麻麻, 所以都係買皮蛋酥穩陣d