泰芒了 (Closed)

好耐好耐之前見到有間專門賣芒果飲品店，見D人攞住大大杯，看見已經好正，同兩個friend一人整番杯先，睇下有無許留山水準先。我買的係泰多芒，都多芒果，食芒先，D芒果只有沉過糖水的死甜味，芒果香，甜，酸都欠奉，似食一夠又甜死的唔知咩果肉，一味得甜和腍，下面整cream唔好食又無厘頭，重有D芒果汁似糖水+人工味芒果，係凍，但無天然芒果味，擺明中伏! 友人的Oreo 芒果汁，同我感覺一樣，Oreo餅同D咁差芒果汁都唔㚒，另一友人杯紅豆芒果，又係芒果汁出事，一飲似糖漿，唉，D紅豆又唔好食，甜死左，加埋一切九唔撘八，唔怪得我睇番openrice 食評十個有八個都彈，D分店又執埋，同許留山，無得比呀。

做野經過觀塘廣場，入去睇下有咩好食。入到去見到呢間以芒果為題既飲料店。飲開“許x山”既我，見到間店都有幾多人幫襯，就買左杯仙草芒果試下，再加椰果，like facebk fanpage 可以免費加一樣配料。29蚊黎講，都幾貴，芒果都甜，仙草ok, 椰果都ok, 成杯野最特別係面頭加了whipping cream. 整體都唔錯，但真係貴左少少。

現在的工業區觀塘，給人直覺的第一個主要購物商場，通常都是主要幹道「觀塘道」旁邊，「創紀之城」第五期的大型商場「apm」了。但是在「apm」和「創紀之城」落成和出現之前，觀塘最多人認識的商場又會是誰？我想很有可能會是，觀塘「開源道」旁邊的商場「觀塘廣場」。觀塘本身是個工業區，而「開源道」則是「觀塘」工業區的主要汽車行人使用最多，最繁忙的道路之一。在「裕民坊」開始進行重建之後，「開源道」在「觀塘」經濟的重要性就變得更大。現在的「觀塘廣場」，勉強都有港鐵站安排其中一個小天橋出口，能夠直接到達「觀塘廣場」的二樓位置。又或者沿着行人天橋徒步走落「開源道」，你或許會發現到「觀塘廣場」的「地標」，「賽馬會」在觀塘的投注站。又或者從「觀塘廣場」在「開源道」地下入口進入，你或許會看一些格調比較平民化的小商舖，又或者一些小食店。例如今次我在食評想講的飲品小食店「泰芒了」，都屬於很「觀塘化」的街坊食店。顧名思義，「泰芒了」主要使用的食材，當然非泰國出產的新鮮芒果莫屬。無論是飲品還是甜品，「泰芒了」到處都充滿了泰國芒果的蹤影。儘管芒果本身是夏季當造的時令水果之一，但是泰國本身都屬於東南亞附近的熱帶地方之一，大

呢杯泰多茫，面頭粒粒芒果，底層有層厚cream,然後芒果汁係底下。芒果汁吾係好甜，cream加芒果，我朋友覺得幾好味，兩個人飲都幾夠，呢杯夏日的時候，都幾解暑。

由於我選擇了加大杯裝，所以呢杯野份量十分驚人，等於1.5杯大杯台式飲品咁多，基本上飲完食完一定飽。先講講佢嘅整體結構，最上面係四大塊厚切嘅芒果肉，新鮮香甜，食落啖啖肉又無渣，果肉包圍住中間係一堆芒果味嘅棉花冰，幼細易入口，飲落小小係一層傳統蛋糕嘅cream，順滑帶有微微甜味，最好就係撈埋下面嘅芒果汁一齊食，咁樣會冇咁膩。最後，芒果汁算係好甜，雖然當中飲得出唔係100%芒果鮮榨，但都算係原汁原味架啦。以一杯飲品或者一個甜品來講係好足料，如果係特別喜歡芒嘅人絕對值得一試。

經過觀塘廣場，看見許多人在一間店鋪前聚集，手上拿著一大杯芒果飲料，十分吸引，上前一看，原來是這間芒果飲料的新品牌--泰芒了。廚櫃內擺放著一個個新鮮芒果，比手掌還要大，令人垂涎欲滴。餐牌。店內有一大圖示介紹招牌泰芒了。看了這個，我也決定點一杯泰芒了，但我只點了中杯，因為大杯份量太驚人。泰芒了。外貌100分，所以期望太高，可能因為這樣，結果令人有點失望。泰芒了最上層是芒果牛奶綿綿冰，四大片芒果肉，中層夾著一層忌廉，底層是芒果汁，芒果汁標榜鮮榨，味道一般，沒有果肉粒，像喝較稀的芒果溶，敗筆在於中層的忌廉，個人十分不喜歡，芒果肉沒有很甜，綿綿冰普通。整體普普通通，29元，我大概試過就不會再來。

呢間野一開時成個facebook, instagram都好多人介紹，一開始係係太子個邊，但一直冇去飲過，但原來觀塘廣場已經開左分店，個日見甘熱就試下！見到大部分人叫泰芒了就決定試佢，點知。。。伏到一個點！🙄🙄🙄😡😡😡😡係佢係好大杯！但原全冇芒果味😌飲落係芒果水溝冰😟然後d cream撈落去真係勁奇怪！🙄唯一可取既係有6大塊芒果。。。最後飲到一半就放棄左😭😭😭😭可能太子會好味d既，但真係好失望😟

食晚飯特登唔叫特飲諗住食完飯過嚟買杯太芒了，點知佢話太芒了賣晒得返多芒了咁都殺啦。你到梗係要最大杯啦原來最大杯有成1000 mL食飽飯嘅我哋簡直係飽到飛起，見到白色嗰啲以為係椰漿原來係忌廉嚟嘅，所以就更加飽⋯⋯一路行到APM都飲唔到三份一，到APM都有好多人都飲住一杯大杯好似養魚咁😂😂芒果唔算嘅我個杯但係就唔夠香芒果沙冰味道唔假嘅，有啲淨係落芒果糖漿呢個就直頭有芒果茸，佢有忌廉好軟幾好味唔甜。如果佢可以出多一款椰漿加糯米飯就真係一流。

本來唔識哩間野，有次經過見大大杯個樣幾吸引，又有幾人排緊隊，心諗試得過啦應該，天時暑熱想飲凍野店鋪牆上廣告圖解話有哈蜜瓜，但一舊都無囉！全杯基本上都係芒果沙冰，好淡好淡，甜味似人工，許留山果d正好多......層cream超厚，好漏好難飲，建議換做雪糕$39哩杯野真係好伏，自己好唔鍾意嘥野，但兩人一齊盡力飲咗半杯堅頂唔順丢咗 -_-

經過觀塘廣場地下，見到間新開張嘅飲品店 叫做泰芒了。顧名思義，佢哋就專賣泰國芒果飲品嘅店舖。我哋見到啲芒果飲品好似幾大杯幾吸引喎，就一於試下，睇下佢同佢留山啲飲品有咩分別啦。叫咗杯泰芒了，佢有大杯裝同細杯裝揀，而大杯裝個size大過個細杯裝咁多，都係加9蚊，我哋緊係叫大杯裝喇。飲品出到嚟其實有啲失望，因為個賣相同個模型都有啲差距。 杯泰芒了分咗幾層，第一層就係有芒果肉同埋啲芒果綿綿冰，而第二層就係啲忌廉加埋有柚子肉。最後一層係啲芒果汁。其實之前都喺泰國食嗰啲泰國芒果都知其實唔會話好甜而略帶酸味。呢杯正正符合我哋預期。芒果肉有少少酸唔係好甜，當然啦各人有各人嘅喜好啦，我就較鍾意食好甜嗰啲芒果多啲。芒果食落唔似新鮮切出嚟 感覺上就色澤偏黃，可能係一早切定放係度。而綿綿冰呢真係唔夠綿呀，食落似係沙冰多啲，會食到一粒粒嘅冰，有點失望。 中間個層忌廉，其實真係唔係好需要，除咗甜之外根本就唔會食落肚，同埋又加咗啲柚子肉落去，但係我一啲都食唔出。好彩成分最多嘅芒果汁呢，係幾好味幾新鮮嘅，甜度剛好，唔會令到我哋失望。總括嚟講飲品有待改善。

男友介紹，話上次飲過好足料，特登帶我黎試。我就唔選擇咁大杯喇，要泰多芒。但其實仲有細分大杯裝同細杯裝架$39蚊價錢可以飲到咩質素?望下張相就知啦勁多芒果肉係面頭，好鮮甜，夏天飲杯真係好解暑。白色我一開始以為係椰汁，原來係有稠度的忌廉。忌廉唔會甜得過份，剛好，配合芒果肉，真係唔望唔知自己係飲緊呢杯泰多芒。有些少似食緊傳統芒果生日蛋糕咁 （傳統餅店個種蛋糕）！最底係以芒果+冰整的，我個人麻麻地呢層，飲落去的確好冰，但我嫌冰太多，即係水太多，飲落芒果味好淡。我覺得對我黎講，吸引力就一般，但它的份量足以飲飽個肚😂*如果正值女性月事唔適宜飲*

店面擺左好多芒果，menu都係以芒果為主。叫左一杯大size，結果拎既時候比想像中細杯，於是指住杯demo問呢杯係咪Jumbo size，店員話係大杯裝，先發現原來係店員搞錯左，如果唔係多口問都唔知。見佢主打芒果，滿心期待，點知一飲...冇芒果味，一飲就飲得出係加左好多糖水，連芒果肉都只有淡淡既芒果味...最後2個人飲左一半都已經唔想飲，因為飲落冇咩味但又好甜P.S. 本來以為白色既係椰汁，點知係cream，個人覺得好奇怪

之前見過某一家網上app 有送外賣，但買一杯嫌太貴無試到，咁啱今次要去觀塘工廠區買野時經過觀塘廣場有幸食到了😍去到見到都有幾個人排隊等，我就叫咗杯大嘅太芒了（$39），大概等八分鐘就攞得，都要時間等因爲即整一攞真係超誇張，有芒果肉兩塊，芒果蓉，忌廉，芒果汁，哈蜜瓜，唔記得重有咩，成杯野好甜，唔會酸，芒果肉唔知有無醃過因爲好甜好好味😆因份量好誇張，最好兩人share ，如果唔係叫杯細好了，細無記錯$29啫，但細就普通咗扼唔到like 囉 😂

行開觀塘廣場附近，見到有不少人拎住大大杯芒果飮，好不eye catching。係附近食完tea 再行到廣場入面見到呢間店便來試試，門口有幾個人排緊。由於女朋友仔唔想飲凍野，便要左大杯泰多了（$39），主要面係芒果粒，中間係cream，而底下就係芒果汁，試飲完同女友都覺得幾對版，幾好味，不過分唔到係咪鮮芒果汁。$39杯野飲唔算平，但係大熱天時飲落都幾消暑，夏天時會再試，另外杯野幾大杯，係條街都好引起路人目光。

揀左 泰芒了大1000ml $39 細500ml $29我呢個係大既上面既綿綿冰好有蘿蔔神啫喱既感覺有啲奶味 而佢下面既cream好甜溝埋一齊超正 怕肥都千奇唔好走cream精髓呀😋美中不足既係芒果唔夠甜 甜啲就prefect啦😍