津津好好味

Open Now

Now Closed

這家食店，無論堂食或外賣，全部用發泡膠碗。並將所有連湯的食物渣滓倒係一個黑色大垃圾膠袋，放在門前路旁上，黑膠袋多數被筷子篤穿，湯汁沿路邊漏出。可能呢啲情況好多食肆都有，但佢地全部放在正門。本人不會再光顧，希望店東會改善。

自從太子人龍外賣店「津津-好金之味」搬鋪，並改名為有堂食的「津津好好味」之後，小弟還是第一次幫襯，看看其水準是否保持。雖然多了一點點其他食物，但想也不用想，依然食舊店的兩大殺手鐧：類似紅油抄手的麻辣小雲吞及涼麵。一嘗之後，仍是覺得這兩款東西依然冇得彈，仍充滿四川風味也（但四川的麻會更勁）。儘管真正四川及重慶地區的抄手會更細粒，但香港人未必食慣。順帶一提，這裏賣的是純豬肉雲吞，想吃有蝦肉的廣東雲吞，還是去第二間店吧。整體來說，新店水準依舊保持，至少在九龍其小雲吞及涼麵仍是超群的。當然，地方淺窄，要坐得舒服的勸你還是別來。

坦白講，啲雲吞係唔係有咁好食就真係好見仁見智。對我嚟講，雲吞唔係咁囉！呢間嘢勝在係平，除此之外就無乜特別喇。想食辣嘢嘅人，可以一試。（我食譚仔特辣加辣，再加辣椒油都唔覺得辣嘅人）但我就覺得唔辣嘅，只係麻啫。

做了多年街邊小店，現在終於入了舖。雖然店家成本應該高了，但對食客也是好事，起碼夏天可以坐低涼住冷氣享受。新店在看似人流較多的長沙灣道上，但舊店可在十字路口的對岸， 遠遠看到一條人龍和一堆站在街邊在吃的人，感覺更真實，不過新店可清楚看到包餃的情況也不錯。今天要了中辣，但出來的效果好像大辣，相片出來的感覺更嚇人。辣油是下得有夠多的。但吃著卻肯定不是大辣，甚至好像比以前的中辣更溫和了一點。味道跟口感幸好是沒變，有機會到附近會再來支持一下。

平時久不久都會到舊店幫襯，有次經過見到搬鋪突然好失落，但細看貼在門口地止都是在附近，今天突然抽起條引就過黎揾新鋪地方好易揾，而且發現有堂食就十分興奮，因為唔洗在坐在街上吃著熱辣辣的雲吞價錢大慨比舊價都只是加了一蚊細碗雲吞$19有大中小辣選擇，通常我就小辣，被完錢就攞單，隨後會有人送上， 比較以前常skip了我的order, 這次感覺十分放心因下午時段人流不多， 很快就有小妹妹把熱辣辣的雲吞送上味道跟以往一樣，雲吞細細粒十分易入口，跟以往一樣都係會辣親口，每次都想數有多少粒，但總是食到一半就忘記了，但至少也有十粒最後我還外賣了冷麵走，現在他們多了大的冷麵$18 分量十足

呢間重慶小店搬左新舖，終於唔洗日曬雨淋企係條街到食，可以坐係入面慢慢嘆啦，全店依然同之前一樣只係賣三樣野，重慶涼麵、雲吞同兩樣既混合版，雲吞麵😂.重慶涼麵🌶🍜(小 $11)，鍾意食辣既我要左中辣😋呢到既涼麵係冇餸既，面頭有芫茜、蔥、花生、辣椒粉等，不過我唔食芫茜夾走左😂當然唔少得涼麵既靈魂，酸酸辣辣帶少少麻既醬汁👅麵質爽滑偏硬，正合我心意😎

繼續任務：半年時間覓食太子小店😆今次去了非常馳名既津津好好味 食雲呑加冷麵😍名不虛傳 真係好好味 且足料 一碗細雲吞（小辣，細碗）$19 細碗都有12粒手包鮮肉雲吞 即點即滾 堂食就最岩 保持雲吞熱辣辣 又吾會變淋 加上有大量配料芫茜 香蔥 辣椒 超香 惹味.而冷麵（細）$11 有係大量配料 加花生碎 及醬汁 酸酸甜甜 很開胃 最愛吃冷麵😂😂😂.$30 一個午餐 仲要好味 有質素 真的不容易找到呢😂 而且偽文青好好彩今日1pm 落去食 吾係太多人 10分鐘內就有得食啦🤗

未搬舖前幫襯過一次, 食過涼麵覺得幾好食, 今日又想行去買時發覺見關左門...勁驚已經執左笠...望清楚原來只係搬舖, 見都係附近就行埋過去啦! 行下行下發覺都有少少遠, 好彩去到發現原來有位坐添呀 真係太好. 叫左細涼麵(小辣)同埋細雲吞(小辣). 細涼麵(小辣): 小辣是預製的, 自己去雪櫃度拎就得, 涼麵麵質軟硬適中, 撈埋碗底酸酸地的醬汁食~涼浸浸, 清涼又開胃. 涼麵配料有芫茜, 蔥, 芝麻, 蒜頭碎粒, 辣椒粒和花生碎, 不過個碗有點細, 撈麵時都要小心翼翼, 否則就會跌啲配料出去了. 其實呢碗涼麵又唔算好特別, 不過就硬係令人想試完再食的.下次會挑戰大辣!細雲吞(小辣):這個雖然都一樣叫了小辣, 但湯底食落口就略嫌淡了少少, 唔夠惹味, 可能下次要食大辣先過癮. 不過雲吞是不錯的, 每粒細細地, 一口就吃下, 皮薄又滑, 餡料也不錯.  同埋叫細份量都已經有好多粒...好似有十幾粒了. 

喜歡 "津" 的雲吞，形狀細粒一啖一隻，內餡豐富，麻辣正宗，價錢錫住你個荷包。所以一想起食雲吞都會想"津", 各位網友看圖可能覺得賣相平平，但食完我就甩唔到身。記得星期日休息係無得食，非常好賣7,8點已經賣曬