津津好好味

Open Now

Now Closed

今次再黎,係因為上次試唔到個冷麵,而今次黎我都係晏既,所以冷麵都係賣晒, 不過唔緊要,我都係叫左個大雲吞,大既32蚊,細既21蚊。佢個湯底真係野味既, 可惜我只叫左微辣,因為眼友想試但佢唔食得辣,所以就一就佢,但我自己一定會叫中辣以上。雲吞係好簡單嘅餡料, 嚴格嚟講應該係得啲肉嘅啫,但係配埋個湯連埋好薄嘅皮真係好好食,如果有興趣個湯你仲會飲唔停添。因為入面有好多香料有芫茜有蒜有辣椒 , 不過我深信唔係人人鍾意但係就中曬我嘅口味。

今日約了朋友在太子吃東西，想找一間又平又吃得飽，於是就去了津津好好味！店內裝修很簡單，大約七張桌子，兩間非常窄的厠所，幸好不用去，否則可能沒有食慾。我叫了一碗小辣的雲吞麵，朋友就叫了碗普通雲吞麵，雖然雲吞比較小，但勝在份量多，最少有十粒！雲吞的味道一般，反而湯的配料很充足和夠辣，面的份量夠飽，我一邊吃就一邊流汗和流鼻水，真是辣得很過癮！其實很難在太子找到30元可以吃飽的飯餐，如果以性比價來說，這碗雲吞麵已經非常抵食！下次都會再來光顧！

由佢細鋪岩岩開張幫襯開一直都好好食老闆娘態度悟係笑曬咁但都叫做你要求咩佢就比咩你 已經叫做好好搬左入鋪位後都好少食 但最近轉左工等車位就係正鋪位前面所以都時不時食下當一餐再悟係都買支豆漿飲下今日去食 豆漿開左飲左兩啖 覺得有陣怪味（有啲似蔥味但臭既） 就咁聞都有同啲人講反 個婆婆行過黎聞 聞完話冇野好正常 我話我琴日我先買完黎飲 悟係呢隻味 咁轉反支比我啦個婆就問 係咪你碗野陣蔥味啊我都未開始食 就一野推反出去比佢叫佢望下 我兩碗都走曬蔥嫁！啊婆即刻冇聲出 個老闆娘就開始幫口係到話佢地啲豆漿日日新鮮既大佬啊 我真係琴日先似飲完多左陣味我會飲悟出咩？！換過支都悟肯 臭成咁要人點飲落去叫佢過黎聞多次又悟肯 淨係識企係到同我嘈話佢地啲豆漿冇問題依家食客反映反個問題比佢好似人地有錯仲死撐唉 我唯有同反佢講 同你地講有問題你仲要悟信就算啦下食到成肚氣 情願拿拿聲食曬去間離文具鋪買野飲都悟想再受氣咁樣做生意幾咁好食都留悟到熟客

好多年前由細鋪食到呢架大鋪細鋪個時就好鐘意食佢地既雲吞涼拌架啦到呢架轉左大鋪 就再去食過因為一直都念念不忘😚😚😚又唔記得相機食先😂😂😂唔知點解好似同以前有d分別咁好似唔夠辣咁不過我好鐘意食個大涼拌架雖然差左d 但係我都會照捧場架haha

這種外形小巧的雲吞曾經在大陸吃過，通常是搭配香辣的湯底，非常惹味，令人忍不住一粒接着一粒來吃。有一次在OpenRice搜尋美食的時候，發現了原來太子附近有一間售賣四川小雲吞的店舖，從此每次經過這裏的時候都會來嘗一嘗。一如以往，都是點小辣和大碗的小雲吞，但是辣味足夠，芫荽也十分香。看到很多食評都提及未到已經不及舊時，可能我未嘗試過舊時的味道，覺得已經很美味呢。這次來的時候時間較早，終於可以嘗試到涼麵。涼麵的芝麻香，而且辣味也夠，吃之前把面底的辣油攪拌好，很想再一次食呢！

『失望而回， 退步到離曬大譜！』呢兩句說話，絕對可以總結我今次再食嘅感想！呢間舖頭，係我搬嚟太子住六年嘅期間， 我不斷咁幫襯佢， 最高峰係一個月幫襯十次以上！ 原因係， 1佢非常平又好食，2 店內四個職員其實係一家人， 佢哋感覺非常親切。自從佢哋搬咗去大鋪之後， 頭半年都仲keep到個水準， 一開始仲好開心佢多咗款式揀， 同埋唔使下下都企喺街邊食， 因為始終咁大碗又熱又辣嘅雲吞， 企喺街邊， 留住鼻涕咁食真係幾狼狽！ 唯獨是'阿舅父' (佢哋係咁叫) 轉咗用打單pos機, 搞到收錢收得慢咗好多， 仲要成日有啲人插隊， 佢都唔搞清楚邊個嚟先嚟後， 所以每次搞到我買嘢都好忟憎！ 不過算啦， 佢煮得好食就唯有繼續幫襯啦！不過好景不常， 半年之後質素就持續下降， 除咗因為佢哋請咗店員幫手製作雲吞， 導致因為各人嘅手勢同分量不同。 企喺度煮雲吞嗰位老闆娘，落調味都越嚟越孤寒！啱啱最近今次食， 發現佢連煮雲吞嗰個湯底都變成咗清水！ 以前佢會加雞粉落去， 所以個湯係忌廉淡黃色， 依家直接用清水， 仲要冇咗以前不斷換走舊嘅湯注入新湯嘅手勢， 搞到啲雲吞皮冇以前咁爽滑分明！ 新嚟嘅阿姐包餃雖然大粒咗，

津津好好味，由依前既小店外賣食到依家有堂食，多左好多唔同既選擇。我最愛既始終都係雲吞，佢既調味好好食，而且有好多芫茜，所以好香！雲吞既size 岩岩好，雖然唔係鮮蝦雲吞，但配埋佢既湯底，又出奇地夾！但可惜依家個雲吞餡好似比以前退步左少少，肉無以前咁好食。希望會改善返啦！

我一向都中意食辣野, 又中意食雲吞水餃。公司係太子, 之前就畀我搵到呢間, 1次過可以滿足我2個願望細涼麵(左)呢度既涼麵有分大同細, 大嘅$20, 細嘅$12。我今次叫左個細既, 因為我仲想食雲吞涼麵可以揀唔同辣度, 唔辣BB辣到大辣都有, 可以跟返自己喜好揀。我就食小辣。麵質彈牙, 入面有花生碎, 惹味辣醬同醋, 面頭有芫茜, 個底仲有芽菜。撈勻佢再食, 真係好好味尤其係天條熱時候食更正, 因為佢真係涼浸浸, 冷麵來的!呢度必食之選細雲吞(右)呢度嘅淨雲吞都有分大同細。 大嘅有20粒($30), 細嘅有12粒($20)。因為我另叫左涼麵嘅關係, 我只係叫左細雲吞。辣度一樣有得揀, 我一樣叫左小辣。 而且我仲叫左加酸(姐係加醋)。個人認為加左酸變左酸辣, 好食DD雲吞係細細粒的, 雲吞皮好滑, 有蛋香。 餡料夠味, 都滑溜。我個人都幾喜歡, 我LUNCH周不時都會行過來食的

上年去太子突然發現其前身位於界限街的‘‘津津-好金の味’’關閉左，對其雲吞的思念可謂日益增長，終於機緣巧合之下，發現原來佢上年從細鋪搬大鋪，更改名為‘‘津津好好味’’，知道左之後即刻去新址一嘗。搬左去新鋪，地方寬敞舒適左，仲有得堂食添，唔洗好似舊址甘熱辣辣企係街立食。👍🏻-雖然環境舒服左，可惜食物水準嚴重下降〽️，係新址試完一次之後完全無辦法再做回頭客。👎🏻-當仲係舊址既時候，每逢去太子都必食，即使排長龍都要捧場，常列口袋名單之一。雲吞皮薄，餡料由豬肉再加木耳製成，每隻都細細粒，再加上混合醬汁，相當惹味，即使係細食既小妹食一碗大雲吞都無難道。-新址主力人手依舊，雲吞依家都可以Keep住皮薄，可惜餡料方面已經明顯變差左，同樣都係豬肉木耳，但採用豬肉既等級明顯下降左，好似用左D劣質死豬肉做餡，口感及味道都差左好多。另外混合醬汁方面輕手左好多，制成既湯底近乎無味道之餘更一D香味都無。 賣相雖同以前無大不同，但味道卻同以前相差十萬九千里，十分遜色。-好掛住係舊址以前立食時代既雲吞，別有一番風味！希望老闆可以做番以前既水準喇。

呢間雲吞店唔係第一次食,以前係太子,舊鋪好細,客人只可以外賣,但每次去至少都有5個人等緊,後尾知道老闆話轉大鋪,一路都無機會去食,今日同朋友講開,專登行多2個街口去食下！鋪頭望落係大左好多,大概有10幾20個位,但唔知係我錯覺定係真,覺得雲吞好似無咁大粒,叫左個大既都好似食唔飽咁,我平時食開大辣,雖然呢碗野望落真係通紅咁既色,但其實真心又唔係真係好辣,同埋唔知係咁我今次走左青,所以食落無以前咁香口野味,鋪頭雖然大左,大陸既遊客都多左,但希望下次可以食番以前既味道😥

剛剛上完堂路過津津好好味小店，😆門口排滿人😢由於我時間多😬所以我就排隊試一下😁雖然很長龍，但是我只拍了10分鐘就到我因為很多人食完就起身走了！這間小店選擇不多，主要是食雲吞，雲吞內的湯底有大量芫荽 ，蔥，辣油（可以自由選擇辣度，由於我討厭芫荽，所以我叫員工走芫荽😆另一樣是冷面，有少少花生碎和蔥在上面，可以加辣的，但是我不能吃太辣😅所以沒有加辣油

以前細鋪比現時大鋪好食十倍，我自己食開大辣會叫老闆娘大辣再加多dd辣俾我，但今日去到新鋪食完，成件事唔同哂，以前又辣又香又有人情味，而家真係搵唔返個陣味了；我朋友唔太食得辣，我俾朋友試食佢都食得到，我咁重口味就更加覺得唔辣啦！同埋都無左以前既香味，食落真係失哂色；加上態度仲差左，係因為轉左大鋪多人左做到無停手而態度差了嗎？

他們賣的東西種類很少，主打小餛飩及涼麵，外表雖然說是重慶口味，但是辣味是適合香港人的，食物滿是紅油，但其實如果你叫小辣，大部分香港人也能夠接受。他們的小餛飩外皮比較薄入面包有一些肉末，最喜歡是他們的湯，加了大量的蔥及芫荽，跟辣油吃起來，十分相配。涼麵的話我推介小辣味道，入面有大量的牙菜。 原味的話，那個醬汁會帶一點酸味，如果配少少辣味，酸味味道會比較平衡。這一間小店有洗手間。

時不時就會黎幫襯下，喜歡食辣既人，一定會上癮，之前介紹過比身邊朋友、家人，每一個食完到上癮了小店先比錢落單，後送食物，比較快手。小雲呑當中有芝麻，木耳，豬肉，超香！配上重慶風味湯底，滿滿芫荽！真係無敵！辣得過癮又香！肥腸麵-肥腸入味彈牙，到係充滿重慶風味！涼麵-超好食！

轉左新鋪之後，津津呢間野無咁好食了，同埋服務態度都無咁好，好似求求其其咁，以前好入味，而家真係好一般般，水準真係差左，而家收工好間中先會去買黎食下仍好懷念舊鋪既水準。