津津好好味

Open Now

Now Closed

識食呢間冷面純粹係同事介紹，有日lunch同事幫手買返黎，叫左個小冷面同小淨雲吞，食過一路都念念不忘，上次食小冷面份量唔係幾夠喉，所以今日自己買就買個大冷面，無加雲吞，上次嘅雲吞一碗食極都仲有，而且又熱又辣，食得好過癮。今日嘅大冷面無令小妹失望，用多種香料同醬汁，仲有花生碎增加咬口，面底唔會過稔或過硬，喺呢啲熱到傻嘅天氣，食一口涼面，甜甜酸酸辣辣好開胃，唔使餸都夠晒飽，呢間野真係好多人食，小妹企一陣就突然坐滿晒，唯一唔好係佢堂食都係用外賣碗，有小小唔環保

朋友係深水埗地膽，半年之前帶我去食一間辣雲吞，直到依家每次去到深水埗都必食的。我每一次都係同深水埗地膽去，所以一定會叫一碗辣雲吞share，而我就會搭多個肥腸麵。我最鐘意佢哋既雲吞皮，又薄又滑，一啖一粒，再加埋辣湯，夠曬層次👍🏼而腸麵既質感不錯，同辣湯既配搭一流，其實最重要係個湯底。以前小辣已經覺得辣，但食到依家已經接受到佢呢種特別既香辣感覺。不過我朋友每次都叫涼麵，但感覺份量小好多，所以我都無食過。聽佢同其他食客講佢哋既秘制醬汁就係涼麵既精髓。依家咁熱既天氣係好岩食的，但佢一到夏天就好快買曬，所以都係要食返個肥腸麵🤣

又一個星期四，收工要去太子上ukulele，上堂之前當然要去醫下肚子先啦，經過津津好好味，見到係小店門口排隊排到出門口，好似好正咁🤔 仲要叫自己做好好味🤷🏻‍♀️ 就決定試下呢間平民小店。平民小店無咩裝修可言，地方唔大，簡簡單單擺幾張枱俾人快食。津津係開放式廚房，好清楚可以見到烹調既過程，仲見到有個姐姐keep住包雲吞🤤小店既食物選擇都唔多，只有數款，我地咁岩坐左係收銀隔離，聽到排隊嗌野食既人黎黎去去多數都係揀個兩款 - 涼麵 & 雲呑麵。都有好多人係黎嗌外賣。叫左個小辣肥腸麵，肥腸布滿碗面🤤 見到就覺得正，肥腸鹵得都夠入味亦夠林唔錯，麵底好彈牙麵質十分有咬口，但又唔會硬，值得一讚。唯一美中不足係湯底無咩味，佢望落好有色但飲落只有少少辣味完全唔咸，似清湯加左少少辣。呢碗涼麵既賣相完全唔似好食，麵望落去又乾又白，本來對佢既期望都唔高，但叫左都唔可以嘥，就撈勻佢食，一咬落口麵質好彈牙，個汁係酸酸地既好開胃，有少少似泰式點生蝦個個汁，味道好好食，係好好食，真係好好食😍😋 重要事情講三次，食物真係不可以貌相🤣 仲要係$12一碗乍！性價比好高。黎到津津又點可以唔叫雲呑呢？叫左一碗細，都有12粒。雲

同事介紹的小店，位於太子附近的津津好好味。必食的涼麵，小辣麻又香，而且加上芽菜同花生，小辣的麻椒少d所以唔算太辣。食到底有d酸，似係醋，都幾開胃！風靡一時的不單止係涼麵，仲有雲呑 ! 小碗$20 大碗$30，夠抵食！小碗已經有超過10粒，雲呑細細粒，有家庭的感覺，餡料以豬肉為主，小辣未夠辣，愛辣之人下次可以挑戰更高層次皮薄餡靚！個湯都幾清！最後大涼麵和小雲呑，成為我今日的午餐。太正了！果然係屬於香港味道的小店！

之前因爲男朋友收工收得夜，趕到時，已經截單，無緣一試。今日難得有時間，就過去試下啦。避開左午飯時間，下午3點幾的確少人好多，計埋我都係3-4個人，但落完單無耐，野食都未齊，已經陸續有人黎，的確係客似雲來啊！因為第1次食嘅原因，安全起見都係由少辣開始啦涼麵（小碗）- 小辣面質唔錯，有口感，但醬料酸味過重，辣度屬於好BB階版嘅辣，食得辣少少嘅可以試中辣。黑豆漿，不太甜，好鐘意雲吞（小碗）- 小辣雲吞尺寸剛好可以一口一粒，但入邊d餡料味道真係.....無咩味，成碗野好淡，有d失望如果下次會再來的話，會再食涼麵（中辣）。

上次去津津買雲吞 要小辣的 因為人不多 外買就站在收銀前面等 之前食左好多次 都覺得味道可以 但這次發生左尷尬的場面 廚房是開放式的 我看著禿頭大叔在煮面 他一個哈欠沒掩面噴了一咀 口水同細菌噴入正在煮食的大鍋里面 收銀老板娘跟大叔看到我看到這場面 對著我說 不好意思 我眼角好似動畫片人物滴汗 。我沒說話俾錢走人 自此同屋企人講 不淮他們去津津買野食 。

一路都好中意食津津既雲吞，由佢地係街邊舖仔開始就已經經常幫襯，到現家入左舖後都有去幫襯！但佢地多數好早就賣完，所以有時放工後先去買都買唔到琴日難得男朋友早放工，特登去買外賣比我食，本身好期待架 因為好耐無食到我最愛既麻辣雲吞！買了一個細既淨雲吞，一個雲吞麵第一啖先試下個湯底。。E？淡味左咁多既？可能男朋友同我諗既一樣，我地對望左一眼，跟住即刻試下粒雲吞質地同味道都唔同哂。。好失望！之前既雲吞超好味架，肥肉比例較多，所以口感咬落去淋既，但今次完全唔係呢隻口感之前雲吞有一種只有係呢間先食到既味道，豬肉有小小芝麻香，但今次也是完全消失了。。我忍唔住問男友，係咪轉左人整？所以唔同哂？但男友說都係個兩公婆，無唔同人。。期望越大，失望越大！現家呢個味道 同我屋企樓下買既一樣。。已經唔係之前個種令人一定要番黎呢間食 其他地方食唔到既味道所以相信都唔會再幫襯了，失望，失水準！

老友記話依間雲吞抵食，辣野又岩我口味，佢就帶我試下大雲吞中辣中辣唔夠辣，湯底比較油，雲吞細細粒，一啖一粒，滿滿豬肉，味道較單調，但依個價錢都ok既大涼麵依個有驚喜，陳醋味濃，酸酸辣辣好開胃（其實辣度好低，我諗叫大辣都仲得）麵好掛汁，好食食完一個都唔係好夠喉經過附件有好幾間食同類型既野，下次可以試試比較一下

一間小店，由細舖開始幫襯到大舖，由立吞到雅座，其他食店可能已經加了幾倍價，或者偷工減料，難得係味道同份量都無變，要咩辣有咩辣，加醋又得，老闆又均真，未夠九點就賣晒云吞，老闆娘推介雜醬麵同肥腸麵，又同客人講肥腸其實唔肥，只係個名叫肥腸，都幾熱情，或者你必接受到，不過喺舖食真係另一風味。提提想食云吞嘅朋友，早到早著，遲咗真係無。

有d味道係有種心癮，成日都會想食，個種味就係辣味，難得朝早返兩個鐘，又過開旺角，個心癮又發作，點都落一落太子揾番個種味道可能仲早 得兩個女人做野， 真心佩服士頭婆，記性超好，而且可以一個打十個，我個意思緊係指做野方面啦另見到有新manu, 有肥腸麵喎，但呢個對我黎說都仲係早餐，所以都係例牌照舊冷麵$11細雲吞$19因為人不多，所以唔洗等好耐就有得食啦小辣對我黎講岩岩好，雲吞細細粒但好好肉地，水準keep到，亦都係我會返頭食既原因之一期待下次食佢地既新野

首先要大讚老闆很好人，阿姨有禮貌！由於有車有小朋友，為求方便我每次也是外賣生雲吞及涼麵(中辣)，舊舖新舖味道如一！小雲吞很滑很有肉味但不會咸，雖然內涵幾乎全是肉，但一點也不覺油膩！涼麵更是不得了，用的應該是油麵吧但不肯定，麵質qq不過淋，加上辣醬芫茜真係超好味，勁大一碗，足夠我食四餐。。味道，份量，價錢都貼地，物超所值！！讚讚讚！

幾年前食過一次,個時仲係細鋪~今次係搬鋪之後第一次食涼麵: 大涼麵同小涼麵 18蚊同11蚊,都仲係好抵涼麵同以前一樣,味道仲keep.得好好~麵唔會太硬或太軟.不錯重慶小雲吞: 28蚊20隻雲吞湯無以前禁夠味,如果要加味既話原來要係落單之前加定.(醋同豉油都係)不過雲吞皮都仲係好薄~同埋入面d料都仲係好好味總括黎講同以前細鋪個味道都好接近但佢地d態度就無以前禁好Tips: 如果要試既朋友記得先排隊買野食先.然後先搵位呀

津津由外賣小店已經一直支持，搬了大鋪後就首次幫襯。小雲吞皮薄出色，餡料有豬肉木耳，份量包得剛剛好。記得要用匙𡙡吃，每啖一隻雲吞連湯吃就最好味！我本身嗜辣的，但試過大辣或中辣覺得偏油，除非你不介意每口油，否則我建議你要小辣就好了。肥腸麵是新出品，肥腸處理得不錯、入味帶點爽口、但跟麵條搭不上，只屬一般，試過就好了。其實我想介紹涼麵，但我忘記拍照涼麵非常好吃、帶點香辣和酸味、有芫茜香、花生脆、最重要麵底鋪滿爽口銀芽，令涼麵添上不同口感，不單一。轉新鋪後，生意一樣好，品質維持著，但新請的姨姨態度令人吃不消，十問九唔應，改善一下吧！

服務差到爆 尤其個短髮嬸撞到你仲到'支支'聲 仲要念念有詞 我知唔休做 多人到爆 我都無要求多 仲要追單果時 悔氣態度 食物味道係ok既 雲吞好味 涼面都好正 價錢都貼地。管理方面有待改善

常常想黎，自搬店後不清楚位置，今日終有機，多謝愛人同我禿，介紹佢去一年一直無咁良機。從前有雲吞雲吞面涼面，三種好簡單，但已夠我食，現在多了幾款。。。辣度大中小從前我會點大辣，如今愛身體，只要了中辣。。。。加價後28的大雲吞 20隻雲吞細細隻，辣味有麻香，加了芫茜同芝麻，特別足料，皮薄但中間未夠熟透，煮多一會會更佳。大辣頂瓜瓜，豬肉肥瘦參半。雲吞面26新嚐試呀，熱食不錯，面係此店的涼面質地，幾入味，面份量也幾足。食後感：現在有坐位，食得更稱心，雖加價但還好相宜，正宗四川老闆娘的味道呀，連深圳珠海大6一帶也找不到。P.S.很開心今晚到點都未賣曬，幸好新店不用等好耐也有位坐，新店地方也幾新，但turnover高，個個都快食快走，別期望坐得舒服。