洪祖師 (Closed)

今晚喺上水上完堂，去左洪祖師食紅燒豬軟骨麵，女友叫麻醬手撕雞手工麵。手工麵似烏冬，幾煙靱。但女友嫌啲醬太肥。佢中意飲我碗麵啲湯多啲。我覺得碗麵幾香嘅，港式口味囉，我仲以為係台式。老實講，佢係香，但唔特別，佢啲湯係甜甜地，但我之後覺得好口渴。套餐飲品我叫左柑桔檸檬，女友叫薑母茶，我飲我嗰杯時居然覺得辣辣地，可能酸得滯。我無諗到一杯嘢飲都令我有辣嘅感覺，因為我比較怕辣，一向避食辣嘢，但有乜理由柑桔檸檬會令我有辣嘅感覺？真係唔明。

台南味道😋台灣。擔仔面 創始祖師主食-肉燥香菇撈米粉同肉燥豆腐米粉。肉燥氣味香 香蒜洋蔥🧅味煮落半肥瘦肉碎，古法熬製，肥肉部分入口即溶，所有野都好淋好好送米粉（飯）。小食-lunch set 半價優惠鹽酥雞 （炸得黎唔會熱氣到刮口）滷水雞翼 （係台式滷肉飯嘅滷水汁）飲品-跟餐附送台式奶茶🥤-普通奶茶一杯台式紅茶-走左甜同走左冰 試到茶底係小小苦澀然後回甘既唯一唔好係餐廳播播下台灣流行曲又轉播謝霆鋒陳年流行曲

今日經過這間小店，買左2個外賣返屋企食，我地叫左麻辣豆腐肉燥飯加津白配珍珠奶茶，麻辣茄子肉燥飯配青蘋果綠茶。外賣自取都唔算等得耐👍🏻店員都好有禮貌☺️返到屋企d野食仲熱辣辣。麻辣豆腐肉燥飯，麻辣唔算太辣，算易入口，麻麻香香好好味😍肉燥拌埋珍珠米飯，味道好夾😋豆腐仲係嫩嫩滑滑。麻辣茄子肉燥飯，茄子好入味，煮得岩岩好，唔會太腍。肉燥味較濃😆珍珠米食落好有咬口😍好正👍🏻青蘋果🍏綠茶飲落冰冰涼涼，青蘋果味都好香🤤珍珠奶茶係台式奶茶，珍珠食落好Q。

麻醬手撕雞撈麵!!!好正!!!!但雞絲就小左啲!!如果唔係都幾香!!一碗再加一個小食鹽酥雞，對女仔黎講已經好夠食另外牛雜三寶飯都唔錯!!夠哂大碟， 澛豆腐個面做得好好啊～好索汁野飲我叫左冬瓜茶!!!好貼心可以做常温啊～

🎾 #一粒波食好西平時行去上水多數都係食喇沙雞麵🐔呢次本來想去懲罰麵家山下😂但實在太多人想懲罰佢了😂去到已經賣哂🍜所以就去試下呢間台灣野👅-⚾ 紅燒牛肉麵 $68湯底都算幾濃，有小小辣😛牛肉好淋同埋好入味🐮整體唔錯👍🏻係啲麵稍嫌有少少唔夠彈牙🤪.⚾️台南原味肉燥飯 $50之前都冇食過台南既肉燥飯🤔比起一般滷肉飯偏甜🤡唔係我杯茶但味道都可以既😂如果滷肉再夠啲就好了科科.⚾️嘉義雞肉飯 $50又係之前冇試過想試下🤔但呢個就比較一般🤡調味冇咩特別，雞肉唔係特別滑又唔係特別柴😂就是很普通的雞肉and飯🤭.⚾️鹽酥豬扒麻醬拌麵(特餐C) $55呢個超推!!!先唔講佢塊豬扒超大塊🤪仲要炸得好脆，食落辣辣地好正😋個拌麵麻醬超香，係濃到會漿口😂啱哂重口味人士👅不過自己食就可能會有啲漏🤔.⚾️台式奶茶(少糖少冰加仙草凍) -跟餐不得不說佢既奶茶幾驚艷😮通常台式餐廳既野飲水準都一般，但呢度既奶茶茶味勁濃🍃茶味超香，佢係水吧煲茶成間餐廳都聞到🤤配料就一般般啦普通質素🤡 .⚾️雞肉麻醬熱拌麵 $58呢款又同特餐嗰個有啲唔同🤔個醬偏辣，麵係手工麵🤔個麵食落都okay彈牙，但個雞肉就有少少偏柴🐔都okay既但我鐘意特餐嗰個

本來諗著求求其其食啲嘢就返屋企休息，點知去到「某連鎖餐廳」食咗碗完全唔掂嘅牛肉麵之後，令到我們都即刻異口同聲咁話：「唔得啦！唔得啦！就算覺得飽都一定要去返嗰間洪祖師度食返碗正宗台灣牛肉麵先得呀！」行咗幾條街，終於嚟到喺上水馬會道嘅「洪祖師擔仔麵」喇，一坐低我們就即刻叫咗每人一碗他們嘅招牌紅燒牛肉麵嚟食，一嚟到我們就講話：「淨係個賣相已經值滿分喇！」我們首先飲咗啖湯，就覺得湯底嘅味道依然都係非常鮮甜香濃，肉質相當鬆化軟腍，因係採用新鮮牛肉，而唔係冷藏牛肉，所以牛肉味超芳香濃郁，至於麵我們就同以往一樣都係揀手工麵，麵嘅粗幼度啱啱好，唔會太粗或太幼，質感極之煙韌彈牙，真係好正呀！另外！店員向我們推介咗紅燒豬軟骨，因係用他們嘅獨門秘方去烹調，令到肉質極之鮮嫩鬆化，而最令我們覺得驚喜嘅係軟骨嘅質感，好似係食緊啫喱咁，而且入口即溶，真係超級正呀！係本人嘅超極力推介！總括：諗唔到隔咗咁耐無嚟，他們嘅食物出品都依舊保持到相當好嘅水準，真係回味無窮呀！

依間野開左咁耐都無去過，咁岩經過上水就去試下喇。招牌擔仔湯麵 +小食+野飲$69蚊，不過唔知係咪自己大意無睇到原來有收加一費。不過就有D失望，份量同味道都同預期有D出入。總括黎講都唔係難食 不過無諗過台灣野可以咁淡味，尤其係個炸豆腐，真係得少少喊味，而杯冬瓜水都係好一般。我唔算大食 但係食完都仲覺得肚餓。。唯一值得道讚下既係環境都算舒服，D坐位都算闊落，7點幾入座，可能時間仲早客人唔算多。總括不推薦此店。

見呢間小店好受歡迎，經常滿座，就搵日去呢度食lunch，點知一坐低，就要和別人搭枱，相當的擠迫，而且係傳統長木椅，即表示要和不相識的人一齊坐，坐得有點不舒服，亦唔敢講野太大聲。我地一行2個人都食左滷肉飯，滷肉飯嘅汁有點鹹，感覺用左好多味精，肉粒好少，我身旁的朋友仲話，咁就收我幾十蚊，一定賺到笑，仲有加半隻滷水蛋，味道都係認真一般般。我們還叫了珍珠奶茶，味道偏甜，而珍珠很軟身，咬口一般，不過分量都算大杯，不過不失啦！

這是一個新店在“食物共和國”！當我路過時，這家商店的女性工作人員非常熱情地推薦他們的套餐。 因此我停下來嘗試新的東西！套餐(熱葷手撕鷄麻醬手工麵伴油菜佐鹽酥雞小吃!)一個字"正!"收銀員強調他們的麵條是手工製作的。 它真的很柔軟有彈性!(如果你喜歡軟麵條，這是正確的選擇)我們通常在炎熱的夏天吃涼伴麵。他們有類似的東西但它熱葷的！驚喜!豐富美味的麻醬汁!鮮味蠔汁紹菜!最美味的是鹽酥雞小吃!鹽香酥脆!(如果你喜歡咸香，這是正確的選擇)也許它在訂購後炸，需要一定的時間等待！ 如果你不趕時間！但等一段時間吃一個熱脆的雞肉是很有價值的！"正!" ！

晚市去屋企附近搵野食，其實呢間洪祖師係上水都開左好耐，但一直都冇去過，因為覺得台灣菜黎講，係上水黎講，定價好似比較貴。今日同男友兩個人黎，由於我唔餓，主要係陪男友食，所以剩係嗌左一個人份量。麻醬肥牛撈手工麵$56首先麵量唔多，一個男仔係唔夠食，手工麵唔夠彈牙，同機打出黎差唔多，調味以味精為主，食唔到用老火湯或者肉汁熬出來的味道。肥牛的量不多不少，一啖肉兩啖麵就差不多食完。白蘿蔔$11成碗大概有7-8舊蘿蔔，蘿蔔有衣有根，所以食落有d痴牙，白蘿蔔本身就係一樣好索湯既食材，所以好入味，不過索既全部都係味精湯，味精湯仲有好濃既胡椒味。

本來同女朋友諗住去食潮興旺，泊低車後見到呢間台灣小店，於是試下新嘢。先睇餐牌，都幾多選擇，尤其係小食方面，價錢都算抵，我叫左個紅燒牛肉麵$68，女友叫左雞肉麻醬熱拌麵$58，呢個價錢仲跟杯台式飲品，另外可以半價加個小食，於是揀左鹽酥雞同滷牛筋。先上小食（唔記得影相），鹽酥雞即炸，個皮好脆，椒鹽都落得適宜，不過皮略嫌稍厚，肉都嫩嘅。👌🏻滷牛筋好腍、入味，加少少椰菜，唔錯。👍🏻主菜先上牛肉麵，呢度嘅麵係寫手工嘅，食落口好彈牙，應該真係手工製，湯底好濃郁，我女友話有台灣味。牛肉驟眼底以為好鞋，但食落係多汁，唔會靭，我欣賞佢有埋紅蘿蔔同菜，健康啲。😋女朋友叫嘅麻醬麵，佢揀左少辣，我地食過都覺得個麻醬好濃郁，配埋個麻辣味好夾，舖頭係有花過心思嘅，欣賞。🤤最後兩杯珍珠奶茶，叫左少甜走冰（飲左幾啖先記得影相），滿意佢真係有少甜，好多舖頭叫完少甜都係咁甜😂味道上夠奶味，有台灣嗰隻茶香味，珍珠正常，彈口，我地都滿意。全單$151，食咁多嘢有埋嘢飲，味道仲要幾好，我地都覺得有驚喜，大家可以一試。

同屋企人梨食 因為泊車地方近 又可以睇到車 所以簡左呢間梨食 但係呢間野都唔知點煮既 我叫左個茄子肉操麵 茄子皮硬 好似食石頭咁 個麵好似食緊油咁 我好小寫食評 今次都係第一次 無下次

阿女打完劍，今日試下d未食過既餐廳先。路過呢間餐廳，有個好熱誠既服務員介紹有d咩餐，好啦，就同阿女試試。招牌擔仔麵+士林排骨酥 $69 （另有飲品）個麵正正常常，湯底唔特別，食完亦唔會回味。排骨酥都ok, 好香脆，肉都算淋，又唔會太咸！紅燒豬軟骨湯麵阿女好肚餓，一口氣食左半碗，然後同我講「個麵麻麻地，肉有d “un” ，菜無乜未」。我又試下啦，阿女係無講錯既。好彩飲品係ok既，冬瓜茶偏甜，芒果綠茶正常甜度！晚餐價錢唔算貴，可惜味道真係好一般，都無動力下次再光顧！

今日初三想出去行下，無意中經過洪祖師擔仔麵門口，門口阿哥好會sell話，有飯有麵有米線，我笑左.如果叫粉、麵、飯 送杯嘢飲半價可以試下小食.如果肉燥飯果類，就可以跟一個小食加一杯嘢飲.我叫左牛筋牛肚手工麵，味道OK，牛筋夠淋牛肚夠爽，不過感覺份量就少左d.叫左兩個小食，鹽酥雞同埋酥炸排骨 味道好入味不過就份量真係太細，如果唔係半價or可以揀一真係講唔過去最後叫左一份香菇肉燥飯 個人感覺湯汁太多，如果可以干身小小就好啦

話說哩間台式餐廳開咗咁耐，都係隔幾個月先嚟食下地方寬敞，午飯時間唔算逼人，但，食品都唔特別出眾。相隔幾個月，好似換咗一班伙記(定係經營者都變埋?)今日心血來潮，行過入嚟食個台式午餐，冇統一嘅餐牌，有幾張餐目推介，麻醬拌麵應該係新嘢，點菜紙上仲未有。一上枱就聞到好重麻醬味。攪勻先慢慢享用麵質帶點煙韌，質地似上海白麵，cutting 係厚身3倍嘅廣東粗麵，哩個組合做拌麵好正。雞絲真係一絲絲的，都花咗點時間整散拌勻(無計，對食物嘅完美度有要求就會係咁)入口發現芝麻味好夠，而且仲有隱隱嘅麻辣味。加上哩個拌麵係熱上，食晒都唔覺膩。跟餐嘅冬瓜茶偏甜，台飲都係咁。哩個味道係會令我回味，但價錢上如果可以跟餐包多一小碟青菜🥦會更吸引