洪祖師 (Closed)

very tasty food, especially the rice with minced pork, noodle soup with minced pork and the shrimp cakes! the minced pork is very tasty! however, every time I eat here, I get really thirsty afterwards so i think it may have a lot of MSG in their food.nonetheless, the food always tastes great and they have great customer service!

星期日嘅上水，想食個快lunch，但周圍都係人，經過洪師祖見店員落力推介，又唔使等位，就中左入去....午餐menu嗌左個$48蚊嘅「冬菇素菜蝦湯麵（米線）」，照字面解讀，點都有三個餸，送到埋黎揾黎揾去，點解無蝦嘅？原來小妹識嘢少，呢個係蝦湯咋明白曬...無。下。次。

新工作實在好累好累，放工決定同朋友食下飯，一call下朋友二話不說由上環撘車入黎上水，哈哈，但其實唔知上水有咩食，咁唯有上開飯睇下啦，碌下碌下就搵到呢間台灣野，飲下珍奶都好，就食佢啦。珍珠奶茶＆薑母茶自己點左珍珠奶茶，茶味奶味都很稀，味道較淡，珍珠有點很硬，有點很淋煮到瀜左，好處係無糖真的完全不甜。朋友杯熱薑母茶很濃薑味，但非常甜…台南肉燥飯（$68）自己點左肉燥飯，有好多款不同口味選擇的，要左原味鹹鹹甜甜很對胃，而且好多汁好好撈飯，飯用上珍珠米，都幾好味。紅燒牛肉麵（$68）朋友要左牛肉麵，有四塊牛腩，偏瘦但都幾入味，麵條有咬口，湯底偏甜都ok嘅。士林排骨酥跟飯餐有一但小食送，要左排骨酥，炸得很香脆，都幾好味。要加一的店很大，坐位幾濶落，冷氣足，都幾好啦。餐牌：

服務差，食物質素好一般⋯叫了茄子肉燥飯，肉燥得啲汁，極少肉，仲要有都係肥肉，好似食齌汁撈飯⋯朋友叫了鐵路便當，感覺好差。勁少肉燥，得一pat辣醃菜，小小菜，一舊豆腐，完全唔掂！感覺好慳皮。最差係服務態度，帶眼鏡既哥哥黑口黑面，講野態度好差，唔好老脾！啲客好似去受罪咁，比得$5x - $8x 一個午餐，仲要等足三十分鐘先有野食，上水大把選擇，唔需要去呢度！！😡

之前試過食左一次牛肉麵，今日想食下台灣野，所以黎試多次。上次堂食，今次就外賣回家。佢有一個晚市套餐，可以叫粉/麵/飯一款再加多一個小食+飲品。上次食完牛肉麵，今次就食魯肉飯。魯肉都鋪滿飯的上面，但我個人鍾意多汁，所以我覺得可以多番少少汁，不過味道都正常，唔係好好味的感覺，但可以接受。小食我當然叫左雞翼啦，如果單點我就未必會叫，但套餐包埋的話都可以接受（如果多一隻我會更開心）利申：肥仔一名。味道唔夠入味，更入味會好食d。東瓜茶就淡口少少，我鍾意飲好甜架，所以我感覺一般。值錢都算公道，間中食下都可以接受。

之前食過大貢丸，雞蛋同肉燥飯 ，好好味 。 今日去，多左個menu ,就試左新出ge牛肉麵。 d配菜，紅蘿蔔都好入味 ! 個豆腐同豬大腸係冇得輸 ! d人勁nice 又玩得 ! 雖然遠d 但值得一試 !

本人對上水唔算太熟識。見到其他食評家話洪祖師好食，好有台灣既味道，所以今日決定一試。😊😊😊(期待mode)我們一行兩人叫左招牌菜擔仔麵🍜及肉燥飯🍛，另加飲品台式奶茶/冬瓜茶。朋友的肉燥飯賣相一般，加上我食左一啖後，它亦幫唔到自己平反，所以我無幫佢影到相🤪。大家請原諒我😂😂😂😂。 其實除左淨肉燥飯，洪祖師仲有豆腐肉燥飯，茄子肉燥飯等等...可能會好味d, 大家可以試下，試完話我知pls.而我個碗擔仔麵就彩色多d.擔仔面上的肉燥整得其實幾好味，同肉燥飯上面嗰d唔一樣。 擔仔面上面個d有香濃既蒜香味，我覺得好食d, 亦比較近似台灣口味，但都係台灣d local店最好味。 講完食物講野飲。 佢d野飲，真係好一般，好一般，好一般。重要野要講三次！冬瓜茶同台式奶茶味道都好淡，當d冰溶左之後再淡d更加唔好飲。 要飲，不如食完碗麵去貢茶買黎飲好過。

晚上十一點幾⋯仲未食晚餐今日同男朋友過來哩度食台灣野食⋯哩間野收好夜⋯最岩我地哩d夜媽媽仲未開餐的人⋯😆😆哩度服務生好好⋯即使好夜⋯還是十分熱情同有禮招呼客人我同男朋友都叫套餐～一款麵/飯+一款小食+一款飲品我叫左哩度出面既擔仔麵+辣鹽豬扒+蜜桃紅茶野食不過不失⋯麵就細碗左少少⋯但小食就好多～整體味道ok！而男朋友就叫左酸辣肉燥麵+鮮蝦卷+青萍果紅茶男朋友話個麵好好味～酸酸辣辣～岩晒佢好味⋯野飲普普通通！但食完好飽～價錢算好抵！！

屋企附近都有很多餐廳，但台灣食品就欠奉，好不容易找到一間，餐廳原來都大有來頭，原來是台灣空運食材來港，連做法也跟足台灣的，今晚就帶太太一試！我們叫了兩個餐，我點了招牌擔仔湯麵配鹽酥雞，招牌擔仔麵和我在台南吃過的味道竟然是一樣的！我最欣賞肉燥，汁很濃，肉燥也沒有肥豬肉，滷蛋也是好味道！至於湯底，充滿著肉燥味，但帶點咸。太太叫了豆腐肉燥撈麵，撈麵和湯麵不一樣，雖然麵質一樣，但湯麵始終比較淋身，連湯一起食用比較軟滑，但咸味重，撈都由於沒有湯，要混合豆腐肉燥一起食用，比較吃到食材的味道！鹽酥雞和鹽酥豬扒味道一樣，鹽酥雞就比較細粒，算是一口雞粒，食用比較方便，豬扒有骨，雖然皮煎得好香脆，但都比較肥，油都比較多，我覺得鹽酥雞比較好食！

由於早前嚟食過覺得超正同一試難忘，所以我們今晚特意再去上水馬會道嘅「洪祖師擔仔麵」食晚飯！我們叫咗茄子炒肉燥配珍珠米飯嘅茄子好軟滑，肉燥嘅味道調教得恰到好處，濃郁得嚟唔會過鹹，用嚟撈飯食真係一流呀！台式三杯鷄係將啲嫩滑嘅鷄肉切成粒，醬汁嘅味道相當惹味濃郁，而且帶啲甜味！至於豬腳三重奏同紅燒牛肉湯麵就同上次嚟食一樣咁正，可以一直保持水準，我們亦同上次一樣都將整碗湯飲到一滴不漏！除咗招牌必食嘅紅燒牛肉湯麵之外，我們當然要叫埋清燉牛肉湯麵嚟食啦，初頭以為清燉嘅味道會好淡，但飲第一啖湯就令到我們覺得非常驚喜，因湯底嘅味道超級鮮甜，白蘿蔔亦都係極之清甜，最好嘅係無渣㗎，可以令到我們諗起星爺周星馳喺電影「食神」裡面提及過「蘿蔔有渣就係失敗！」但呢度嘅蘿蔔係無渣嘅，所以係超成功嘅！牛肉嘅肉質係非常鬆化腍身，而且相當厚身，令到口感好豐富，啱晒一向鍾意食厚切嘅我們，真係超正呀！亦都係我們另一個必食推介！

上次跟朋友吃過一次，還記得味道不錯，晚餐set份量挺多的，三個女生去吃，每人一個set會吃淨少許小食今次行完山再來一次，麵質好咬，味道夠濃服務員也挺友善及風趣。

由於之前好幾次搭車經過見到喺上水馬會道嘅「洪祖師擔仔麵」一直都好想嚟食，今日終於可以抽到時間嚟食個下午茶！我們叫咗紅燒牛肉麵嘅牛肉嘅肉質非常鬆軟腍身，牛肉味好香濃，麵質亦相當煙韌彈牙，至於湯底聽店員話係用他們嘅獨門秘方去餚製，味道係極之鮮甜同芳香濃郁，所以我們就飲到一滴都無淨，真係超正呀！豬腳三重奏嘅豬腳燜得好腍好入味，質感非常煙韌軟滑，而且係汆過水，所以完全無好油膩嘅感覺，至於肉質就好鬆軟，唔會「硬實實」，豬皮嘅質感相當煙韌彈牙，而且有好豐富嘅骨膠原，再夾埋舖底嘅椰菜一齊食，感覺好清新，一啲膩或滯嘅感覺都無，真係超正呀！不愧可以得到雜誌「最回味食府金奬」！珍珠奶茶嘅茶味好香濃，珍珠嘅質感亦好煙煙韌韌！青蘋果椰果嘅青蘋果味道好清甜芳香，而椰果嘅味道就比較甜！

呢度有套餐湯米,麵,拌麵,飯~配小食同飲品！價錢大約$5x-$70麻醬熱拌麵$58拌麵頗大碗,麻醬同麵一樣熱辣辣,麻醬唔會一舊舊好難撈,又唔會太水汪汪,最驚喜竟然是麻辣味,想不到麻辣配麻醬是如此美味,不是很辣,微微的麻,呢個加入麻辣的麻醬拌麵無咁寡口,味道層次豐富,底下仲有好多芽菜小食:鹽酥雞即叫即炸,炸得不油膩亦不會過乾,外層脆口仍能保持肉汁,調味粉不過咸~很惹味紅燒牛肉麵$68(套餐無小食)4舊大牛肉,半根半肉,有咬口又很嫩,紅燒牛肉汁辣湯好夠味,軟稔既紅蘿蔔吸哂湯汁一樣美味珍珠奶茶茶味幾好,珍珠唔多但粒粒煙韌青蘋果綠茶少糖剛好多數飲品有得簡熱,凍,小冰,小糖,走糖,系落單紙就可以畫底哂,方便!!

由於屋企人話上水舊墟果邊有好多野食，所以係無做功課既情況下去上水覓食😂點知...發覺上水選擇有唔少，日式、西式、港式打邊爐都有好多間，不過budget既關係😐結果就黎左呢間價錢好親民的食肆🙊 套餐一個麵、小食、連特色飲品都只係$55-$68招牌擔仔麵 ($68)樣子同想像中有出入，無花生味，味道普通。滷蛋無滷到入味，只有色。😐台南原味肉燥撈麵 ($65)賣相OK啦，聞落都算香，不過食落就淡味啲，唔夠鹹豬肉偏肥，似係滷過既腩肉，滷到軟爛，其實味道唔錯，就係衰在調味差左少少。🙄椒鹽豆腐 外層只有超薄既粉漿，內裡豆腐好滑好香，不過椒鹽灑得唔均勻，無椒鹽灑到果啲只有豆腐味😑西林排骨酥呢個唔錯，夠淋有少少肉汁，配上台式食品專用既調粉，好食鹽酥雞 ($18)炸得香脆，雞肉厚質唔算鞋，可以接受，而且無雞腥味香濃朱古力&珍珠奶茶朱古力唔夠濃，即使係岩岩送上枱即飲都唔夠濃，放耐左更加唔駛講🤐

自從搬出去住，很耐都無星期六到上水吃午飯。在上水食午飯找好餐廳不容易，唔想食廣成咁例牌，於是去馬會道看看，見呢間野幾大間，裝修ok就入去試試。叫了一個快餐，一個擔仔面。$53擔仔面味道正常既，唔難食囉。小食配雞扒，拎個豉油碟咁上下size黎裝，份量大概係34件麥樂雞既大細。$43快餐有豬軟骨飯同咖哩牛腩飯。食了咖哩牛腩飯。上枱時我以爲自己order左咖喱肉燥飯，牛腩見唔到，牛肉碎就有幾粒，好似肉燥咁上下大。食左幾啖無食。無影相了，因為筆了兩更牛腩碎已筆哂。呢個快餐學生價$39，我正價都咁樣，奉勸學生唔好去食，食了營養不良。